鮮‧港式串燒吧 (已搬遷) 新店位置

今日兩母女係以到晚餐..兩個唔食得多...頭一輪叫咗D..厚切牛舌👍🏽..雞翼（一般)..芝士煙內大花菇👍🏽..羊架（好un👎🏾)..韮菜（好咸）..雞軟骨(一般）..茄子👍🏽..墨汁墨魚腸（現成買跟本無特別‘重要推介’😏）....蒜蓉包👎🏾👎🏾👎🏾落咗單成個鐘..對面枱遲過我落單既炸曼頭都有...我個包都未到！就叫女待應跟跟單！佢只答你「焗緊ga la」..如事者又等咗15-20mins ..只係見到两個廚房呀叔開心唱歌..似玩樂多過似熟食物！完全無視咗..有個蒜蓉包等緊佢地整！之後見到女待應入廚房整！果刻眼都突😳!等多2-3mins終於到..只見一pat厚厚既生蒜蓉放法包面...係咁焗兩焗就比客！連牛油搽底咩都無..真係超級難食！以後唔會再幫襯很差！你地咪當客人傻先得ga!!!

係觀塘放工真係吾想久留，咁岩今日要去傾野，之後要e左肚先返屋𠈔，工廠大廈一向都多野食，口啤仲吾錯一坐低已有3款醬料準備好豬頸肉ok ,吾算太乾身魚腐超好食，又熱又脆貢丸大大粒，好香口脆肉瓜好大份好厚豆卜又係超香脆美味燒白鱔皮脆肉嫩，睇到都知師傅功力吾差牛乳蟹肉薯餅熱辣辣，好軟滑，薯茸好香，蟹肉好甜煙肉青椒卷，吾夠熱，但都好脆雞軟骨好好燒春雞半隻，賣相一般，味道吾錯，吾算油，肉都滑真係好抵，亂咁點都係$300到，鑽

終於感受到秋意，因此到呢間好評甚多既餐廳食燒烤。場內食客唔多，串燒價錢我會用合理黎形容，雖然上菜時間慢，但味道不錯。天氣凍，想有飽肚野落胃。叫左個鵝肝煎蛋飯$98，鵝肝份量激少，黎到另上豉油，即豉油蛋撈飯，飯好硬，$38都俾多佢，算！另外見佢有刺身，$48叫左個三文魚，得四小舊，好似食舊間凍冷冷無味既肉。埋單$180一個人。食完當晚即屙，今日仲屙緊！！！太嬲，從來唔打食評都要開個ACCOUNT出黎希望餐廳員工見到可以再作改善，不過我就無下次

新興去工廈shopping 姐妹今次帶我去觀塘駱駝漆大廈 預備聖誕節的紅酒牛扒 原來仲有衫褲鞋襪 好多野睇架喎～ 今日老細萬歲下午茶 唔太肚餓又想飲杯野食下小食 碰巧見到一間鮮·港式串燒吧 一於試下啦：）小食類好多選擇 仲有海鮮拼盤 炸物pizza都有 要食飽飽都好多野揀～ 我們先點了象拔蚌仔試下～ 雖然係燒 但一點都唔乾 juicy有鮮味 加了蒜蓉和鮮蔥 鮮味更好～ 一碟三隻 yummy!有別於四川燒烤的麻辣和濃味 '鮮'的串燒反而仲食到食物的原汁原味 大部分只是微微灑了海鹽 我自己比較喜歡這種食法呢～燒豆卜 雞軟骨～ 夠香脆 出奇地 豆卜一點都唔乾喎！鹽燒雞中翼 外脆內軟。煙肉芝士大蘑菇 推介～ 蘑菇多汁 芝士微脆 配上煙肉 一啖三層口感。流心蟹肉燒賣 蒸物～ 第一次試 感覺係蝦餃&燒賣&芝士流心丸既合體 幾得意～ 板燒辣味芝士撈麵～ 熱辣辣 韓國辣麵 再配上焗芝士 QQ口感 幾惹味。食串燒 飲杯apple cider 爽呀～ 星期五的晚上應該係咁relax既！

