飼說 (已結業)

Enjoyed the atmosphere and lunch set. The handmade bread is delicious and the hamburger set with rice and mushrooms is very flavourful. Good portion too. Would definitely return.

行開銅鑼灣, 想搵一間坐得舒服既餐廳食午飯及吹水, 去左呢間朋友介紹既樓上餐廳, 叫「飼說Speechify」, 感覺很西式及舒服自然, 最啱三五知己或情侶黎。我因為放假Relax D 及諗住食好D, 所以叫左墨魚汁海鮮忌廉意大利飯, 個Risotto好靚, 西式得黎又時尚, 可能佢既黑白FEEL好襯四週環境。當中既海鮮有帶子、青口、鮮魷及蝦仁, 帶子及青口比較入味, 鮮魷及蝦仁就清淡D, 但個Risotto就較濃味, 配合鮮魷及蝦仁一齊食就啱啱好~呢度跟餐既麵包係手工麵包黎既, 非常軟又煙韌, 入面有充足及清香既牛油及香草, 好好味~ 沙律配柚子汁都幾清新, 而今日既意式蔬菜湯係南瓜湯, 個湯好有口感, 好多南瓜蓉及混合左好多其他既蔬菜蓉, 味道濃郁得黎又啱啱好, 堅好味~ 飲品方面, 我叫左棉花糖奶油甜酒朱古力, 一聽個名就知又濃味又heavy, 雖然呢杯野卡路里應該好高, 但真係好濃郁好好飲, 用咁多甜到漏既成份整但又唔覺漏喎, Baileys配合其他3個成份非常夾, 簡直係唔開心飲完都會開心既飲品, 正~

之前去旅行時，幫朋友買了化妝品。所以今天約飯聚，順道交收。而餐廳選擇權，通常都交給朋友決定。朋友想到SOGO對面的CAFÉ，話網頁推介的氣質CAFÉ。參考網站內有環境及食物照片，圖文並茂，的確很吸引。來到餐廳，真如網站照片一樣，白色枱，懷舊擺設，還有懷舊英文歌，真係時光倒流几十年！　 餐牌封面：非FOOD 　餓　饞　慾念　空虛感呢句真係好有氣質！好有深度！即係要深思才能參透其意囉！　餐廳是否想道出：因飢餓而饞嘴！以為隨便食飽就OK（妄飼妄食）。雖能滿足口腹之慾，但內心的空虛感仍然揮之不去。非FOOD之罪，懷璧其罪！但現在肚子真係好空虛，還是先看看有啥好吃的。最終選了泡菜飯配果茶。　餐包餐湯及沙律這個紫紅色餐湯，以紅菜頭＋黑椒＋辣椒調制。嚐了一口，黑椒及辣椒的辣味，剛好消除了紅菜頭原本的草青味，清新又開胃的餐湯。黑豚泡菜雜菌醬汁飯泡菜：酸為主，辣次之，鹹少　　　炒過的泡菜變得軟身，與一般冰凍爽脆的原件泡菜有所不同。　條狀豚肉，不是五花腩，表面沾滿泡菜橙色醬汁。 這晚只顧吹水，整碗飯已放涼了。而豚肉的肉質没有變硬，最後一口也是滑溜的。來到這個深啡色的珍珠飯。本以為是鰻魚汁炒飯，竟然是蠔油溝

吉他文青@飼說銅鑼灣怡和街42色香味要俱全, 其實食東西是視覺同嗅覺先行,放入口才轉由味覺帶領, 這間飼說是擁有視覺一流的食物賣相,以外表奪人, 食客都不忘拍照一番。結他很文青feel 食物是西式CAFE, 初看下沒什麼出眾, 但食物端上來就知厲害了,色彩繽紛的及玩層次是這裡拿手絕活。$198黑魚子三文魚柳配帶子山葵意粉，山葵即是日本wasabi芥末，白汁混芥末有中和了些攻鼻，有點攻鼻但卻可暢快一下呼吸，把意粉也染成綠色了。三文魚煎香配上黑魚子更呈鹹甘，三文魚扒實是大塊，煎至7成熟肉質不乾柴，中間保持有嫩嫩的微妙口感，魚皮也是精華，鹹香且脆脆。意粉份量偏多，女生一人難獨力完成。手工麵包底塗了厚厚牛油，但拿上手吃會沾到融化後的牛油，微熱而麵包底是酥香且富牛油香，掰開很鬆軟。柚子汁沙律那股清新的柚子醬，微甜的別有一番滋味。意式蔬菜湯喝的是蔬菜的甜，蔬菜是營養滿分，湯很鮮甜清澈，紅紅的不是蕃茄湯是紅菜頭，打成蓉加熱反不會像生食紅菜頭般太甜。金莎朱古力悅目耀眼, 因為面上原粒金莎外，更灑了打碎的金莎，有杏仁粒粒口感。朱古力很喜歡喝, 有牛奶味又有朱古力味>0< (想唱廣告歌),

