雪山冰廳

營業中

休息中

雪山冰廳 (長沙灣).近年茶記冰廳愈開愈多，但好食嘅寥寥可數，呢間雖然只有兩間分店，但勝在平靚正.清蒸紅鮋- 蒸魚真係一個看似簡單但其實好睇本身店鋪豉油同蒸嘅火候。紅鮋清蒸都非常好食，魚肉非常滑.無骨霸王雞飯，雞滑，配葱蒜，雞肉入味.雙蛋雞扒撈公仔麵- 看似頹，個簡簡單單先好食紫菜金銀蛋豆苗- 無理由全肉宴，呢個菜只叫一個都可以餸飯。紫菜配上雞蛋鹹蛋，豆苗又嫩.爆餡蛋牛治烘底 - 烘得唔夠透，但蛋同鹹牛肉真係perfect match.雪山冰廳 (長沙灣)長沙灣青山道413號東景大廈地下4-5號舖

雪山冰廳 (長沙灣).屋企人好喜歡呢間冰室，今晚過黎買野就順便食佢💜.▪️清蒸紅鮋▪️.本身係想叫深海泥鯭，可惜賣曬，咁爸爸就叫紅鮋試下，點知都勁滑同埋個豉油好甜好好食.▪️雙蛋雞扒撈公仔麵▪️.因為男朋友完全唔肚餓嘅情況下叫，個公仔麵好入味，雙蛋個汁可以撈埋個麵！.▪️無骨霸王雞飯▪️.雞件好滑再夾埋葱蒜，無骨食得好爽🤭.▪️紫菜金銀蛋豆苗 ▪️.呢個超推薦！ 紫菜估唔到放係金銀蛋入面係咁夾，而且佢個湯好好味，伴飯只食佢都唔會寡！.▪️爆餡蛋牛治烘底 ▪️.唔肚餓嘅我想食烘底三文治🥪可惜佢今次烘得唔夠透，但個蛋牛好好食😋.▪️樽仔奶茶▪️.平時飲品好少講，但呢到嘅樽仔奶茶好濃郁，香茶底！.📌 雪山冰廳 (長沙灣)長沙灣青山道413號東景大廈地下4-5號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.

平時中午唔知食咩嘅時候，就會去呢間茶餐廳食飯，近屋企，又方便。等位都快最鍾意嘅就係「椒鹽豬扒飯-炒底」🔥份量足，豬扒煎的又香嫩！最值得一提嘅就係豬扒面層嘅調味料，拌肉同飯一起食好有滋味！會有一dd辣椒🌶️，但唔算好辣。

今日去長沙灣搵舊同事食飯，我搵了一間平比較親民的餐廳，餐廳環境衛生乾淨，坐位也很闊落，上菜的速度也很快，職員態度亦很殷勤，值得一讚！餐廳位置很近長沙灣地鐵站大約行十分鐘都算方便。芝士煎蛋牛肉漢堡包加肉醬意大利粉$58一隻煎蛋加一塊芝士，都砌到漲卜卜好飽滿。麵包雖然是很多空氣的港式麵包，但最少乾身鬆香，夠挺身。一啖咬落去好有層次，好滿足！肉醬意粉中規中矩，略嫌醬汁未夠多椒鹽豬扒飯炒底$68一嘗超強的椒鹽豬扒飯炒底，真係幾大碟，一個女人要KO真係有難度。香蔥、蒜粒、辣椒佈滿飯粒，食落香口惹味，但不會超濃味。唯一是飯粒末夠完全乾身分明。配料水準唔錯，醃味適中，只是豬扒略嫌乾左D。榛子醬西多士$32西多士是港人下午茶的熱門之選！加入蛋漿油炸至金黃香脆的白麵包，在進食前再塗上厚厚的牛油及香甜的糖漿，內裏又有榛子醬，既邪惡又美味，令人心花怒放！