放假和朋友行下觀塘工廈，觀塘工廈有野行又有野食，價錢適中親民而且質量和價錢相符，這間＂鮮．港式串燒吧＂就是不錯的選擇👏🏻坐得舒適又不會催人走牛仔骨 $38牛仔骨細細件很入味，牛味重肉質嫩滑茄子 $15茄子燒得剛好不會太油膩，面頭很多蒜蓉香口惹味粒粒墨魚丸 $15墨魚丸偏鹹但很彈牙爽口燒白鱔串 $58白鱔的皮燒得卜卜脆，但內𥚃還保持白鱔的魚肉汁，點上粗鹽粒真的很美味豬頸肉(1份) $38豬頸肉爽口彈牙，還可以點他們的秘製的泰式蒜蓉汁味道很夾鹽燒雞中亦(2隻) $22雞中翼香口肉質嫩滑脆卜卜雞皮$15雞皮不太不太像燒出來，應該是炸出來的，所以脆卜卜似食薯片炸牛乳蟹肉薯餅 $25薯餅內的忌廉柔軟滑溜，味道一流雙層芝士薄餅 $48雙層芝士薄餅是酥皮夾著芝士，芝士味道濃厚

其實係第二次來呢度食嘢，因為呢度非常方便，就喺公司附近，行過嚟都只係需要10分鐘路程。觀塘咁多好嘢食，翻返嚟梗係有原因呢，因為好掛住呢度嘅墨魚腸，無錯！就係黑蚊蚊個條啦。黑色墨魚腸真係勁好味，今次同上次一樣都會打包兩條返屋企比家人食。呢度嘅燒春雞好滑，但係記得一就坐就要即刻order因為要等好耐架，起碼都要20分鐘。呢度師傅做出嚟嘅串燒好出色，好野味。見到好似新推出嘅水果茶，所有食客各人都有叫一輩所以我都叫埋一份。新鮮嘅水果茶🍉🍍🍏

觀塘工廈另類嘢食，一入到去就可以去射下飛標，如果想比賽，可以每人五大元就會自動幫你計分，可以消磨時間同娛樂一番。叫左鮮前菜三小碟，有枝豆，芥末八瓜魚同日式鮑魚，岩晒吹水飲野，又開胃。由於港式關係，所以唔少得魚旦，腸仔、墨丸之類。鹽燒雞翼，少少海鹽反而吃到雞鮮味，粟米好甜，脆肉瓜同露荀好爽脆，不過有如去返讀書時期既燒烤。值得一讚係豬頸肉同牛仔骨，38一份，份量足，火候十足，所以肉汁保存得好，豬頸肉配上自制酸辣汁，好惹味，牛仔骨可以點少少燒肉汁吊吊味。燒油甘魚鮫都唔錯，魚肉嫩滑又多肉，同日式鋪頭有得揮。炸牛乳蟹肉薯餅，好香滑，加上淡淡蟹肉味，足料到一咬落去，爆晒牛乳出來，幾特別。

今日收工同媽咪食飯，媽咪特別鐘意食海鮮同燒物又知道觀塘工廠區多隱世小店，於是決定去觀塘覓食。時間尚早於是決定去近觀塘港鐵站既駱駝漆大廈行街，行下行下俾我見到一間完全合我媽咪心水既餐廳。 門口既餐牌，再加上一個「鮮」字，完全吸引住我地既眼光。真係有種”踏破天涯無覓處”既感覺，嘻...好似誇張左，應該話誤打誤撞😝 咁我地冇理由唔入啦。 門口既點餐紙都可以俾我知道餐廳仲有冇其他好野食，見到價錢合理就入去坐低。一入去見到兩個飛標機，相信三五知己上黎食飯都可以順便玩下都唔錯。其實呢間餐廳都好多唔同種類既食物，海鮮 肉類 蔬菜 炸物 總有一樣岩心水。我地叫左燒即開生蠔、蟶子皇、白鱔串、油甘魚鮫。生蠔肥美鮮甜 蟶子皇好大隻 燒的時間控制得宜 唔會太老 加了蒜蓉和蟹籽 口感仲正。白鱔 魚鮫肉質不錯 加少量海鹽 配上燒汁 媽咪食到舔舔脷。另外都叫左啲蔬菜類，燒得一啲都唔乾。真心覺得燒蔬菜比較難處理，食完唔會覺得搵水淥好過😂最後要推介一下香芹貢丸，食落去有驚喜。真係有一條條香芹係入面，如果喜歡香芹既人必食👍🏽順帶講一下，like 同share 佢地既page ,我地就有支樽裝汽水，我當然要咁做啦，唔爲支汽

