響葫蘆 燒物 . 居酒屋 (已結業)

在樓上店搵到一間好有家既感覺既日式料理，入到去環境十分舒適，好似彷彿處身日本當地人既家中進食。一開始當然試下D刺生先，佢有好多選擇既，咁我個套餐入面就可以選擇5款，當中有北海道帶子、油甘魚、劍魚、海膽同埋北寄貝，刺生都幾新鮮，食落去都好有口感，唔會食落去散哂咁，味道方面都好鮮甜，唔會有腥味。之後叫有個牛肉煲，牛既份量幾乎係全個煲咁多，肉質似肥牛，但又唔係好似肥牛咁煮耐左會韌，口感十分嫩滑，入面仲有豆腐同窩蛋，配埋牛肉食更加嫩滑，加上湯底係似壽喜燒既湯，甜甜地，十分可口。燒物方面，有呢個燒牛肉，同上面個個牛肉唔用既係佢用一D較實既部位去做呢個燒物。佢燒到大約5-6成熟，外面只係加左黑椒去做一個調味，完全食得出牛既鮮味，黑椒又能夠更帶出牛既味道，咬落去又十分有口感，5成熟剛剛好，唔會破壞左肉既質感。最後，一個貌似好普遍既炒拉麵，佢用左小丸子用既木耳一齊炒，好香口，又似食緊炒麵同時又似食緊小丸子一樣，最重要既係佢既材料好一般，但炒出黎好似食緊日本當地食緊少拉麵，令我當時緊加懷疑我係咪身處日本。總括而言，環境十分舒適好有家既感覺，食品款式多，各式各樣都有，最緊要係價錢都好合理。

一段時間之前已經曾到過此地吃飯，印象可說是一點也不差，所以便再次光臨此地，決定再一嚐想念過的食物門口還是這樣，沒有甚麼大不同大改變呢依然是這樣的標誌，一眼就看出的容易好記利用tablemap訂位就能附送，一客三片的三文魚！單單看到已經覺得質量並不差了呢刺身看那肥美的三文魚！！！刺身都切得厚身的，鮮甜肥美得很，而且一點雪氣也沒有尤其是三文魚讓人吃得異常的滿足——簡直是極上的享受呢！！香橙焗銀鱈魚這個，就是一直想再來吃的那個食物這樣的菜式在外面可是完全沒有見過酸酸甜甜的香橙片配上銀鱈魚，非常非常惹味而且焗過的銀鱈魚質感依然鮮嫩，讚啦鰻魚炒飯還未到檯上已經能聞到那一陣陣的香味了……！一口一口的飯能吃到啖啖的鰻魚肉，不會太鹹亦不會太過乾雖說是第二次來臨，質素依然的沒有使人失望！

話說我有荀盤介紹我朋友認識，三人同行約左係呢間響葫蘆食飯，雖然男方樣子不算是很出眾，但人品很好，而且為人老實孝順，重點是有一米八，有厚實的肩膊，如果我不是有男朋友而且我自問身高有點嬌小，我定會考慮考慮。但我的女方朋友比較害羞，若果不是我千拉萬扯她過來，她定必不出現，其實一早有意認識，就早該勇敢踏前一步！看見餐廳掛著這幅畫，實在似足我女方朋友用餐的狀況！哈！今天特別地見她坐得非常直，好像背部揹了塊板一樣。其實忍笑是很辛苦的！叫了個「極上二人餐」，即三人同行二人價錢，哈，因朋友太緊張，連肚子也不餓，才叫二人餐的。三文魚有點似是三文魚腩，口感非常地好！而且很新鮮。不知是否因萬聖節的關係，軟瞉蟹卷的打扮也有點似萬聖節造型，但看看Openrice食評又好像此為大廚個人風格！軟瞉蟹卷炸得很脆，而且熱度也足夠，加上那藝術風格般(?)擠上的沙拉醬味道配合得當，不會掩蓋了另一方的味道。而現在的我卻像燈膽般的生存。那兩雙眼對望，尷尬而喜悅的笑容，實在令人興奮又打冷震。我就先不客氣吃了個大蝦天婦羅，外層的粉炸得剛剛好，不會很油膩，只是現場環境很油膩。他們緊張的小動作都給我看在眼內。最後吃了個炒飯，味道也不錯