今晚心情有點不好，無啦啦被老闆罵。完全唔關我事都攞我嚟鬧，條氣頂住。唯一方法就係搵朋友傾計。舒發情緒。朋友話之前去過一間位於銅鑼灣一間裝修懷舊擺設的餐廳，好寧靜的。食物還不錯。嗯...是旦啦！主要都係想傾計。放工即閃，到咗餐廳都係7:00。餐廳唔算多人，但環境唔錯，比我一個舒適感。職員安排我地座係窗前。坐底就望到枱上有一部懷舊打字機，枱面係格仔階專設計。面向Sogo。望到街外人來人往。感覺真的不錯。望望餐牌，選擇不是很多。最後選擇了墨魚子配三文魚柳帶子山葵意大利粉。包括餐湯，麵包，飲品。餐湯: 紅菜頭忌廉湯。紅紅的顏色，加少少cream 攪勻飲之下發現係有微辣，沒有草腥味。我喜歡喔!墨魚子配三文魚柳帶子山葵意大利粉。當職員放係枱面，我發現冇山葵...一問之下原來自己攪錯咗。原來山葵即係日本芥辣。三文魚柳肉好厚，但唔鞋，食時有魚油溢出。帶子就細粒咗少少。意粉軟硬適中配上日本芥辣味道身鮮。不過，如果日本芥辣多少少就更加好味。再叫杯荔枝梨子梳打。清甜，有新鮮荔枝及梨子肉。食完餐飯傾咗一輪，心情暢順了。多謝您!

小妹最喜愛尋找新的美食，今天來到銅鑼灣這間開業兩個月的新咖啡店，試試這裡的晚餐～ 餐廳面積寬敞，坐得舒服，有吧枱，有大枱。 還有窗戶座位，我這麽早來，當然挑了窗戶最佳位置啦～ 剛坐下了不久就下大雨，邊看著銅鑼灣的雨中的街景，邊享受美食，感覺寫意。 點了晚餐，先來前菜，紅色那杯為紅菜頭，味道清新，加上忌廉，口感泡沫香滑，調味得宜；沙津菜新鮮爽脆，加上柚子汁，為平凡的菜添了鮮甜味感；最讚的是這個餐包，起初心想為何沒有牛油呢，怎料一口咬下，牛油味澎湃地湧出，極級香軟，自家製的麵包果然不同！ 炸軟殻蟹意大利飯配牛油果醬($198)，賣相得，很有在高級西餐廳的感覺，綠色醬汁是牛油果打的，夠香，味不太濃，軟殼蟹味道不錯，不過炸得燶了少許，意大利飯加入了忌廉及菇去煮，味道較清，可以多點調味味道會更佳。 鮮檸檬蘋果梳打($68)，賣相很得，高貴的香水瓶盛著梳打水，杯裡的不是普通的冰，是釀入了鮮檸檬的冰，綠色點為蘋果味糖水，甜度豐儉尤人，再送你一片青蘋果，小妹覺得這個飲品實在太體貼了，雖則小妹不是凍飲的粉絲，但我也頗欣賞這個食品。 放工後相約朋友在這裡聚一聚，很治癒啊！*************

