霸王山莊 (已結業)

去奧海城行街吃飯, 看見不用等位便試試.個人覺得食物水準一般, 沒有特別, 但價錢很貴, 好像不太值.叫了北京填鴨, 還可以, 就是皮有點硬.醉雞有點不太夠酒味. 其他都可以.如果價錢平些的話才會再來, 有點覺得貴.

大年初一，當大部分食肆關門，當街上店舖稀疏開着，當家人為這食肆訂了檯，心想，反正吃了這麼多次，水準沒差的，所以霸王便成為新年開年飯第一擊 妹夫在電話訂餐時已訂了一隻片皮鴨，因製作需時，上碟後發現有驚喜！舖排整整齊齊、充滿美感，配以粉皮、青瓜、蔥條和醬汁，回味無窮，不過不能吃太多，要留肚吃點別的佳餚 我們也吃了霸王炒飯，金黃色的飯粒配上蛋絲、火腿及肉粒，飯粒附上蛋黃的香味和微微的鹹味，簡直是挑戰味覺的享受，極力推介 吃得飽飽滯滯，來一客上湯蒜頭浸豆苗,清淡之餘不失豆苗清甜的味道，蒜香亦不會過火，加上粉絲吸收了豆苗味，好味之餘，吃後留有淡淡的蒜香，Good! 不得不提的是，每位服務員的態度都極之好，當我們在談論甜品時，經理更自動免費送上一客豆沙鍋餅，服務一流！

Happy Friday Dinner 通常都係食日本嘢，但今日心血來潮好想食小籠包!突然間發現所在嘅商場竟然有間霸王山莊，我哋二話不說就走左入去。出奇哋星期五晚竟然唔駛等位，一入到去可以坐張四人枱。我哋叫咗前菜雙拼(蒜泥白肉拼雞絲粉皮)：佢秘製蒜泥醬好惹味，點咗醬嘅白肉加埋墊喺底嘅粉皮一齊食簡直一流！雞絲粉皮同樣好食，但無咩特別。蔥爆羊肉 - 味道唔錯！唔算好油，唔算好咸，不過不失！黃金四季豆 - 諗住試吓新嘢唔食干扁啦，點知中伏。四季豆炒得唔夠乾身，蛋黃完全無味，認真麻麻！擔擔麵 - 我哋點咗粗麵，好彈牙真係估佢唔到，但湯底味道普通。小籠包 - 完本諗住點蟹粉小籠包，點知未有，唯有點返正常版。皮薄多汁，一個字好味！

今晚我們去咗「霸王山莊」奧海城店食晚飯！我們叫咗五色拼盤、竹簽口水鷄、蜜汁火方餅、黑醋小排骨、東坡肉、霸王小籠包、水煮魚片同宋嫂魚羹！五色拼盤有美味燻魚、鎮江肴肉、五味香醬牛𦟌、蔥油海蜇頭同涼拌青瓜！美味燻魚有好香濃嘅煙燻味，鎮江肴肉做得非常晶瑩剔透，肉質香濃有咬口！涼拌青瓜好清新同爽口！蜜汁火方餅嘅金華火腿佔滿咗香甜嘅蜜汁，仲有炸得非常香脆鬆化嘅腐皮同新鮮青瓜，最後加埋超鬆軟嘅包塊一齊食，真係令我一試難忘！係本人嘅必食推介！黑醋小排骨嘅排骨唔會太肥，酸甜汁非常惹味同醒胃，完全唔會有膩嘅感覺！霸王小籠包皮薄餡靚多汁！竹簽口水鷄好有特色，可以一口一啖，真係創意十足！

終於要寫第一篇食評...... 只因食物太差......抱住少少期望去，極度失望而回。想食片皮鴨好耐，今日睇完評分，所以訂枱試試。到達後等左十五分鐘入座。訂位時，侍應生話可以訂埋片皮鴨。訂左半隻，說明入坐後十五分鐘即上。最後… 等到嚟曬全部嘢先上隻鴨……講講食物 ｰ 黑醋小排骨: 太肥，但又唔"林"，微暖小籠包: 味道怪，微暖酸辣湯: 無料，得個辣字，微暖油豆腐粉絲湯: 豆腐卜好似無煮過就咁放上面，又係微暖片皮鴨: 其實改錯名，應該叫片"肉'鴨。成碟得兩片皮咁多，又係微暖。肉又乾又鞋，明顯係片左出嚟好耐。啲蔥絲老到似香茅，趙唔開。包鴨嘅皮好實又好乾......食到勁無癮...... 快速埋單服務一般埋單$575。請我都唔會再嚟......(完)