啤酒節去唔到，個心總係欠左Ｄ野咁忐忑不安，朋友A話同我去食響葫蘆 燒物  居酒屋個名好日本,我已經估到食日本串燒的了。人少都食到刺身拼盤架，任選5種，我點了海膽，夠甘甜無苦味又唔會出水同腥，甜蝦同丹蝦都好甜美呢，仲有油甘魚同帶子同肉綿綿。三文魚刺身係訂位送的，抵呀。炒雜菜係好爽口架椰菜絲，加菇片同洋蔥等，清清地好日本家常感，加左白芝麻仲香。串燒牛舌有黑椒味，幾香口同爽身，介於肉片加魷魚種口感啦。補充骨膠原食雞軟骨，脆卜卜勁惹味啦。食左餐好，心情無唔開心啦，美食就係可以打動人心。好似一個識煮好味食物架女人，留住男人個胃同心。

燒雞雞@響葫蘆 燒物  居酒屋 Maracas尖沙咀亞士厘道17-19號4樓新工公司在尖沙咀區, 令我多了機會試這區的食店, 亞士厘道是其中一條食肆林立的街道, 不止街兩旁被食肆佔據,樓上食店更是多如天上繁星。和風有機沙律, 根本上新鮮唔出水我已收貨, 有機成本高不過沒農藥,講究的人多吃沙律, 淋上了salad dressing提味, 基本上是不出錯的料理。雜菜同蕃茄片，灑上紫菜更更加日本味啦！雞肉串我萬分愛吃, 不用理由的, 就是那美妙的甜燒汁,加上打成綿身的雞肉同軟骨，好味。一不離二點多個燒雞翼，迫出油雞皮薄而脆，灑上少許鹽就甚有風味了，師父無落太多調味，想更香口我都會灑上七味粉。加碟炒飯埋尾就夠飽足，個炒飯料好簡單，炒蛋，蔥花同乾魚肉粒，個飯略為濕身，以不花巧取勝，同唔會用太多鹽同味料，清清地女仔就唔怕太鹹第二朝水腫了。蜜桃果汁，冰太多飲兩口就無，點時最好叫小冰。趕快吃完就去看電影了，就住買零食運入戲院先。

某日同朋友行街，經過亞士厘道一幢商業中心，咁啱行到肚餓就諗住睇下有咩好食。千挑萬選之下終於揀左「響葫蘆」。唔知係咪因為時間尚早，上到去唔算太多客人，初時都擔心會唔會只係一間普普通通嘅日本餐廳，但係食完之後發覺比想像中更有驚喜... 坐低左之後，我同朋友叫左個極上二人餐，當中有好幾個菜式都令我地非常難忘！首先上場嘅係軟殼蟹卷 。軟殼蟹加沙律醬，軟殼蟹就帶有鹹鹹地，而沙律醬就帶有甜味，食落去就好似有兩種感覺同時係個口度出現咁，加上上菜嗰陣，軟殼蟹仲係保持熱同脆，對比起沙律醬同飯嘅質感截然不同，兩者放埋一齊洽到好處 。飯卷上面仲有啲蟹子，佢嘅存在令整個菜式嘅口感更加豐富，可以話係錦上添花！最重要嘅係當你以為軟殼蟹同沙律醬會好膩嘅時候，其實佢地嘅味道就好似一凹一凸咁，互相中和，食晒兩舊都唔會好膩，就算叫多碟都無問題！ 不得不提嘅仲有雞軟骨。開頭以為炸野一定好油，但係同我諗嘅完全係兩回事 。從賣相睇到個雞軟骨唔算好肥膩，但係食落口亦都唔係乾憎憎嘅感覺，可以睇得出廚師好有心思，嘗試令食物好食之餘亦都顧及食客嘅健康 ！個雞軟骨皮脆內軟，食落有少少辣，但係係可以接受嘅程度，辣味令人更加開胃，