📌 雪山冰廳 - 長沙灣青山道413號東景大廈地下4-5號舖🗓(3/12) 星期五 ⏰ 下午5點左右 💈特式：今日咁啱係長沙灣放學，經過呢間有66年歷史嘅冰室，即刻決定同朋友食返個下午茶先。佢地位於長沙灣呢間係新店，裝修方面都比較新式，佢地總店仍然屹立係深水埗，我以前時不時都會去幫襯。🥩🍔🌭🌮🥗🥯🥘🍲🍝🍣🥟🍤🍱食物：今日一行3人，叫左3個下午茶sets同一個招牌椒鹽豬扒飯，等我同大家講下味道先。避風塘生炸髀 - 呢隻雞脾size都幾大，上枱仲熱辣辣，個皮炸得好脆，入面d肉仲keep到好Juicy，加埋d避風塘炸蒜，真係脆上加脆。榛子醬西多士 - 個西多士做得幾厚身，個厚包加埋榛子醬，味道幾夾，食落好香口。雪山沙嗲牛肉公仔麵 - 呢個常餐左左個沙嗲牛肉麵，仲配埋餐肉/炒蛋/多士，個沙嗲牛肉又做得好香，成個餐整體都幾抵食。招牌椒鹽豬扒飯 - 呢個飯份量好大，豬扒又多，椒鹽味炒個飯炒得好香口又乾身，呢豬扒夠入味又唔鞋，加上佢椒鹽嘅少少辣，認真惹味。☕️🍵🥤🧋🍺🍷🥃🍹🧉🍾🍶🥛飲品 - 我地見到佢有出名嘅樽仔奶茶，所以一定要叫啦，佢d奶茶好香滑，又有茶香味，用樽仔原支雪凍又唔會飲到差唔多比d

今日去左一間之前幫襯開嘅茶餐廳 多選擇 價錢合理 家常便飯都適合～一開始叫咗個燉湯 入面有雞腳有肉，味道唔錯👌🏻飲完冇口渴🤣 $15就有啦 咁抵邊到搵常餐：經典芝蛋牛肉漢堡 配迷你肉醬意粉 $58牛肉漢堡普普通通，醬汁多啲會再正啲～不過肉醬意粉有驚喜😆一來佢一啲都唔迷你，食完都飽左一半😂二來佢肉醬份量都幾多同濃味😛始祖椒鹽豬扒飯（炒底）$68每次黎到必叫🌟椒鹽豬扒好惹味🤩蒜香帶有少少辣，豬扒厚度適中～蒸扇貝 $28/pc見到店員介紹，就叫左兩隻試下，惦喎🤣蒜蓉粉絲好入味👍🏻個扇貝都幾大隻，唔錯👍🏻

今日去左長沙灣一間茶記食下午茶，呢間叫雪山冰廳既茶記都幾多人，差唔多坐滿哂人。佢menu都幾多選擇，馬拉野例如海南雞飯同滲滲都有，下午茶價位大約$40-50一個餐。我地幾個人叫左： 🔶️經典芝蛋牛肉漢堡包（$35， 8.2／10） 塊牛肉漢堡扒好juicy，芝士都好夾好好味。 🔶️避風塘生炸脾（$35， 8／10） 好邪惡！勁多避風塘碎碎喺面，雞脾炸得好乾食好乾身。 🔶️Tea拼盤（$68，8.3／10）呢個係二人teaset,包兩杯野飲。個set入面有海苔薯條，有鮮果沙律，有兩隻炸雞全翼，同兩件cheesecake。好豐富！ 🔶️秘制麻酸辣魚片嫩雞米線餐（$48，7.5／10）麻辣味十足，但唔夠酸，雞都可以再入味啲。 ✏️總括而言，好多下午茶餐選擇既茶記。

成日聽人講長沙灣有間冰室有即叫即炸嘅避風塘炸蒜雞髀🤤 今次終於去試咗個下午茶啦☺️ ◽ 避風塘炸蒜雞髀配紅豆冰 $42果然真係唔錯，雞肉好嫩滑， 避風塘炸蒜超香，紅豆冰都有水準，好飲 👍🤤 ◽ 椒鹽豬扒炒飯底 $68超級極度推薦👍一上枱個香味已經飄曬出來，超級香🤤🤤🤤🤤椒鹽豬扒好有肉味好淋☺️ 炒飯炒到粒粒分明，每啖飯都有椒鹽嘅鹹香味，超級正👍💕💕 ◽ 自家手打芝士煎蛋牛肉漢堡 $38漢堡扒好厚身，咬落覺得好軟好淋🤤，只係肉味差少少，同埋覺得可以再煎耐d，不過Lee個價錢，有咁大個漢堡都係好值☺️◽ 榛子醬西多配茶走紅豆冰  $35+9 西多炸得好香脆， 加埋榛子醬味道更加豐富🤤 茶走紅豆冰都頗有特色， 不過都係比較鍾意普通紅豆冰多啲🤣🤣

