馬六

營業中

休息中

朋友推薦平靚正的馬六，北角電氣道264號地舖，餐廳是新開業，裝修簡潔明亮，點左馬六無骨海南雞飯$68，海南雞肉質嫩滑，份量頗多，好味又 超抵食，配有三種醬料：黑豉油、薑蓉及辣椒醬。海南雞喇沙摻摻$66，有雞肉、豆卜和雞蛋，油麵加米粉，湯底濃香，椰奶味足，非常好👍味，值得推介。蘇東柚子沙律$28，沙律菜🥬很新鮮，蕃茄仔、柚子清甜加醬汁，酸酸甜甜配合得宜，清新爽口。這店服務員態度親切有禮，我會再回頭食其他食品。

Lunch去左食馬六，都好多人食可能附近寫字樓&學校試左最出名既海南雞飯&肉骨茶既Lunch set, 同埋藍色飯🔶馬六無骨海南雞飯配巴生肉骨茶 $82海南雞啲肉質嫩滑，而且份量很多，食極都有！配上三種醬料：黑豉油、薑蓉及辣椒醬（我比較喜歡辣椒醬）肉骨茶好重藥材味，見到有杞子很補身，入面仲有大大嚿肉，而且好嫩滑，好好味。🔶沙巴燒雞配碟豆花椰漿飯 $62個雞脾又係好大舊，但個醃料個味我不太喜歡！個飯好得意係藍色架，而且有淡淡的椰香味！🔶南洋珈央多士斑斕味 $18麵包烘到好脆，中間仲夾左厚厚的牛油帶有淡淡的斑斕味，幾好味！以上兩個飯餐都有跟熱飲，叫左馬來手工拉茶、美祿個拉茶叫左少甜，好有馬拉味道👍🏻可以試下

新加坡喇沙摻摻（$68）- 喇沙掺掺，有蝦，魚旦，豆卜，炸魚片，油麵十米粉，夾埋個味道好香口，奶味足，值得推介。馬六咖哩麵（$42）- 有雞絲，炸魚片絲，豆卜，咖哩汁，麵係炸麵底，香口又唔會太辣。馬六無骨海南雞飯（$42）- 海南雞好靚，已經拆骨，油飯好香滑，真係好抵食。獅城蝦春卷（$16）- 春捲皮好特色, 皮薄，又長而幼，拌沙律菜及汁醬好野味。馬拉盞通菜 （$26）- 可能唔記得叫小辣好似有點辣，但好夠獲氣好食！跟餐+3 叫左兩杯飲品（手工拉茶）同（凍桔仔檸檬茶）

平日炮台山返工，每日Lunch都搵不同餐廳試試，馬六開了分店在公司附近，過了Lunch Hour仍然有人在門外等候，加上炮台山呢區無乜馬來西亞餐廳。等了1-2分鐘有位了，點了下午茶餐 馬六白胡椒肉骨茶配雞油飯，肉骨茶味道好正宗，仲有啖啖肉骨，石叻單骨雞翼 熱辣辣 好香的香茅味+ 馬來手工拉茶，味道同平日飲開的奶茶更香濃好味，今個午餐好滿足，餐廳店員的效率都好高，餐廳每張枱坐滿客人上菜都好快，不用等候太長時間。食物質數．環境衛生都好好，坐得舒適，整體都好滿意，以後午餐又多了一個好好嘅選擇。

下午時間三點幾來到這裏， 雖然唔使排隊， 不過要搭枱。點了一個下午茶的馬六加喱麵跟白咖啡凍飲， 再加多個小食咖哩雞串。 飲品最先到， 大約落單後五分鐘， 凍咖啡冇乜特別。 大約三分鐘後， 咖哩麵到， 材料有雞絲、扎肉、魚條及摻摻麵底。 雖然餐單顯示我一隻辣椒， 但係食落一啲都唔辣。 咖哩湯味道很普通， 夠熱。 食完個麵， 沙爹雞串都仲未到。 等了兩分鐘，終於出現了！ 沙爹醬已經 淋了在沙嗲串上面， 沙嗲醬味道還可以， 但係啲雞串沒有味道。結帳多謝67元， 算係一般， 因為這間店舖面積很細， 但餐牌的食物有很多款式， 都很難做到高水準質素， 所以咁嘅價錢都差唔多啦。

