靠得住粥麵小館 (克街)

營業中

休息中

係我既concept入面, 我成日都覺得所有賣粥既地方都一定好早開門. 我成日都覺得佢哋係要半夜就起身開始煲靚個粥底黎應付天光就黎買早餐既人! 所以當我嗰日十點幾黎到見到呢間粥舖居然未開門我就覺得好奇怪... 要成十一點先開舖, 咁佢哋咪唔駛半夜爬起身, 可以訓晏d囉?因為黎之前無黎過or到睇. 其實我原先係想食牛脷酥再搵碗明火白碗黎一齊食. 點知呢到原來係無呢d野食! 見佢既wallpaper都係sell佢哋既拆肉泥鯭粥同糭. 我本身對有料既粥同係端午節以外既其他日子對糭都無咩興趣, 不過一場黎到, 即本試試!呢鯭粥上枱時連住一句: 小心碎骨. 不過我諗呢句說話都係 "預警", 反正我食完一碗都食唔到一條骨出黎. 粥底好夠甜, 魚肉鮮甜. d泥鯭去晒骨啖啖肉咁真係好過癮. 至於佢嗰個所謂既享譽國際既咸肉糭. 被評為 "享譽國際", 我當然expect佢more than ok, 但老實說我只能話佢ok, 其實佢同我食開既糭唔係咁一樣. 我由細到大食既糭d糯米比呢到既都要黏身d, 而且應該油dd, 呢到既確實無咁油, 不過好似都無咁好食! 唔係難食, 但因為太普通, 食完唔會叫人有印像

病了一排仍然未好不能吃太刺激的東西在友人介紹下就來了這裡試粥坐下就點了我必吃粥品 -- 滑牛粥 (他們註明是牛仔肉)我的粥品不是此店之出名食品, 但此店以粥出名, 應該都不會太差的份量ok啦, 不多不少的, 但滑牛得幾片, 覺得有些寒酸吧, $28一碗, 料是如此的少粥底味是很濃很豐富, 但水多米少, 吃下就是覺得不足可惜的是沒有肉丸, 以我愛的滑牛 & 肉丸粥來說, 就是喜愛大王東街那間了另一食品是咸肉糭, 甚麼甚麼上晒報紙雜誌的一樣食品但食落也不是太有特別之處, 好乾呀, 無蛋黃油的, 很散很碎的不知傳統的是否如此, 但不是我所愛吃的黏黏的很有油香的咸肉糭還有一食品很奇怪, 就是註明每日得10隻的"間"水糭 (我是沒有吃的)我去到時已2點多, 但還有得賣, 本來是想吃的, 但諗諗下都只覺得是 宣傳手段而已所以就打消念頭就在等食物, 看到table邊一張報紙 / 雜誌 cut出來的英文報導就是全港前5名粥店, 此店是第一的, 但吃過後我開始懷疑其可信性不過......不過他們推介的是eel congee但我沒有吃, 如果以後有機會吃到此店的魚粥品, 又覺得是好的話我會加返個happy

今日Lunch同幾個同事去o左依間「笑面」粥店吃粥。食左兩款野，覺得還可以的，不過都冇咩驚喜。 豬潤豬腰粥 ---------- d料唔多，但係大大舊ge，ok新鮮啦! 粥底唔差ge，但除左米同水之外咩都冇， 齌左d。 炒麵 ---------- 間野話「粥同湯」包冇味精，我信ge。不過我doubt佢地其他食物唔知有冇law~ 碟野ok緇碟同勁咸，唔建議食 都有下次ge~ 不過會試吓其他o野。P.S. 服務唔錯，會主動幫客人arrange位