最近公司的美女秘書「大埔楊千嬅」決定離職另覓高就，不捨得之餘也要多謝她過去半年的細心幫忙！上星期和她 farewell，大家鬧哄哄就到了她心儀的「霸王山莊」大吃一頓「霸王」午餐。印象中好像有很多餐廳都叫「霸王什麼什麼」，又有幾多間能稱霸呢？這天我遲來，到達的時候同事們已點好菜式。冷盤「五色拼盤」$198「花雕醉轉彎」、「煙燻魚」、「五味香醬牛肉」、「蔥油海蜇頭伴青瓜」、「蒜泥白肉」。因為同枱有同事不吃辣，所以蒜泥白肉的汁另上。每樣我淺嘗了少許，醉轉彎做得不錯，花雕酒夠入味；醬牛肉不過不失，蔥油海蜇頭可以做得更加香。整體評分一般，我會建議下次單點「花雕醉轉彎」會更稱心。「蜜汁火方」$192 / 六件全個午餐最精彩就是這個！金華火腿用蜜糖燴得入味，不失鹹香；而脂肪的部份也沒有那股怪霎味。吃的時候用蝴蝶包，放上一塊火腿，脆卜卜鬆化得腐皮，青瓜，再加一些蜜汁夾起來吃，先是吃到蝴蝶包麵粉香及軟熟，接着有青瓜的爽，腐皮的脆及火腿的香，蜜汁甜而不膩，可以稱它為「上海漢堡包」呢！我兩口就吃完了一件，這樣才夠霸氣嘛 :-)「黑醋小排骨」$89甜酸汁蠻醒胃，沾滿每件排骨，排骨肥瘦相間，不會味如嚼蠟，表現不

Happy Family Day...為了片皮鴨，一早book定位，唔洗等片皮鴨 - 薄餅熱辣辣，加上片皮鴨皮脆肉滑，再加埋啲青瓜、京蔥包住一齊食，非一般的滋味小籠包 - 熱辣辣的肉汁，皮薄餡靚，掂素鵝 - 上枱的時候表層已經唔脆了，只是一般上海炒年糕 - 不可一試的噩夢，煮膿左，有怪味，大半碟冇食松子魚 - 醬汁太多，魚肉鬆散，一般雞 - 除了“鞋”字，諗唔到其他，可以不試

很少踏足奧海城，今日特地來買鞋，順便吃個晚飯，夜晚再去看Cavalia！！（安排得很好吧～）Book了1730枱，去到當然是第一枱客喇～倒是沒想過霸王山莊店面這麼小！一眼可以望晒！明明店名是這麼的霸氣麻''我們被安排坐窗邊位置，落地玻璃，一邊望街一邊用餐也蠻寫意的～（加上心情好～）霸王炒飯一上枱，咦，揚州炒飯？吃落也是揚州炒飯的味道，倒是炒得蠻好吃的。飯粒硬度適中，不會太鹹水煮牛每次吃水煮也會在魚和牛之間躊躇，但最終都會選牛！水煮魚還未吃過呢！這個水煮牛配的不是木薯粉，而是大量芽菜。味道個人來說不夠辣，而且可以再麻一點雲吞雞叫了Regular Size，以為只有兩碗，誰知是一大鍋！足足有8碗之多！湯底非常非常濃郁！加上金華火腿的功力，沒有誇張，這真的是停不了口！我一人就喝了四碗～雞肉也很嫩滑，唯一要挑剔的是雲吞，不是不好吃，是太大隻太多肉，感覺上不太夾銀絲卷（炸）有分炸和蒸的，愛香口的當然選了炸喇～簡單一點其實是好吃版炸鏝頭！比炸鏝頭好吃是因為中間做到「絲」（即好像面包撕開一半那些筋）而不是鏝頭硬實的質感高力豆沙甜品Menu基本上款款也非常吸引！所以我們飽到110%還是叫了兩款來試！高

