鮮‧港式串燒吧 (已搬遷) 新店位置

觀塘工廈多餐廳好味野食，已經唔係新鮮既新聞，每次黎到都總會找到驚喜，和同事食午飯既時間留意到有這樣一間串燒專門店，決定晚上前來一試。餐廳單名一個字 「鮮」，已可見餐廳的賣點就是要夠新鮮，做出鮮味。在餐廳的門口位置有「飛標」機，讓客人在進餐的同時增添一點娛樂。餐廳都算幾大，到訪當日因爲係平日既6點幾，所以客人不多，或許是我下班時間有點早？ （偷笑）餐牌簡潔而清晰，客人可以自己選好食物後交給店員落單，減佐落錯/落漏單既風險。基本既調味料有3款，都係離不開粗鹽，醬油，和蒜汁。炸芝士年糕 （2個） $35炸芝士年糕都幾大個，即叫即炸所以上枱既時候都好熱下，要將佢先弄穿「解熱」，裡面既芝士爆多，呈半溶既狀態，煙煙韌韌好好味。雞腎 $25茄子 $25雞腎食落好爽口，廚師燒得夠甘香，味道好好，而茄子上面既蒜蓉爆多，食落有層次感而味道夠濃，我鐘意。燒菠蘿 $18燒墨汁墨魚腸 $15燒菠蘿係用新鮮菠蘿既，所以食落特別清甜，唔算好酸，岩岩好；而墨汁墨魚腸食落就有咬口，裡面有d墨汁咁好過癮。燒翠玉瓜 $15燒白鱔串 $58燒翠玉瓜上面加了鹽去燒，唔駛再加任何調味料已經好夠味；而白鱔亦燒得夠香，連魚皮都燒得好

約左舊同學細味人生， 相約觀塘食嘢，今次我就帶佢去番上次食過嘅串燒店，貪佢可以慢慢坐傾下計。乳豬一份， 直情係重點，性價比一樣咁高，今次煮得更出色，外皮脆卜卜，肥瘦適中乳豬仔仲要起埋骨， 啖啖肉。粟米一串， 估唔到一串有四舊咁多， 燒到啱啱好熟， 外表有少少燒焦嘅味道，但係又唔會過火，完全帶出咗粟米嘅香甜。冬菇一串加脆卜卜豆卜一串， 平時bbq我嘅最愛燒豆卜， 估唔到一樣同我咁識食， 不過佢燒得更香。鹽燒雞中翼， 雞翼大大隻， 抵食到滿分。芝士煙肉大蘑菇， 上次冇叫到 今次即刻食番，大大隻燒到入面岩岩好，完全唔會乾水。最後汽水兩罐， 啱啱好作為一餐完美嘅終結。不過最欣賞嘅都係食下野傾下計一流。

過往串燒多是以街邊小食為多，而今次就到了位於觀塘工廈內的串燒店一試。餐廳以串燒作招徠，燒物種類眾多，就坐時店員為我們遞上一式三款串燒配料，分別是泰式蒜汁、粗鹽粒和燒汁，店員透露醬汁都是廚師自行調製的。我們先點了燒蔬菜類，串燒燒菇不錯，而燒茄子上另加了醬油蒜蓉，味道豐富。而肉類則點了牛柳串和雞腎，牛柳與醬油非常配襯，但雞腎太小，口感稍有失色。後來再追加一份燒豬頸肉和燒象拔蚌仔，豬頸肉份量頗多，烤至香脆後再切片上碟，皮脆肉爽，再點泰式汁味道更佳。而燒象拔蚌則烤烤至殼身剛開口，再放上蒜蓉和蟹子以增加風味，蚌肉厚身，配合蒜蓉和辣椒能提升燒物的辣勁。而炸物則點了炸松葉蟹蚶和炸年糕，炸蟹蚶比預期中小。最後點了雙重芝士薄餅作結，以手抓餅作底再加以芝士做夾心，可考慮作為飽肚的菜式。

今晚去左apm 附近約朋友拎note, 之後請佢食飯~ 佢話想食串燒, 帶左我去觀塘開源道駱駝漆大廈3座食.一坐低睇個menu, 好多野都唔錯咁.職員很遞上調味料.芝士丸, 入面勁多芝士, 味道香濃~雞腎爽口, 牛柳串肉質嫩.墨魚丸爽口彈牙, 雞軟骨好惹味.羊架勁多肉, 雞翼鹽味適中. 豚肉好香好juicy!薯餅好味, 入面熱辣辣 ~另外叫左2個飯團, 一個明太子, 另一個係雞肉菇, 2個既飯都幾多, 食完都已經好飽~最後埋單每人都唔洗$200 ~

