隱町 (花園街) (已搬遷) 新店位置

讚1. 菜式係好既，沙律切得整齊，醬汁均勻，串燒雞皮、肝、雞肉棒、飯糰都做得出色，雞皮疊得好，脆得黎有油香，雞肉棒好香口，飯糰燒得好，外脆內濕又唔會散修修，野食好2. 抽油煙做得好，唔會成身味彈1. 清酒要進步，侍應基本上無講解，點左house sake都唔知係乜黎；而且得一款清酒可以以一合計算，以一間清酒吧黎講係太太太太少；店員解釋亦唔夠，比左$480叫支720清酒，起碼都講解下支酒係乜野特色丫，要我自己睇又怪左啲2. 倒酒既德利，係已經爛左既😑

呢晚朋友帶我去太子巷仔入面嘅一間串燒店食晚飯，佢食過話幾正。我一開始去到仲以為餐廳無開，原來係出面嗰間泰國嘢無營業姐🤣。其實都有大大個燈箱寫住「隱町」加個箭咀嘅。居酒屋好細間，一眼睇哂，廚房佔一半，另外再有Bar枱同兩三張二人枱，但裝修真係幾和風下，唔錯🏮。不過冷氣比較勁，可能要吹散啲油煙吧，始終廚房係半開放式。店員好細心😙，一坐低後就比個籃我哋放袋，仲簡單介紹下餐廳有乜食。佢話呢到嘅雞肉串燒最為出名，因為全部都採用咗德島縣阿波尾雞🐔。廚師精選沙律🥗($58)，今日係豆腐沙律，份量多之餘，個組合仲幾夾，有車厘茄、木魚同豆腐，食完即刻開胃。炸池魚BB🐟($58)，呢個係是日精選，店員話魚仔係經飛機運到㗎✈️，魚仔炸得好脆口呀，點埋旁邊嘅沙律(蛋白?)醬食，好正。成碟有成十幾條，唔會唔夠喉。我哋要咗三款雞肉串燒Yakitori🐓，左中右分別係雞翼($28)、鹽燒雞肉串($38)同雞心($30)。燒雞翼我鍾意食～，原來係雞全翼嚟㗎，好好肉。雞肉串就不過不失啦。至於雞心，我係第一次食，都比想像中易入口，但建議要襯熱食。跟住係雞軟骨($22)同白鱔($58)，🦴呢到嘅雞軟骨有誠意喎，同平日唔同，比

有時自己一個人想豐富一點視野感受，現點製作即食享受的確幾寫意，兩三一口秒殺一系列燒物食慾大增，瞬間滿足令人大愛簡單藏身於小巷之中細細空間區分，別緻裝潢氛圍有種藏於秘室之中，廚師在半開放的廚房工序過程中炮製口感QQ非常涮嘴「廚師沙律 $58」清脆爽口開胃混上新鮮時令野菜，酸甜透心非常滿足「芝士年糕」紮實鬆化無比外酥內軟，澎湃飽滿芝士陣陣交織微微金黄色澤，温和口感食落不腻口湧出的滋味倍感有層次「燒汁和牛粒/豚肉五花腩/青葡萄豚肉卷/牛油燒粟米」絕配組合半肥瘦增添肥美度，而且燒得細味多汁兼美味恰到剛好，配上凸凹牛油夠香粟米飽足感充當滋味「汁燒雞肉/雞心/雞肝/雞頸肉」展示雞的部位之餘原來由陌生變出多樣化，輕盈乾脆咀嚼口感絕不手軟，味道合拍是一道很配的單點新滋味

旺角鬧市中的隱世秘店，位處於後街窄巷，充滿日本隱蔽居酒屋的感覺。一打開店門，瞬間香氣撲鼻，一陣陣燒烤的香氣直撲而來，日式地道裝潢，簡單而不失風味，再加上店員服務非常殷勤，大廚亦會親切地和食客交流，安排最適合的食物，為食客提供難忘的餐飲體驗。基本上在這裡所有雞的部位都能夠吃到，而且經過悉心設計，會以不同的面貌及配搭呈現，每一口精緻的美味都包含誠意，新鮮感十足。個人最難忘的一道菜是以青葡萄搭配*肉類*，葡萄汁中和了肉類的油膩感，兩者配搭得天衣無縫，帶來意想不到的味覺驚喜，叫人回味無窮。疫情持續，不能外遊，那就唯有多光顧一下難得的日式好店。

