靠得住粥麵小館 (克街)

營業中

休息中

今晚本來想同老公幫襯 "李景粥品", 點知去到落左半閘, 入邊有班人傾緊野, 無做生意...無計啦, 惟有幫襯過兩三次0既 "靠得住"今次叫左一碗魚腩豬腰粥, 一碗魚腩粉腸粥, 一碟白灼魚皮四眼阿姐拎張電腦單0黎, 老公一望就發現有問題, 白灼魚皮變左糭, 同四眼阿姐講返, 原來佢話落錯單, 好在都幾有禮貌講唔好意思到老公碗魚腩豬腰粥發現無豬腰, 同另一位阿姐講返, 佢竟然好似唔信, 企0係度望住老公係咁攪碗粥, 確實真係一粒豬腰都無, 先話用細碗整返0的豬腰落去.但係我地決定唔要, 齋魚腩粥算, 阿姐亦隨即改單. 成程老細淨係鬧員工, 攪到今勻明明收到45蚊 0既魚腩豬腰粥, 變相得返30蚊魚腩粥. 但係就走0黎無say 句sorry...咁簡單叫3樣野, 都可以做錯2次. 仲要成間野數得出夾埋我地2個都係6個客.......(無奈)真係唔知繁忙時間點樣算..整體而言, 價錢貴, 魚皮份量超少, even 話用魚湯做底無落味精但係食完都幾口喝. 我諗唔會再幫襯.p.s. 佢標榜分別每日限量100隻同15隻0既咸肉糉同甜糭坦白講, 價錢貴之餘仲要一0的都唔覺得好食

住附近多年，一直沒有衝動光顧此店，是因為"魚湯"二字。曾經多次因魚湯中招，吞下碎魚骨，因此對魚湯特別欠好感。這天因友人抱恙，建議來這吃口粥，不敢不從。朋友要了皮蛋瘦肉粥、我要了豬膶牛肉粥、"馳名"皮蛋咸肉糭。(店內貼了很多雜誌介紹有多"馳名"，又說是限量發售云云，總起了一點催眠作用，不得不試) 皮蛋瘦肉粥﹕友人形容皮蛋很有"千年味"，我本來不明白她在說什麼。於是試了一小口......真的很有"千年味"，good 呀! 欲知 "千年味" 是什麼味，請移玉步親身試試，只可意會不可言傳。 豬膶牛肉粥﹕粥本來友人那碗一樣綿的，但愈吃愈"水"，或許是豬膶的關係? 豬膶質感不錯，牛肉也很滑。 馳名皮蛋咸肉糭﹕老實說，是合格，但無什麼特別嘛......是我不懂欣賞吧?! 而看看餐牌寫著馳名水晶梘水糭，每天限售十隻，那時候是下午二時了，見旁邊的叔叔點的時候仍有得供應......可以再來。

因香港天氣長期炎熱﹐步行或乘車到粥店已汗流夾背﹐再食熱粥落肚跟本是不可能。但現在冬天已來臨﹐天氣亦漸漸寒冷﹐鐘於有一個好好的機會去試試各地區既粥鋪。進入店內﹐燈光光猛﹐見到大大字寫著不加味精及用鮮魚湯底餚製.生拆泥鯭粥 - 粥底味道同其他粥差不多。如不是見到在店內以及餐牌上無處不在的提醒﹐真的很難食得出。米既質地煲得幾好﹐有米花的咬口。但泥鯭肉不多﹐不知是否魚肉已融匯在粥內﹐因食到好多細細的魚骨。黃沙豬潤湯 – 湯夠熱﹐豬潤爽口彈牙﹐厚薄適中﹐配埋湯內的芽菜以及辣‘豆支’油幾好味。但湯底冇乜魚味﹐味道普通。總括來講﹐不加味精及用鮮魚湯底餚製的標語拿不少分數﹐令味道都被用真材實料的心理因素下變得更好味。一試無仿。直得一讚係老闆既服務﹐禮貌有禮。亦看到從來沒在這些粥店見過對客人的體貼 – 就係用套笠幫顧客套著掛在椅背的大衣。

