飯飯店 (已結業)

要數到最喜歡的糖水店佳佳甜品必屬頭三位，但甜品前也先要一頓晚餐好好照顧五臟六腑，所以找來飯飯店這家菜館先晚餐後甜品，飯飯店同樣是港式小菜餐廳，但似乎海鮮更出色，看到鄰幾檯的食客們都切有海鮮，看來我們今次找對了小菜館，有炒小菜之餘也有海鮮選擇滿足我們無魚蝦蟹不歡的嗜好﹔看到鄰邊大檯的大哥們全都用戰鬥碗大吃大喝，也點了一支Asahi($20)，小酌一番，而戰鬥碗亦印有飯飯店三字更題該店小菜館特色﹔我們無魚蝦蟹不歡，當然少不免點蝦仁炒滑蛋($98)小菜品嚐品嚐，蛋炒得嫩滑再加入蔥粒炒增加其香味，蛋汁還剛剛好包著蝦仁，蝦仁肉質爽實，此時再加碗白飯($10)送飯一流﹔脆薯仔牛柳粒($98)，記得逢小菜館都要必點薯仔牛柳粒大概由萬發開始，炒得脆甜又粉的薯仔跟軟腍的牛柳粒同是我至愛，自此以後，每到小菜館都總會點此菜好比較一下，飯飯店的薯仔切得較大顆，入口爽口有鑊氣，而牛柳粒軟腍但有些帶根所以需要咀嚼較長才能咽下，較為失色少許；花雕蛋白蒸蟹，整隻花蟹賣相極為吸引，蟹身整齊放於蟹蓋和蛋白之間，一上碟已經滲出陣陣花雕香更令人食指大動，雖然花蟹蟹膏不多，但勝在蛋白完全吸收了花雕和花蟹鮮味，入口滑嫩帶著陣陣花

新鮮石斑做菜係唔錯食厭左火鍋放題雞煲韓燒，就周圍搵小菜食，今次試左飯飯店。鯉魚門炆脆骨撈起即煮，先炸後茨，上枱時熱氣氤氳，香氣甚濃。 呈深褐色澤，上有青嫩白晳的蒽段。 咬落先是香脆表皮，跟住係結實爽滑既石斑肉，一口都是濃香的醬汁，啖啖熱氣，好快咀嚼完吞落食道，又再食多啖。 魚肉十分新鮮美味，做得甚是香口，食得好過癮。 頂得住招牌菜之名。鑊仔蘿蔔白胡椒石班仔小爐上是鐵鑊仔，湯水鮮白，滿載蘿蔔粟米青蒽等配料，浸著一條游水石斑仔。 開火，徐徐把湯煮開，氣泡生滅，再等一陣間，代表將條石斑滾熟了，就開始挾食魚肉。 魚肉爽滑，重點是浸滿了蘿蔔粟米胡椒湯的辣味同香甜，提出左個鮮味。 食完石斑之後，我地又食飽蘸湯汁的蘿蔔同豆卜，之後再飲左碗湯。 感覺胡椒可以再落多少少，但有粟米做底，令到個湯都幾香甜。 總結黎講，今次食左兩樣餸都做得幾好，鮮濃惹味，加入待用list，可能下次幫襯。

同朋友聚餐試左依間飯飯店，都係跟佢招牌黎食，叫左德國豬手黎送飯。豬手食得多，德國豬手食得比較少，但以前食過好鍾意。 德國咸豬手與一般豬手不同之處，在於肉質嫩滑之餘，表皮做得極為乾脆。 聽說秘訣在烤焗時噴上麥啤(部份因口味不同會噴上黑啤)，當啤酒的糖分炭化在豬手表皮，就形成一層金黃焦脆。 有如麥芽糖一般的色澤。 口感風味獨特，因而聞名遐邇。這間的德國咸豬手看上去比較乾身，特別處是加上香口的炸蒜，且附以桂花蜜蘸點，以前未試過這樣食。 一試之下，表皮韌脆兼有(頗難得，說明有下功夫)，焦糖香味混以炸蒜，味道極為香口，豬肉較為乾身，肉汁不如以前嘗到的豐盈，但仍算軟滑。再蘸桂花蜜一試，蜜味馥郁，使其甜味更重，如果不嗜甜的話，可能覺得過重，但我自己就覺得和德國豬手的咸香配搭不錯，佐以白飯就更是一流。這家的德國豬手算不上我吃過最好吃的，但風味獨特，可以一試。除左豬手之外，我地都食左個咕嚕肉。 依道菜尚算不錯，色澤橘紅，酸甜滑溜，炸漿不算厚，幾開胃，是送飯之選。不過不失，小菜有一定水準，豬手是招牌，黎食既可以試一試，記住喊飯。