之前行過見到新間左呢間馬六主打星馬菜- 海南雞、喇沙、肉骨茶、椰漿飯等由於個人都幾鐘意東南亞既美食，當然要搵機會去試下啦入到餐廳入面都幾乾淨企理嘢食方面其實有幾樣嘢都想試，不過一個人食唔到咁多，所以最後揀左海南雞飯加肉骨茶呢個組合先講個肉骨茶，其實新加坡同馬來西亞既肉骨茶係有分別- 分別係重胡椒味同重藥材味而呢度少有地係兩種都有，所以無論鐘意邊種多啲都冇問題我揀左藥材味較重嗰種，飲落果然係試到藥材既味道👍🏻個海南雞飯都有好幾多雞，雞飯亦有飯香整體食物質素都唔錯下次有機會或者會試下椰漿飯 😋

服務好差，一入門口店員cindy開始串串共，明明位置好多，故意指個未收拾好既位置比你，台求其抹，個個侍應當我空氣咁，指住呢個位示意我坐，然後就衝去廚房食野。整個過程由執野、廚房偷食野、比餐客人到收銀，冇洗手。上次我同我朋友兩人對面坐，佢地話由於座位問題（明明又係有3張吉台）打攪我地食野並要求我地並排坐。我總共黎左3次，每次都係服務員既問題導致我有不愉快經驗，如果唔係啲食物味道可以，我都唔會黎呢一間。希望改善啦，祝生意蒸蒸日上。

幾個月前馬六喺北角開咗新店，新店通常好生意啲，為咗唔想同人逼，所以拖到家陣先嚟幫襯，雖然係咁，但今次都一樣要等咗十幾分鐘先有位。好彩佢哋嘅輪籌系統做得好，由電腦出飛，排到第幾位都會喺屏幕顯示，一目了然。猴子點咗個沙巴燒雞蔥油拌麵，皆因一大隻燒雞脾實在好難抗拒。刻薄啲講句，燒雞脾好難整得唔好食，所以今餐滿意係意料中事，實際上隻雞脾又係燒得皮脆肉嫩，而且好入味。麵亦夠香而且軟硬適中，唔會話乾到一餅嘢咁。附送清湯一碗，可以減少啲油膩感。成間餐廳整體嚟講算係唔錯，地方舒適，啲嘢食又唔差，唔難成為猴子嘅食堂之一。

今日中午嘗試了這間馬來西亞餐廳，點了一個新加坡喇沙，喇沙湯底味道濃郁，非常好味。 麵底是由油麵及米粉煮成，口感不錯，另外，亦推薦該店之馬拉拉茶，茶味完全不覺得苦澀，感覺很幼滑。

初次見面後，一直想再探究竟，但每次經過都人頭湧湧，大熱天時，實不願在户外曝曬陽光下。今次晚上六時半經過，竟然有空位，馬上頭也不回地入坐！Encore了喇沙，有網友說湯頭淡了點，但我覺得以價位、地點來說，已經很不錯了。海南雞配肉骨茶，雞很滑，肉骨茶很順口，但油飯太乾。肉骨茶香氣不夠濃，但已經算是近期比較合胃口的味道，如果湯料稍為多一點，會很加分。配上一杯香茅蜜，不甜不酸不苦不辣，總括就是沒有味道。最後單點一碗椰漿飯。用椰漿飯撈喇沙湯底，很惹味！乾啦！P.S. 上次的不愉快經歷沒有再出現，我想，各職員之間的合作都進步了很多。P.P.S. 坐在靠窗的卡位，好像動物餵食show般，任由窗外路人全程目擊進餐過程，有時更會和你四目交投，很扣分！

