鬼滷 (已結業)

椒鹽普寧豆腐 $68外表薄脆, 豆腐滑溜蘭王蛋蠔餅 $88蠔仔大粒, 蠔餅香脆, 醬料跟魚露/辣醬, 好夾don't get me wrong, 整體係好食嘅但我會話風味同大排檔嗰種唔一樣, 如果你係expect啖啖蠔嘅話, 你可能會失望潮式方魚BB西蘭花 $98出街食飯嗌菜成日怕會好油/好鹹, 呢個完全冇, 加上方魚脆粒作提味, 有趣!潮式滷水拼盤(五選) $328我揀咗滷水鵝片(*要另加錢), 鵝腸, 慢煮鹽香雞, 墨魚, 豬仔脾佢有蠟燭坐底加熱咁上盤, 所以溫度保持得唔錯, 加分另外我唔知係咪跟其中一種配料, 定佢本身default會跟, 總之上菜發現有埋豆腐片OVERALL 其實食物質素不俗, 份量都好合適如果想同朋友坐得舒服, chill住咁食打冷, 鬼滷會係唔錯嘅選擇只係略嫌menu選擇唔多

平日晚餐黎食滷味，估唔到full house，滷味汁用心製作好出色👍🏻蘭王蛋蠔餅-蠔仔大大粒，完全冇過熟，肉質飽滿-用左蘭王蛋蛋味好香-十分酥脆，沾上魚露同泰式醬好開胃惹味椒鹽普寧豆腐-不油膩，豆腐厚切，好滑-有韮菜湯，沾湯後另一口感冇咁熱氣滷味三項-滷水鵝片: 姐最歡喜的一味！滷汁相當出色，有八角香葉等的香味，欣賞overall 唔會太濃太咸，微甜，非濃味派的十分欣賞！鵝片嫩滑肥美，鵝味濃郁-墨魚: 師傅刀功好好，薄切，墨魚爽口彈牙-豬仔脾: 坊間比較少見用黎作滷水，但都幾夾！豬仔脾吸汁力高，每口都沾滿滷香味。豬肉肉質好嫩，高質黑松露拌麵-拌麵口感好好唔會太粉，加上黑松露汁好香好惹味!

能夠系銅鑼灣立足開餐廳，其口味同特色必先要與眾不同，今次嚟到#鬼滷 一嚐新派潮州菜。位於The L Square二十一樓，於銅鑼灣廣場二期旁，附近更有停車場方便泊車。餐廳環境主調為紅色，其佈置為充滿時尚中式，大約有廿多個位，同傳統潮州菜確有不同。當晚幾近滿座，好彩有提早入座。坐底後，先奉上一盤爆谷🍿。同埋一人一碟秘製辣椒油。蘭王蛋蠔餅$88熱辣辣蠔餅十分燙口，鮮炸出來外層金黃酥脆，蠔肉都非常豐滿美味，入口蛋香味同埋蠔味十足。無得頂。👍黑松露蔥油拌麵$78麵條煮得恰到好處，黑松露又超多，相當有誠意，味道無得彈😄👍🏻潮式滷水拼盤（3選）$238咗揀左鵝腸、墨魚和慢煮鹽香雞，上菜時，滷水拼盤下方會有蠟燭助熱，讓食材保持熱度外。並加重了濃郁滷水味，鵝腸都洗得好乾淨唔韌，墨魚爽口彈牙。雞肉同滷水汁非常夾，雞肉肉質鮮嫩。好滋味。荔枝接骨木梳打$42解飽膩又開胃的飲品，女生頗愛飲的。蜜糖柚子梳打$42非常清新，蜜糖和柚子搭配恰到好處，令人感到舒適和放鬆。部分菜式如烏頭、大眼雞等還需提早預約，詳情咨詢店員!!

