鳥世一

營業中

休息中

今次帶各位仲未去到日本旅行嘅朋友仔重拾日本正宗滋味🇯🇵 依間燒鳥專門店由30多年日本料理經驗嘅日籍廚師- 森分秀樹 主理。位於比較隱蔽嘅小巷裏，店內大概有10多個位置，包圍住師傅坐，無死角欣賞師傅嘅功架😎 餐廳除左主打多款燒鳥部位，仲標榜使用日本備長炭！炭火嘅300-400 度高溫有效鎖住肉汁之外，仲令串燒充滿炭香✨ 而佢哋Omakase Menu 可以一次過試十幾款串燒之外，日本料理都可以食埋😱♥️ 今次超開心可以食到超稀有嘅雞提燈添～-Omakase menu ($880/位)-<前菜>•慢煮煙鴨胸、本菇雞皮蒸、豆乳腐皮*<沙律>•蕪青·胡麻醬*<串燒>•汁燒雞腿肉·大蔥•提燈•雞翼•山藥嫩滑嘅雞腿肉配上惹味嘅醬汁，愛了🥰 提燈即係雞嘅卵巢+未孵化嘅蛋，係出面比較少機會食到，通常要係燒鳥嘅專門店先搵到～ 建議一口過，煙煙韌韌嘅卵巢加上入口即爆嘅蛋黃，口感不得了🥳 識食嘅一定要試雞翼外皮燒得焦香，入面充滿肉汁💦 果然燒雞翼先係王道*<季節料理>•白鱈魚球*<串燒>•雞胸軟骨·即磨山葵•雞肝•雞頸肉 •冬菇

朋友特登book位帶我去食日式串燒，廚師發板。因為呢間餐廳經常都爆滿，所以要預早book定。鳥世一居酒屋，餐廳位於中環威靈頓街174號一條小巷入邊，餐廳嘅裝修恍如置身日本一樣，完全係日式嘅風味。餐廳主打係備長炭火燒製串燒食物，因為備長炭火燒出嚟嘅食物會帶有陣陣嘅炭香，而且溫度keep住高溫，可以鎖住食物應有嘅肉汁。餐廳主要用黑色紅色格局為主，完全係日式嘅風格。因為炭火燒製食物好容易將啲油煙逼出來。餐廳細心到用玻璃隔住，客人可以望到廚師準備美食亦都唔使吸到油煙味。真係值得一讚。鳥世一沙律，沙律嘅份量都算幾多，有半隻流心蛋，蕃茄，亦都有少少雞肉，沙律菜，沙律醬酸酸甜甜，食落去蔬菜又清新又開胃，最正就係配搭少少雞肉，令到整個沙律菜更加有口感。豆腐水菜沙律，呢個沙律味道比較清香，豆腐嘅香味配搭埋翠綠嘅蔬菜，味道好清新。燒飯團 ，燒飯團口感非常特別：飯團外面燒到焦香食落去卜卜脆，飯團入邊仲係好軟滑，口感帶小小煙煙韌韌。燒銀鱈魚，銀鱈魚上枱好吸引，見到魚皮燒到香脆，魚肉仲係好嫩滑好多肉汁，魚香味重味道好鮮°網燒牛肉，牛肉份量都好多，最鍾意就係旁邊有少少焦香，食落去肉嫩腍，口感同味道嘅層次都好豐富，

鳥世一,日本料理,廚師發板日式餐廳,餐廳位於中環一條隱世小街,食物質素非常高,今日好好彩朋友帶我去呢度食飯,我覺得食物同環境都好好所以諗住推介一下。地址係中環威靈頓街174至178號地下c舖,餐廳地方雖然唔大,但係感覺好有格調同埋坐得好舒適,u字型嘅設計,中間廚師會隔住塊玻璃製造食物,完全唔會有油煙味。串燒係用備長炭火製造,會帶有少少炭香。煙肉蘆筍卷,相片望落去顏色好好睇,熟咗嘅煙肉配露筍一齊完全冇油膩味,蘆筍味道清新口感爽脆。黑豚五花腩,五花腩油脂豐富,入口特別香口惹味,肉質多汁嫩滑，得一串真係唔夠喉，要再叫多次銀雪魚,魚皮燒到金黃色卜卜脆,魚肉仲係好香滑魚油慢慢滲出,做到外脆內熱。完全保留到銀鱈魚嘅鮮味。燒明太子,燒香咗嘅明太子帶有少少辣味,配上青瓜,入口感軟綿青瓜好爽脆,香辣得嚟又帶點清新,呢個配搭真係好好味，明太子本身好濃郁嘅鹹香味連埋青瓜一齊食可減淡呢個鹹味容易入口鳥世一沙律,日式沙律當然要配返隻流心蛋,沙律酸酸甜甜,食完特別開胃。網燒牛肉火喉控制得啱啱好,完全將牛肉嘅肉汁鎖住,大概燒到7成熟,加上有少少牛脂香味,入口牛肉味香濃油花豐富肉質仲要係好嫩滑,簡直有入口即溶嘅感覺,

