鮮蒲 (已結業)

之前上親大陸見到花甲粉都好想試吓但又怕大陸啲海鮮🤐終於俾我發現香港都有得食喇!試咗個原味奇香湯底嘅<<招牌錫紙貝殼粉絲>>($54)唔好以為佢係原味就係普通嘢呀😌佢果然係「奇香」同埋都有輕微嘅辣㗎👀咀唇都有少少發熱嘅感覺😂造型好特別!打開錫紙淨係見到一塊大生菜浮面😳撈一撈....原來下面勁多沙白啊!最少都有十隻仲要係大大隻!真係估佢唔到👏🏻 粉絲嗦晒啲湯味正正子😋仲有好多蟲草花同木耳~ 絕對唔係hea貨👍🏻

叫左5款小食豬肚mix牛柏葉 土豆絲 同醉雞翼當中醉雞翼好食到要叫多份外賣拎走好香既酒味 帶點辣辣地既味道！另外其實仲叫左個粉絲 但太餓無影低我就揀左蟹棒1個送 有菜 雲耳等做配料仲要好多好大隻既蜆 價錢又平好抵食！ 下次會再去食！

🐾鮮浦🐾一間專食 貝貝鍋嘅小店 大家如果有返過大陸都有聽過花甲粉㗎啦呢間就專食花甲粉嘅 但係我上次同朋友就叫咗個貝貝鍋,貝貝窩係起openrice度買左先嘅而且佢寫一人份量但兩個人真係夠飽!海鮮種類都有好多👍👍雖然我哋都仲有加咗麻香雙椒牛肉拌麵同雙拼小食牛柏葉加豬肚絲😍😍-🍴主食🍴❤❤❤❤❤🔺貝貝鍋(一人份量)🔺貝貝鍋入面都包咗好多嘢, 海鮮種類有好多 有蟶子,蜆,象拔蚌,除咗海鮮仲有菜,粉絲,丸類同蟹柳等等,鍋嘅湯底都好重味,材料都好新鮮, 聽講好似係起openrice book咗佢哋會準備新鮮材料,所以佢哋啲材料應該係根據嗰日book咗幾多而訂嘅,而且個爐係好得意佢去有個灶頭咁,佢哋係用火精啫喱,而唔係蠟燭咁樣嘅,佢哋仲有得交大細火唔係好似吉邊嗰啲統一火喉👍👍 店員都好好會交代每種材料要煮幾耐,同埋經常過嚟take care我哋!-🔺麻香雙椒牛肉拌麵(冇影到相😭)🔺❤❤❤❤❤呢個面都辣得幾好食👍不過要撈勻啲先好夠味 佢又唔會係好麻嗰隻👍而且佢有配小小牛肉碎同啲豆食到最尾都有食曬嗰啲牛肉碎😍🙈超入味!👍👍-🍴小食🍴🔺牛柏葉加豬肚絲🔺❤❤❤❤❤小食都係辣嘅凍食兩款都好好味!我覺得一定要

星期五晚，約埋幾個損友山長水遠到紅磡探中學時的同學，也就是花甲粉店老闆。之前來過一次，為了食個花甲粉，滋味無窮！今次再黎，預左坐成晚，所以準備埋紅酒！花甲粉足料依然，鮮味完全係晒奇香湯底入面，而且花甲份量好多，又有蟲草花及其他配料，少少辣好正，完全可以一個人食晒食大碗！另外的津市牛肉粉，大大碗，粉底是平時比較少見到的，彎彎曲曲但好有彈性，吸湯吸得好快，所以老闆叫我地趁快食。牛肉又入味，都係我杯茶。平時絕不食雞翼，但來到這裏，招牌點都要食，好香酒味，而且凍食雞皮爽口，一連食左幾隻，完全好似唔係平時的我！柏葉份量好多，脆口又彈牙，好似食極都仲有，食唔完。幾欣賞呢度有養生花茶飲，羅漢果茉莉花、金桔烏梅都好足料，令到我地最後都捨紅酒轉走健康路線。可惜小店都逃不過被加租命運，老闆慨嘆真係做埋都無糧出，聽起黎真係可惜。希望多啲人支持小店💪🏻