從網上得知銅鑼灣新開餐廳的風格是我喜歡的，於是帶了壽星女去吃晚餐慶祝：）有不少座位是我喜歡的白色風格墨魚汁海鮮意大利飯 $208配有餐湯、包、沙律及基本餐飲（咖啡、茶）這個飯的賣相非常吸引，像藝術品一樣！海鮮主要是有一粒帶子、青口及一些魷魚等，份量適中，海鮮味道不過不失, 調味重一些會更好。另外個飯有點乾硬，有少少難入口🙈但餐湯和沙律就帶了少少驚喜給我，餐湯是雜菜湯，加了忌廉，味道特別又好喝。沙律醬用了西柚醬，清新的感覺，有誠意的。士多啤梨雞翼 $68有五小件，價錢相對上貴，不過士多啤梨味突出，雞翼非常入味，在其他餐廳上極少有這口味，這個很好吃。榴連炸彈$68 大大粒，好像是有八粒，比想像中多！榴連波波炸得金黃鬆脆，很多榴連夾心！！味道濃郁！😍 很好吃！榴連控有福了❤️玫瑰鮮奶咖啡 $40拉花加上玫瑰花瓣賣相美美的！可是喝了覺得玫瑰味道不夠突出，咖啡比較苦澀，女生應該未必喜歡這味道。這沙冰的名稱是：柚子校車 $58真的有大大塊的柚子，很配合！上面加了些爆炸糖，隱約聽到沙沙的聲音，有了動感。喝後柚子味濃郁，但不會太酸，有開胃消暑的效果，很大杯，小妹一人喝不完。桌上放了文青草，加上桌子是格子

今日去到銅鑼灣行街找CAFÉ，竟然見到有間上樓店，上到去見到又幾靜溫書吾錯，就入左去試下，坐得都舒服而且服務不錯，坐到有餐牌午餐和主餐牌，水係薄荷葉加檸檬好新清，今次我就叫左一個面和飲品為主，大約坐左係度2個鐘都冇趕人走都OK喎！～墨西哥肉醬蕃茄闊條面…..食落去好濃墨西哥醬汁，辣辣地好香口而勁多蕃茄係度添，肉醬和闊條面吸晒醬汁好味而吾太咸，對於我黎講剛剛好，而且份量仲要吾少添….食到最後吾會成口油同冇味精。水果綠茶：森…..以為普通橙色水果茶，原來綠色為主，而且飲落去吾太濃平常水果茶好多味道，而這杯好清新感覺，濃濃青蘋果香又少少酸酸地，係天氣還在炎熱時飲落去十分舒服！～配手工包，沙律配柚子汁和意式菜湯….手工包類似豬仔包，但佢好軟身，食落去好香牛油香而好軟熟，一件實在太少吧，哈哈！～沙律新鮮配上柚子新清味不錯，湯係南瓜味，沒有出面其他地方咁杰身而保持到濃南瓜香，還有少少胡椒辣香好特別。

Pistachio Paste and Spinach Farfalle with Pine Nuts | 開心果醬雜菌菠菜蝴蝶粉伴松子仁.山脈流川在銅鑼灣的姊妹店! 點了這個比較少見的開心果醬pasta☺️ 蝴蝶粉煮得al dente 有咬口 不會淋 creamy的開心果醬帶點nutty的味道 一點也不伏 好味呢😍 有雜菌和菠菜作配料 雜菌如果可以再多點就更好了😚 中秋節要是吃月餅吃到濟了 點這個輕盈的green pasta都是個好選擇😏 食完記得要抹嘴👄Rose Strawberry Chocolate | 玫瑰士多啤梨.賣相漂亮😍 玫瑰與士多啤梨味有 但不是自然的味道 有點藥水的感覺 不過可接受👌🏼 朱古力味都算濃 不過對我來說略甜 自己還是喜歡香醇點的朱古力飲料😌 飼說的定價都略高 不過環境舒服 又有日光透進來 食物質素都不錯 還是會想再來😊試業期間全單8折😈 原本這個pasta不是在lunch set menu內 但店員幫我轉了做lunch set 抵食多了😚

I would say Speechify is a very photogenic place 📸 There is a cozy corner for you to shoot! For the food quality, it was better than expected and the portion was pretty generous. I think the price for the lunch set is much more reasonable than the original price! Otherwise it would cost like up to $100. So I ordered the Bacon carbonara ($88), it was rich in sauce, and I liked the crispy bacon a lot. It was a bit heavy and I was so full lol!I also ordered the Garlic linguine w/ clams and herbs ($