記十一月中午餐入秋了，很涼，灣仔道一帶雖有著不少風味小店，然而「詹寒詹凍」，也不作他想來吃碗新派魚湯粥。同友人分別要了生拆泥孟粥及魚膘粥，老闆很建談，用料也很認真，一碗廣東粥也會用上相當的魚熬成奶濃湯底，再以珍珠米煲成綿滑白粥，冬日一碗夾雜魚鮮與米香的粥底，粥底已再加上拆肉泥孟同煲，簡單卻回味，另外叫料魚膘由於夠新鮮，不像老派粥店須加蔥加紹酒爆香去腥，就因這份對用料堅持，就算胃納再飽，每當路過也總會喝碗再趕工去。

我已經第二次來，水準果然靠得住豬潤粉腸粥，粉腸很乾淨，豬潤也很爽口蠔仔泥鯭粥，連我這個不太好蠔的人來說，d蠔除了不太蠔仔，更非常鮮甜肥美不過d泥鯭就真係非常孤寒，只得幾小粒魚肉碎，非常懷疑其實係無落泥鯭鹹肉稯真係鬆軟，也不太黏，最重要係舊豬肉，不太肥，最怕那些一舊溶了的肥膏不過對粥來說，一碗雙併要$35-38，真係貴了一點，而且我還是喜歡吃綿一點的

第2 次光顧, 第一次飲左魚湯好鍾意, 呢次要食下暖暖既粥, 等個胃有飽既感覺至得 叫左皮蛋瘦肉粥 $28 + 油條 $6 用魚湯用底既粥, 原來不外如是, 食唔出魚味, 料倒是足夠, 瘦肉絲是我喜歡的手撕油條得半條, 好硬身, 唔好食, 見其他客都食唔晒 粥貴錢頗貴, 一試無仿上次食過他們聲稱是全香港最好食既糭, 亦只係不外如是, 而且賣到 $18 隻, 各位唔使試 老細落力工作, 員工做野明顯比上次績極, 讚 !

I ordered the boneless fish congee ($25) and looked around me. I haven't been to this new location since they moved. Now the shop is much bigger and brighter, and continue to do roaring business. MSG free is still heavily emphasised. In fact I think the name "Reliable Congee" imply that you can relied on them for not adding MSG.My congee arrived. It taste....well, very plain. I remember it was more tasty back in the old days, and filled with fish. Now I can only find a few pieces. And I think th

第一次入鋪見到d雜誌猛介紹咸肉糭, 於是我就點了咸肉糭,它嘅體積比出面賣開的細少少, 而糯米同綠豆份量啱啱好, 食起上黎覺得好鬆軟, 而蛋黃都唔錯, 唔會太乾身,(雖然我唔食黃) 加上肥豬肉剛剛好,能夠帶出糭嘅香味, 真係好好味! 果然名不虛傳!下次再試下d粥先

很久沒有寫openrice食評，為何今天走進來，原因是exam後已經９時許，又不想吃得太肥膩,同學們提吃congee,咁就去這間,入去見到Peter 哥,他還記得我是誰,好掂我已經半年沒有到來,他第一件事就係請我們吃油炸GHOST ,十月最應節,真識做,同學們有嫉妒,係呀!佢話親疏有別.真攪鬼. Peter 哥的親切並沒有變,同樣congee 水準也沒有下跌,還有吃了他的鎮店之寶:魚皮,也不錯,佩襯魚皮的花生真”翠口”, 只可以說一聲 “正”.　還有同學仔order　左豬潤congee，　牛肉豬潤　congee，　鱔　congee，魚骨「送魚腩」congee，　生腸，菜２dishes，有「種」２dishes，　就係咁多la

有時唔舒服,無咩胃口,緊系首選系吃碗粥啦,易落肚,試左哩間D豬潤粥,D粥煮得好綿,好岩唔舒服時吃下,無胃口時再配個鹹粽吃,巨個粽味道比較濃,口淡淡時吃落都幾好味,又飽肚.岩曬女士們..