天氣開始轉涼 ，係時候搵啲暖肚嘅嘢食， 喺觀塘行完街，同朋友搵野食， 最緊要係輕食，又有得坐下傾下偈。先黎乳豬一份， 例牌份量唔算大分， 勝在乳豬皮夠脆， 肉夠嫩， 肉汁又豐富。 燒出嚟嘅，最大賣點就係勝在唔肥膩。下一樣法國燒春雞半隻， 有眼睇 ，外型上已經輸咗， 不過雞味都幾鮮， 味道取勝。本身想食雞全翼，sosad，無得食。轉食串燒雞中翼。 大大隻，味道唔錯， 個人認為雞翼畀春雞好。燒蘆筍， 當食啲菜落肚，都係一個唔錯嘅選擇。蘑菇雞肉飯糰， 飽肚之選， 外表燒到脆卜卜， 內裏蘑菇雞肉餡料十足。懷舊可口可樂細支裝， 最重要就要飲汽水，咁先夠爽。

串燒係我嘅宵夜首選，但係要食到好食啲串燒都唔係咁易。呢間串燒吧嘅串燒就有特色得黎又非常好食😆由於係第一次食，黎之前都參考左其他openrice嘅推薦😆所以就叫左呢條墨魚腸。雖然佢個樣黑蚊蚊咁唔太吸引，但係食落就非常唔錯，感覺有啲似墨汁味嘅台灣腸。呢個燒蠔又係有好多人推薦，食落真係非常高質!!蠔本身非常新鮮冇腥味，肉質肥厚。蠔上面佈滿左蒜泥同香蔥，食落非常香口。呢碟燒娃娃菜真係非常有鍋氣，令人想不停咁食。我一向好鍾意食白鱔，但係燒香鱔就真係第一次食。白鱔食落幾鮮甜，食得出係幾新鮮嘅。大啡菇入面釀滿左芝士、煙肉等配料，食落非常有層次感。芝士薄餅入面有厚厚嘅拉芝，係飽肚之選😎炸香蕉真係一樣非常有創意嘅小食，香蕉外層好似天婦羅咁，點沙律醬食好好味💕入面則非常鬆軟，出奇地好食。最後當然唔少得甜品喇，雪糕非常有椰子味，正呀！

係屋企 悶悶地 又口痕 又唔想食正餐上網睇下觀塘有咩好野發現駱觀塘有間食串燒既店就叫埋媽咪落嚟同我一試店舖位於駱駝漆嘅三期5樓 店舖寬闊空間感十足仲有兩間VIP ROOM 呢一間係一間串燒餐廳大膽地用咗開放式嘅廚房但我哋食完之後完全冇油煙味抽風系統做得好好👍🏻餐牌選擇嘅款式多除咗串燒之外仲有一啲冷盤例如生蠔、刺身比客人選擇食食下覺得悶仲可以同朋友去玩標機 大家切磋切磋一下坐底後即送上醬汁燒汁味道甜甜的泰式辣汁 唔係好spicy 酸酸甜甜 及海鹽流心燒買我第一次食，入面有忌廉口感幾特別厚燒牛舌牛舌表面香脆，內裡軟腍如果平時出去食太厚嘅話會燒到啲肉質變un呢度就處理得啱啱好我同媽咪都大讚好食鬆化黑豚肉 就硬左小小喇墨汁墨魚腸平時去串燒店食到嘅多數係普通台灣腸見到呢度有麥汁墨魚腸梗係要order la!墨魚腸我仲有一粒粒嘅墨魚每啖都有口感燒鱔睇上去好肉炸咁而且好大舊 起初識咁大舊拎去燒d肉會好Un食落口口感 一d 都唔un 相當滑外皮真係有炸既感覺👍🏻煙肉芝士大蘑菇呢一個都非常出色 蘑菇好juicy 咬落口d 汁 bi 哂出黎芝士同埋煙肉唔會過多份量啱啱好👍🏻燒魚鮫燒得香口 肉質都算滑點酸酸

