鮨文

營業中

休息中

工作關係要轉坐元朗，知道這邊很多穏世食店，想在這段時間四處試試。由於BB剛出世，老婆不想食生泠東西，已經差不多半年沒有食日本壽司。我很簡單。食材新鮮丶干淨是我食日本壽司的基本要求。這裡做到了。在壽司製法方便也作出了變化，如醬漬、炙燒、加紫菜、加海鹽等等。司傅手法尚可，氣氛沈悶。中午時份以$300+10%食師傅推介是可以接受。見晚餐要$1000，我未必會試。另外加分是店內唯一女待應，我相信是日本妹，識講廣東話，人又吸晴。

元朗既鮨文, 上年都食過一次, 因為價位比較高端, 所以都唔可以成日食~~不過, 見今年工作幾順利, 又係年尾, 好啦, 就豁出去, 趁係聖誕節前冇咁多人Book枱上星期就約左閨蜜來食餐好味既日式私房菜吧! 今次都係食好期待既omakase, 姐係廚師發辦, 用上當日最優質既食材, 價位約hkd 1850 (未加一), 雖然看來幾貴, 但食過你就知物有所值, 而且這天都滿座呀, 看來愛吃和捨得吃都係香港人特質呢~ 坐好後, 有2位師傅為你張羅, 值得讚的是二位師傅用餐期間都好nice,整餐飯都係輕鬆愉快既氣氛下完成,而且每款食物送上時,師傅亦會細心介紹一番,讓你可以係最適合既時候食到最美味既食物! 略略呷口香茶, 抺過手, 我們開始吧! 首先送上係茶碗蒸, 賣相真的嘩左一聲, 金箔呀!!!! 這個茶碗蒸湯底比較稠身一點, 食落口好鮮味, 用上好多新鮮食材包括香菇, 江瑤柱, 蟹肉, 銀杏等等, 而且疍夠香又夠滑, 口感濃味一點, 因為師傅落左黑松露!!! 陣陣惹味既松露味飄來, 叫人口水直流! 師傅會係席間比啲前菜你清清胃口, 我好中意鮮淮山和蘿蔔漬! 好好味! 鱈

元朗無人不曉既～～鮨文🍣，係食omakase ，即係全程由廚師發辦，完全唔食用腦諗食咩，只需要享受一下過程😍我成日行過門口都會散發出一鼓羨慕既眼神😵好想好想入去試一次，竟然今日老公無預告下帶我去食喎，我緊係唔客氣啦😝門口完全見不到入面，給人神秘感覺。坐喺入面進餐又唔會比出面環境騷擾，食得舒服😌一坐底職員就送上餐牌，會問下有咩唔食😝話哂第一次食緊係咩都要食啦，心諗個餐牌有成20樣東西，真係一樣食一件都夠飽茶碗蒸第一道上檯既菜式，面頭既金箔給人高貴既感覺，蒸蛋滑到不得了白子廚師只輕輕帶過口感似豆腐花，完全沒有講到白子係咩，但加咗些柚子酸好易入口，唔會令人有抗拒感，至於白子係咩，有待大家再探究🙊北海道毛蟹～～啖啖鮮蟹肉配濃郁蟹膏簡直一流享受巨型鮮帶子鰤魚（油甘魚）背及腩部～～背部夠鮮甜爽口，魚腩位超肥美又唔會多根中拖羅及大拖羅😍😍中拖羅夠鮮，大拖羅一放入口令我好滿足，滿口魚油看食飽刺身就到壽司出場啦🍣太刀魚天婦羅（牙帶）牡丹蝦北寄貝俄羅斯魚子醬黑睦金目鯛（大眼雞）針魚壽司飯軟滑煙靭，刺身鮮味，壽司由爽脆鮮甜到軟滑濃味，齒頰留有陣陣魚香。右口魚手卷用火槍將右口魚邊魚油全部逼哂出黎，個手卷一口就

很少寫食評，但今次不寫不可。老公帶我去鮨文食生日飯，我地食第二輪八點半，同我地一齊入座既重有另外5pair人，有情侶，有夫妻，有父女。邊食師傅邊介紹魚的口感味道特性，樣樣都好好食。黑松露茶碗蒸 池魚 吞拿魚 松葉蟹 蝦 帶子天婦羅 右口魚手卷，掛住食有啲已經唔記得啲名。最驚喜係師傅即場準備壽司蛋糕，啲海膽成座山咁多，共有四款不同的海膽，款款都好新鮮 好甜 濃濃的海膽味。正！最後甜品有噴左小小威士忌既蜜瓜，清甜的果香為今晚既晚餐畫上完美句號。時令的食材，師傅邊準備準和客人談笑風生，輕鬆享用一級美食，人生一大享受。今年生日好難忘，多謝老公

