飯飯店 (已結業)

茶記食得多想食下其他野，本來想打邊爐，但好似啱啱先打完，咁就黎左隔離嘅飯飯店，見佢啲炒野好似好正咁樣。芥菜咸魚生菜包 $98先點了呢個，一碟得四件實在有點小貴呀！豬肉餅煎得香脆，肥瘦肉比例適中，下面放左青瓜同生菜，食落爽口又可去油膩感，最正係個醬汁竟然用左washabi沙律醬，直接刺激味蕾，唯美中不足係咸魚味欠奉，有點同菜名不乎。欖角蜜椒金沙骨 $98另一味點了金沙骨，要炸很難係屋企煮嘛，呢碟份量正常，望落金黄色好吸引。啖啖肉同少少軟骨，甜甜地好正，肉香又有咬口，味道好，但又係要挑剔下個菜名，欖角蜜椒……係邊呢？哈哈，叫蜜糖金沙骨咪好囉，不過好味係真嘅，基乎成碟比我搶哂黎食。正宗鯉魚門炆脆骨 $288阿媽話呢個佢好鍾意食，一定要叫，其實咩係脆骨呢！？原來係大魚走油再加芡汁，功夫都幾多喎，屋企唔會煮到囉。是晚條大魚係石班，好多塊好大碟，上枱時香噴噴呀。靚魚～魚塊又香又滑，鮮味滿溢，啲汁勁好下飯，蔥都食哂，正正正！白飯$10大大碗唔姑寒 間中食下小炒又幾正喎，好味好味。

旺角廟街各色各樣的街道，途徑油麻地被五光十色的招牌吸引著。佈滿不同舊式的商店，但有一間店名叫「飯飯店」，單看門外已有鯉魚門某著名飯店大廚並獲獎無數。決定今晚與朋友吃個痛快，小菜可暢談一番。花雕醉香乳鴿 $118乳鴿一分為四，肉質腍身並沒有半點雪藏的味道。內含花雕八角更加令乳鴿更為入味。乳鴿內含少許花雕酒味但不太強烈。但這道菜稍為冷一點，如果熱一點會更好。黑椒蜜汁德國豬手 $168德國豬手出奇地大份，雖然肉質腍身但造法卻令人意外。一直以來，以為蜜汁會利用烤焗方式但卻是蜜糖混入黑椒而已。芥未咸魚煎肉餅生菜包 $98這道菜共有八塊，新鮮的生菜配合剛煎起的咸魚肉餅；恰到好處而且不太油膩。但這道菜的精隨卻是芥末醬，平常芥末會太刺鼻但這次混入沙律醬令到接受程度提高。芥未醬並食物原來產生一股化學作用，分外特別。冰鎮芥蘭 $78平時冰鎮奶茶見得多，但冰鎮芥蘭晤係個個中菜店都擁有。此店更利用大盤盛載已經足以震撼。面上勁多冰塊蓋著芥蘭，撥開後才能拿出。每條芥蘭爽口而且冰冰冷冷，完全適合夏天食用。吃過新鮮清爽芥蘭會更透心涼。飯飯店小炒皇$108小炒皇原來是韮菜花炒蝦仁，不過司傅炒到甚有鑊氣；而且添有果仁更加

我和好友同是海鮮迷, 她曾認承會在三聖邨或流浮山搞一個海鮮餐聚, 但......屈指一數, 已說了三四年, 還未兌現, 真令人發火!! 講笑炸, 又怎會為這些小事跟好友發火呢? 她遲遲都安排不到, 那就等我出手吧! 對三聖邨和流浮山也不熟悉, 點好? 其實食海鮮都不一定要走到咁遠, 今晚就近近地走入油麻地。還未走到飯店的門口, 在街頭已看到印上招牌菜的燈箱。走到門口, 便看到大大個的鮮紅色店名高高掛在正中央, 還有一個養了數條生猛魚的水箱, 相當搶眼。門面除了貼滿各款菜式的相片外, 還有一張放大了的飲食雜誌報導, 細閱後便對飯店略有所知。走進內裏, 地方不大, 預設了兩張約十人的大圓枱, 兩張坐三至四人的圓枱, 還有兩張五至六人的圓枱。不過, 坐坐下從店員對話中得知原來還有樓上座位, 但究竟地方有多大就不知, 懶得攀上長長的樓梯視察, 哈!細閱餐簿, 飯店除了有多款海鮮菜式外, 還有不少小炒、煲仔菜、蒸餸等菜式, 但我倆一心只有海鮮, 眼中只看到游水海鮮和蟹類的版面, 思量一番後, 最後點了三款都是海鮮菜式。******************************真的不明白友人為何