一班人去食飯，最岩緊係食中菜啦，叫幾個小炒呀、菜呀、煲呀一齊share食真係又warm又正嫁。講真食中菜喱啲野好少會食到伏嘅，不過話好出色嘅又唔係咁易搵到嫁喎，今日食嘅喱間，係少數我覺得每樣野都整得好出色嘅食店。辣酒煮花螺 ($168)花螺出面好多地方都有，次次叫完都無咩驚喜，但係今次竟然令我眼前一亮。呢味菜嘅靈魂，佢既辣汁，辣度中高，辣得黎有唔同層次，唔會辣得好死食唔到其他味，香料味緊隨後勁，酒香慢慢浸出黎，非常出色，拎黎撈飯一流。蒜蓉粉絲蒸娃娃菜（$78）娃娃菜面舖滿大量嘅蒜蓉去蒸，一上枱已經聞到好強嘅蒜蓉味。娃娃菜嘅清甜同蒜蓉嘅甘香味互相好配搭，調味偏向輕口清淡，所以就算食埋下面嘅粉絲都唔會話好heavy好油膩，屬健康之選。花雕醉乳鴿 （$118）份量十足，滿滿嘅乳鴿盛載係隻大碟上面。一上枱已經聞到好正嘅花雕酒香，就知道落足料去炮製啦。食落果然無失望，乳鴿有好香濃嘅花雕香，咬落亦都好入味，鹹鹹香香，證明浸泡嘅時間好足，但係肉質都仲係好嫩滑，肉感豐厚咬落每一啖都係肉。豬手都好推介，外皮脆卜卜，肉質彈牙，脂肪部分又夠淋，味道偏重口，如果點埋佢個汁就鹹左少少，不過真係好野味嫁。

要係油尖旺搵野食真係1d都唔難，平時多數都係去開大街搵食，今日試下行內街，發掘下唔同嘅嘢食先。。點知咁岩比我見到你一間飯飯店，既然係咁，，就係試吓新野啦。間舖分左2層，晚市黎到下面都已經坐滿左人，所以waiter就帶左我地上2樓。地方都好寬落，如果一大班人或者一家人黎食飯，都坐得幾舒服。同埋餐牌選擇好多，一次過可以試好多款唔同既野食。黑椒蜜汁德國豬手第一道上枱既菜，係出面未見過既蜜糖配豬手，超級大份。餐廳好細心咁係上枱之前，已經幫客人分哂D肉，到食既時候就咁"叉"就得，省卻左好多麻煩，非常貼心。脆脆地既外皮，但係連埋下面既肉，味道岩岩好。連平時食豬肉會走豬皮同肥豬肉既我，都覺得整得好夾，唔會話食完成口都好油。同埋可能個豬手咸咸地，反而令成個豬手既味道更加帶到出黎。冰鎮芥蘭芥蘭既上面鋪左一層冰，每一棵芥蘭食落去都好透心涼，點埋個芥末醬，夏天消暑之選。金銀蒜香粉絲蒸茄子蒜香粉絲配茄子都唔錯，不過對於鐘意濃味多汁既我，D汁好似淡味左少少。菠蘿咕嚕肉每一件咕嚕肉都兜得夠"暈"，舊舊都有酸酸甜甜既汁，同埋佢地既炸野真係整得好夠火喉。薄薄既炸粉，大大舊肉，唔會有太多肥肉部份，食落"chok cho

飯飯店的主理人曾是鯉魚門某飯店大廚，趁放假一於跟男友撐枱腳！大學生考試前吃「勁過飯」都喜歡拿著戰鬥碗碰杯，不好酒的我倆便以汽水代酒，忌廉看上去也挺像啤酒啊，哈哈！小菜款式包羅萬有，看到炸豬手是推介菜式之一，便嚐一嚐吧。外皮炸得硬脆，肉質嫩滑，最愛那層厚厚的骨膠原，油脂甘香。覺得油膩可以蘸點蜜椒汁，但蜜糖完全把黑椒味遮蓋了，味道反而過甜。再來一個辣雞煲，男友不吃得辣，小辣已經使他吃得滿頭大汗......兩人點了半隻雞，份量剛剛好，雞肉頗嫩，香辣惹味，送飯一流！整體食物不俗，價錢相宜，難怪晚上座無虛席！下次還是大伙人一起吃，必定更滋味！

佐敦隱世高手中菜館 一入門口 就見到好多廚師嘅報導原來大廚係鯉魚門已經煮左廿幾年😮黑椒蜜汁德國豬手 $168好食指數: 4.8/5抵食指數: 4.5/5食過咁多豬手 都未試過好似呢隻外皮咁脆而且肉質非常嫩滑 仲好膠口如果唔話比你知餐廳係中式飯店相信有人會以為係出自德國餐廳另外豬手配搭炸蒜 增加避風塘風味重點既係有個黑胡椒蜜糖醬 同豬手好夾 第二度食唔到花雕碎香乳鴿 $118好食指數: 4.2/5抵食指數: 3.9/5酒香入哂乳鴿 肉質幾實淨但個人認為花雕味道可以再濃郁啲整體已算不俗美極香煎鮑魚 (四隻) $168好食指數: 4.2/5抵食指數: 3.8/5用美極醬油將鮮鮑魚煎香火喉拿捏得唔錯 外面香而內裡仲好彈牙不過得四隻 相對無咁抵