我認為，放假係應該要食好D，因為平日工作都十分繁忙，平時食落口既野都唔知咩味道，不過...利申：冇做野半年，好_窮咁你食唔食？有錢都會間中食好野，又唔係成日都係，所以就去左呢度食個lunch吧！由於早餐咩都無食，所以一黎就唔餐了。入到舖頭唔駛等位，咁就叫野啦。首先叫左個醬炒茄子，叫左兩碗飯，用佢送飯就match了，茄子林身，醬味濃，但略嫌多油。霸王小籠飽，小籠飽貫了小小上湯！皮薄，但唔會好容易穿左塊皮，口感唔錯。最後係四川麻香水煮魚，麻辣得黎，個種感覺唔會話同你死過個隻，個底有好多大豆芽菜，同好多辣椒，而魚方面，食石班魚既質感。

霸王山莊我是一個極極極愛吃小籠包的人，愛到一個程度，係可以自己不停食幾籠...今次黎到霸王山莊，一心想食片皮鴨，見到有小籠bell就唔差在叫埋！霸王小籠包（$36）小籠包一客四件，皮係非常非常簿薄，四件有兩件一夾就穿，佢一穿，我個心就好似俾刀插左十刀咁，即刻頹哂！不過，唔穿都唔知，原來裡面有咁多湯，仲要好濃好香，豬肉餡鮮味十足，又夠嫩滑鬆軟，真係好好食！如果個皮可以又薄又唔易穿，就真係perfect池！花雕醉雞（$85）通常上海餐廳的醉雞份量都好少，但今次算多，食極都仲有，仲要無骨，啖啖肉，好滿足！一試之下，花雕味好濃，醉雞好滑，皮夠爽脆肉夠嫩，每一啖都好重酒味！難怪佢係店內招牌菜！片皮鴨（$198半隻）等左半個鐘，片皮鴨終於上枱，配上青瓜、京蔥、甜醬同薄餅。薄餅熱辣辣，夠煙韌唔易穿，每塊薄餅皮之間都有張紙隔住，既衛生又方便，係貼心位！片皮鴨就皮脆香嫩，肯定係一隻肥美的鴨，加埋啲配料包住一齊食，真係幾正，鴨油同京蔥的鮮味係口腔徘徊，加上爽脆的青瓜同甜醬，哇！不過都幾膩，食左5-6片已經唔得掂，多啲人食會好啲。

同埋屋企人去朗豪坊shopping 完, 食晚飯時間到啦, 諗起朋友介紹過係奧海城有間食上海野(霸王山莊). 冇訂枱, 要等位因為我地齊人, 等入座都唔算太耐. 仲比張卡位我地, 坐得幾舒服.一睇餐牌, 一定要叫小籠包, 超好吃. 多汁, 肉味足夠, 覺得比較其他食店這間小籠包真係超正喎!再叫埋炒四季豆, 四季同埋肉碎炒, 味道好好, 唔會太濕, 將四季豆加入個霸王炒飯一齊食, 好好味. 因為炒飯夠乾身.燻魚, 甜甜地又乾身, 好似食甜魚乾黑醋排骨, 阿媽有試煮過黑醋排骨, 發現個汁係好難整得好食, lee度整到個汁夠味，排骨肉質好夠肉, 唔會只有骨無肉食, 汁甜甜地加飯或者麵都一樣好好食.見到這間店有北京烤鴨食, 原本想食, 但因為職員話我地無預訂要等好耐時間, 因為佢地燒要時間, 我又唔想等, 就叫隻風沙雞食, 估唔到雞肉夠鮮嫩, 雞面加左好多好似炸左蒜粒, 好香口.正!糖醋松子魚, 因為我好鍾意食酸甜酸甜味道, 酸甜味適中, 魚肉仲保持又鮮又滑, lee d餸屋企煮唔到架！