話說收工無飯開，見到雪山冰廳，之前早餐食過幾唔錯，一於試埋晚市小菜！🏔️ 忌廉薄荷朱古力 +$15薄荷朱古力比例剛好，加上忌廉🤫 正✨🏔️ 花旗參燉赤肉 +$15自從嫁左後就明白湯水的重要❣️ 靚湯熱辣辣超足料，有花旗參、雞腳、瘦肉，很清甜滋補👍🏻🏔️黑松露沙拉一字骨 $88無諗過沙律及松露醬咁足料😳 一字骨啖啖肉，鋪滿醬超滋味😋🏔️ 椒鹽鮮魷拼金磚豆腐 $88同樣份量足料😍 即叫即炸，炸漿薄身香脆，魷魚🦑大大件，豆腐咬落內裡軟滑。加上椒鹽…食到停唔到口(雖然好熱氣😂）份量足料，就連白飯都超大碗（我最後叫了少飯）整體是實惠的，絕對可再encore。

睇完ig好多推薦，今晚行開長沙灣，專門行過去試食💪✨點咗一個晚市套餐，178蚊，有一款是日鮮魚，一個小菜，兩位燉湯+兩位白飯。「豉汁蒸盲曹魚」，魚肉好滑，又冇骨絲，豉汁夠野味，味道不錯。「蜜椒牛仔骨」，唔知道係唔係廚房師傅，將糖當成鹽落錯佐，反正成煲牛仔骨好似變佐上海菜一樣😅，雖然夠曬鍋氣，不過甜到想喊😭「是日燉湯——玉竹沙參燉雞爪瘦肉」，屋企人嫌冇味，成盅好似兌水一樣😂✨成餐飯最深印象，就係全部員工都好nice，超級有禮貌😂 全部都有求必應，而且仲有問必答。對茶餐廳來講，真係難得。👍希望店家生意常做常有✨

雪山冰廳老牌冰室 出色茶餐避風塘生炸髀配紅豆冰避風塘生炸髀果然係招牌菜，雞髀夠新鮮，肉質實淨沒有半點雪味，而且係生炸嘅關係，雞髀皮脆肉嫩，雞髀肉夠入味，另外加上特色的避風塘風味的炸蒜調味令成隻炸髀提升了一個層次。另外配炸髀餐的紅豆冰亦十分不錯，奶味和紅豆比例剛剛好，紅豆冰十分足料，有成半杯紅豆！榛子醬西多另一出名招牌茶餐，一上台表面就似一般西多，但一切開內有乾坤，內有滿滿榛子醬，平時食西多我都會自己再加糖漿，但榛子醬西多有了榛子醬的果仁香甜加持，不用加額外糖漿已經很好味。秘制麻酸辣魚片嫩雞米線湯底加了秘制辣椒油夠香夠辣，酸菜適中不會太酸，魚片彈牙，雞肉片鮮嫩，米線質地爽口。檳城叻沙海南雞米線叻沙湯香濃鮮甜，加上輕微辣味，配上咸鮮海南雞，味道十分豐富，同樣米線質地偏爽口。海苔炸薯條嘆下午茶點可以少了炸薯條，特色下午茶或炸髀餐都可以加8蚊配薯條，薯條夠脆夠香，可以一試。奶茶口感順滑，茶味香濃，而且甜味適中，係高質的港式奶茶，奶茶控記得試下。