今日即興約同事傾計講吓事非。就係公司樓下落2層的鮮。港式串燒店吧。餐廳都幾大。而且坐位舒適。好啱一邊食嘢一邊傾計。餐廳仲有飛鏢玩。餐牌係用面兩面紙張，就係餐紙點食物仲有海鮮拚盤的。黑豚辣肉腸~辣得嚟又夠香。肉質厚實牛柳串~一串有6小件，燒得剛剛好。完全唔靭。又有牛味墨汁墨魚腸~之前見過肥媽係節目介紹過，但唔知係邊度有得買。居然比我係串燒店見到。當然要叫啦！腸肥大肉彈牙。而且還有墨魚肉。多汁。鬆化黑豚串~真係冇改錯名。肉質非常鬆化燒像拔蚌~一份有3隻。配有蔥/紅辣椒燒成。廚師燒烤功力抵讚。完全唔靭又保持鮮味蒜香雞全翼~燒得外皮脆脆，肉嫩燒原隻魷魚~廚師已將整隻魷魚切成小圈。新鮮，唔靭。但唔知點解冇咗魷魚鬚蘑菇雞肉飯團~好香蘑菇味，有飯蕉香明太子飯團~飯團燒到有飯蕉，飯團舖上沙律醬。味道非常夾。加上美味可口的明太子。絕配。一定要食今晚真係傾得開心又食得開心。下次要約多幾個同事一齊再食過反正係公司落2層，超近。

朋友於觀塘上班，發現觀塘工廈餐廳款式多。今次去駱駝漆大廈買食材時，發現同層有有港式串燒，一於去試下！門口有標機，食串燒同時可以玩下店內環境寛躺，一邊食串燒一邊chit chat 好地方醬油有：泰式醬、海鹽、豉油墨汁墨魚腸魚腸燒得香，咬開有粒粒白色墨魚，有台灣腸野味，必食之選燒雞皮雞皮燒脆而且沒有油，簡單灑上海鹽已經好好味燒雞翼雞皮都燒脆，如果剪開雞筋相信會更好味燒栗米栗米非常甜，不會燒得太乾，咬落juicy明太子飯團飯團外層燒得香脆，明太子亦鮮味，加上日本沙拉醬，美味可口燒聖子皇聖子新鮮沒有沙，加上蒜蓉蟹子鮮甜野味

可能因為係工廈入面，平日晚飯時間上到來，都唔係好多人。少人就啱晒，正正想放工之後同朋友吹下水嘆下串燒。燒大蜆一碟有四隻，除咗蒜蓉先外，仲有少少蟹子，味道辣辣地。墨魚腸十分推介！出面好少有！好有台灣風味，有粒粒墨魚肉，如果可以再燒熱啲就更好啦。明太子燒飯糰都好推介！飯團外邊燒到脆脆，入面都有幾多明太子，加埋沙律醬食，好開胃。燒豚肉串，外面燒得脆，而豚肉仲好嫩👍🏼忌廉餅雖然唔係啲咩特別嘢，不過我一向都好鍾意食，而忌廉餅都好有水準。炸魷魚圈，都幾大份，抵食👍🏼除咗串燒之外，仲有刺身食，三文魚刺身一客四件，超級厚切！食咗咁多熱氣野，梗係要下下火，叫咗杯水果茶試吓，好大杯，而且入邊都有好多生果，重點係一啲都唔甜，好有健康嘅感覺啊！

同朋友去完工廈拎網購野，順便喺附近搵食～想搵個可以慢慢食住傾嘅地方，就黎食下港式燒烤啦～墨汁墨魚腸$15外表好似司華力腸嘅墨魚腸，入面仲有粒粒墨魚肉，沾埋茄汁仲好味牛仔骨$38只有三塊～好香嘅黑椒味～羊架$48好難得完全唔騷呀！茄子$15舖滿蒜蓉再燒，好惹味蘆筍$22第一次食燒蘆筍，原來都幾清甜燒大蜆$55好新鮮又大隻嘅蜆呀！最重要係無沙，必食推介9吋長本地花竹蝦$68一樣係新鮮貨，夠爽口日本南瓜雪糕$58食完燒烤個口熱熱地，見到有雪糕，即叫～食落有粒粒南瓜蓉，奶味重，正～值得一讚嘅係，雖然佢係燒烤店，但抽風系統好，食完一d都唔臭油煙味～仲有飛標玩添～

宜家好多工廈好似商場咁今日黎到呢個出名方便的工廈，諗住行下街行得攰攰地竟然見到呢到有串燒食小小地就想試下叫左唔係好多野食我黎食串燒就必定點翠肉瓜同芝士丸，一定係穩陣GE之後食左一個聖子皇呢到幾特別，就係會有蟹子係上面，加上蟹子又再多一份鮮味唔錯的成晚最好味一定係呢個大蜆啖啖肉，好新鮮最後點左個腐乳雞同埋黑毛豬我覺得個腐乳雞反而好味過個黑毛豬比較特別之後食左呢個大菇，好juicy 好好味呢個可以再食多一舊 haaaaa呢到特別係有掉標機係出面，鍾意的應該可以玩下

