鮮‧港式串燒吧 (已搬遷) 新店位置

網上找了附近有串燒吃的地方，到達時只有一枱，順利入坐，首先有加一服務費，一共3人，總吃了共1062，平均354，叫了2杯飲品，其他都是吃的。總覺得有點貴，因為不是吃得很飽。甜甜的，好吃。燒白鱔串3串$174，超級好吃，起初只叫了一串3人分吃，吃完覺得很美味，於是再叫了3串，但當我們吃時，都在想太過了，哈哈，任何都是適可而止比較好。之後又叫了甜蝦刺身$48、鯖魚$58、多春魚、帆立貝$68、茄子、翠肉瓜等食物，大多都很美味，沒有什麼不好。

觀塘的駱駝漆中心呢幾年開左好多餐廳，見到有專串燒既餐廳比較少見，仲可以坐係到食！帶左肥仔去食～Menu有幾多choices, 仲唔算好貴。串燒即叫即燒，熱辣辣送上，燒得岩岩好。基本有三種調味料比客人點(豉油、鹽、泰式辣醬)粒粒墨魚丸$15墨魚丸內真係食到有粒粒墨魚，外脆內軟，推介墨汁墨魚腸$15這個一定要試！墨魚腸燒得十分脆，而且墨魚味重。成條黑色真係第一次見xd厚切牛脷串$38話明厚切，真係厚切！牛脷燒到可以用個爽字黎形容，牛肉味亦都重，推介芝士丸$15拉到絲架! 其實同打邊爐果d一樣。豬頸肉$38唔係一串串，但係燒到幾脆身唔硬。三文魚腩刺身$68唔係淨係得串燒，刺身都可以order！話明魚腩，當然係好肥美的，見到已經流哂口水雞軟骨$15咸左少少。鹽燒雞中翼$22兩隻鵝肝多士$68成舊鵝肝放落係件多士上面，一齊咬既時候真係好滿足。水果茶$48勁大杯, d生果好大粒。叫串燒應該一大班人食會開心d！見到仲有一兩個飯可以揀，如果多d就perfect!! Overall都燒得幾唔錯!見到係即燒,又唔駛係條街都排隊等。

假日既工廈，到到都多人，最好緊係搵食坐下。好耐冇食過串燒，menu 都幾多選擇的，而且可以叫唔同野同朋友share。粒粒墨魚丸$15燒埋上碟既串燒好方便，墨魚丸大粒又幾彈牙。墨汁墨魚腸$15墨汁墨魚腸唔係到到有得食，外表雖然黑媽媽，但味道唔錯。外皮燒香，入面又有墨魚餡。一口甜薯$22甜薯食落幾甜，細細粒滿足到一口食慾。炸松葉蟹鉗$58炸香左既蟹鉗,入面既蟹肉味道都唔錯。蒜香雞全亦$25芝士大啡菇$38芝士頗流心，大啡菇仲熱辣辣。

放工同男朋友行行下Apm忽然想食串燒上openrice 搵下附近有咩食見到有呢間野就一於去試下駱陀漆依家原黎愈多餐廳 但串燒就真係無乜幾間呢間都叫獨市 但味道又唔錯喎雖然係串燒店 但係無乜油煙味 食完都唔洗驚成身煙熏味首先上既係燒蠔 價錢唔貴但係非常新鮮鵝肝多士炸魷魚燒丸丸丸墨魚腸好好食 真係食到一粒粒墨魚係入面員工都好細心服務態度好好 見到我地食完野就會即刻執走唔會成台野那手唔成世 估唔到觀塘都有隱世串燒店以後唔洗出到佐敦咁遠啦