經過旺角又要搵食 見到新開嘅飯飯店 即食✌🏼️ 門口好大塊招牌寫住主廚係鯉魚門大廚😌😌 店員非常有禮貌招待我地坐底 順便介紹美食 好似樣樣都好好味咁 最後㨂左比較出名嘅脆炆骨其實係炸石斑 落單後店員立馬去魚缸撈一條石斑用新鮮原條石班！！！唔係雪藏魚！讚！上枱時味道香噴噴 石斑炸得金黃香脆食落魚味香濃 肉質鮮嫩 一啲都唔油 超正👍🏼👍🏼芝士焗西蘭花 上枱時重吱吱聲 焦焦香濃嘅芝士包圍住西蘭花同少許海鮮有蝦同魷魚 增加不少口感 喜歡食芝士嘅人大愛👍🏼 最後叫左炸豬手 相比前面兩樣 遜色左少少豬手炸得有少少乾身 肉質唔夠juicy但香脆嘅皮的確幾好食 加埋少許炸蒜 口感更好

鯉魚門, 三聖, 流浮山這些名字總會跟海鮮小炒掛上等號, 當中鯉魚門離家較遠, 甚少山長水遠走到那裹。 拜資訊發達所賜, 知道曾是鯉魚門飯店的大廚於佐敦新開了間小炒店, 身處市區都可以輕鬆吃到鯉魚門的佳餚。食店位於遠離繁華的街道, 前後都沒太多食肆, 相對地較為突出, 品嚐時更能專心細味。食店門外掛滿了獲獎無數的老闆背景簡介, 另一邊箱有生猛海鮮缸中游。內裡燈火通明, 一張張圓檯, 一貫小炒館格局的裝潢, 有上下兩層, 檯數不算太多, 坐得比較舒服。除了晚市的小炒外, 亦有提供午市套餐。一如其他海鮮飯店, 客人可以自來海鮮加工, 而且免收加一服務費。除了海鮮外, 小炒類的選擇亦不少。飲品最搶眼的莫過於用名為"單挑碗", 戰鬥碗"和"投降碗"的飯碗來喝啤酒, 若不是怕要吹波波, 也想"挑戰"一下, 豪氣的暢飲一番!蜜椒脆德國豬手$168近來愛上吃豬手, 無論中式西式同樣喜愛。 自己亦動手焗過德國咸豬手, 深明由解凍到焗起, 中間經歷的烹調步驟既繁複又多工序, 而且要花很多時間才可焗起隻靚豬手來, 如果要焗到豬皮食落脆卜卜又香口, 更要花上最少十二,三個小時來作準備。 所以煮出一隻好味豬手

家人很愛到油麻地玉器市場逛這晚特地過來會合她們來到這間之前看雜誌介紹過的餐廳晚餐入夜整條街炮台街都蠻黑的，幸好路邊有個大大的燈箱廣告牌廚師感覺來頭不小XD這晚家人負責點菜鑊仔蘿蔔白胡椒石班仔原隻魚跟鑊仔同上，有不少胡椒粒圍著少許辛辣味道把魚鮮呈現魚肉質地比較結實，湯頭喝起來很是開胃！以黑椒調味的炸咸豬手，更配上一小碗蜜糖豬手份量蠻大豬手外皮脆口亦不黏牙，肉質很嫩吃來不會過鹹，不會膩口花雕蛋白蒸蟹蟹比我相像中大隻好多，肉質鮮甜無比蛋白吸收了花雕跟蟹精華，媽媽最愛用來送飯~飯飯店小炒皇　　　　　家人很愛吃小炒皇料有韮菜花，魷魚，菜甫，乾蝦，腰果菇類等腰果炸得很香口，蝦乾也夠大隻用來送飯還不錯這餐家庭晚飯，食物整體味道合格 而且大家都吃得開開心心，感覺已經非常良好！

咕嚕肉炸得唔錯，不過嗰張醬汁酸左少少。而且顏色上非常橙色，望落有少少恐怖，不過唔影響佢嘅味道，肉質幾嫩唔會話咬極都唔開，其他小菜亦都係水準之上，特別推薦辣田螺，夠辣，惹味。