係聖誕節係要同朋友見下面的, 朋友介紹左一間叫做鬼滷的潮州菜, 聽個名都知玩味十足, 似係新派餐廳, 所以去跟朋友去試下新野餐廳位於銅鑼灣, 位置方便, 而且因為係頂樓, 個景好靚, 入面環境都幾好, 幾精緻, 而且有好多FIGURE, 連部氣炸鍋都襯返個牆既顏色,成個感覺好新派, 而且都坐得幾舒服下豉椒蜆-$98炒得幾有鑊氣, 少少辣幾惹味下, 而且蜆肉幾多, 完全冇沙潮式滷水三拼(鵝肉, 墨魚, 豬腩肉)-$238鵝肉真心冇得輸, 唔算肥, 嫩口得黎幾有肉汁, 而墨魚幾爽彈, 豬腩肉肥而不膩, 而且D個三拼係有個盤不停熱住, D個小節睇得出佢好有誠意蠔仔粥(二人份)-$108鮮甜入味, 成個粥煮得香滑, 生蠔鮮嫩多汁, 配料恰到好處, 每一口都令人滿足總結成餐都食得好滿意, 食物同環境氣氛都唔錯, 唔怪得朋友咁推薦D間鬼滷

23年12月24號平安夜一心諗住食所謂新派打冷 但所有野食都無新過 巧立明目既蠔餅 係咪用蘭王無人知 蠔仔少 腥臭 炸粉厚 無蛋香鴨血 無味椒鹽炸豆腐 正常發揮 菜式附帶一碗蔥水但無教你點樣食滷水拼盤 叫左鹽焗雞，鵝片要加錢，豬仔脾似煲湯肉 滷水淡而無味 墊底滷水豆腐 豆腐唔滑又無味bb 西蘭花 有花雕酒味蠔仔粥 蠔仔少，又腥，無大地魚味，唔鮮，唔甜6樣野 無樣得服務差 上菜慢 枱又細 好彩無叫滷水火鍋 隔離枱等左半個鐘 催左幾次先上到 侍應仲話火鍋要耐啲 R 哂頭，然後，個鍋用酒精膏做燃料，全程無滾過咁淥啲野食 睇見都慘。佢地臨食完火鍋叫多個蠔仔粥，無幾耐，侍應就話佢地夠鐘要交枱，轉外賣得唔得。真係火鍋唔滾，但佢地就火滾。 睇完大島與龍威個影片分享網站先諗住試下間野，點知大伏。試過佢地推介既野咁伏，我都唔敢再信佢地推薦餐廳

呢間銅鑼灣小店專食滷水菜，今次二次回訪椒鹽普寧豆腐$68食過超好食，炸粉又薄又夠味，外脆內軟，食唔停口🉐蜆仔肉生菜包$88份量精緻，有蜆仔所以幾鹹，不過撈埋肉碎夾係生菜到，個味就中和返韮菜鴨血$78先生鐘意，食晒成碟潮式方魚BB西蘭花$98健康正氣鬼滷飯（原味）$25白飯再加咗少少調味，另有辣味選擇🚩鬼滷 (銅鑼灣) @gwailou.hk 📍銅鑼灣駱克道459-461號The L. Square 21樓

食物好普通，什至係唔合格既潮州菜。但價錢一D都唔平....潮州蠔仔粥，蠔肉極少 沒有大地魚香味 沒有豬肉碎吊味....第一啖放入口就己經知道蠔沒洗乾淨，連蠔水一齊煲，結果一陣陣蠔腥味。失敗。蘭王蛋蠔餅，佢原意應該想炸脆作賣點，點知粉漿開得過硬，食落根本唔係脆 已經係硬身。而且蠔肉什少好似食炸粉一樣。而且標明使用蘭王蛋，但炸出來根本沒有蛋香味，莫講蘭王味...失敗。鹵水拼盤5種，鵝片仲要加28$，全份過300$，但比料什少...鹵水亦唔入味，墨魚片食落好似白烚咁，鵝片唔係嫩滑，豬仔脾唔入味仲要鞋口，肉實湯渣一樣。最好笑係舊雞，白切雞淋D鹵水汁就當鹵水賣...但偏偏整牒菜最好食就係舊雞....鹵拼嚟講，完全係失敗..而且價錢貴。黑松露麵，松露味就夠，但麵身過淋，淋到完全無口感，扣晒分...整體嚟講，想扮新派風既潮州菜。不但保留唔到傳統優點，亦無增加到新派優點落去....反而缺點多多，價錢亦貴。如果要食鹵水或潮州菜，去返傳統潮州店吧。就算不太好食，都不會令你太失望先...而且價錢份量，比起鬼鹵相宜得多....