放假我們最愛去觀塘的駱駝漆中心逛，因為這裡衣食住行的用品齊全，而且較一般市價便宜，故每次都滿載而歸。加上這裡又有不少餐廳，逛到餓的時候可以讓我們坐一坐，吃一吃，真的很方便。我們口癢想吃下午茶，所以吃串燒最好不過，又不會太飽，可以待會吃到晚餐。鮮港式串燒吧正如其名，所賣的串燒都是港式新鮮口味，不像一般日韓，東南亞般的重口味。這裡的燒白鱔串應該是我吃過的最厚實，白鱔魚肉油脂肥美，用燒的方法可濃縮油脂，細嫩肉質間滿佈著融化油脂，滋味格外甜鮮，而且沒有很多骨刺。如有留意我最近吃串燒的話，都知我瘋狂迷上牛脷，看見厚切牛脷串當然要一嚐。牛脷很有厚度，比一般店還厚，故咬起來更有口感，彈牙中帶點脆度，懂吃的當然知鹽燒是最好吃的。鹽燒雞中翼外皮烤得酥脆，裡面的雞肉卻非常鮮美，稍為鹽燒雞翼，讓雞肉的甜香更為突出，肉汁從口中爆出來，我與朋友都覺得要必點，哈哈。朋友一直很愛吃豬頸肉，她看見這裡一大份才38元，她怎會錯過。她說烤過的豬頸肉除了有本身的彈性，也多了一分脆度，喜歡酸辣風味可沾點跟配的醬汁，如喜歡吃鹹香的可以沾鹽吃，隨自己喜好。天氣有點熱，我們都忍不住要吃雪糕，於是一人點了一個南瓜雪糕，想不到送來的是

做完運動之後都要食一啲野補充番體能，喺附近嘅Fitness店做完運動之後就去食下串燒，不過又唔敢食太多，諗住食完夜晚就唔使食，可以減肥。菠蘿＄18火候唔算好勁，所以菠蘿汁都幾豐富，甜甜的。芝士丸＄15燒得好香，裏面嘅芝士比較杰，有好濃郁嘅芝士味。雞腎$25好香脆，而且調味都好不錯。牛小排卷車厘茄＄48依個係一定要叫，裏面嘅車厘茄裏面有好多水份，酸酸甜甜，而且牛排有啲鹹香有啲甜味，兩者配搭起上嚟簡直是一絕。蘑菇雞肉飯團＄28本身以為係普通嘅一個飯，點知原來外面都幾香脆，食到中間就有熱辣辣嘅蘑菇雞肉，味道好香。鹽燒雞中翼＄12鹹香十足，味粉都有好多，最重要係大大件好抵食，雞肉非常肥美嫩滑。法式燒春雞＄68燒春雞都有半隻啊＄68 ,味道就比較偏鹹，所以都會有兩款醬汁提供，食咗之後就中和鹹味，其實都幾滑。煙肉芝士大蘑菇＄38芝士味道比較清，不過都好香，加上大蘑菇有好多水份，配搭非常來香氣夠，味道都好足。鯛魚燒$35＄35裏面內有乾坤，因為裏面係Oreo嘅雪糕，食落好凍，係一個好勁嘅甜品，而且外面果皮都幾脆，真係整得幾好。水果茶就清淡少少，咁就係完結左一餐豐富嘅晚餐，當然裏面嘅水果都可以食，茶包

觀塘工廈多嘢食就人人都知架啦，但係有啲咩好食真係要試過至知啦。今晚嚟呢間餐廳嘅原因就係因為同事介紹話好食，咁即管去試吓啦。坐低想叫杯啤酒爽一爽，原來呢度係冇酒賣架，不過唔緊要原來對面鋪就係買走架啦，紅酒、白酒、日本酒、啤酒，咩酒都有你想要咩就有咩。買完啤酒行返餐廳，職員就好細心攞咗隻冰杯俾我冇得頂。呢間餐廳優勝之處就係對面有各式各樣啤酒，而旁邊就係Ocean 3，餐廳裏面仲有得掟飛鏢。叫左三隻oyster超新鮮！串燒方面就唔再講啦，朋友果然冇介紹錯，呢間餐廳燒出嚟嘅串燒每一寸都好靚，而且唔會燒到變乾身，每一啖都係有肉汁。個人超級推介牛脷仲有黑色墨魚腸，食完又食，食唔停，最後走時仲叫咗個燒春雞同墨魚腸帶走，返屋企比家人食，又多汁又滑👍🏼