平時想起海鮮，浮現腦海的總是鯉魚門、流浮山等地。雖然交通方便，但來回實在費時，亦麻煩。不過最近油麻地新開了一間由前鯉魚門飯店的大廚主理的中菜餐廳，曾經獲獎無數，身於鬧市也能輕鬆品嚐到正宗的鯉魚門風味。食海鮮當然要夠新鮮，該店隨了供應海鮮菜式，客人亦可自備海鮮補上加工費用。雖然主打海鮮，但是亦有多種類的中式小炒供應。第一道要介紹的是欖角蜜糖金沙骨 ＄98，外層被蜜糖脆脆包著，哎下去甜而不膩，肉質鮮嫩，果然名不虛傳，送飯配酒都非常一流。第二道是咸酸菜胡椒蜆煲，蜆肉鮮甜彈牙，可惜胡椒味不夠，而且咸酸菜太多太咸，令到整煲湯都過咸，喝兩啖便感到口苦，不知道是師傅過份重手還是該店特色。最後重頭戲當然是秘製扣新鮮鮑魚，鮑魚半隻手掌大，賣相吸引，鮮甜嫩滑而且肉質彈牙，吸滿秘製既鮑魚汁，鮮！

近年，市道不穩，不少資深老廚都自立門戶，令飲食業持續繁榮，早前，BeautySearch 惠顧了位於油麻地的《飯飯店》，老闆文哥就曾於鯉魚門某著名飯店任職大廚，而且獲獎無數，饞嘴的我，當然不會錯過品嚐美食的機會。廟街，可算是香港的旅遊勝地，不少旅客都會前來這裡品嘗香港的特色美食,《飯飯店》臨近這勝地，主打的當然是香港地道小菜和嶄新菜式傳統口味的海鮮。飯店裝修以傳統中式酒樓為藍本,飯店有四圍大枱，每枱最少可容納8人最多12人，最適合大伙兒相聚，但其實在旁還設有小枱供2至3人小聚也沒問題。當日，我同蝦子餅就來到這裡撐枱腳。撐枱腳有時不一定要在高級餐廳，能夠吃到自己喜愛的菜餚，便已足夠喔！看完餐牌後，我們决定點選「芝士海皇焗西蘭花」，西蘭花不但是營養豐富的蔬菜，更是一種保健蔬菜，能提高肝臟解毒能力，增强機體免疫能力，預防感冒和壞血病的發生。以前，BeautySearch 做女的時候，總不知道媽媽煮西蘭花給我們吃是為我們好，偏食的我還經常浪費她的心意，如今，做了無飯主婦後，才知道西蘭花的益處，因此，在外用餐時，有機也會吃多一點。材料包括鮮蝦、魷魚和濃濃的芝士，焗後的西蘭花鮮脆爽口，鮮蝦鮮嫩彈牙

估唔到去到油麻地食飯會遇到呢間咁出色嘅餐廳，門外亦見到28年經驗大廚文哥嘅介紹，當中佢嘅菜式真係好有驚喜。 花雕醉香乳鴿：上到枱已經感受到果份酒香，食落去亦好滑溜唔會過咗火位，做頭盤一流。炸脆皮豬大腸：外脆內軟送酒一流，而且佢亦唔會太油食多幾件都唔怕。芥末咸魚煎肉餅生菜包：呢間餐廳嘅名物，每件都有咸魚肉餅、芥醬、生菜呢個組合一齊食真係出奇地夾，而且肉餅本身已經好好味，加埋一齊食真係令層次又提升咗。冰鎮芥蘭：份量超多，而芥蘭煮得剛剛好唔會過淋，會食得出爽甜嘅感覺。而整體呢間餐廳真係可以再嚟，因為佢不但味道好食而且款式夠多，希望之後有機會再同朋友去食啦。

當真冇改錯名中菜好少會食到伏野，不過好多時候都唔會食到特別出色既中菜店。今次尼間，司令都食左六七道餸，都有一大半做得好好食架。 辣酒煮花螺 ($168)尼道餸既重點唔係花螺，而係佢既辣汁，辣得好有層次，而且辣度都唔輕，司令撈汁都食左大半碗飯😌，勁想拎走佢煲辣汁！ 秘製脆皮炸豬手 ($168)食肉成癮既司令，當然唔可以錯過叫炸豬手既機會啦！豬手炸到脆卜卜，但司令略嫌有啲肉為左炸得脆口而變得乾，不過再配埋個醬汁沾嚟食就冇咁乾。醬汁係黑椒蜂蜜味🐝，食落感覺冇咁熱氣，甜甜地幾特別！ 蒜蓉粉絲蒸娃娃菜（$78）上碟嘅時候，司令已經非常震驚，因為真係非常多蒜蓉😂，粉絲同娃娃菜亦都吸哂蒜蓉嘅味道，不過司令覺得味道唔係好夠鹹，冇左一個靈魂嘅味道去提升佢嘅鮮味，或者加少許醬油會比較好。 花雕醉乳鴿 （$118）聞落已好香花雕酒味，食落乳鴿亦都好入味好香，食得出浸左一段時間，但肉質仲好嫩滑，而且肉地豐富，咬落啖啖都係肉。司令覺得除左燒乳鴿，依一味餸絕對係另一個好選擇。