今次食中菜😈但見推介菜式有炸豬手🙊就試下啦豬手既皮炸得硬硬脆脆，肉質方面挺扎實👍🏻另外肥既地方吾會好多😂我中意食偏瘦同肉多既，所以依到既豬手既對我胃口🙊我吾中意食太多骨膠原😂話雖如此，有肥膏既地方做得又幾好食，油脂味頗濃，配上店家蜜糖黑椒醬，食落更香甜外，更加降低油膩感👍🏻好中意個醬XD

通常媽媽都喜歡中菜，因為口味比較貼近 要問她吃什麼~都會答 中菜館或大排檔吧。想不到這裡也挺大，是上下兩層 有冷氣有電視，有去到了酒樓的感覺。看見員工忙碌地走來走去，但態度亦十分良好，讚！花多眼亂完全不知道點什麼吃才好，店員就推介我們吃些受歡迎的菜式，對選擇困難症的我們來說可是幫大忙了。 味道特別，用塊生菜來包著肉餅 增添清新感 看似很多芥末入口時還有點害怕，但亦只是有點點刺鼻 好有新鮮感(像是經過中西合璧的一道菜)。簡單的食材 但要配搭得出色實屬不易  加上，生菜和青瓜都是爽口的，增加了口感。連媽媽都說要學煮偷師了！芝士焗到微焦帶點脆身，比較像是葡汁 除了西蘭花外還藏著少許海鮮(墨魚仔，魷魚，蜆仔等)成功點綴整道菜式 並非普通的一道菜~ 奇怪地 吃下去後又不會感到滯肚，而是惹味！要不是媽媽想吃也未必會點，但最驚喜推薦的一定是這個石斑仔，除了份量極足料外，味道一流。整個鑊放上桌 像是打邊爐般，中間就是條肥美的魚 旁邊放滿蘿蔔粟米豆卜等等配料。整個魚湯近乎乳白色，鮮甜得很。白胡椒，豬肚，酸菜本就是惹味和暖胃之選，完全沒有腥味。豆卜更是吸收所有湯的精華~好吃得媽媽又再說要拜師學藝了

每次都十分喜歡由旺角行去尖沙咀因走不同的路都會有各種的美食等著我這次途經曾經有雜誌介紹的餐廳，當然不能放過。炸咸豬手先來一客黑椒豬手，份量十足，外皮脆口肉質嫩口覺得味道太單調可以加一下密糖再吃鑊仔蘿蔔白胡椒石班仔第一時間先嘗一下，淡淡的胡椒香味加一整條魚，令整個魚湯十分鮮甜肉質較結實花雕蛋白蒸蟹蟹肉非常鮮甜，蟹汁同花雕也被水蛋全部吸引，香味十味麻辣雞煲每一件雞肉都色澤俱全，味道十分濃郁，不會太辣

有時候晚飯會集中某一類的菜式，食得多或者要轉轉口味，於是相約了好友，一起去油麻地食番餐中菜，來個轉轉口味。飯飯店位於炮台街，是一條多以五金為主的的店舖。由於晚上時份，大部份店舖都關上門，街道顯得冷清，飯飯店就顯得旺場起來。看看餐牌，全以中菜為主，當中不乏以海鮮作為食材，亦有西式的小菜，如芝士焗西蘭花，可謂選擇不少。秘製脆皮炸豬手（一百六十八個大洋）豬手未必是德國餐廳才有得食，尤其脆皮的炸豬手，中菜中也做得不錯，而這豬手確實是皮脆，就連豬手肉也炸得甘香鬆脆，與西餐飲吃到的不遑多讓，而且豬手上還有炸過的蒜茸，令豬手的味覺更加香濃，是不可錯過的小菜。蒜茸粉絲蒸娃娃菜（七十八個大洋）用蒜茸炒蔬菜或者食得多，但以蒸的方式去做，是別有風味，至少沒有了油去炒過，因此娃娃菜仍保留其鮮甜味覺，也沾上了蒜茸怎濃烈味道。鑊仔蘿蔔白胡椒石斑仔（二百六十八個大洋）石斑仔是一尾細小的魚，上湯用上白胡椒調味，亦有其他食材如豆卜、粟米、蘿蔔等。喝一口上湯固然有濃烈的胡椒味，但亦有鮮甜的一面，至於石斑，縱使有胡椒在內，但也不失其肉質幼滑的感覺，而且魚骨也甚少，因此可放心食用。晚上在這寧靜的街道上遇到這飯店，實是難得。