朋友話想食打冷即刻搵一搵，有啲乜嘢係特別嘅打冷餐廳鬼鹵係銅鑼灣市中心行到攰就可以上去食吓嘢，超級方便一上到去，完全係試過嘅衝擊裝修非常之精緻，以紅色牆為主而且舖頭唔係太大，所以相對都唔會太嘈好啱同朋友一齊食吓飯傾吓偈整體餐牌唔係太多嘢食係我哋仲睇緊叫咩食嘅時候先送上一個熱辣辣既焦糖爆谷🍿超級窩心同埋特別今次我哋叫咗八爪魚沙律 個沙律酸酸地都幾開胃椒鹽普寧豆腐 推👍🏾呢個豆腐係炸到外脆內軟再配上香蔥鹽水食滷水拼盤 (鵝片，鹽水雞，魷魚)拼盤比較正常，鵝片有少少嚡口黑松露蔥油拌麵一睇到個餐牌就超想叫呢個黎到個麵底有少少似去飲嗰種伊麵有少少失望但係整體都好重黑松露味豉椒蜆唔太似平時既豉椒味有小小似加左豆瓣醬一齊炒而且唔係剩係得個殼蠔仔粥（二人份）雖然二人份，但係都分到4小碗有香葱，芫荽，冬菜 三個配料自己加潮式方魚BB西蘭花平時都算係好少食到呢種西蘭花味道正常，整體煮得好適中👍🏾

銅鑼灣呢間餐廳開宗明義要打破傳統潮州打冷舊有框架，令大家都可能優雅地 ！裝修用上鮮明嘅紅色，一嚟就先奉上焦糖爆谷🍿開啟食欲之旅。椒鹽普寧豆腐今餐獲得我哋一致好評嘅小食，用料簡單但已經好好食。豆腐口感軟滑，外皮香脆惹味而一啲都唔油膩，食落外酥内嫩；鹹鮮嘅味道再加上食嘅時候淋上韭菜湯汁更加增添風味。蘭王蛋蠔餅🍳蠔餅份量十足，煎得香脆鬆化而入面有好多蠔仔，面頭仲有啲柴魚碎好吸睛；口感豐富又夠曬鮮美。味道唔錯但認真地係食唔出個蘭王蛋嘅特別之處，始終都係加咗鴨蛋嘅會更加香。潮式滷水拼盤 🪿（五選）-份量足，滷水味道唔會好濃烈，挑選咗滷水鵝肉、鵝腸、豬肚，墨魚同埋豬仔髀加埋仲有墊底嘅滷水豆腐，好豐富！一次過滿足6個願望。當中比較少見係豬仔髀，肉質夠嫩又有豬肉香 都好有驚喜蠔仔粥🥣（呢個係二人份）粥底同平時一般食開比較淡口重方魚味嘅唔同，呢度本身已經充滿蠔嘅鮮甜，比較接近湯嘅味道，所以就算唔食蠔仔肉都已經好有味~同行潮州朋友仔表示不滿太多料，無得重現細個食開個種靠榨菜吊味嘅淡茂茂嘅回憶 😂😂😂蜆仔肉生菜包🥬最後追加多一味 （不過疑似漏咗單，最後10分鐘先上菜，搞到食到勁趕急）蜆仔肉雖然細細粒好似肉碎