今日朋友請我食生日飯，特登約我去食，我最鍾意食嘅日本菜，果然冇令我失望鳥世一曰本菜廚師發板。餐廳好有日式風味，入到去就好似去咗日本嘅居酒屋一樣，感覺真係好正。餐廳係用被長炭火燒製串燒，可以完全將肉汁鎖住，食落去特別香口嘢味，隔住塊玻璃，睇住廚師去燒，每一串串燒都用心良苦坐低就正正對住個爐，裝修非常乾淨入口位於九如坊既一個小巷，完全係一間隱世嘅小店，感覺仲好舒服，又帶點貴氣厚燒牛脷 ，$88厚切嘅牛脷燒到邊會有啲焦香，肉質非常爽口彈牙，牛肉味香濃多汁，完全吾乾身，好味燒宮崎和牛串，$148宮崎和牛一上枱已經聞到好香嘅味道，完全入口即溶嘅感覺，肉質香嫩無比，牛肉味勁香，廚師完全將牛肉嘅香味發揮晒出嚟。簡直係極品，雖然份量較少，但值得一試網燒牛肉 ，$258牛肉燒到大約七成熟，食落去仲係好嫩滑好多肉汁，牛肉脂肪分布均食落去有啲油花香味，配有2 款醬料，令味道更濃郁銀鱈魚，$98銀鱈魚燒到啱啱好仲保留到原有嘅肉汁，魚肉結實，食落去味道鮮甜，魚味香濃，第一次食咁滑嘅銀鱈魚，夠哂滑溜，燒到有少少脆邊，仲要好多嘅魚油 最鍾意嘅就係佢上面嘅醬汁非常有日本嘅風味帶有甜甜地嘅味道，銀鱈魚肉質非常嫩滑雜錦天

早排朋友同我講起中環有間好好味嘅隱世串燒店，今日就訂左位同好姊姐一齊去試下，難怪被稱為隱世，原來係九如坊一條巷仔入面。最中意呢到係有個玻璃隔住，我地唔會食到成身味，又可以望到師傅製作食物。燒明太子明太子帶少少辣味，如果就咁食味道會偏鹹少少，加左青瓜一齊食會清新爽口。鹿兒島黑豚五花肉五花肉油脂豐富，肥瘦均勻，加左醬汁味道甜甜地。雞腎燒得爽脆，唔會韌。粟米超甜粟米，唔會燒到乾爭爭，粒粒充滿牛油香味。大黑本菇Juicy，加左蘿蔔蓉更加甜。牛舌肉質結實，外面略煎香口，一點都唔靭。洋葱仔估唔到燒完嘅洋蔥係咁香甜，爽口幼嫩。燒鳥世一丼有免治雞肉棒，雞翼，雞腿肉，大葱雞肉，全部雞肉都軟林入味，另外提供埋醃物加入白飯一齊食增加口感。

男朋友係中環返工, 成日都會發掘唔同既食肆, 我地得閒就會一齊去試今日去左小巷既鋪頭食日式串燒座位唔多, 但吧檯都係圍住師傅整野食既窗, 後尾見到師傅會將唔同既食物放上下兩層咁燒餐牌設計特別，好似奏摺咁打開我地叫左牛(牛舌同和牛串)、雞(免治雞肉棒+雞頸皮+雞腎)仲有海鮮(鹽燒鰻魚串,燒明太子,帶子)，店員會係燒之前砌個串燒拼盤比你睇下，都幾有心思我地仲叫左個沙律同丼飯鳥世一沙律，份量比我想像中既大份沙律醋幾開胃，幾fresh，流心蛋正燒明太子，略嫌鹹咗啲，不過好在有青瓜配合(應該比唔燒既明太子鹹) 雞頸皮我真係未食過， 佢比平時雞皮稍為厚，但都好脆口，好惹味和牛串燒到好粉嫩，肉質啱啱好，又keep到佢juicy，肉味香濃當然唔少得佢既鹽燒鰻魚串，魚皮燒到好脆，尤其d邊邊位燒鳥世一丼 可以一次過食勻曬4大雞肉串燒仲有湯同漬物 串燒啖啖肉，加埋醬汁撈飯一流雖然每樣一串，嗌嘅種類唔太多，但都夠晒兩個人食鳥世一，果然雞類食物出色