呢排係屋企睇的日劇多好想食日式串燒，於是今日就約咗朋友去咗太子搵食，搵到間叫隱町既日式居酒屋🏮。店舖唔係好大，啱哂同朋友傾下計飲住清酒食串燒，被安排坐係bar枱可以睇住師傅燒，我地叫咗8樣嘢：一個沙律同七串串燒。值得介紹既首先係澳洲M5和牛牛小排，佢雖然無入口即融個個感覺，但有好重既牛味。另外係青葡萄豚肉卷，無諗過青葡萄同肉會咁夾，燒過既青提子無咗個種酸味，反而甜咗仲解咗肉類個種油膩感，下次去會再叫黎食😋。再嚟係白膳，本身唔太鍾意食膳，但職員推介所以叫咗嚟試吓，真係有驚喜，個白膳燒完個皮脆卜卜仲有好fresh既檸檬汁，值得一試。每次有串燒上，師傅都會介紹返個串串燒可以配咩清酒，坐bar 枱嘅好處！環境同服務唔錯，亦都算抵食，下次想同朋友傾計又搵到新地方😁

「町」在日語中解作區域餐廳叫得做「隱町」 顧名思義就在太子一個隱蔽的地方走過小巷去到門口 即刻有種點對題的感覺.牛油果沙律🥑🥗勁多牛油果 食到底都有I’m loving it!沙津醋味道較得好開胃 酸酸甜甜.🍢汁燒雞肉蔥串全店雞食品專用阿波尾雞 來自日本德島縣名物脂肪含量少 但味道濃郁 而且嫩滑多汁.🍢雞頸肉豬頸肉就食得多 無諗過雞頸肉原來咁好食呢個部分係經常轉動既部位所以肉質更具彈性 更有嚼勁.🍢雞胸脆骨呢道其實係日本串燒店中常見的下酒菜比平時的雞軟骨更爽脆.🍢鹽燒豬肋條好冧 一d都唔韌 鹽燒已經夠味.🍢炸池魚BB🐟有少少似多春魚 但口感無咁多春 反而甘香酥脆.🍢螢光魷魚🦑 作為佐酒小食 細細粒魷魚仔令人過足口癮.🍢牛油燒粟米🌽 簡簡單單 但好香牛油香🧈 粒粒爽甜.🍢燒飯團🍙 爽雜住日式飯素的飯團面頭燒到脆卜卜入面煙煙韌韌 有層次.雖然店子小小 但感覺更親切小店無論樓面還是廚師 都誠意十足十分十分有禮貌 帶住笑容招呼客人無論串燒還是清酒🍶 都細心介紹

今次來到呢間係巷仔入面嘅串燒店，隱世嘅感覺酷似一間我好喜愛嘅元朗串燒店，當然要入去一探究竟！一入到去店員有為我地提供消毒搓手液幫我地噴左一噴，好貼心！其後再跟我們娓娓道來店鋪和菜式嘅介紹，原來此店主打阿波尾雞肉串燒，另外更有牛肉豚肉串燒，種類都頗豐富。首先點左個豆腐沙律，沙律都幾大份，麻醬配豆腐永遠唔會差，仲有好多沙律菜先開開胃。開食串燒時間！第一次係鹽燒雞肉串，燒到雞皮至脆卜卜，雞皮又夠嫩同多汁，真係有質素嘅雞肉串！佢地仲有好多有特色嘅雞串燒，好似係雞尾、雞胸脆骨等等。雞尾呈橢圓形、脂肪較多，咬落去有少少爆汁嘅感覺，好邪惡！雞胸脆骨係有啲雞胸肉連住脆骨一齊嘅概念，幾脆口。平時鐘意食雞軟骨嘅人會喜歡！雞頸肉調味好入味好香。白鱔燒得皮好脆，一咬肉汁都幾多，肉質有彈性！味噌黑毛豚肉五花腩豚肉沾滿味噌醬，燒到外面有啲焦脆，食落好飽嘴！青葡萄豚肉卷超有驚喜嘅一品，豚肉片包裹住圓圓嘅青葡萄粒，一咬入去葡萄嘅甜味同肉汁就隨之散出，令人好驚喜嘅一道。阿波尾雞翼外皮好脆，將肉汁鎖住晒係裡面，一咬食到好嫩嘅雞肉。最後加點一項—免治雞肉棒配日本初生蛋必食之一，雞肉棒蘸蛋液係無得輸～雞肉味道剛剛好，完美嘅e