為了避開繁忙時段，大概11.40am到餐廳，好多位可以揀，餐廳座位寬闊度正常，唔會太逼，餐廳調教左一個有情調既暗光，感覺放鬆，舒服。事關我唔食辣，店員細心指出邊d係唔辣方便我揀。等食物時間正常。我叫左一碗原味炸醬湯麵，加木耳，蟲草花同蟹柳。麵同送排列得不錯。呢碗麵味道好好，炸醬味令碗麵味道突出，我本人喜歡食芫茜，有芫茜味令我更喜歡，最鐘意既部分係有脆脆chickpeas，呢個配搭有新鮮感,而且夾埋一齊味道不錯。感到滿意既一碗麵！

點了招牌錫紙貝殼河源米粉，加點了涼拌小吃:蓮藕和熱金桔烏梅茶養生花茶。招牌錫紙貝殻河源米粉選了中辣，裡面有沙白，大概10多隻，生菜和木耳。河源米粉的份量挺多，最後吃不完。蓮藕很爽脆，非常好吃。熱金桔烏梅茶養生花茶，服務生送來的時候說要先等5分鐘，我等到花茶都涼了才喝，味道剛好，花茶的味道全都出來了，而且不會很燙。

今天下午去紅磡食"鮮蒲 "是朋友介紹的！本人不是太能食辣，但我朋友說不ao太辣但有川菜的感覺！咁我就叫左個推介紅油抄手和一個牛肉麵味道～不錯不會太辣，但如果原全不食辣的人會覺得太勁了！我覺得可接受！抄手酸酸辣辣，又香😘😘牛肉麵好淋好入味環境不錯好可愛的佈置價錢都合理！

很多朋友食完都讚。決心走去一試。餐廳裝修清雅並有心意。牆掛小燈泡和小吊燈配合乾花襯托得很和諧、舒服的氣氛。我點左津市牛肉粉。相當不錯。牛肉夠腍夠入味。另正宗重慶老麻抄手。我選小辣。都夠辣和舌頭👅有點麻。值得再試。下次會挑戰中辣。

呢度離黃埔港鐵站有一段距離，位置隱蔽，隱藏在工業大廈中，第一次黎都搵左陣。餐廳裝修幾浪漫，有點似cafe，但食四川菜真係幾得意。點了錫紙貝殼粉絲，湯底香濃，粉絲爽滑，沙白新鮮無沙，好鮮甜美味，無點錯。另配一杯養生茶，感覺好健康，又好飲。

呢間搬入黎10月頭已經去左食 前後仲帶過幾次人去食 但果陣搬屋攰到隻野咁 突然醒起我冇出過post😜呢間係食大陸好hit既「錫紙貝殼粉絲」$54開心花甲粉 主要有沙白、木耳、茶樹菇、生菜等配料，以菇、醋、蒜味最突出。沙白每份大約7-10隻。錫紙包內的湯汁都夠鮮，勝在係錫紙煮滾keep住個熱度！有幾款湯可以揀，唔食得辣既朋友叫原味都有微辣既！我試過原味奇香同清香辣+$2（呢款有尖椒味，但蓋過左海鮮），另外仲有麻辣+$1，比一般都算幾辣！綠豆粉絲亦夠吸湯索味，都幾多。我有蠶豆病，大部分用蠶豆做既粉絲都唔食得，好彩呢間寫明係綠豆粉絲！另一招牌是津市牛肉粉$54，慢燉牛坑腩，牛腩軟腍，牛味濃郁。麵底有幾款選擇，牆上面有說明有咩分別，我就食返湖南米粉！仲叫左蓮藕脆片+$12，不過麻麻地。