點解我會知？因為我係同其中一篇食評既朋友一齊去試食既，佢就唔方便寫比較差既內容啦，我就不吐不快喇，相就唔出喇，廢事明眼人睇得出邊個食評係我朋友，影響到佢啦。呢度既野食唔可以用好食黎形容，只係入得口食你唔死。串燒夠膽死燒到黑晒，上檯既時候都唔熱既，難為我朋友仲要同一碟野影幾次，盡量影到佢無咁黑，影完都唔想放入口仲有隻大蘑菇，唔熟架陰公，串燒個師傅係咪新手黎架貴就唔係貴既，1x~4x一串，有得坐住食，當交租都要啦。不過環境就麻麻，店員全部都好似返黎玩咁，對我地梗係有啲招呼啦，不過隔離檯就無咁好彩，上齊order後無人理佢地（仲要當晚其實得3檯客）。店員就圍埋一齊傾計，喺門口食煙，we嘩鬼叫，音樂大聲到好似旺角啲劈場咁，整體感覺非常cheap。大家俾唔俾錢食啲燒到黑晒既串燒同買啲咁既服務，就你地自己諗啦，一路食我都一路諗，啲野食質量咁樣，唔怪得之要搵人寫食評啦，不過用呢啲門面野呃到人上黎，但食完又一肚氣既，又點會有回頭客呢？不如俾心機提高店員同食物既質素仲好啦！順帶一提，佢地租埋對面半個單位賣酒，開到12點。

陪朋友去化妝品開倉，之後她識路地帶我上工廠大廈揾食，電梯排長龍但原來個個人都是在同一層出，幾搞笑。原來這裡的五樓別有洞天，有幾間售賣凍肉、進口食物的店舖，更有這串燒店。一入門口有兩部掟標機地方幾大，工廈就有這好處，不用坐得太逼。先點了飲品，價錢超級合理，罐裝飲品只賣$12，枝裝烏龍茶售$15，我倆點了很多串燒，全部share 吃，串燒食物點會唔好食😋較為特別的是墨汁墨魚腸，明知是黑色的腸，有點台灣香腸的感覺。豆卜也不錯，雖然只是平凡的日常食品，但調味後燒烤的感覺變得不同。大路的燒牛仔骨、雞中翼及厚切牛脷都很好味。如是在東九龍上班的朋友，真的是一個可以三五成群聚會的好地方。

今晚來到觀塘駱駝漆同朋友開餐食串燒，呢度還有飛鏢室，可以同朋友玩返兩鋪…唔錯唔錯！一坐低，見餐牌有生蠔，蠔迷既我即叫兩隻法國黃金生蠔開胃先啦~即開生蠔肥美鮮甜帶有海水味，滑溜爽口，蠔味係口腔徘徊…正呀！下次要試埋海鮮盤…來到熱辣辣串燒啦…食完生蠔，叫多兩隻即開燒蠔，肥美蠔肉燒完好嫩滑，配上蒜蓉突出甜味，撒上小小蔥，辣椒，更惹味。十分好食。燒白鱔一定要食，外皮燒到脆一脆，魚肉卻嫩滑彈口,一口咬落去，魚油係口融開，勁香，但燒多春魚就普通，又鹹又乾。可唔試…再來雞軟骨同雞腎，用海鹽同黑胡椒調味，勁爽脆有口咬，可以點埋燒汁，唔錯~食串燒，一定唔少得肉啦…我地分別叫左黑豚肉同羊架。個豚肉鬆化嫩口，表面小小脆，油脂同肉汁融合，好Juicy。反而個羊架普通，可能燒太耐，略顯乾身。另一必食就係墨汁墨魚腸，皮脆內彈，唔知係埋墨汁關係，勁鮮甜,還有D墨魚粒,好有咬口，忍唔住食完一串，又叫多一串。hehe…好好食。再食個墨魚丸，頗彈牙，都OK鮮甜。最後，牛乳蟹肉薯餅，炸到脆卜卜，蟹蓉配上濃濃奶香芝士流心，勁好食…可以唔需要茄汁都夠曬味。仲有燒茄子，軟綿綿的茄肉配上蒜蓉，甜甜地，個蘆筍就好爽身。食串燒，一定要