之前有朋友食過「鮨文」，話食材高級、質素超班，小妹聞名不如見面，今晚終於約到友人一齊食高檔次日本料理舖頭位於元朗內街，舖內座位唔算太多，入面全部坐bar枱，可以睇住師傅整刺身、壽司。坐底後，侍應遞上餐牌，入面係一個set，問我地有冇乜嘢唔食，我地話冇，師傅就開始喺我地面前整刺身師傅風趣幽默，一邊製作刺身、壽司，一邊同我地傾計，好互動第一款遞上叫茶碗蒸，賣相好靚，蛋上面有金箔襯托，食左一啖，蛋好滑，又有蝦既濃味，入面仲有冬菇、元貝仔，令到茶碗蒸多一份鮮味。再上就係白子，個樣好似迷你豬腦，試左一啖，好creamy，質感好得意，我地問係乜，師傅笑笑口話魚既精囊,我地真係孤陋寡聞，不過又唔抗拒，今次真係第一次食鰤魚背及鰤魚腩，師傅在鰤魚背刺身上配上柚子醬汁，突顯左刺身既鮮味，另外，鰤魚腩用火炙燒過，果種魚油香真係香到不得了，食落去比想像中更好食鮑魚配鮑魚肝醬，鮑魚肝醬係用鮑魚內臟製成，我初以為會有苦味，食左一口，又無喎，甘甘地，好濃既鮑魚味，碟上有一小飯團，係for我地點埋d鮑魚肝醬食，師傅叫我地唔好浪費，真惜食到食黑睦，配上俄羅斯魚子醬，加上金箔，特別帶出一份矜貴，師傅話依盒仔魚子醬要成二仟

鮨文，一直都耳聞於朋友之間的元朗日本料理店。今次趁住新工終於出左糧就決定好好犒賞一下自己，同時慶祝自己揾到份鐘意嘅工作。金箔松葉蟹茶碗蒸。簡單的和風蒸蛋配上松葉蟹肉／元貝／銀杏／鴻喜菇等，再以金箔點綴加添貴氣。入口蛋香嫩滑之餘，蟹肉及元貝增加鮮味及口感。以為係一道清淡嘅前菜，但味道十分濃郁令胃口大開。 鱈魚白子。即係鱈魚的精巢，係日本人秋冬補身佳品而且呢段時間：１０月尾至３月係白子最肥美嘅時候，所以師傅都入貨帶俾顧客品嚐，正所謂不時不食嘛。白子入口柔滑豐腴，配上微酸柚子醬醋沒半點腥味之餘反而有點奶滑香。師傅仲話女士食左滋陰養顏，男士食左…嘻嘻。 鰤魚。即係大家平時聽開嘅油甘魚，師傅話因為野生鰤魚係產卵季節會回游返出生地生產，所以活動量好大魚肉會比養殖嘅更呈現偏紅色。 魚腩位經過炭火網燒，油脂嘅焦香味突出。師傅話加上少量山葵除左可以提鮮之外亦可以令魚脂食起上黎無咁膩。果真入口魚脂得以緩和，炭香味明顯。 背肌位掃上柚子醬油，味道比起山葵温和清爽。食落軟腍中帶韌度仔細咀嚼下油脂以及魚肉嘅香甜味慢慢滲出，帶出同腩位兩種唔同嘅感覺。師傅話為左保持新鮮，所有食材都由日本直送並會按照時令及當造食材入

朋友帶我食生日飯，仲要係omakase，好期待，唔知有咩食呢？入到去 waitress 送上 menu， $1850一位，好多嘢食，有成18款食物，好期待，如果有嘢唔食，仲可以出聲，我就咩都食，所以無改茶碗蒸第一款送上嘅就係茶碗蒸，熱辣辣，面層仲有金箔，材料豐富，有蟹肉、滑子菇、小乾貝等，呈半透明狀，清清哋，仲好香蛋味，食慾大增八太魚原來八太魚即係石斑，中式嘅就食好多，刺生就真係第一次，色澤潔白粉嫩，油脂豐富，配上柚子汁，好清香，好醒胃稚鰤鰤魚係野生嘅油甘魚，深粉紅色，油脂分佈平均，仲輕輕用炭火網燒，好滑，又甘香，仲有炭燒味添秋刀魚食食吓，廚師問我哋食唔食紫蘇，當然食喇，原來係呢道菜嘅食材，用紫菜包住紫蘇葉、大量薑絲、芝麻及秋刀魚，紫菜只係包住半條秋刀魚，可以清楚見到半條閃閃爍爍嘅秋刀魚，賣相已經好吸引，一咬落去就食到爽脆嘅紫菜，所有材料出奇哋夾，秋刀魚肥美，配上其他食材又有一種清新嘅感覺北海道帆立貝帆立貝加上薄薄嘅炸漿輕輕炸過，再用爽脆嘅紫菜包住，再加上海膽，對我來說好新鮮，一次過品嚐冷熱脆軟嘅感覺，對比大又好有層次感毛蟹賣相吸引，隻碟已經好靚，一絲絲手拆嘅毛蟹肉在下層，上面就係金黃