今時今日去銅鑼灣食打冷都可以‘潮’得起，這間餐廳裝修比較新派，有好多擺設，完全係‘潮’食潮州菜，適合後生仔，睇住個好開揚嘅夜景，聽住有節拍嘅音樂食滷味，都係第一次體驗。餐廳前菜，有個爆谷俾你，幾有趣！朋友想食些菜，所以叫咗個八爪魚沙律，味道好西式甜酸汁，八爪魚嘅份量好多。每台必叫鹵味拼盤可以拼三款至五款，$238同$298嘅分別。鵝片上枱份量都幾多，鵝肉處理得幾嫩滑，入口有滷水陳香，呢度嘅滷水唔算太鹹，覺得唔夠鹹，叫了侍應俾些魚露或醋汁提味。豬仔髀共有三隻，份量非常之大，食物是分開滷水處理，所以豬仔髀一咬，髀肉即刻可以撕開，味道唔會死鹹。鵝腸值得一讚，肥膏都已經處理掉，所以剩返爽脆嘅外皮，入口一啲都唔韌。豬腩肉睇落好邪惡，但入口爽脆，切得夠薄身，所以夠入味。豬肚入口爽脆，夠彈牙。再叫咗個蠔仔粥$108，蠔仔非常之飽滿，粒粒都係脹卜卜，非常鮮味，旁邊嘅配菜芫荽蔥及冬菜，鮮味十足，分量啱啱好。

兩個愛打冷的女人，今晚就一試這間新派打冷。裝修適合打卡，符合食得又睇得的要求。晚上是滿座，好彩有提早訂位。潮州滷水拼盤（三選）：⭐️慢煮鹽香雞：慢煮的方法，保留了雞的嫩滑度，鹽度適中⭐️墨魚：墨魚切得很薄，有口感, 爽口富彈性⭐️滷水鵝片：鹵水湯汁不會過鹹，鵝肉沾點蒜蓉白醋，非常搭⭐️豆腐：口感細嫩幼滑，搭配鹵水湯汁，剛剛好黑松露蔥油拌麵：簡單中的不平凡，香氣撲鼻的黑松露和香脆的蔥油，味道層次豐富。黑松露的獨特風味為這道拌麵增添了豐富的口感。蘭王蛋蠔餅：蠔粒肥美新鮮，煎得香脆，外酥內軟，帶有豐富蛋香和蠔粒鮮味

今日同屋企人去咗銅鑼灣食晚餐，餐廳環境好好，驟眼睇以為食西餐，原來係食滷味！佢哋嘅前菜竟然係爆谷，不過又甜又脆，又真係幾適合作為開胃小食。椒鹽普寧豆腐，豆味好香好滑溜，外脆內軟，椒鹽夠曬惹味。可以試下點韭菜鹽水，鹹鮮微辣，風味獨特。潮式方魚BB西蘭花，西蘭花好爽口，方魚細細粒容易咬。潮式滷水拼盤，揀咗滷水鵝肉、鵝腸、豬仔脾，鹵水用咗蜜棗、八角、肉桂等調味，上菜嘅時候用火熱住保暖，非常貼心。拼盤都有鹵水豆腐，相對普寧豆腐硬身，係另一種風味。第一次食鹵水豬仔髀，感覺新鮮，肉質幾嫩，鵝腸爽口，鵝肉結實又唔會太肥。蘭王蛋蠔餅蠔餅，用咗蘭王蛋，蛋味好濃郁，上面加咗少少木魚，即刻變咗日式風味，好似食緊大阪燒咁。蠔仔又多又大粒，可以做到一啖蠔一啖餅，好過癮。韮菜鴨血，聞落好香麻辣味，但又唔會太辣，反而香麻味會慢慢滲出嚟，點到即止。鴨血好彈牙，加埋新鮮嫩滑嘅韮菜，非常出色。

