霸王山莊 (已結業)

與朋友一行三人去了霸王山莊食,話時話都吾記得第幾次食呢間我地訂左630pm我地遲到差不多700pm先到不過帶位員好有禮貌安排座位比我地,衷心稱讚他的服務講返d菜先~老規矩小籠包,拼盆,鎮江肴肉小籠包熱辣辣皮唔夠薄, 但勝在料足湯汁多好夠味冷盤鎮江肴肉做得幾好,這裏的水晶肉都可出大場面, 肉红皮白, 肉香有咬口拼盆醉雞果然酒香撲鼻,雞肉又鮮又嫩，熟度掌握得宜，不見血水橫流吃到嘴裡滿口生香，回味無窮金錢牛展麻麻,有點硬覺得好似牛肉乾,麻油香味又唔夠排骨,略嫌醬味不足,味道麻麻青瓜加咗麻油拌勻香口好多,爽口清新透心涼海蜇伴以黃瓜清新爽口,芝麻醬又添加了香味這個簡單冰凍小吃，增加脾胃蠻不錯呢金華火腿津白食落清清地，味道ok的整體而言野食味道算唔錯，不過價錢稍貴店內的氣氛環境相當不錯尤其服務親切感使人體驗到賓至如歸，夠讚的啦友人都話好好食係值得再去

星期五同一家人去左呢間食飯，waiter到部長既服務都好好，起碼吾會好似去美心集團某餐廳禁，食完一肚氣。最喜歡個黃金蝦，好明顯個炸法同其他餐廳吾同，吾油又吾算熱氣。 其他菜式都賣相精美，雖然有d菜式個人認為有改進空間，不過其實真係吾錯。會再來的。 最後，佢既擔擔麵好得，個麵既質感比其他上海菜餐廳都好食好煙韌。 同埋個人好鐘意佢既湯圓。整体黎講真係吾錯。

一個月一次嘅細胞小組活動又安排咗打波，因為有組員喺奧運柏景灣會所會員，所以我哋晌會所打完波就去奧海城食飯，晌舊年嘅同一個時段又喺咁樣安排，今次連食店都跟番上年一樣，搵番霸王山莊，貪其各人都啱食之餘，味道確實不俗 。本來經理見我哋人多，就介紹啲套餐俾我哋，不過，查實我哋得5個大人，1個中童，兩個細路，再者啲套餐唔平，四位用都過千，樣樣貴嘢，仲要茶芥、加一另計，當然非常唔划算啦，所以一於散叫兼輕食掛帥 。上年晌度叫咗馬蘭頭伴豆乾、鎮江肴肉、黃金四季豆、冰糖小圓蹄、北京烤鴨、炒鴨崧、擔擔麵、青菜嫩雞煨麵等等，大家話想試吓其他嘢，唔好翻兜，不過北京烤鴨就一定要食喎，OK！OK！民意行先！霸王山莊嘅餐前小食一向唔錯兼有特色，今次上枱兩小碗嘅喺，一個依舊醬油香菇配雜豆，另一個則煙鴨胸配青瓜絲粟米粒，前者菇香醬濃，後者煙鴨胸煙燻鹹香，青瓜絲清新爽口。雖然喺兩碗仔，不過收費喺斷位計，位位$5 ，幾好喺兩個細路無計。另外，茶位$10位，收加一服務費。 北京烤鴨（一食） $318 因為好食，所以依個店中招牌再次翻兜，照慣例，隻鴨燒好後即時奉客過目，之後返廚房再起皮起肉拎過出嚟。烤鴨現場即燒，寧

估唔到... 霸王山莊, 不知不覺由6間分店變為2間分店~~~ 真係生意難做..  要留住客人事實好難, 希望多D廚師有心去烹調食物去留住每一位客人~~^^花彫醉雞 $78- , 夠入味, 花彫味好濃~~ 雞肉仲保持到嫩, GOOD~ 而且一做去晒骨啖啖肉 如果大碟多少少就更好 霸王小籠包 $35 (4隻), 呢個我推介, 皮薄又多肉汁~ 熱騰騰即刻食, 好正~ (小籠包貴手工, 人手製造 )酸辣湯 (例) $95- , 呢個SIZE可以分到5碗, 呢個算係中辣, 我勉強食到咋, 本身食唔到好辣~~有肉條 (平時出面得好少肉, 而且得肉絲, 呢到係肉條)、豆腐、冬笋, 木耳 <<好足料>> 酸辣湯的特點是酸、辣、咸、鲜、香~ 霸王炒飯 ($78), 炒飯最難係粒粒分明, 個飯食過幾次, 水汁保持到, 材料有菜粒, 蝦仁, 肉粒, 飯面舖左乾既蝦仔乾, 瑤柱絲.乾扁四季豆 ($75), 今次唔掂呀, 炒到有D燶味~~ 如果我係個廚師會炒過碟先比客人食~ 四季豆又唔係D咩貴野~ =_=起到開茶, 可以要"桂花烏龍茶"~~~ 好香桂花味