因為工作關係早排去左油麻地收工就同同事一齊食飯因為大家都好支力，所以就無特別搵D咩食行過見呢間飯飯店都幾企理，就入左去喇打開MENU睇下都有幾多小菜不過原來個大廚以前係係鯉魚門既食肆到做所以都有好多海鮮食鑊仔咸菜白胡椒蜆 $138蜆都幾大粒而且比得好多味道鮮甜同最緊要係無沙可能諗住有個爐一路滾住怕愈滾愈鹹，所以個湯味道比較淡秘製脆皮炸豬手 $168豬手外皮炸到卜卜脆而D肉就仲KEEP住嫩同好彈牙配埋個蜜椒汁 香口得黎又唔Dry最欣賞係豬手切到岩岩好一口size唔會勁大件食到好狼狽蒜蓉粉絲蒸娃娃菜 $78最後叫多個蔬菜食下蒜蓉入面有生蒜同炸蒜所以食落特別香粉絲係底又索哂d菜既甜同蒜既香雖然好似好簡單，但都好好食係無咩期望之下入去食估唔到都唔錯雖然餐廳格局係比較街坊但冷氣好足，而且都坐得幾舒服下次黎呢面都可以再試

佐敦一帶有不少港式小菜館，大部分都是有人情味的小本經營，選這間並不因為他的位置，始終他都不位於大街或核心地帶中，而是因為路過時看到老闆娘熱情待客，加上門外又標榜着大廚是來自鯉魚門的經驗老師傅，所以就特別感興趣！店內位置不算多，所以店外都設有露天座，幸而當日我們早早到達，所以可以安坐室內。除老闆娘外，伙記有三、四個，在繁忙時段亦服務態度良好。坐下時，老闆娘便先端來茶水，茶只是很一般的普洱，比較淡味。當晚我倆小口，沒叫太多東西，怕吃不完會浪費，所以雞煲就只選了半隻份量。雞煲上枱時是蓋着的，但店員開火後，很快把蓋拿走，說是怕燶底，加上雞煲本來就是熱騰騰的，不需要再煮多久了。這次選的雞煲是不辣的，雞件數目不多，大約十件左右吧，有些較厚肉，有些相反，所以吃完都不會太飽。雞肉是意料之外的入味，湯底的八角味、莞茜味等等，完全盡附於雞肉當中！味道雖香，但又不會過鹹過濃，實在是有水準的雞煲，難怪點菜時店員大力推介！另外這個花雕蟹蒸蛋白，都是餐牌上標註着推介的。看着店員把蟹原隻從魚缸中生擒，然後拿去廚房煮，新鮮程度無容置疑。蟹的肉非常鮮甜嫩滑，火喉控制得宜，即使沒什麼調味，但蟹的鮮味及膏油已經盡滲於蛋白當

飯飯店 意指 範範掂！試下佢係咪真係好犀利先秘製脆皮炸豬手 $168 想食炸豬手 唔一定要去德國餐廳既有冇諗過係中式餐廳都食到？飯飯店 意指範範都掂 亦都名副其實豬手皮炸得超級脆 而且肉既膠質好重香口 鬆脆 咸度適中！份量十足又好味師傅仲將honey mustard西化變成黑椒蜜糖醬 真係有創意 而且outcome亦都超正真係回味無窮呀!!美極乾煎鮑魚 $128火喉拿揑得好好 肉質飽滿彈牙調味都好足 鮮味十足！而且size都幾合理 抵食花雕醉乳鴿 $118酒味幾重同香 乳鴿肉質結實同幾入味雖然唔算齒頰留香 不過味道唔錯 送酒一流！地址:油麻地炮台街28號地舖

老公細細個住喺炮台街，依家棟樓已經拆咗變成小公園，佢每次經過都會講起，今晚都唔例外，我地行吓行吓見到有兩間食店喺漆黑街道中燈火通明，其中一間係飯飯店，見到都坐滿哂得番門口張十二人大枱要搭枱。差不多枱枱客都叫脆皮炸豬手，個餸上枱新鮮熱辣，外皮脆得嚟唔會好硬，豬手肉咸香適中。小炒皇有韮菜、腰果、蝦乾、鮮蝦、魷魚等，鮮蝦同魷魚雖然唔係新鮮貨色，不過炒起都香口，下酒下飯都啱。花雕蛋白蒸蟹等咗差不多一個鐘，上枱時花雕味好香，蛋白滑溜，蒸蟹就一般貨色，食起上嚟比較水。食店雖然位於油麻地比較僻靜位置，但都吸引到唔少食客光顧，小炒比較出色。