只相隔兩個月,我已來了第三遍,原因很簡單,因為他的拆肉泥鯭粥真的叫我愛的難捨難離.最近正值流感高峄期,喉嚨有點痛也不敢怠慢,還是吃碗粥清清熱比較穩妥.晚上9點,店內還是門庭若市,厲害厲害.一心想試魚鰾粥,上一次來時已賣完,這一次亦不例外.新鮮的魚鰾來貨不多,下次想吃恐怕要早餐時分來吧.不至於太失望,因為還有我最愛的拆肉泥鯭粥($25),粥底依舊鮮甜,依舊軟綿.只是這次泥鯭肉較少,但相應地碎骨也較少,有利有弊吧.接力推介的是白鱔球粥.白鱔球件數不多,但件件都份量不少,還很肥美,入口又爽又滑,感覺完全不像是吃魚似的.所以即使是要用貴一點的價錢也是值得的.魚湯也是這裡的推介.鸒鴦湯($58),潔白的湯底味道和一般魚湯無異,只是更加鮮甜.鸒鴦用上了鮑魚絲和雞肉絲,另外還加入了粟米粒,芽菜和蔥花,配搭有點新穎但效果還不錯.加$5可以加米線或啜啜麵,要了前者.麵條是另上的,但份量較少,而且加起來也要$63,又好像有點不值.標榜著享譽國際和名人推介的鹹肉稯,只賣$15真的是不得不試.但吃過兩次,感覺卻怪怪的,因為內裡的綠豆一夾就散.可能我不太懂吃稯,不知道傳統的是怎樣,但以往慣常吃的都會比較黏口.但

這晚上有滿月酒,先買份小禮物給女主角,緊接到附近聞名已久的靠得住吃碗粥下火.這裏的粥都較其他店貴,但其招牌拆肉泥鯭粥卻又只賣$25,有點驚訝.拆肉泥鯭粥不及蔡生雜誌裏介紹的賣相好.泥鯭肉不太多(還要小心會有碎骨),另加有少許生菜絲和薑蔥等.吃過第一口,已經愛上了,一如所說,十分鮮甜,最初還以為是因為用上他們獨有的鮮魚湯粥,但友人的皮蛋瘦肉粥,鮮甜度差很遠.我不是一個愛吃粥的人,但這一碗粥,在我還差2小時便要吃晚飯的情況下,一個人吃清光,直至現在亦十分懷念.至於友人的皮蛋瘦肉粥,賣相和味道都遠不及泥鯭粥突出,而且賣$28,有點離奇.鑑於是最近吃得太多糭的關係,留待下次才試他們的招牌咸肉糭,看看會否如泥鯭粥般強.

去灣修溫書.所以男朋友上黎openrice搵下灣仔有咩好野食.哈xd 原來諗住食lunch的. 不過因為訓晏覺訓耐左-3-. 5點幾先去溫書..其實都猶疑左好1陣子. 總係覺得食粥食糭好似食早餐午餐咁不過由於諗唔到食咩好既關係. 結果都係黎返食dinner.~(其實都10點幾了*)1入去.個阿姐都幾gag.正當我地諗緊坐邊好既時候.我地都抬頭望1望電腦個阿姐就話坐呢邊就有電視睇.個邊就冇啦.係咪「4奶奶幫」丫?? 係就坐呢邊啦有電視. XD>>當然*我地係坐左電視位既 X)不過1睇餐牌.. 哇原來都算是貴價粥.XD開頭仲以為係d好普通既粥麵店忝.因為TEA個陣食左D小食. 同男朋友2個都唔係真係好餓.所以.只叫左3樣野=) >>**皮蛋瘦肉粥. 咸肉糭. 馳名水晶梘水糭.皮蛋瘦肉粥（＄２８）瘦肉絲不錯.味道岩岩好.唔會太咸.不過粥不算怎麼特別綿. 所以都沒什麼特別感覺"只是.總括來說. 味道不錯.OK吧.咸肉糭（＄１５）咸肉不錯嘛 最好的是沒有肥肉.最唔鍾意個D全部都是肥膏的咸肉糭*D糯米飯也做得不錯. 不太實也不太散 咸蛋好味 不過我地個隻好似1/

本人不愛食粥，即使知道這裡開了很久，也從沒有意慾來試，直至今次。望一望個餐牌，款式真不少，有好幾款都想試，最終選了粉腸粥，同埋有人分別吃艇仔粥和拆肉泥鯭粥。差不多是食糭時間了，又來一只咸肉糭。靠得住現今時太興的附屬公司，剛剛早幾日才去過佢既中央廚房睇佢包糭，衛生情況肯定冇問題，但味道就不得而知，今次可以一試。香料和綠豆份量很多，不過太多的香料卻不是我所好，而且咸蛋黃唔靚，豬肉亦不夠肥美，幸好是外層的糯米尚算軟糯，總的叫做可以接受，但未係出色。粥是非常的熱，粥底很綿，帶微甜，我總覺得是下了一點味精。不過人家寫明是不含味精的，是我吃錯了嗎? 至於粉腸，有些韌，同埋間中會有一兩條是發苦，質素不是太高。看看人家的艇仔粥，幾足料，據報也不錯，睇落比我的那碗要好。埋單有人俾錢，先謝過。