尖沙咀呢條亞士厘道真係越來越多嘢食！！！朕真係就嚟招架唔住喇！自從呢區成為朕嘅蒲點之後，真係會搵倒唔少又平又好既嘢。今晚黎到一間日本餐廳，大廈嘅裝修都算幾新，感覺良好。日本菜 Standard 梗係先食個刺身，三文魚、油甘魚、帶子、海膽、甜蝦，每一樣都幾新鮮而且擺埋一齊顏色真係幾靚～去到炸物，當然係天婦羅大蝦啦！大大隻又唔會炸得太乾，加上炸粉比較硬身非常脆口，「劇烈卡或」嘅聲係我口裏便滾動，美妙～牛肋骨山賊焼係十分十分令朕喜出望外，估唔到日本餐廳都可以烤出西式餐廳既原條牛肋骨菜式，黑椒味濃，掂！西京燒雞翼係一個比到我驚喜嘅菜式。西京燒一般都係有少少味噌醬烤香，呢道餸嘅雞翼烤過之後，亦保持到濕潤現嫩滑嘅雞肉，真係特別！最後仲叫咗個長崎雜菜拉麵，拉麵可以話係 al dente ，雜菜又令到呢個拉麵健康有營養，仲有大大隻嘅海鮮蝦，又點會唔令朕滿足呢？

轉眼又到月尾, 又是時候返回公司點點數, 看看長女的功力如何 ....當然也是探一探, 跟我父、我、到我女 的一眾三朝資深職員們 ~ 睇好盤數, 了解好女兒的方針之後, 就開始頭暈又眼花 (懶鬼症上身), OK 即走 !!辦好了事, 安樂又自在, 必定肚餓, 便和太座、長女、二女 一起去吃晚飯, 我們選擇了 響葫蘆 燒物 . 居酒屋 Maracas 用餐 .... 因為 Tablemap 訂位有八五折 !!Menu ~有機菜和風沙律 $88 蔬菜新鮮爽口, 沙律汁調得不錯, 味道不會過酸, 開胃開胃~雜錦刺身拼盤 $298(三文魚刺身、甜蝦刺身、吞帶魚刺身、希靈魚、赤貝刺身、八爪魚刺身、𩶘魚刺身、油甘魚刺身) 魚的肉質都相當不俗, 既沒有雪藏氣味, 還尚存魚鮮味, 不算是頂級貨, 但比預期好, 也食得出肥美 ~ 秘製香橙焗銀鱈魚 $118 香橙中和了銀鱈魚的肥腴肉味, 香橙、銀鱈魚 在味道上也十分配合, 廚師自家調製的醬汁令食味加添了層次感, 味道更是出人意料的清香滋味, 令人一試難忘, 萬勿錯過 ~ 超推介 !牛肋骨山賊燒 $ 148  每日限賣, 牛肋肉的油花多, 肉質既嫩滑軟腍又

Tablemap 訂位有八五折, 橫豎家人也記掛著她的香橙焗銀鱈魚, 訂吧!有機菜和風沙律  $88以清涼又酸甜的沙律作頭盤, 開胃又有益。燒牛脷  $58牛脷燒得好, 外面熟但吃著軟熟夾多汁, 咀嚼時牛脷的牛脂味道爆發, 調味單靠撒在面的胡椒鹽。預早訂位店方送 三文魚刺身三切, 鮮味肥美。秘製香橙焗銀鱈魚  $118依然的美味, 運用鮮橙的果酸來抵擋銀鱈魚的魚油香, 再加上秘製醬汁來調味, 上檯時香氣撲鼻, 吃進口可說是入口即溶。牛肋骨山賊燒  $148牛肋骨有較多脂肪及筋, 所以燒香後會有很重油香, 於是肉質比較滑綿, 加上以黑椒作調味的山賊燒方法, 可令肉味更濃, 非常惹味。良久沒到, 看見餐廳有了新裝修, 感覺良好, 不過看見單上仍然有收茶位錢, 這一下真的無可奈何!