放工想食海鮮，嚟到朋友介紹呢間有得食燒物又有得食冷盤嘅餐廳一嚟到就俾佢門口個牌：海洋盤吸引咗，唔諗咁多就入去啦按人頭咁叫咗蟶子皇，叫嘅時候侍應話蟶子皇係時價，今日個啲較大隻，所以要加$20我哋覺得OK，仲鐘意大隻多肉海鮮所以就照落，仲叫咗啲嘢飲同刺身燒得好靚嘅蟶子皇一上，我哋個個都即刻手機食先好大隻好長又多肉，肉質好彈牙燒完嘅蟶子個殼好脆好易碎，所以拎啲肉出嚟嘅時候要小心蟶子大件得嚟又好多肉，燒得啱啱熟，食落有咬口又鮮甜不過一舊真係好多，上面蒜蓉又新鮮，真係好好食！等緊下一樣嘢食嚟嘅當中，我哋就咗去玩飛鏢係串燒舖放飛鏢機真係明智嘅決定，啲客人等嘢食嚟嘅時候就可以玩，$10一鋪，搵人唱兩個$5硬幣就得夜飲叫咗海底椰，想冇咁熱氣，偏偏友人就叫咗兩支橙汁，全部凍冰冰好好飲冷盤叫咗三色刺身，但係冇得揀有咩，佢話係當日廚師揀最後有帶子，北寄貝同八爪魚其實最想食三文魚，可惜冇下次都係淨嗌三文魚算不過好彩刺身質素都唔差，帶子好甜，北寄貝較爽口，八爪魚好彈牙

做運動之前去食下飯，食少少野順便慢慢傾吓計，咁做運動嘅時候就可以冇咁飽。首先兩個人分享一杯水果花茶＄48應該係綠茶嘅茶包，都有好多唔同嘅水果包括火龍果、哈密瓜及西瓜等嘅水果。味道比較清新，只有很小的甜味，感覺非常之健康。象拔蚌仔三隻＄98雖然佢表面好似黑黑地，不過裏面依然都好彈牙，亦都保留左應有嘅水份！口感有彈性而且燒得好鬼香。燒多春魚＄30裏面真係爆曬啲春，熱辣辣嘅時候非常好味！我好滿足呢！煙肉青椒卷＄25煙肉同埋青椒係一個唔錯嘅配搭，有鹹香之餘亦都帶點卜卜脆！蘆筍＄22味道較為爽口，而且有少少鹹香，菜之中算係比較重口味嘅食品。雞腎$25香味適中而且口感爽口，非常之唔錯。燒芝士丸＄15裏面嘅芝士綿綿不斷，可以扯到非常之遠，拉絲！燒芝麻湯圓＄28佢係一個揸咗嘅芝麻湯圓，外皮係炸皮，

同朋友幾個一齊嚟到呢間串燒因為大家食完tea唔係好餓，所以諗住share食下嘢吹下水一坐低就有人拎咗每人一碟調味，有海鹽，有醬油同埋仲有隻唔肯定係咩醬不過因為佢嘢食調味本身都好夠，所以我哋之後食嘢都冇咩理佢發現佢呢度係開放式廚房，廚師係入面做咩你都睇到哂不過好神奇嘅係，明明係燒烤，但係一啲煙味都冇，聞都聞唔到睇嚟呢度啲抽風做得幾好，唔會薰到啲人客首先上嘅係厚燒牛脷兩串，牛脷真係勁厚但又夠juicy，燒嘅火候啱啱好，外面唔會韌，keep到入面都好幼嫩一食就令到我哋個個變哂bling bling眼，一試愛上本身嘅調味用咗少少鹽已經好夠味道，好似去咗日本食牛舌咁之後落嚟係煙肉芝士燒大蘑菇，調味繼續值得讚芝士好香濃，都係有拉絲效果嘅mozzarella cheese煙肉唔多，但勝在蘑菇夠juicy同香味，單單係芝士同蘑菇已經好夾周圍都有得食烤芝士大菇，但呢度嘅水準幾好，搞到我哋幾個忍唔住食完即再encore加多個之後就係豚肉串，呢個肉嘅味俾想像中濃，但冇想像中咁軟熟，所以咬起上嚟都要一份嚼勁，但係肉味多都幾好食，recommend可以一試encore大蘑菇都等咗幾耐，因為即叫即整，又見到師傅們

觀塘工廈多餐廳，朋友推介，上門一試！食物有水準，我地今次係非繁忙時間到，客人不算多，玩飛鏢都唔駛排隊！有bar檯調酒，裝潢設計特別，燈光柔和，系談天聚地點。最愛雞軟骨：每次串燒都少不得！好正，燒得好惹味，爽口墨汁墨魚腸:賣相一般，但味道好特別，墨魚味濃有墨魚粒係入面，爽口、彈牙！香辣磨菇：好重牛油味，其辣度越食越出，但吾錯。燒三文魚頭：大大件魚頭，外皮燒燒得好香脆，內肉質滑，油脂分佈剛好，正！厚切牛脷：牛脷份量足、大大粒，厚！外層燒得好香，爽、彈牙鹽燒雞中翼：看似普通但食落吾錯，雞翼燒得剛好，肉嫩滑，皮香，加調味更惹味、好食燒白鱔串：平日都少食鱔，今次try try，有驚喜，外層燒得好香脆，白鱔肉鮮甜，富有魚油甘香。牛柳都好掂，特別係牛柳有肉味又不會鞋野飲試左薑啤，其實系啤酒，有薑味，幾得意