前排OpenRice見到一間好有特色嘅餐廳，係食中菜，但裝修唔係普通嘅中式餐廳，所以決定試吓入到去侍應比咗碗蜜糖爆谷比我地，爆谷唔會太過甜，啱啱炸好熱辣辣，好好食，呢個飯前小食可以俾我哋等主菜嚟嘅時候填下個肚先～潮式滷水拼盤（三選）野食方面我哋揀咗滷水鵝肉、慢煮鹽香雞、豬仔髀。嘢食嚟到嘅時候個盤仲會有蠟燭喺下面㷫，所以啲嘢食保持暖笠笠。滷水汁唔會過鹹，肉質同滷水豆腐都嫩滑。店員另外都拎咗蒜蓉白醋同埋辣油俾我哋點，兩個汁都好味。蘭王蛋蠔餅蠔餅入面有好多大大粒嘅蠔仔，食落去鮮甜唔腥，成塊蠔餅煎得好香脆，略嫌炸粉多咗啲啲，所以食落會有啲啲油膩。潮式方魚BB西蘭花呢個一上菜好有驚喜，因為印象中嘅西蘭花都係平時食開細細棵，原來呢個BB西蘭花係好長。味道方面都好清甜，炒得好翠綠，用埋潮州方魚嚟炒帶出咗濃郁嘅味道。凍蜜桃香茅烏龍茶侍應一拎嚟嘅時候以為係支酒嚟，個罐包裝得好靚，呢個烏龍茶飲落去唔會太多茶味，因為蜜桃嘅甜味同茶嘅甘味中和咗，飲落去都好清新。荔枝接骨木梳打甜甜地同好清新🤪

早前都有試過這間新式潮州餐廳，介紹朋友後大家都讚口不絕，餐廳環境佈置精美，坐得舒服，價錢亦不算貴，有別於一般潮州菜在大排檔或者熟食中心，這裏的菜式加添Fusion味道，擺盤精美，質素又好，難怪九點離座時外面仍有人排隊等候。💙椒鹽普寧豆腐每次來到都會點的一道小食，水準依然保持高質素。普寧豆腐作為一通常見的潮州小食，用料烹調都簡單無比，卻是潮汕人的至愛，這裏的豆腐口感軟滑，而外皮炸得香脆卻不油膩，椒鹽調味香口，味道不會過鹹，鹹香味道更能帶出豆腐豆香，再加上韭菜湯當作醬料，把外面脆皮稍稍變腍再咬一口，口感層次豐富。💙蜆仔肉生菜包蜆肉生菜包是順德人容易吃到而又愛吃的一道傳統菜式，吃生菜包寓意人財兩旺，長久發達，適合時節慶祝。蜆仔肉細細粒但味道鮮甜，口感彈牙，蜆肉份量多，每啖都啖啖肉，加上生菜清甜爽口，另外有肉碎、韭菜以及炸米粉等材料，味道和口感出奇地匹配，每一啖都滋味十足，非常推介。💙潮式方魚BB西蘭花第一次見西蘭花以長條狀切割，賣相特別。西蘭花爽脆新鮮，頗有咬口，再加上方魚粒粒，鹹香味道頗能配合西蘭花的清甜。💙潮式鹵水火鍋鹵水火鍋絕對是今餐的重點菜式，一上枱已經聞到鹵水汁的陣陣香氣。至於配料

睇影片分享網站介紹後聞名而來，但以後唔會再黎。食物方面炸物好好食，但其他菜色一般甚至冇味。服務方面真係差到無言⋯只有2名青年侍應處理樓面，不專業且欠缺經驗。其實樓面好細只有5、6台客，但每樣野都要叫先做（給予公筷、添水等等），除了上菜其餘時間都找不到人，上菜時還要客人幫忙清空枱面🤷‍♀️另外我們叫了潮州滷水火鍋（整鍋連蠟燭熱住上），但整顆蠟燭燒完個鍋都未滾，個侍應話其實個湯底本身已經滾左一次，叫我們把食材浸熟就食得，但食材有海鮮（墨魚仔），就咁浸又點夠熟呢？😂