原打算來探舊朋友的，坐落才知原來已是太興附屬集團，雖改朝換代，但高興見到幾位老伙計仍笑面迎人的招呼著客人，似乎一切依舊，就叫了魚粥看看水準如何。靚姐還是那麼的健談，記得自己喜歡吃魚膘，笑言仲有魚膘，於是就叫碗魚膘豬潤粥，又是吃粽子時候，又要了水晶粽作甜品。粥依舊夠熱，粥底綿有魚湯熬出的甜味，魚膘是新派做法，無爆炒過，看得出店方對自己出品信心，外衣爽嫩內裡黏腍，好吃，豬潤是黃沙潤，質素好，但過熟，仍是吃得過的味道。水晶粽水準依然，軟糯的鹼水糯配起調過的蜜糖汁，甜美好吃，但餡卻換作芝麻醬，味道似乎有點突戛。埋單五十五元，轉了手但風味如一，仍是靠得住，與經理閒聊一會，似乎是太興獨立運作的部門，或者遲下可能在九龍區吃到靠得住？

久聞這間食粥專門店d 粥好掂, 今日途經, 梗要去試試.一看餐牌, 好多款粥都想試,有白鱔球粥 ,蠔仔粥及少有的黑栢葉粥. 但見到艇仔粥賣$28, 嘩, 乜料可以賣咁貴, 好就試一吓咁普通的粥點解可以賣咁貴, 再來一隻號稱全港最好食的鹹肉糭.鹹肉糭不算太大隻, 但綠豆頗多, 加上咸鹹蛋及五香豬肉的香, 幾好味, 賣$15隻,算合理, 不果絕不是全港最好食的鹹肉糭.艇仔粥果然很多料, 有火鵝絲, 海蜇, 魚片, 花生, 粥底算OK, 味道亦不錯, 但賣$28, 我覺得都係貴咗D.總括來講, 值得再來試其他粥品, 還有一次一定要試吓鎮店之寶白灼魚皮.

呢間粥店近住我返工地方..男朋友又係灣仔返工..總係放左工就黎接埋我收工食飯...呢間野又就腳..所以都成日keep住去~第一次去,係咁岩大家都病病地...果時我又岩岩係灣仔返工..周圍遊想搵粥食就發現..原來呢間係正我公司樓下...唔理喇..收工鬼咁餓,立即衝入去食喇..心諗..粥,來來去去都係咁既味架喇...入到去..咩都唔識..淨係見到都幾貴(果時未減價..一碗平均都要35蚊以上)~我又係問題少女,係咁問呢個咩粥,咩係愛心粥..個老細係正隔離..逐個介紹..愛心粥即係老闆親自幫我地揀配料同整..心諗咁貴..邊個整都一樣啦...所以都拒絕左..但個老闆真係好好服務..好有禮貌..次次去都好好招呼,你叫多野少野都一樣...之後揀左個蠔仔粥,仲有男朋友最鐘意既豬潤魚腩粥...再叫多一個小魚..海蜇手撕雞..蠔仔粥個粥底,真係食得出一種清甜味,夠綿...都幾多蠔~而豬潤魚腩粥,一樣既粥底..不過我就唔鐘意d豬潤煲出黎果d黃色油...海蜇手撕雞..海蜇就係我至愛..d雞肉真係好鞋果d..我唔係幾鐘意食..如果可以海蜇拼其他野..會岩我多d...果時未減價,都好似食左一百三十幾蚊...後尾都