冰室都有高質龍蝦！🤩今晚夜晚同朋友一齊食晚飯，叫咗一個龍蝦海鮮焗飯試下，惗唔到出品好足料，🥳而且佢嘅配料非常豐富，令我哋都超滿意~焗飯熱辣辣上起，面頭除咗有半隻龍蝦之外，更加有🐟魚塊，魷魚同埋蟹柳等。加埋忌廉芝士汁，半溶嘅芝士都撈埋飯一齊食，真係好和味❤龍蝦肉夠鮮甜，而且都有蝦膏，用料上乘。佢嘅飯底用咗炒飯，可見非常有心思。佢哋嘅芝士牛肉包都非常出名，🥰所以一於試下！🍔漢堡扒都幾大，配上芝士片同煎蛋一齊食，兩個人好滿足。

今日去左長沙灣交文件，途經見到勁出名的雪山冰室，聽長輩們日講夜講尼間餐廳，原來已經60年歷史啦！我見餐牌都幾多招牌，當然叫唔晒啦！只系揀左幾款黎try try⋯😋 ⦁榛子醬西多士 $35嘻嘻，去親茶記必嗌西多士！麵包鬆軟，夾心果層有好多榛子醬，比一般出面食既冇咁油膩。 糖漿就自己落，甜度可以自由調教！ ⦁咖哩牛腩飯 $32小小辣好惹味，有好多牛筋，滿滿膠原，正！✨牛筋控必！食！ ⦁芝蛋牛肉漢堡 $58自家製牛肉漢堡，有咬口，食落唔乾！隻蛋仲要係流心蛋😍，食落去令到個包更加juicy。麵包面有麵包面脆 好香嘅芝麻味。果餐仲有個肉醬意粉，好多肉醬！ ⦁炸魚薯條 $32炸魚既脆漿唔太厚，都算大條。另外，薯條唔油膩，唔會整到成手油，茄汁都係整支提供，想落幾多就幾多！唔洗浪費！ ⦁華田曲奇妙趣 $25成杯華田最頂係忌廉，仲有塊Oreo餅做裝飾，成杯都色彩繽紛。如果小朋友一定好鍾意！❤️

今日同囝仔一齊去雪山茶記食午餐，之前食過早餐🥣同午餐，印象不錯，所以再度光顧。餐廳環境都不錯，座位都算闊落，衛生也清潔，員工招呼幾好，而且員工之間工作得很融洽同開心。我同囝仔叫左咸魚茸楊州炒飯和始祖椒鹽豬扒飯（炒底）。楊州炒飯炒得好乾身，蛋味很香，飯是粒粒分明，亦有咸魚味，整個飯都合格有餘。始祖椒鹽豬扒飯，飯底炒出香味，椒鹽豬扒很夠鑊氣，調味適中，令人有好想食下去嘅慾望。而且價錢公度，物有所值。套餐是不包例湯或熱飲。如果選擇午餐會配例湯。

✻榛子醬西多士 （$32）平時食嘅西多士通常都係用花生醬雪山冰廳嘅西多士將轉榛子醬取代咗花生醬估唔到榛子醬同西多士呢個配搭咁match❤️‍🔥甜甜地另外再配埋糖漿一齊食真係超級邪惡🤤✻避風塘生炸脾 （$35）一上枱嚇左嚇估唔到咁大隻！賣相非常吸引 咬落去脆卜卜 雞皮炸得好香脆面頭仲有啲避風糖粉好惹味 而且雞肉好嫩滑值得推介👍🏻✻ 常餐 經典芝蛋牛肉漢堡包 ($58)配迷你肉醬意粉首先個肉醬意粉一啲都唔迷你超大份🤣芝蛋牛肉漢堡包好正🍔 大大塊牛肉～咬落去超Juicy 配埋流心雞蛋同埋芝士好正✻樽仔奶茶(+$9)佢嘅奶茶非常之香滑奶同茶嘅比例啱啱好 而且甜度適中 我個人好鍾意🥰✻上湯香菇浸白菜 （$35）叫咗咁多邪惡嘅嘢食 所以叫返個菜平均下 感覺上健康啲🤣🤣🫶🏻 份量又係非常之多！白菜入晒上湯嘅味唔錯唔錯✻ 爆餡蛋牛治(烘底) （$28）冇改錯名真係爆餡😆 有好多鹹牛肉😛 炒蛋都幾滑 而且麵包烘到脆脆地咁好有口感！原來雪山冰廳另外喺深水埗嘅總店原來已經有成六十幾年歷史😳 唔怪得知食物質素整體都咁高🫡😆