最近聽朋友講起，銅鑼灣開咗間新cafe，環境唔錯，嘢食唔差，所以我都潮聖下啦！😏間cafe都幾易搵，系正h&m隔離個間adidas嘅對面街，行完街去一流。Menu入面啲嘢食名同嘢飲名都好特別，唔多講啦，嚟到自己睇😂😂😂叫左個墨西哥辣肉腸飯，同埋一份鮮鮮西柚香桃soda等左10mins左右就到，一嚟到已經聞到個食好開嘅肉醬味，不過哩份香味唔系一般食開個種，好特別！真系好有墨西哥feel，異國風味重。其實初初食真系一啲都唔覺得辣，但會愈食愈辣😂鮮西柚香桃soda一嚟到已經好靚，自己溝嘅soda唔驚太甜😁soda啲味嚟嚟去去都系咁上下面，所以無咩特別期望。不過賣相真系好加分！同埋啲冰系有真西柚系入面！好fresh！好鐘意！最系食埋個桃同柚子，不錯！

本來諗住同同事去我去開既cafe食飯，點知上到去先發現佢地包場，諗緊轉去邊既時候有個後生仔派傳單話新cafe開張有8折，個人講野都幾風趣，佢叫我地試下支持下，見有8折又懶得諗所以就決定左上去。我地睇餐單既時候都覺得冇乜特別，都係啲普通野，最約叫左一個牛肉飯同一個小食。個黑糖牛柳茶香飯幾特別，本來以為都係牛肉上面淋啲黑糖醬，但原來係煮既時候已經落左黑糖，仲有一種香料令到好惹味，飯就係以炒既方法煮，而且入面有啲好幼細既茶葉，食落唔洗夾返走，夠哂方便細心。而小食就係炸薯條薯角拼蘑菇黑松露汁，薯條薯角真係冇乜特別，但個松露汁就真係直得一題，個醬汁好重黑松露味，入面有啲蘑菇粒好有咬口，而面頭仲要再有一堆黑松露，多到好似唔洗錢咁，都可以一試。飲品方面好有趣，「昨天沒美顔」原來係花茶，入面有好多唔同既花，聽說加埋係會有美顔功效。仲有杯「電影節」，睇落去只不過係一杯普通沙冰，嗰一刻真係極度失望，但飲落去又真係有爆谷味架喎，但有啲偏甜，啲飲品個名同個味好襯好有心思。每個餐百幾蚊再八折埋都算抵食。呢間餐廳真係好有心，真係估唔到啲員工個個咁後生都可以做到咁有水準，呢個價錢其實同翠華差唔多，但質料就唔洗講啦，

Beautiful place. Comfortable and welcoming atmosphere. Even better food and drinks. Can't ask for more.All i wish for is that more people recognise this restaurant and come here to enjoy all these wonderful food! 👍

Facebook見到有人share張圖，覺得幾靚，禁入去睇下原來先知係新開張既cafe&bar，跟手甘岩有朋友生日所以就約咗佢地去裝修幾靚，幾有文青feel，重有大窗可以望到街景幾好feelMenu選擇都算多，食物同飲品種類幾多元化;我地4個人叫左黑魚子三文魚柳配帶子山葵意粉開心果醬雜菌菠菜蝴蝶粉果仁雜菌忌廉意大利飯墨西哥雞翼黑魚子三文魚柳配帶子山葵意粉🍝🚨🚨三文魚柳幾新鮮，有少少檸檬味同香草味，幾清新; 第一次食wasabi意粉，味道好特別，雖然幾嗆鼻但口感好creamy帶甜開心果醬雜菌菠菜蝴蝶粉🍝開心果醬好重，好香，食到啖啖雜菌同菠菜，好足料;雖然食到成個口都綠油油墨西哥雞翼🍻雞翼係最有心思，去哂骨啖啖肉，味道香辣惹味，雞翼底下重有沙津菜，香辣帶少少清新，正😋飲品Galaxy Soda🍸🍹🍸🍸賣相一流，絕對係影相位，連啲名都型過人味道幾好，甜中帶少少酸，幾開胃！👍🏻👍🏻👍🏻總結食物賣相 10🙌🏻味道 8價錢 7(不過銅鑼灣係偏貴家啦)選址 10(位於交通中心地帶)

個日行銅鑼灣 見到有個女仔派傳單 係一間新開既餐廳 仲做緊八折 之後就同朋友上左去試下 裝修唔錯 尤其係近窗口個邊 望住電車路 幾有feel 之後叫左個芝士漢堡扒醬汁飯同三文魚介辣意粉 真心有小小驚喜 芝士加漢堡排加醬汁飯 估唔到可以咁夾 個意粉不過不失 唔會好辣 上菜時間又唔會好耐 整體唔錯 值得推介