早排經過佐敦,見到一間貼滿得獎相片既餐廳，原來叫飯飯店，而老闆文哥曾經係鯉魚門某出名飯店既大廚，得獎無數，於是出於好奇心就入左去試。店內員工熱情招呼下叫左三道菜2人食花雕醉乳鴿$118好入味，唔會只係得表面染色而入面無味，每啖都有好濃既酒香味 椒鹽大蝦 $時價有成6.7隻新鮮大蝦，充滿住椒鹽味，有份量！ 蒜容粉絲蒸娃娃菜 $78岩曬中意食蒜容加菜既我，好多蒜容係粉絲同菜上面，粉絲唔會太乾，適中最後來一張大合照

放工會合爸爸往飯飯店食dinner, 我們order蒜蓉蒸蠔, 半隻炸子雞和一口豆腐煲, 整體食物有很高水準蒜蓉蒸蠔:一隻蠔仔仔入面有兩隻, 蒜蓉好香而且夠熱, 蠔仔食落新鮮美味炸子雞:炸得乾身, 食落脆卜卜, 雞肉好鮮甜和嫩滑,好香口一口豆腐煲: 好足料, 入面有豆腐,冬菇、西蘭花、帶子、蝦、魷魚、個汁好濃好香, 份量十足,送飯一流, 另外、帶子,蝦和魷魚好新鮮整體餐廳小菜不錯,滿意美味的晚餐。

行完油麻地旺角，搵地方食晚飯，經過呢度，見到呢間餐廳個名《掂，飯飯店》，覺得個名好正有創意！！ 又睇下前面餐牌介紹話老闆文哥曾係鯉魚門某著名飯店大廚二十八年經驗，獲獎無數，所以入黎試下～望下餐牌好多野想試，但得兩個人怕食唔哂，所以叫侍應介紹下，個侍應好好人咁介紹咗餐廳嘅熱門之一：1) 芥末咸魚煎肉餅生菜包$98，平時只常見泰國菜會用生菜包，煎肉餅無諗過可以咁樣配搭，所以呢個芥末咸魚煎肉餅生菜包同個餐廳名一樣有創意，生菜包住少少芥末醬加青瓜同肉餅，爽口得黎又啖啖肉，令人好開胃～ (如果怕芥末醬辣，可以自己撥開少少)之後我地揀咗：2) 西檸雞$68，因屋企人鍾意食同係呢個菜式嘅專家，哈哈～ 連屋企人都話呢個西檸雞好得，因為外層炸得黎乾身唔油，但入面嘅雞肉唔乾依然好滑有肉質，雖然係家常小菜，但要煑到咁嘅技巧其實難度幾高～3) 美極乾煎鮑魚(4隻)$128，食完前兩樣，呢個壓軸重點黎得啱啱好時候，煎得金黃賣相非常好，食落更加無得頂，個鮑魚煑得啱啱好, 爽口彈牙，好好味！！好回味！！ 果然係鯉魚門海鮮專家，每人兩隻唔夠喉添 總括：呢度嘅小菜同海鮮都好吸引，價錢合理，特別推介個鮑魚！！

很久沒到鯉魚門吃晚飯，正想懷緬一下昔日時光，朋友介紹 一間由鯉魚門大廚主理的餐廳，鄰近佐敦，位置相對方便，冰決定拉著男友一同嘗試。>>>飯飯店<<<的裝修比較傳統，和鯉魚門的飯店風格如出一徹。兩口子食量不多，就只點了三碟餸。芝士汁海皇焗西蘭花 (HKD118)芝士汁香得來不會太膩，表面焗得微焦，更見香口。西蘭花以外添加玻璃蝦及鮮魷魚，令整碟餸不致太過單調。飯飯店小炒皇 (HKD108)材料挺豐富。韮王帶點辣，或許是炒得較生。小炒皇中還有腰果、菜脯、咸香十足的蝦乾、玻璃蝦、魷魚及磨菇，口感十足，以XO醬炒香，非常惹味。美極香煎飽魚(四隻) (HKD168)上碟的presentation相當不理想──好歹是鮑魚吧，尚算稍為名貴的食材，上碟連最基本的美感也欠奉矣。鮑魚煎得有點過韌，難以咀嚼，有點失望的說。蔥的味道不錯，可是薑卻不算太靚。這晚所吃的小菜還算不錯，鮑魚卻是失色。或許這煮法較為新派，老師傅還是擅長於傳統做法？