天生購物狅嘅A姐又去咗駱駝漆大廈掃貨，買呀買呀！好似想買起人哋間鋪頭咁。行行下突然聞到好香嘅燒烤味，原來係一間串燒鋪，講真又真係好耐無食過串燒啦，就係因為咁，我就入咗去鮮 • 港式串燒吧。雞腎雞腎醃得好味，入口爽脆，一啲都唔韌，燒得啱啱好！雞軟骨同樣好有口感，不過味道較淡，如果落多啲鹽燒會好味好多。厚切牛脷牛脷真係好厚身，口感實在。咬落去，啲肉汁標晒出嚟，牛味又夠晒濃郁。川燒鴨舌M佬最鍾意食鴨舌，一見到就話要嗌。川燒真係夠埋辣，又愛又恨！煙肉青椒卷唔係個個人都鍾意食青椒，不過我哋兩個都好鍾意食啦！燒過嘅煙肉真係好香口，好邪惡呀！茄子茄子上面鋪滿蒜蓉，入口真係勁大陣蒜味呀！茄子燒到仲有少少水分，不過我都係覺得原條燒茄子係最好味。一口蕃薯蕃薯仔，輕輕燒過，一啖一粒，甜味十足。燒磨菇雞肉飯團無米落肚，真係唔會夠飽。燒到有少少焦嘅飯團真係正呀，外脆內軟，入面嘅磨菇雞肉餡好夠味。

觀塘工廈不嬲多野行行完街就緊係搵野食見到呢間食串燒既，餐廳環境舒服，就入黎試下每人會有三款醬汁，分別係泰式辣醬、海鹽同燒汁不過其實燒出黎既食物本身已經好入味所以醬汁我都無點好多 而家天氣咁熱，叫杯水果花茶隔溫，啲水果好大舊，食串燒有啲熱氣，食返啲水果可以中和返首先介紹下，牛仔骨，雞翼同燒菠蘿菠蘿好新鮮，又唔乾，啲汁一路食一路滴😂雞翼香脆👍牛仔骨份量唔太大，唔夠喉雞全翼都燒到啲皮好香脆架煙肉芝士大磨菇好正架，我地一切開見到好多芝士，芝士控 👍推介燒羊架，不過不失，份量可以多少少😎叫左條燒鯖魚，水準絕對唔會差過啲日本料理餐廳，價錢合理($58@)驚食串燒唔夠飽，所以叫左個雙重芝士薄餅睇相都見到啲芝士湧出最後今餐當然食得好飽飽，以後去觀塘行街醫肚又多個選擇👍

早前在駱駝漆大廈試過數間食肆，今日就試試港式串燒。食肆裝潢簡潔舒適，可能因為我們比較早吃晚餐，所以客人也不多。店內的抽風系統很好，雖然是開放式廚房，但也沒有油煙味。調味料包括有燒汁、海鹽和泰式醬，全部都很好味。但因為全部串燒都很已經夠入味，所以我大部分串燒也不用加醬汁。牛仔骨共有三件牛仔骨，不但牛肉味很重和油脂味香濃，而且很有咬口。燒白鱔串 ($58一串)第一次吃到這麼大塊和厚身的白鱔串，魚皮燒得很香脆，新鮮的魚肉爽脆得來仍是很juicy, 還有油脂滲出。白鱔愛好者一定要試試試。雞軟骨 這食物是我每次吃串燒都必點的。雞軟骨燒得香口得來又爽口，都幾好味道。牛脷串 牛脷很厚身，但燒得很嫩很腍，而且又好味道。煙肉芝士大磨菇 大磨菇加少許煙肉，再在上面鋪滿芝士，焗至金黃色又很軟身和juicy，而且芝士味很濃，是高水凖之作。羊架 ($48一件)羊架很大件，肉質鮮嫩又很入味，而且有少少羶味正合我意，肉質鮮嫩又調味剛剛好，是水凖之作。脆卜卜雞皮，炸牛乳蟹肉薯餅 雞皮真的炸到脆卜卜，一點肥膏也沒有，很香口和特別。炸牛乳蟹肉薯餅真的外脆內軟，吃起來很綿密又好味。雙重芝士薄餅 酥皮薄餅很鬆脆又充滿牛油香