呢間新開嘅馬來餐廳經常有人排隊，今次好彩有位，就即管試下係唔係咁好食...馬六無骨海南雞飯（$68）雞係滑同埋多嘅😋油飯太濕，唔夠乾身，啱哂D細路😓。馬六無骨海南雞飯 拼巴生肉骨茶（$82）份量同普通海南雞飯餐一樣，但係湯就轉左肉骨茶。肉骨茶好勁嘅白胡椒味，好彩阿爸鐘意😅巴東牛肉 配米飯（$66）唔得👎🏻巴東牛肉係柴嘅口感，好嚡🙁飯太乾身，即刻叫佢換個喇沙...新加坡魚片喇沙摻摻（$62）味道唔錯，都辣嘅。都幾多料👍🏻份量都多。價錢都貴，但係份量都足。總之唔好叫巴東牛肉飯😓🤢繁忙時間都要排隊，因為餐廳太細了，都幾逼😓某啲食物質素還有空間改善💪🏻

試業中新開的馬六，午餐特別多人排隊；今次同同事第二次到訪，比起上一次好D，門口取票，下單快，隔離枱下了單有錯即改，試業中明白。今次試了海南雞飯，東瓜湯有點肥膩，其他配料okay, 凍奶茶就不太好。多謝$68加$3涷飲。同事試了肉骨茶，湯味不太濃，可以直接飲用；整個原粒蒜頭，試了一點，okay（蒜皮太厚，只吃了肉）油炸鬼脆，熱咸柑水有青檸，正。$72。下次又可以試下其他菜式。附近開了很多食肆，希望水準可以不斷提升。

去先生公司附近搵佢食午餐, 撞到佢幾位同事, 佢哋話公司附近最近開咗間新嘅馬拉餐廳, 於是一齊去試吓我叫咗個新加坡喇沙摻摻同馬拉拉茶, 而佢就叫咗個無骨海南雞飯個喇沙摻摻嘅湯底好濃郁, 材料都算豐富, 有鮮蝦, 魚片, 白魚蛋, 豆卜, 半隻雞蛋同芽菜最特別嘅係佢仲會附上青檸檬, 俾你唧啲檸檬汁落個湯底到, 非常細心👍🏻👍🏻海南雞飯肉質嫩滑, 油飯亦好有雞香😋以港島區嘅餐廳來講價錢非常合理, 相信會成為佢哋之後成日嚟食午餐嘅地方

分享一下。難得有新店開幕，上星期六充滿期待的一探究竟。中午時分，門外有七八人在等，店內也有七八個空位，門外客人問何時可入座，店內職員說要等候安排。五分鐘後，人仍在等，位仍然空，家人入店內查問為何未能入座，職員說因為廚房一時未能處理太多柯打。另一個五分鐘後，被安排入座，眼見附近客人都在等待食物，頓時自己心裏有個底。坐下，找第一位職員下單，３個套餐３杯飲品，拌麵、NasiLemak、Laksa，熱咖啡1杯、凍美祿2杯。等候食物時，查看訂單，飲品出錯了：熱咖啡1杯、熱美祿1杯。馬上通知第二位職員更正訂單，當時她表示明白。然後第三位職員送上熱咖啡1杯、熱美祿1杯，當家人向職員說飲品是1熱2凍，而我補充正確訂單是熱咖啡1杯、凍美祿2杯時，第三位職員竟用手指住我說：『噓！我正在聽這男士說明訂單。』當下我覺得這職員態度很不客氣，但我明白工作太忙時，職員一定會有情緒，因此我選擇了安靜，沒有向職員發火。接著，第四位職員更正訂單為熱咖啡1杯、凍美祿1杯，仍舊是錯的。糾纏十分鐘後，第五位職員送上的是1杯熱美祿。最後我請一位穿著恤衫的男士過來跟進訂單，然後2杯凍美祿才送到。整件事，我覺得前線的職員都很無助和被