放假約埋朋友出嚟行開倉好耐冇嚟過發現呢度多左好多唔同嘅野食🍢🍕🍗🥘🍲行到咁上下見攰就決定搵間野坐休息下行過門口比依間串燒吸引左因為唔太肚餓食下小食飲杯嘢就啱晒環境好舒服係到同朋友傾下計hea下感覺唔錯😄嘢食方面就叫左幾款小食做下午茶 墨汁墨鮮香腸真係好好味咬落有一粒粒墨魚肉好鮮味唔洗點汁已經夠哂味 👍🏻👍🏻炸芝士年糕即炸夠熱食落皮脆😋好香芝士味燒冬菇都好正灑上少少鹽帶出冬菇嘅香味😋燒茄子味道令人回味喜愛蒜蓉嘅人一定也會喜歡佢睇到Menu有雞泡魚魚乾即叫 真係好鍾意食香香甜甜如果配酒重正😋煙肉芝士大蘑菇好味外面燒得夠乾身入面滿滿湯汁一切開啲汁流晒出嚟咬落好juicy芝士再加煙肉同蘑菇真係好夾 ....依個我同朋友都讚口不絕😋😋😋黑豚辣肉腸 偏向鹹濃味 但都一樣好味香口帶少少辣牛柳串聞落已經覺得好香.....食落都好香牛味咬落夠滑👍🏻😋最後叫埋呢杯鮮果茶同埋菠蘿汁傾多左陣計就繼續去血拼 行到門口先見到原來有兩部鏢機 旁邊仲有座位可以俾人休息 好貼心 有機會會再黎食 依家啲工廈真係好勁又有得食又有得眼☺️

同個frd想食串燒，又想傾好耐計，就黎呢間食。我地嗌左個芥末凍花螺，呢個凍花螺好正，我第一次食，d螺都幾新鮮，加上有芥末加鼓油，凍凍的好過癮，係會有d食唔停口。跟住仲嗌左厚切牛脷串，個牛脷個軟硬度啱啱，同真係幾厚身，調味亦唔錯。不得不讚的係個燒白膳串，下次一定會食翻，佢個白膳本身好肥好新鮮，所以燒岀黎好香，非常好味。呢個煙肉芝士大蘑菇都好唔錯，芝士味好香，搭埋大啡菇，d芝士拉到絲，正！仲嗌左墨汁墨魚腸，個腸好好味，好特別，下次都會嗌翻。雞腎，雞軟骨，粒粒墨魚丸都唔錯，不過如果有多d調味就更好。最後嗌左個菠蘿雪葩作結，好得意，可以打開個菠蘿蓋，雪葩亦好重個菠蘿味。一個幾好的地方，就係係等緊野食個時，可以岀去掟飛標，幾正！

星期日老婆又去左逛駱駝漆大廈, 老婆同外父外母飲完早茶後逛觀塘逛到Lunch都冇食。我三點左右去到駱駝漆大廈接老婆去睇戲, 大家都未食Lunch但又唔係好肚餓, 所以約左直接係五樓嘅鮮·港式串燒吧等, 嘆返個Late串燒Lunch。😋鮮·港式串燒吧之前同朋友兩公婆夜晚食過一次, 價錢唔算好平, 不過食物好有水準, 我地今次係下午非繁忙時間到, 客人比夜晚少好多, 玩飛鏢都唔駛排隊。😆雖然唔算好肚餓, 不過我地兩個點下點下都點左八款串燒, 可能客人唔多, 串燒好快就燒好送到我地面前。😍黑豚辣肉腸同墨汁墨魚腸我地上次都有食, 辣肉腸香辣之餘肉汁好豐富, 非常惹味。墨汁墨魚腸賣相同味道都好特別, 墨魚味濃有墨魚粒係入面, 爽口彈牙。👍老婆唔食牛, 所以我點左一客厚切牛脷獨享外, 亦點左客黑豚串俾佢食。牛脷好大件, 外層燒得好香, 富有彈性, 一個人食份量剛好。😋 黑豚串我食左一件, 真係好鬆軟。燒白鱔串係今日黎Encore嘅主要原因之一, 老婆上次食過之後, 一試難忘, 外層燒得好香脆, 白鱔好厚肉, 魚肉鮮甜富有魚油甘香。👍雞全翼唔會太咸, 蒜味都幾重, 外層香脆之餘雞肉仍然鮮嫩多汁, 真