霸王山莊算係一間我同家人或老友飯聚較常去既食肆(因而累積消費得了張VIP優惠咭).因為京川滬都係我Favour,而佢地整既至愛~肉甜皮脆少油既片皮鴨及皮薄餡靚汁多既小籠包,真係箇中表表者,係哩度好多人都試過不作詳述。今次去食,一早預訂了上次經理講既新菜式~"紅袍爆子炒肉蟹".今 次食了哩隻"紅袍爆子炒肉蟹",果真係值得一試,老婆讚到不得了。因原價錢同灣仔橋X辣蟹差唔多，但味道同肉質就哩隻正好多,因為經理話係經過咩特別臭氧 水游水淨化幾日,令隻蟹最輕鬆狀態下食佢,所以D肉質爽得來帶點彈牙。而D蟹糕仲正,糕既texture 面爽而中心帶點糖心感覺，特別有齒夾留香既FEEL。今次撞啱新菜推廣有DISCOUNT，更加超值。哩隻蟹一定要預訂,但經理話因來貨關係,未必 100%一定有糕蟹,所以先叫"紅袍爆子炒肉蟹"。

不錯不錯!!!為北京填鴨而來，興奮飽腹離開!**推介套餐，都幾抵食!**哈哈，因為太餓關係，有一些菜來不及拍照，見諒!

晚上到霸王山莊晚膳，剛巧不用等候已可入座，而且我們二人獲安排坐一張十分寛敞的圓桌，令我們驚喜萬分。餐牌用彩色印刷，十分清晰，而部份食物附有插圖，吸引我們注意。我們點了以下菜式：霸王小籠飽一籠四個，用筷子夾起，表皮呈半透明狀，可以見到內裡的湯汁在郁動。朋友夾起它時，見小籠飽的底部墜下來，以為表皮快要穿破，湯汁會流出來。但表皮柔韌度高，即使夾起小籠飽並把它停留在半空一會兒，表皮都沒有破損，十分厲害，證明師傅的技巧很高。把小籠飽頂端的皮咬開，吸吮內裡的肉汁，味道非常清甜，有豬肉的鮮味，但同時湯汁清澈，不算有太多油份。小籠飽表皮麵粉味不算重，而裡面的豬肉肥瘦度適中，肉質鬆軟而不肥膩。我們每人吃了兩個，內心感到很滿足。蔥爆牛肉份量極大，牛肉和京蔥的份量極多。京蔥鮮嫰，口感爽滑，但味道不濃烈，吃了亦不會造成口氣的問題。牛肉約有十多片，質感嫰滑而且易於咀嚼，牛肉味夠香濃。我們曾在不同的京菜館吃過這種菜式，而這家餐館的蔥爆牛肉是我們吃過之中最少油的，味道是最好的。羅漢炒雜素材料有小堂菜、西蘭花、冬菇、木耳、筍尖以及紅蘿蔔。小堂菜清新甜美；西蘭花煮得不夠腍身，莖的部份比較硬；冬菇嫰滑並吸收了蠔油茨汁的濃

再次來到這都算舒適的霸王, 又有電視, 環境又不錯, 客人多都斯文濃湯美味, 但略嫌多油了一點, 蟹粉充足, 充滿整個小籠包, 而且真有鮮蟹肉味, 不會覺得很腥的呢軟軟的蒸包不會太濕或太乾, 包著蜜汁的不太肥的火腿, 再夾兩片青瓜及脆的腐皮, 真是很驚喜, 整體是非常配合的, 口感一流, 味道亦很好!!服務不差, 冇問有答有禮貌, 職員們都算話頭醒尾呢