今次再訪鮨文原來已換上新價目表，只有一款omakase價錢 $1850/位侍應奉上熱茶熱毛巾後就先上茶碗蒸又滑又軟熟的蛋入面，有松葉跟芫茜香氣，仲有元貝嘅鮮甜，仲加入金箔非常貴氣白子係鱈魚精巢，混上醬汁有少少微酸，食落勁軟滑無腥味野生獅魚唔係油脂爆發型，但都格外鮮美，相反經炭火網燒過嘅另一件就油脂非常豐富關池魚卷上薑蓉跟芽蔥，入口結實帶爽，仲多一份薑蔥香味層次用上紫菜比住微炸過嗁北海道帆立貝，再加入海膽，一冷一熱鮮上加鮮，好鍾意呢個喔毛蟹拆肉，面上仲有蟹膏，點少少柚子醋非常鮮甜美味，膏上面係菊花喔中拖羅魚鮮味豐富，油脂更加滲滿口腔大拖羅就用紫菜包住，入面仲有一大塊紫蘇葉，食落大滿足啦，油香滿滿，但好在有紫蘇中和一下銀鱈魚bb經火灸過，再配上自家製海膽忌廉汁，層次相當豐富，魚肉嫩滑帶香仲有海膽忌廉嘅鮮味奶滑黑陸魚係深海品種，肉質軟腍，加少少鮮海苔更美味深海池魚好有咬口且油分不少竹籤魚鋪上黑松露，魚皮爽帶勁，松露香居功不少赤杜蝦鋪上蝦膏與蝦子，入口爽身帶膠口，太鮮味了北海道蝦夷鮑經煮過後好嫩腍，點埋個鮑魚肝醬起甘香美味剩下嘅醬仲可以撈米飯食三文魚籽經漬過，每粒都飽滿又大粒，油香不斷，好想成

今日係一個特別既日子，所以一早就訂了這間想食好耐既日本餐~一開始，先了解一下今日既菜單大致上有什麼。全晚既人客唔多，正好適合喜愛寧靜，慢慢享受一頓晚飯既我倆。一開始師傅係碟邊放左兩款日本漬物，黃色係大家都熟識既醃蘿蔔，爽脆到不得了! 啡色既係味道好似魷魚肉鬆既蒜頭，蒜頭經醃製後己經完全沒有蒜頭濃烈既味道，剩下既只係爽口同甜甜既好味道。茶碗蒸- 入面有海苔、冬姑、大量魚子、瑤柱，同師傅傾談間知道一般日本餐廳食到既魚子會太咸係因為沒有經過處理，一到餐廳就UNPACK拎出去賣，但空運前由於要保鮮所以會加鹽，所以平時食既大多數都會覺得過咸。鮨文既三文魚子味道就剛剛好，每一啖都配幾粒魚子去食淡淡既蒸蛋，恰到好處，冬姑海苔瑤柱亦令鮮味更加提升，作為依一餐第一道菜，雖然只係簡單既茶碗蒸，但都做得咁好，確係令人對之後既菜都更加放心!鰤魚 (油甘魚)- 我相信唔需要我文字講解，淨係睇相都己經知道依兩片油甘魚既油份係有幾豐腴! 淡淡既魚味，肉質緊實之餘又油香四溢。秋刀魚卷- 秋天開始當然秋刀魚係當造既刺身! 終於見到師傅開始表演，用紫菜包住秋刀魚、酸薑、紫蘇葉、芝麻等配料，入口既味道非常有層次同複雜，但味

終於黎到一直好想試嘅鮨文食Omakase 個人認為廚師發版除左係食到最當造最新鮮嘅材料 仲有同師父嘅互動真係會學到多左好多關於日本料理嘅野～🤤雖然價錢係貴 但真係性價比好高！可以比味覺去日本一轉旅行～真係咩都抵番哂！所以我都異常期待呢次嘅Omakase～呢度原來岩岩改左setting 變成兩邊嘅吧枱 大概坐到15人左右話哂都第一次食Omakase 就想咩都試下 所以我揀左$1850嘅套餐～坐正係師父前面 係絕佳嘅位置啊！茶碗蒸打頭陣端上嘅係佢地招牌茶碗蒸～上面淋上一層帶濃稠帶重黑松露香羹狀高湯☺️ 而埋係下面係燉得超嫩滑嘅玉子 入面材料超級豐富！白子之後係白子～ 師父先賣個關子唔話我地聽住係魚嘅咩部位 想我地客觀試清楚個味道先😳質感帶creamy而有唔會太鬆散 口感順滑～最後揭曉係鯛魚嘅精囊 比我想像中易接受啊！😂😂新鮮程度令到做到一啲腥味都無 香味非常濃郁！而且上面嘅明太子同帶清新味道嘅柚子醬油令去卻左魚腥味！好食啊！😋鯛魚嘅雞子係依家11月至2月正係最時令嘅時候 對女士黎講有滋陰養顏嘅作用～岩哂我地呢！ 而夏天就會用燒嘅方法去食河豚雞子！鰤之後嘅就係鰤魚一魚兩味～ 呢個名對我地都好陌