食得靚靚西餐多，有時都想地踎一下食串燒，左一串右一串將肉從竹籤齒出，完全無需顧儀態~ 不過我又唔鍾意一般串燒店那股油煙味，而且坐得逼夾難以一邊食一邊吹水。 鮮‧港式串燒吧並非地鋪，而且在駱駝漆大廈入面，空間都算闊落。這晚6點鐘便開始食，時間尚早所以未見人流。 檯面放了三款調味，最後我一滴都無用到，因為串燒本身已好夠味。 串燒款式唔算多，但又有幾款特色小食算是有新意。 芥末凍花螺 $48 見到menu上有個”廚師推介”所以就點了，我覺得花螺係細隻先好食，太大隻就會韌，呢到既size啱啱好，個汁就係平日食壽司的豉油加wasabi味，夠晒凍好開胃。 煙肉芝士大蘑菇 $38 呢個正野，面頭D芝士焗到個面夠乾身。 切開D芝士會瀉出黎，入口有拉絲效果但又唔覺膩。 栗米 $15 我同仔仔都非常鍾意食粟米，所以要了雙份。 雞腎及牛柳串都好掂，特別係牛柳有肉味又不會鞋。 其他串燒水準正常，雞翼皮脆肉嫩，唯獨牛仔骨太韌。 燒三文魚頭 $48 燒三文魚頭正呀，我地兩個爭食咁濟。 三文魚一定多油脂，燒幾燒啲油香味發揮晒出黎，魚肉又嫩滑，差啲少想叫多個~ 呢到除咗一般汽水之外亦有自家制家茶，$48絕對唔平

今天下午和友人到這觀塘工廠大廈吃下午茶。本來想串燒應該吃不飽，當下午茶就好了，怎料結果比想像中要飽肚！餐廳選擇很多，其他吃家都有餐牌，我不再放了。倒是飲料餐牌，放在這讓大家參考一下。我們隨便點了些串燒、主食、還有一瓶無糖綠茶。餐廳環境挺別緻，有酒吧的風格。串燒配啤酒，的確是上選。墨魚丸挺彈牙，墨魚汁香腸也有驚喜！非常香口，而且柔韌。它另外有醬油給我們用，但其實食物都已經很夠咸，我都沒怎樣用到那醬油。墨魚汁香腸滿滿的墨魚汁，非常足料！燒茄子是燒烤必點吧！茄子上鋪了滿滿的香蒜。茄子咬下去還有汁流出，跟平時的燒茄子比更新鮮。友人想吃燒菠蘿，但我覺得挺酸的。燒蘆筍不過不失吧。友人點的燒粟米，比我想像中鮮甜好吃。燒雞翼比較淡味道，但燒得香脆而且熟透。煮法有水準。而最欣賞的是它的燒白鱔！首先份量一份已經挺大份。而且肉質新鮮又彈牙！味道也入味可口。特別的芹菜貢丸，吃下倒是沒甚麼驚喜。不過這餐廳份量挺豐富，15 元一串有三顆丸，算是非常足料！焗大啡菇。切下有汁流出呢！咬下亦滿口的湯汁，十份嫩口又美味！煙肉份量不多，但芝士就濃厚。飯團我們待涼了再吃，面頭的飯焦都變硬了，所以吃得不太好味。而且內餡不多，味

觀塘駱駝漆工業大廈真係越來越多店鋪進駐，除了有得shopping之餘，食市也非常多！今晚我和朋友去咗間又有得食，又有得玩既餐廳。（有掟飛鏢玩🎯）這間餐廳主要食燒物的，頭盤先叫咗碟燒雞泡魚干（附上沙拉醬）牛柳串$28雖然是燒，但是肉汁仍然保持到喎。這碟有燒雞翼，燒墨丸和燒白鱔串雞翼燒得乾身，脆口（同埋醃得幾好味）燒白鱔$58，一客有兩件（又係無得輸，好味道）哩隻燒尖椒真係唔講得笑！「勁辣」不過我食得辣所以覺得幾正！我個朋友唔食辣既，食完之後要狂飲水😂厚切牛舌，食落爽口，比起薄切牛舌更有口感，啖啖肉的口感是比較好d既。燒茄子，我和朋友落單既時候以為是燒完整一條既茄子（或者是開半邊既），點知送來的時候是3件😂茄子上面加了點蒜蓉醬，好野味！燒聖子皇一隻$48，我們叫咗一隻兩份食，好正！海鮮用燒既方法最能突顯本身既鮮味。香辣蘑菇哩碟係特色小食嚟既，所以唔係燒㗎。用蒜蓉辣椒絲炒香，用來送啤酒就絕配喇！🍻