星期日約咗媽媽去行觀塘嘅工廈，睇吓有咩買，平時呢個時候觀塘嘅駱駝漆大廈好多人嘅，但係因為落大雨嘅關係，成個場整得比較冷清，但係就行得好舒服，行完街攰左，就順道喺大廈入面搵嘢食，費事再行出去比雨淋啦。本身一路行一路有試食呢食路，所以都唔係話好肚餓，就走左入去一間串燒店入面食少少野。三文魚刺身＄68三文魚刺身做緊特價， ＄68有兩份，一共八片，厚切到好似磚頭咁大舊，超級抵食，而且夠凍好新鮮，色澤都好靚，食落都好有三文魚有香味。魚腐＄15黑豚腸＄15魚腐食起上嚟冇魚蛋咁彈牙，但係都好有魚肉嘅香味，好香脆，黑豚腸比平時食嘅台灣腸冇咁油，健康啲又冇咁肥膩，味道好好。蘑菇雞肉飯團＄28香芹貢丸＄15厚燒牛脷＄38本身以為個飯團冇乜味，但可能用咗蘑菇嘅關係，一咬落就有好香嘅菌味，中落着雞肉，有少少嘅雞肉油香深左落去飯入面，加上飯燒得香脆，飽肚得來都幾好食。牛脷好厚切，咬落好有口感，最重要係燒得外皮香脆，裏面有鬆軟，而且仲好有牛肉嘅味道。燒饅頭＄25饅頭本身已經搽咗煉奶去燒，令到面頭好似有層甜甜地嘅膜咁，香脆又好食，唔需要再額外加煉奶食。茄子＄15翠玉瓜＄15茄子落左好多蒜蓉去燒，平時食開都係成條上嘅

講真吖，平時都係喺居酒屋度食串燒嘅，通常都會好貴，所以一聽到工廈有串燒食就即刻要來試吓啦，結果真係不負眾望😍😍平均來講，串燒都係大約10幾蚊一串啦，咁當然特色啲嘅嘢食就會貴啲啦，我同個friend兩個女仔都叫咗好多串，埋單都係三百零蚊到，仲要叫咗兩杯野飲，飽到捧住個肚走添啊。講返正題，特別有幾樣嘢食真心覺得一定要再食，包括有燒豬頸肉，燒秋葵，燒明太子飯團，同埋蒜蓉茄子。逐樣逐樣介紹下啦：燒豬頸肉個肉質好腍，但係啲邊邊好脆口，再配埋啲泰式辣汁，好惹味燒秋葵，燒完個感覺唔會食到秋葵入面嗰啲滑嘅感覺，再配埋少少檸檬汁辟埋啲草腥味，令到成件事更易入口燒明太子飯團，佢將啲飯燒到好似飯焦咁，外脆內軟，而且明太子再配上沙律醬個味好夾，真心值得encore 個蒜蓉茄子蒜香味好重，茄子唔會燒到太乾身，正！食完咁重口味咁熱氣嘅嘢，飲番杯水果花茶，成件事即刻冇咁有罪惡感哈哈呢度絕對係放工同朋友聚腳放鬆嘅好地方