呢間小店又佢試業變到而家好多人食👍🏻中間都加過價了🙈佢專賣幾樣食物架姐，但始終比較特別，所以有一定人氣！老闆娘幾有禮貌嘅，但有時樓面唔夠人都要等陣，而且見到佢貝殼粉係逐個逐個整，得六個爐頭，所以有時都要等幾耐。一入到去佢會比杯甜甜地嘅嗰個水你飲，有啲蘆薈都幾唔錯。食物我次次都係叫招牌錫紙貝殼河源米粉，我哋第一次食以為係通粉嗰啲貝殼粉哈哈。我係喺呢度第一次食河源米粉，佢同平日茶餐廳食到嘅米粉好唔同，佢係彎彎曲曲嘅，口感爽爽地又脆脆地好得意😊之後自己都再有買來食！呢種粉掛湯一流，佢個湯就算你要唔辣，佢都有好少好少嘅辣味，好香口👍🏻成碗野用錫紙包住，所以保到溫，入面都有成10隻嘅沙白，普遍都冇乜沙嘅，但就唔係10分肥美，不過就咁食就未必夠飽，因為冇肉， 入面都係得啲生菜同茶樹菇，所以普遍都會加個餸，我自己就鍾意加豬肉棗條同黑色墨魚丸。佢啲粉唔算多所以有時真係未必夠飽，但佢加底加幾蚊係真係Double個份量俾你，所以又好抵但又有機會食唔晒。🙈好矛盾。雖然平均都食成$60，但都幾好果，可以一試嘅。👍🏻

全港第一間鍚紙貝殻粉絲地點都有少少僻不過就喺朋友屋企附近，所以可以試到地方細細廚房同樓面都係果幾個人除左落單都無人會serve你😅不過無礙食物選擇不算多大家都係衝住貝殻粉絲而來不過都可以揀啲變奏，轉下沙河粉都得一人叫左一碗粉絲同一款兩拼涼菜木耳加豬肚，味道都ok，不辣賣相幾特別一個叫奇味湯底，一個叫尖椒湯底味道都唔錯唔會愈食愈鹹沙白都好乾淨，唔會有沙烏梅茶是即開茶包唯味道略淡整體感覺都唔錯，唯獨係價錢略貴

去朋友屋企，經過樓下見到一間食貝殼粉，好似幾特別，就去試試先。叫左款醉雞翼，好好味，酒味好香，之後就到主角出現，係用錫紙包住上既，所以熱辣辣好正，入面有蜆有芽菜仲有d金菇，個湯底好鮮甜，佢有幾隻粉比我選擇，我選擇左湖南河粉，要麻辣湯，d粉索曬d湯好好味，岩曬鐘意食辣既朋友仔。

係咪好奇怪點解紅油抄手只係影得一粒因為我哋係食到咁上下，覺得真係全世界最好味嘅紅油抄手，所以先記得影返低，然後特登上OpenRice寫一個好評給你地佢呢度嘅老麻抄手係可以俾你揀麻辣度，我同我男朋友都係食辣之人，所以我哋我地圈左 老麻及 中辣一食之下， 係超乎我哋想像中之外，超級惹味同正宗由其是麻度 真係可以食完嘴麻麻的另外重點係佢哋嘅招牌貝殼河粉其實睇相唔覺得會有咁多食材係入邊😂，但係原來真係物不可以貌相完全超乎我哋想像力，而且超級熱 有10級咁熱我男朋友叫左個大辣， 係食過最辣既辣度， 可想而知大家愛辣既人真係要黎試啦

睇男神黃子華棟篤笑之前要醫下個肚先！搵到呢間好隔涉勁隱蔽既鋪頭，身為蜆控當然俾佢個錫紙包蜆吸引到過黎😍一打開見到有生菜同粉絲同啲蜆，蜆大約有十隻，無沙，幾鮮甜，漲卜卜。重有啲茶樹菇，啲粉絲索左啲湯汁少少辣，食完啲粉絲仍然好想飲晒啲湯，不過fiancé 怕我睇黃子華會勁頸渴飲水就阻止左我😭最後都無好頸渴，所以相信湯底無乜味精。津市牛肉麵相對無咁吸引，叫左湖南米粉，比普通米線硬啲，牛腩都淋，不過整體都比較普通，唔係好突出。