🔎 太子花園街239號嘉慶苑地下C號舖*📍 隱町.精選廚師沙律($58)特別要讚下佢哋個醋汁,呢個沙律作為前菜好清新,食完好似回啟咗個味蕾一樣,好開胃.汁燒雞肉蔥串($38)嫩雞肉嘅口感,加埋蔥係到更加惹味.而且個汁好入味,所以唔錯.青葡萄豚肉卷($28)呢個係我超級大推.可能其他串燒都係其他店可以食到,但呢款青葡萄豚肉卷暫時我未見過其他串燒店/居酒屋有.本身我幾鍾意食青提,所以覺得佢呢個mix and match幾唔錯.燒汁和牛粒($120)幾有口感,味道都幾夠.價錢感覺略貴.白鱔($58)朋友平日都唔多食鱔.但今日佢都出奇地話唔錯.可能又唔腥,肉質都唔錯.日式炸雞($58)超級熱嘅炸雞,炸得好香口,一定要趁熱食.都算大份,呢個價錢我覺得性價比幾高.雞胸脆骨($28)平日好少留意呢部份,今日覺得又幾好味.可以好有咬口,大家都可以試下.雞頸肉($32)亦係非常特別嘅串燒,充滿創意.肉質食落亦都非常彈性.味道剛好.

今晚朋友介绍間在鬧市中隱世專食串燒居酒屋，位於太子花園街239号，嘉慶苑地下C号舖，吾系朋友一同前往，間鋪真系吾起眼。店舖內座位不多，但氣氛也很熱鬧，大多數上班一族，放工一同嘆吓串燒飲吓清酒，大家放鬆心情吹水，一樂也😍                               同朋友坐低先選左，精選厨師沙律配牛肉，沙律野菜新鲜，牛肉嫩滑，沙律汁帶有果香酸甜，醒神開胃，做前菜超正 👍廚師介款串燒給我哋品嘗，首先來個手羽先，雞翼夠大隻，外脆内嫰滑 味噌豚肉五花腩，猪肥瘦均匀，咬落好有油脂香味。日本青椒仔，细细隻好Q，食落吾辣但好有椒味，我喜歡😘再來一份鹽燒雞肉串（店員話雞系日本德島縣）雞肉燒到外皮脆卜卜，雞肉嫩滑多汁，燒完仲保持好香油脂。而雞胸脆骨，其它串燒店好小有，在這裹第一次品嘗，雞胸脆骨食落爽脆有咬口，同平時食雞軟骨略為不同，脆骨好特別，直得一試✌到雞尾我重來吾会食，但廚師推介比我哋要試吓，香港不算太多地方有，食落就發覺原來雞尾都幾好食，又香脆，雞皮包著充滿油脂香味又彈性，原來雞尾都甘好食，驚喜。 燒汁和牛粒，入口濃郁，好有牛肉味😊最後就系炸池魚BB，小魚仔炸得好脆口加它它酱一齊食

而家有一晚行完花墟就去咗呢一間不起眼嘅串燒店叫做人釘入到去一座位唔多所以肥雞就揀咗吧檯坐陣先肥雞嗌咗個燒大蝦先消到好香脆嘅香口配埋龍嘅蝦味簡直成績哈都可以連殼食再嗌咗個炸雞飯嗰啲炸雞塊呢一啲都唔油啖啖肉非常之正仲有佢嘅燃燒牛舌同埋雞皮呢樣嘢肥雞又係好鍾意因為食落去唔係一啲平時食開肉嘅口感而係一種由香撲鼻嘅感覺仲有一啲燒年糕呀燒雞肉串呀燒牛肉串呢一啲大路嘢其實食呢一間嘢唔係食佢嘅肉質幾好反而係食去控制火喉

絕對係一個非常隱蔽的位置，小巷入面位置唔多，bar枱9個，2張2人枱，要食真係要訂位。我地好好彩冇訂岩岩有2個位，坐bar枱睇住師傅燒，燒完俾你食，不過師傅個樣有d兇😂食襯居酒屋我都鐘意叫熱Sake加生啤，好正！呢到食物質素都幾高，樣樣都好好食，最值得推介既有燒鱔-好juicy,味道剛剛好燒飯團-外脆內軟蒜香牛肉蔥卷- 牛肉包住滿滿既蔥，口感豐富芝士年糕- 芝士流心溶化係口，唔係飽好會食哂2舊。燒粟米- 牛油味好重，爽甜

.香港食串燒唔算話好多如果要搵一間好有日本feel既串燒真係難上加難上星期朋友同我去到訪左一間好有feel既隱世居酒屋🏮非常隱蔽 係後巷入面 不過真係好有feel!!!而且食完我地都大讚cp值好高如果喜歡清酒既朋友就一定要黎因為店員會介紹咩串燒配咩清酒架😍.一開始先黎一個廚師沙律平時麻麻地沙律既我竟然食曬豆腐 蕃茄仔 沙律菜 木魚 麻醬全部mix埋超好食! 好夠味道.青葡萄豚肉卷同雞尾 雞頸肉係我最愛！咸咸地又惹味既豚肉包住香甜葡萄🍇咬落超juicy 無諗過會咁夾！雞尾即係七里香 好香又燒得唔會太乾 肉汁👍🏻雞頸肉彈牙嫩滑 呢個係廚師推介亦係必食之選。.朋友就好中意免治雞肉棒呢個係日本居酒屋既signature Mix勻初生日本雞蛋再點黎食醬油加蛋汁 好實在 好match 唔會太咸呢~.今次無飲到sake , 下次一定要試下❤️