初時經過睇到門口將海報以為好掂，又登晒報好多名星慕名而來，試原後感覺真係一般：首先：試左過出名的"桌"魚皮, 魚皮不夠爽, Source唔夠味, 魚類一同要配靚豉油先好食, 兩樣都一般可想而知有幾好食啦第二：標名無味精的粥, 真係食唔出有落味精, 但係食完後有食完味精一樣咁渴的感覺；坦白講果句自己阿媽煲果D真係好食好多倍環境同服務：正常荼記咁, OK0既!價錢方面：80幾(兩個人), 只係叫左一碗粥, 一條油條, 一碟魚皮 (絕對唔抵食)重有一樣野係話好出名, 就係隻椶. 不過無緣再試, 因為唔想再去了!

今日LUNCH 到這裡試試看佢所謂既"靠得住靚粥 "叫左個糭同滑牛肉粥, 隻糭又唔熱又細隻碗粥食左一半, 竟然見到有條頭髮..........呢間野標榜無味精, 但係4個同事食完之後都非常口喝, 擺明有味精啦.........Conclusion: 無下次

食完甜品食正餐, 想食碗魚粥, 0黎到一直同佢無緣的呢度試試. 左睇右睇, 叫了碗拆肉泥鯭粥 ($25), 加碟呢度的鎮店之寶 -- 白灼鯇魚皮 ($35).先0黎泥鯭粥, 勁大碗... 粥底好綿, 煲到杰撻撻的, 帶點魚湯的清甜, 無人造味精, 加埋配料(唔少拆了出來的鮮甜泥鯭肉, 大量蔥花及生菜絲), 味道清而不寡, 亦完全唔使落胡椒粉的, 好食!白灼鯇魚皮就比粥更正 -- 似海蜇頭咁爽口, 配上蔥, 薑及花生蘸上蒸魚豉油 (?) 一齊食, 十分惹味, 食唔停口! 絕對值 5 分, 值得試試!環境光猛乾淨, 仲有電視睇奧運開幕, 哈哈; 招呼好好, 店主 (?) 及阿姐們個個都好友善好好禮貌, 幾有人情味的一間店, 感覺良好.埋單 $60, 抵食. 叫自己做「靠得住」, 果然無改錯名. 下次食魚腩豬潤粥!

24 Jul 2008 晚諗住唔係咁舒服不如去食o下粥啦。搵到呢間似係新式粥舖就識識。兩個人叫o左鯪魚球粥、北菇抄麵、北菇鷄絲魚湯+啜啜麵、油菜 (揀西生菜)個粥就唔覺同 openrice 開飯介紹中話用魚湯餚製；係普通白粥，白到見到米花o添。應該要搵大排檔老手教教路。鯪魚球都叫不過不失。北菇抄麵就真係有北菇絲(有牙菜)，但就分得好明顯o下咁上。麵就發得大"林"(一般都係咁，記望不大)；而且唔夠熱，唔番抄都用微波爐叮叮佢先o丫！北菇鷄絲魚湯叫最得，但飲落應該都落o左少少味精！算係呢晚叫得最好o既一個。啜啜麵就真係極唔掂，本來想穩陣試米線，但個店員推介話啜啜麵係手打同埋似日本拉麵；結果中招。鹼水味奇大、一 D 味都冇又唔夠爽 (用咁多鹼水應該點都爽一陣掛)。油菜咁普通都會有生「金秀」色，揀揀先啦；再唔係用"淥"啜啜麵 D 水 (含鹼水) o黎"淥"包佢冇生「金秀」色，唔明個廚師係真唔識定假唔識o架！總結：以粥做主打就真係唔得，反而個魚湯都重過得去。其他普通o野都跟跟啦，記住收費唔係平喎！係唔係要幫襯再貴 D o既種類先會好 D 呢？

靠得住ah! 自從喜貼街五龍摺埋之後, 佢算係灣仔幾okgei粥 鋪粥底夠味不過唔係好綿, d料就幾新鮮鹹肉糉真係幾好, 唔太鹹, 又有好香綠豆味... 不錯俾個笑la