食甘多次金滿庭。。今次試霸王山莊訂台已講1.5小時要交枱甘串?即本試下招牌松子魚。。都脆。。但冇左魚的鮮味又話招牌小龍包。。太失望皮又厚又吾夠熱。。。同金滿庭冇得比又話招牌片皮鴨。。好油膩。。。人地片皮鴨主要係皮。。佢主要係肉。。年糕。。反而好食過三個招牌。。太差了食左一個中。。已急急腳收哂碗筷。。。。趕客。。我寫幾十篇食評全比笑臉。。今次第一次比吾落手

2014年10月21日傑少生日，我們一行五人到了奧海城三期的霸王山莊吃飯水太太早已預訂了片皮鴨，期待﹗侍應先讓我們看看原隻烤好的鴨，然後再在廚房切片（說真句，掉包了也不知道哦~~）片皮鴨切功最重要，影響肉汁和口感這裡的片皮鴨比想像中的美味，皮很薄又香口，肉質也夠JUICY，一大班人吃最好不過片皮鴨配的薄餅，很薄，味道是淡淡的，包著甜甜的醬汁和鮮青瓜，連鴨片一同吃，好味道!!小食前菜拼盤海蜥和青瓜都很美味呢，青瓜很鮮甜醉雞和滷肉也很入味，YUMMY!!傑少最愛的賽磅蟹，味道一般吧主要因為蛋白炒得不夠嫩滑，比較「鞋」金華火腿津白很多油的一碟菜，味道比較淡，但火腿很足料，有幾塊﹗小籠包，點了兩籠，水準算不錯，皮薄饀靚，JUICY﹗招牌菜色做得不錯，但其他小菜則一般般，若為片皮鴨而來也算值得的位置雖然較偏僻，但水太太就喜歡這商場少人，又容易訂位，適合一家人來

今晚朋友介紹食奧海城霸王山莊，第1次去,感覺地方好舒服! 因為地方乾淨, 睇落間舖刀好四正, 唔似d 酒樓feel. good職員介紹熊貓包, 睇到張 menu 隻panda 個樣好得意，吸引左tim, 叫左2 隻食，好正! 個包夠熱度, d奶王好正!小籠包, 食上海野必食la. 刀算唔錯, 因為覺得皮夠薄, 食時，有好多汁, 超like仲有叫左隻北京鴨, 原來要預訂, 好彩朋友先訂定, 好準時送到上枱, 熱辣辣, d皮脆又唔肥, 我最憎食到烤鴨皮連埋d 肥膏, 但係lee 度又幾好喎! 太好味食到收唔到手!紅油抄手, 雖然個汁有d辣, 但佢好在分開上, 唔食咁辣米點少d, 但又覺得個汁有d 蒜味, 我又like乾煸四季豆, d肉碎味道好正, 夠乾身, 唔會濕立立, 好味上海粗炒, 炒得夠火喉, 唔油膩. 食過其他上海店食lee個炒麵, 好鬼油,食完之後一口油. 但lee 度又炒得OK唔油.最後見到仲有甜品食, 食完飯嘆埋甜品, 叫左個高力豆沙, 大大粒煙煙韌, 裡面豆沙有d甜, 但加左pro係面ge 粉好似有d中和番食完今次之後, 知道有lee個選擇, 唔洗食泥食去都係打邊燈啦!

在霸王山莊食一餐飯直頭有如慘遇霸王的境況；貼錢買難受！價錢中上但食品質素差，中下貨式。例如個五色拼盤：熏魚石頭般硬，醉雞只有骨痩如柴的一隻斬件雞翼仔。滷水牛𦟌冇味；海蜇嗰格原來下面主要是青瓜；只有蒜容黃瓜可以。百幾蚊的拼盤真惡頂。碗嫩雞燴麵隻碗大大隻但得半碗。雞肉鞋過阿婆塊面；唯一啖湯飲得吓。小龍包可以, 但皮厚; 不細膩。鐡觀音苦澀味，經理唔認, 話「我們的鐵觀音係咁嘅味。」諗起個經理副乞人憎咀臉同食品的差劣，真的冇下次。