朋友話呢排悶悶地，想出嚟食飯並吹吹水，咁我地就相約去哩間主打食日式串燒的居酒屋「隱町」店的位置唔當眼，係小巷入面，好容易走漏眼，店内坐位唔多，但抽風系統唔錯，唔會太油煙哩度有好多日本清酒，店員姐姐話，呢排有個清酒放題，一個價錢，可以品嘗凍櫃內所有清酒店員姐姐推介哩度的雞、牛雞係日本品種，牛主要來源係西班牙/澳洲精選廚師沙律（牛），沙律菜好新鮮，撈上沙律醋，酸酸哋，好醒胃雞胸脆骨，雞胸中間嘅三角軟骨，好香好脆口鹽燒雞肉串，肉質嫩滑，仲好juicy雞尾，估唔到咁好食，冇雞尾嘅騷味，入口幾軟滑，唔會好油膩雞翼，嫩滑香口燒汁和牛粒，牛味濃，肉嫩日本青椒仔，細細隻，但青椒味好重好香味噌豚肉五花腩，肥瘦均勻，肉質有彈性炸池魚bb，好香口，送酒一流總體而言，食物質素幾高，同時師傅係控制燒烤的時間亦拿捏得準，令每串串燒都外脆內juicy

朋友話好耐無食過串燒，一於陪佢食想食既野，上網見到呢間日式串燒幾OK就決定一試。除左店名有隱字外，隱町既位置都真係幾隱蔽，係花園街轉入的一個小巷之中。廚師精選沙律 $58黑毛豬充滿甘香、油香、果仁味道，配埋沙律汁酸甜，清新又開胃。雞尾 $30雖然外層都係雞皮，但食落卻一點不油膩。雞腎 $28串燒中雞腎一向都係其中一樣較受歡迎，而呢度既雞腎同平時食開都有分別，肉厚比較彈牙。鹽燒雞肉串 $38雞肉嫩滑，明顯食到雞味，口感有彈性。汁燒和牛柳粒 $48牛肉味濃，肉質嫩滑，口感多汁唔會乾。青葡萄豚肉卷 $28好有特色既串燒，今晚最愛，豚肉包住清甜既香印提子，意外地同咸香既豚肉十分夾，好味。雞頸肉 $32雞頸肉都係比較少眾既，但用試日本雞肉，肉質更具彈性，富有嚼勁。味噌豚肉卷五花腩 $40佢嘅豬又係超級好食，五花腩肥瘦均勻，好香豬嘅油脂味。土佐豆腐 $28外層滿木魚碎的豆腐，再油炸而成的揚物。入口酥脆， 內裏豆腐仍然軟滑，值得一試。

不如意嘅一日，最想就係放工飲杯酒 遠離城市煩囂，位於太子嘅隱町係花園街嘅小巷，類似係一間隱世嘅居酒屋，而日本嘅居酒屋就係我逃避現實嘅好地方，可以靜靜地食下串燒 飲飲酒同朋友呻兩句。好多酒嘅種類，岩曬酒鬼嚟打卡。汁燒雞肉蔥串雞肉燒到好香肉質又嫩又juicy加上醬汁同蔥花令佢個種肉香提升咗個level雞皮係串燒必嗌嘅嘢食皮好夠脆 咬落係啖啖油香送酒真係一流蒜香牛肉蔥卷見到牛肉片咁薄以為會好乾但咬落都幾多汁 加上爽脆嘅蒜芯無咁油膩芝麻雞翼皮脆肉嫩多汁 岩岩炸起熱辣辣一啖肉一啖酒 真係咪話唔爽青葡萄豚肉卷見到覺得好新奇所以想試下本身對佢期望唔高點知食落好驚喜豚肉比較有油脂香 食得多會有啲膩但加咗酸酸甜甜嘅青葡萄 令到豚肉嘅肉味更加濃更加多汁又解膩免治雞肉釀冬菇係每咬一啖都不停爆汁我以為免治雞肉會乾但因為有冬菇令到成舊都好香好juicy燒飯團如果係鍾意食飯焦嘅朋友一定要嗌好食到不得了每啖都外脆內濕潤 仲要用珍珠米 更加有咬口隱町依間小店做嘅嘢食定係環境都好唔錯好有居酒屋風味想放工同朋友飲兩杯傾下計 依到係一個好好嘅選擇