老闆知我近期好粥,於是她介紹咗靠得住同彌敦粥. 今天在灣仔有活動,先去探靠得住.招牌寫住魚湯底,加上牆上金句<絶無味精>,十分期待. 坐低望望個Manual,勁多選擇,花多眼亂,粥平貴都有,豐儉由人. 除粥,還有小食同湯賣. 我在recommend manual選了三樣實惠野:拆肉泥鯭粥,咸肉粽,熟魚皮,朋友就選咗鮑魚雞絲粥.粥上檯,我先記得朋友唔食魚,死火! 但朋友食咗一啖粥,不單無發火,重話勁好味. 粥好甜又唔鯹. 米粒煲到開晒花,入口綿綿. 鮑魚雞絲個粥比泥鯭清一點,相信鮑魚雞絲係後下,但泥鯭係同粥一齊煲的. 雞絲幾甜,但就唔係好覺d鮑魚. 泥鯭煲過,已經無味. 其實d粥唔錯,但個人比較喜歡老舖的厚感同火候.小食反而有驚喜,咸肉粽雖然只有肥豬肉同蛋黃,但配上最皆拍檔甜豉油,勁好味! 肥羔入口即化,人間美味. 坊間都賣生魚皮,但這裏賣熟的,原來魚皮焯過,同生的一樣爽脆. 配上薑蔥莞茜同紅椒粒,又係勁好味!服務幾好,d服務員好有禮. 唔單企個老細滿口多謝,連d伙計都一樣. 食完唔想阻人地做生意,又去第二度hea.

勁鍾意食佢的蠔仔粥& 白鱔球粥, , 粥底靚，非常多料而且有個款粥d料個味, to simplify: 蠔仔粥勁有蠔仔味，蠔仔一d都唔蠔仔， 隻隻都半隻手指公咁大，又鮮甜，白鱔球粥勁有鱔味, 鱔球爽脆肥美鮮甜， 絕無誇張, 非常極好食 (to respond to some previous comments: 我唔覺佢有味精law)雖然d粥avg $30碗，但佢d份量一碗=人地兩碗，普通女仔食量只食到1/3碗，所以其實係平，重要非常好味，真係好抵their congee are so different from other congee shop，係特別好味，重申not bcoz of味精，我唔覺佢有，食完無口喝皮蛋瘦肉粥，手撕雞粥，碎牛粥also good good good, not mention others just bcoz i haven;t try it yet另外都幾鍾意佢d油炸鬼，本身我唔係幾食得油，佢算唔油(when compare other shop’s油炸鬼)，而且永無炸得過老火, good反而佢的馳名咸肉糭，我覺得好味但無什麼特別，蛋黃蛋黃紅紅，靚得出

約左呀Fi吃午餐，佢話想吃清淡點，所以來試試。1230入去，已經人頭湧湧啦～～～呀Fi超細吃（參考前傳：沙爹王吃評），所以兩人叫左蠔仔粥同埋魚湯米粉先。老老實實，叫咁小野通常都會比人白眼架嘛，但係呀老闆超好招呼，搞到我地有D唔好意思tim。唔使5分鐘D野送到，個魚湯真係無味精架！好鮮魚味呀～蠔仔粥D粥好綿，仲有陣魚湯味，好感動呀～不過D蠔仔換做平日個D會更感動XD叫多個粽試下，好大隻呀，不過唔見鹹蛋黃ge？吃吃下有個員工跣親，老闆立即衝出去睇佢有無事，係咁叫佢休息下；比＄時老闆雙手遞＄，好人又有禮貌，一絕！一間紅但唔囂的舖，而家好罕見架啦，唔bookmark點得呀？

和朋友一起來這裡吃點東西, 我試呢度出名的黃沙豬膶粥($28), 朋友則點了魚皮($35)~魚皮來的時候, 我嚇了一跳, 因為我不知原來魚皮是可以焯熟加薑蔥花生吃的, 等我仲一直以為她叫的是炸魚皮呢! 魚皮爽口, 不過我一向不好淡水魚, 覺得有d腥, 所以試了一件就沒再食, 朋友就覺得好好味~~之於豬膶粥, 粥底不錯, 粥內數片豬膶爽口彈牙, 超好味, 不過今次就輪到朋友說難食了, 還說豬膶的口感好奇怪~~~總而言之, 呢度d野食認真不錯! (如你喜歡此類不是人人接受的食物)

皮蛋瘦肉粥, 皮蛋好好味! 泥猛粥, 味道比皮蛋瘦肉粥淡, 但我本人比較鍾意淡味d, 但魚勁勁勁少....... 炒麵, 普通, 好油, and好貴, 少份量但係好似要$15... 油炸鬼, 普通啦~