一個月一次嘅細胞小組活動又嚟喇，因為其中一位組員昇叔叔喺柏景灣會所會員，我哋一班人拉佢衫尾一齊入會所玩番日，訂場打乒乓波同「篤士碌架」，講開篤波，我哋勁業餘都未到呀，成個鐘先勉強打完一局清晒枱上嘅波，何其水皮，不過，志在娛樂，邊打邊吹水，而小朋友又可以去兒童樂園嗰邊玩，總之搵個平台郁動吓，閒聊吓，唔使齋講咁寡。晚飯繼續由昇叔叔安排，佢話奧海城三期多咗嘢食，所以，一早訂好位去食賣京、川、滬、杭菜嘅霸王山莊。自荃灣店結業，我都不知幾耐無嚟過！環境方面裝修幾雅致，淺墨綠襯白，牆身有啲白色通花圖案，仲放有幾部大電視，不過有畫面無聲，始終中式酒家都喺嘈啲。而枱凳都排得有少許逼夾，出入小心。阿靚仔經理一埋嚟就推介個「晚市信用卡優惠套餐」，4位用，7道菜，折實$838仲要另收茶芥及加一，唔算好優惠啫，唔多划算。我哋6個大人1個中童1個豆丁，食量算叫計7個人，都喺散叫抵諗，可以叫番啲想試嘅菜。馬蘭頭伴豆乾 $65馬蘭頭漸漸成為人人愛點嘅上海前菜，馬蘭頭唔喺咩值錢嘢，但喺一道盡顯刀功嘅菜式，師傅切得好碎，調味方面帶少少辣，幽香中帶點刺激。不過，豆腐乾就顯然佔嘅比重太少，而且好細粒，所以食落去唔覺豆乾嘅存

趁假期帶小友與爺爺嫲嫲相聚，同行的還有經常嚷着要見小友的姪女。一家人早了一點到達奧海城閒逛，由於真的是太早的關係，大部份的舖頭仍未開門，一行人唯有不斷的商場轉啊轉，好不容易才等到＋一時半，是時候坐定定開餐了....預早在這裡book了張枱，嗱嗱臨一輪狂風掃落葉般叫了一大堆東西，好讓小友可以食完後早些回家休息....四個人叫了個套餐。老爸說想試試這裡的生煎包，又另外追加了一客....頭盤小食要了最基本穩陣的雞絲粉皮以及燻魚。前者的份量頗為袖珍，雞絲看來是碎濕濕的，粉皮不夠晶瑩通透而亦少了煙韌咬勁。只有混了不少花生碎粒的芝蔴伴醬是較可取，味甚濃稠；後者用了甚是多骨而瘦削的鯇魚炮製，沒有了啖啖肉的感覺。醬汁則頗夠濃甜，是不錯的....賽螃蟹內的蛋白份量多過一切，魚肉碎差不到是要用放大鏡才找得到。味道稍覺太淡口，不過將所有材料與後加上去的生蛋黄撈勻一塊兒吃時，口感亦頗滑溜的....糖醋排骨一睇賣相已知不對勁，食起來就跟用來騙鬼佬的甜酸肉排毫無分別。甜酸汁太杰太酸也覺刺鼻，說成是"排骨"更是完全沒道理，嗒落似像是無骨的雪雞肉，真是混帳....金腿絲上湯津白與之前的賽螃蟹剛好相反，味道是稍為偏鹹，

本來以前在尖咀的霸王山莊食都ok, 今次去左奧海城3期的, 真是食到一肚火, 從不寫食評的我都要寫一下, 希望大家也不會受此委屈!!食飯前一日已打電話去訂位, 當時服務人員從沒提過食飯時間只有90分鐘, 我們一伙人去到入座, 然後完點菜后, 有個服務員才走過來說我們只有90分鐘食用時間, 然後連我們在后段點了的甜品也一併未通知我們而取消, 就要我們立即結帳~ 當時那位部長態度奇差, 說我們都坐多了十多分鐘, 外面的人等了很久什麼的....我完全沒想過今日的食店服務態度會變成此地步!!!!????? 是不是我食住條菜, 他也為了接多一個客而要把進食中的客人打發走呢?! 就算想接多些客, 也不要這般無賴吧~~~~ 如果一早訂位時, 或入座前, 他們能提出限時進食這要求, 那我們消費者就會在入座前再作選擇, 而不是由霸王山莊把食客放在砧板上任他們欺騙、污辱及玩弄!!!!為了多做生意而用此手段, 令客戶服務質素下降, 完全是得不償失!! 我以后也不會再去霸王山莊了!OPENRICE要我寫食物質素, 我才知道原來食評內容不能只有對服務感想, 一定要提一下食物哦...反而本來都不想提, OPENR