Openrice訂枱有著數, 送三片三文魚刺身及全單85折。 店名有點怪，不知葫蘆裏賣乜藥。 原本想坐戶外座位，不過怕熱回室內嘆冷氣。有幾款食物，特別想推介：有機和風沙律，蔬菜種類很多，有各式葉菜，沙律菜，蕃茄，青瓜，配了紫菜絲及芝麻，蔬菜新鮮爽口，加上日式沙律汁，甜中帶酸，很醒胃。蕃茄厚肉多汁，好甜免治雞肉棒，原以為肉質是輭糊糊的，誰知原來帶點像雞輭骨，脆口的，很特別，要encore.最後亦是最喜歡的，什錦天婦羅，有冬菇，甜椒，蕃薯，茄子，等等（掛住食，唔記得咁多），最觸目的是大蝦，大大隻，肉質結實，爽口彈牙。粉漿不過厚，墊紙無乜油。

亞士厘道有很多不同國家的菜，而這間日本燒物居酒屋位於樓上鋪四樓。位置雖然偏僻，但不失為在鬧市中行逛完享受晚餐的好去處。餐廳內空間闊落舒適，整間餐廳予人一貫日本料理餐廳簡單整潔的感覺。整間餐廳環境上也沒什麼好挑剔了，還是直接說一下食物吧我們直接來了碟五色刺身，三文魚肥美可口，帶子和赤背亦十分鮮甜，美中不足的是刺身略嫌不夠凍，但整體來說味道非常不錯。之後我們嚐了個香橙焗銀鱈魚，本來以為橙只是在賣相中起到作用，實質和銀鱈魚並不配搭，但合起來不但沒有魚腥味，而且味道不錯，甜酸度亦適合大眾，個人略嫌酸度不夠，整體搭配很有新意而且效果不錯。橙很棉很甜，不酸，不過和沙律醬造成的汁很配搭，銀鱈魚本身味道不濃，焗過後三者的味道融合在一起十分有特色。焗過的沙律醬和橙做成的焦邊配上銀鱈魚很惹味。銀鱈魚很滑，骨亦不多，很適合這種煮法，但沙律醬和橙的味道略蓋過了魚導致魚味不足，但仍然是值得一試的好菜色。再來的是海膽炒飯，炒得很香，外貌金黃色十分討好。炒飯一粒一粒，夠乾身，配料足夠，海膽亦充足，整體硬度和軟度平衡，口感不錯。朋友還試了幾樣燒物，都挺有水準。整體來說，除了食物不錯之外，侍應態度良好，上菜效率快，環境

友人W約了我和友人S飯聚, 為了方便大家, 選擇了在openrice頗多笑臉的"響葫蘆"晚飯. 平日晚上較遲的時段, 可能是樓上店的關係, 店內食客不算多. 店子比想像中的細小, 卡位頗闊落, 但二人座位較窄, 是很典型家庭式經營的店子. 冷氣偏熱, 就算開了也有點滿頭汗. 打開餐牌, 最特別的是"三人套餐", 因為大部分食店都只有二人或四人餐, 這個實在很罕見. 剛好我們三人, 就這樣不傷腦筋地挑了這個餐.雜錦魚生粒山葵風沙律: 魚生有三文魚和吞拿魚粒，不過數量不; 蔬菜有蕃茄、紫菜、青瓜, 尚算爽口; 加上日式芝麻醬, 作為開胃菜也不錯. 麵豉湯不太鹹, 味道一般.手握6色雜錦壽司: 很令人失望的一道, 有蟹柳, 熟蝦, 三文魚, 吞拿魚, 帶子和墨魚. 魚生和其他食材看起來很乾, 不肥美之餘, 完全沒有光澤, 好像放了很久似的; 吃起來也頗乾身, 沒有任何鮮味, 比迴轉壽司店的還要差, 完全是水準以下之作.日式炒雜菜: 主要材料只是椰菜, 冬菇絲和少許蘿蔔絲, 上面加了芝麻. 沒有甚麼特別, 只是一碟份量不多的炒菜而已.安格斯牛扒: 薄薄的牛扒, 煎得太乾身, 吃起來欠缺肉汁,