一家人帶同BB路過奧海城, 想找一間合一家大小既食肆, 以為霸王山莊可以是不錯的選擇, 怎料, 失望由此開始.下午路過時想訂位, 店中走出一位疑似經理macro, 說疑似, 是因為事後回想,不大信經理是這樣差的服務態度. 他說不設訂位, 好吧, 不訂也可以, 我們早點到排隊吧. 6點前再到訪時, 發現事實是他們設有訂位算吧, 反正店內有位, 便向reception 那位Yan說明人數及帶有BB車. 等了10多分鐘, 店內空位仍在, 但我們仍痴痴地等. 等了又等, 問她又無答案. 之後說有一張枱, 但要收bb車. 好吧, 雖然這是第一次有中式酒樓要收車, 但總比呆呆地等好. 反正我們也是想早點吃, 早點回家. 又等了一會, 以為可以入座嗎?那是太天真吧. .那位macro先生又走來說要8:00前交枱. 這是什麼道理, 拿籌時又不講明......算吧....食飯啦坐下來, 時間緊迫, 馬上落單. 小籠飽, 招牌菜, 不錯, 皮薄唔乾, 合格有餘沙鍋雲吞雞菜雞面....味道2者是一樣....只係面既湯底淡一點. 很難想像這樣的收這樣價錢, 竟然會是這樣的質素....這種加少少奶開的湯底, 誰

Waiter執枱執成十分鐘，帶位姐姐黑口黑面，態度又差！食物又冇味！今日叫咗個做梗信用咭優惠嘅套餐，頭盤醉雞冇酒味！其他還可以，除咗個甜品，高力豆沙，成個波羅叉燒包咁！

首先，再次多謝 Openrice ！ 送上 「 龍鳳黐孖J」 奧海城特別場戲票兩張！ 讓我再有藉口約他睇戲！由於，他當日下午致電給我，下班後 8:30 才到奧海城，特別場 9:50 才開始；那麼！我趁著多餘時間，在奧海城二期及三期找找心水餐廳！ 其實！我找了位於奧海城二期與戲院同個商場的 <越棧> 及奧海城三期的 <霸王山莊>！看看他喜歡哪間？！當晚晚飯，他選了<霸王山莊>！ 可能這裡有他喜歡食的鎮江肴肉吧！現時，<霸王山莊> 在全港梗存三間分店，分別位於尖沙咀、沙田及奧海城。提供新派京、川、滬、杭等各地名菜。看來店子門面不大又不起眼，還要位於商場 1 樓深處的角落裡！十分格攝！ 隔離正是百佳集團的 International 超級市場。( 由於，時間倉促！急忙走入去又趕著走，來不及影門面！我只好在其官方網頁下載門面相片，讓大家到時不會入錯地方吧！) 這裡佔地不算大！勝在環境總算舒適！ 枱與枱之間有合理空間！而且，二人枱夠闊大！ 服務方面真是值得一讚！就算我們坐在店中角落位置，侍應不時為我們舀湯！他們沒有忽略每枱食客所需！

若不看'水牌', 隨便逛奧海城3期的話未必會逛到轉角盡頭的霸王山莊, 真的有點身'墮角' 這晚等了不久, 便能入座, 店內環境不錯, 很舒服, 有幾部高清電視供不同方位的客人觀看, 在我記憶中, 其他店是沒有電視的呢....這冷盤是頭盤, 味道不錯, 雞粉粉皮的麻醬真的不錯, 而花雕雞全是脾肉及少許翼, 真是'啖啖肉', 讚!原本應該不算濃味的菜, 以為是很清淡, 誰不錯在菜曲底部的粉絲是有濃湯味道的, 夾雜著菜苗一起吃效果很好!有瑤柱的海皇羹真難得, 不吝嗇這些少少的材料令客人留下深刻印象呢..需時45分鐘製作的填鴨令人滿心期待, 結果都不太失望 兩籠粉皮很軟, 絕不乾, 還很細心地每塊之間都被蒸紙分隔, 很花功夫及時間的細心步驟, 真要讚一下, 當然鴨是沒什麼出錯的, 非常美味, 伴以青瓜及蒜片和甜醬真是令人回味無窮!