喺朋友介紹下去左呢間餐廳，地點算方便，一出地鐵站行5分鐘就到，上到去唔洗等位即刻可以入座,岩哂我呢d冇耐性嘅人坐低之後, 我地叫左個二人餐，好快就上菜，好有效率打頭陣嘅沙津好開胃，蔬菜夠新鮮，用料唔錯，不過我最鐘意都係個什錦天婦羅同銀雪魚，天婦羅夠脆，而且粉唔厚，又唔油，值得一讚而香橙焗銀雪魚更加可以話係驚喜，呢個煮法好新鮮，橙嘅味道唔會蓋過魚嘅鮮味，反而令魚嘅味道更突出，大推薦整體黎講呢間餐廳都唔錯，環境夠乾淨，服務ok，而且價錢可接受, 值得一試!

同朋友行行下街見到招牌就上左去试下。入到去環境舒適宁静， 燈光柔和。叫左野食之後好快就上菜5洗等，幾好！！第一樣上既系三文鱼刺身， 夠厚，夠肥，食落去亦5會腥，肉汁甜，夠鲜味！再來就是二色刺身。蝦蝦就略嫌带腥但夠多肉夠大！下一道就系和风有機沙律， 個汁酸酸甜甜再加番茄所以成個salad好開胃， 5同既野菜配搭起黎色彩又5單一，而且都爽口新鲜。GOOD!跟住落黎系软殼蟹卷壽司，食落软殼蟹仲系岩岩炸咁留有温熱，咬落亦脆口，外脆内软，蟹子飽满，但廚司握力5夠，無幾耐成個壽司就散，5夠實。到雑锦天婦羅，即使加了吸油紙，反而睇到真系無多油好健康， d蔬菜例如南瓜就仲保留到個甜味，GD!蝦天婦羅亦一樣外粉薄而脆，温度夠熱。黎到今餐第二中意既菜色： 香蒜一口牛柳粒！！！！！！依碟菜首先聞已經好惹味，爆開左既蒜香加牛肉味實在太難抗拒>v<一食，肉質幼嫩，肉汁香甜，煎得岩岩好，外層鎖實肉汁令粒粒都咁多汁，醬汁亦同牛柳粒配搭適宜。最好食既當然系招牌菜：香橙焗銀雪鱼。出奇地原來橙同銀雪鱼咁夹！！銀雪鱼肉質軟熟，因為橙肉肉質同銀雪鱼相似，所以配搭得好好，橙味亦為本身淡味既鱼加添左酸甜味以補不足

講話想試呢間尖沙咀樓上日本料理店好耐，果晚終於有機會同朋友去食啦！地方都算近地鐵站，不過要眼界好啲先可以搵到座大廈。上到樓，門口冇咩特別，又冇人招呼，不過勝在唔洗等位，一入到去就有得坐 店內環境優良，播啲音樂又幾舒服。我地好快就落咗單，話晒都好肚餓。等咗六分鐘就有得食，一開波就來咗碟沙律。沙律都算幾fresh，啲菜又唔老，同醬汁嘅配合一流，食咗開胃冇得輸！沙律都未食晒，就來咗刺身拼盤。三文魚拼赤海蝦，正！三文魚又肥又鮮美，一入口啲魚油出晒來，正呀！唯一美中不足就係唔係幾涷。赤海蝦非常有海味，啲肉幾鮮甜，不過有少少腥。呢碟香蒜一口牛柳粒真係冇得輸，一半歸功係啲醬汁，牛肉入口即溶，又唔會話太咸太硬，火候控制得啱啱好！必試！招牌菜一定係呢碟香橙焗銀雪魚，一開始覺得魚同橙真係風馬牛不相干。但係食咗一啖之後，我發現我錯咗⋯⋯橙同銀雪魚呢個配搭真係好特別，橙唔酸，魚唔硬。一流！味噌湯都係咁，冇咩特別天婦羅炸得幾好，入口唔粉，隻蝦又夠大，不過南瓜唔夠甜，茄子又冇咩味。不過整體來說，唔油，抵讚！食飯點可以冇酒？食料理點可以唔飲清酒？枝清酒正啦！夠辣，不過慢慢又有甜味岀來，餘韻停留咗係我個嘴起碼半分鐘。