同阿女講起之前去日本旅行食串燒超好味，阿女話香港而家都有唔少高質素嘅日本串燒食，質素媲美日本。有間位於中環隱世日式雞串燒小店叫鳥世一，由30多年日本料理經驗的日籍廚師主理，今晚就同我去試吓！店內座位以「U」字形圍住中間的玻璃箱，而日籍主廚在箱內燒制食品，這個玻璃罩是用來阻隔煙味，客人用餐時沒有燒烤味都全靠它。客人更可一邊品嚐美食之餘，一邊欣賞主廚獻技。全店串燒食品均以備長炭燒製，於高溫炭火度高達300-400度的炭火底下，能鎖住雞的肉汁，做到表脆肉滑的效果。免治雞肉：雞肉口感軟綿，入口肉汁濃郁，加入剁碎的雞軟骨增加咬口，再加生蛋黃沾住嚟食，令口感更滑順香濃。鹽燒鰻魚：白鱔脆皮烤得很香，皮下脂肪豐厚，肉質紮實有彈性。番薯：番薯有香濃燒烤味，而且非常甜美。燒鳥世一丼，材料有免治雞肉， 雞翼， 雞腿肉。 免治雞肉， 雞味濃， 啖啖肉。雞腿肉嫩滑鮮美，雞翼外皮燒得非常香脆。日本黑芝麻雪糕：黑芝麻雪糕味道香濃，口感似芝麻糊一樣香口。

同事好鍾意搵高質素嘅地方食串燒，有朋友介紹位於中環一條隱世小街的鳥世一，大廚擁有超過30年烹調日菜經驗，今晚佢就話同我過去試吓！店內地方唔算大，勝在好有日本feel,店中間有個開放式烤爐，坐吧枱就可以近距離欣賞大廚燒烤嘅廚藝，主打泡製雞肉的不同部位，是日式烤雞肉串愛好者的好去處。點好食物侍應會拎比客人睇吓，又可以打咭！食物都好新鮮，之後交比大廚用日本備長炭去火燒。備長炭令串燒帶有碳香味，而碳高溫更令食物外香內軟。雞翼分兩種：中段雞翼和兩節雞翼，用備長炭火炭生燒出嚟嘅雞翼係唔同啲，好香好入味，皮脆肉嫩。雞頸皮：脆口彈牙。食落唔會有油膩感。銀鱈魚：燒好後的銀鱈魚表面金黃，魚肉帶有魚油的香味，肉質鮮嫩滑溜。鹿兒島黑豚五花腩：豬五花部位油脂豐富，鮮美爽口，肉質緊緻多汁。鰻魚飯：鰻魚用上高質厚身白鱔，用炭燒至外層呈香脆感，魚油和肉汁都封存起來，一口咬下鮮味立即爆破而出，魚脂甘香，魚肉彈牙爽口，加上鰻魚汁十分滋味。

終於有空檔可以同女友一齊食野，今次去到中環食日式串燒，地方唔算好大，中間係日本師傅燒串燒的地方，外圍就係客人食野的位置，只有幾個位。食物種類唔算太多，不過主力都係雞類，話哂店名都講左俾你知佢賣點係咩。午餐時間胃口無咁大所以叫得唔係太多，係燒之前，店員都會展示俾你睇我地叫左邊d野食，而家擺得幾有心機，確保無燒錯野食。同埋我地坐的位置都會睇到哂師傅燒野食的全過程，當係睇表演咁。鳥世一沙律份量幾大，幾舊雞胸、一隻流心蛋同蕃茄都配上黑椒同黑醋汁，帶有少少甜味，幾開胃。燒明太子就一條切開六份，雖然明太子本身偏重味，不過加埋青瓜片中和番啱啱好。燒帶子中等大細，配的汁就幾鮮甜，似帶子本身的味加上雞湯而成。燒和牛串就大概七成熟，入口鬆軟，配上青芥末醬又另一番風味。不過主打都係佢的「世一串燒雞飯」。白飯大概大半碗珍珠米，配上四串唔同的雞串燒，一份前菜同味增湯。免治雞肉、雞胸、雞尾同雞脾肉。免治雞肉串就配番佢的特製汁，甜甜地又幾惹味。雞尾串算大條，燒得少少焦但十分香口。只係食呢份的話都應該幾夠飽。

最怕食完燒烤串燒成身一陣味, 好姊妹經朋友介紹話中環有間隱世串燒小店, 採用備長炭即燒, 再加上有玻璃間隔隔住串燒區, 所以坐咗好一陣子, 食完全身無一點氣味。餐廳開於小巷間, 如非特意尋找, 亦不太覺這間小店, 亦不可睇小這家小店, 平日晚店內真係full book! 餐廳座位全吧檯設計, 面積不大, 以黑色做主調, 更顯高質氣派。Menu上有各款串燒、少量小食同主食供應。所有串燒份量精緻, 可以食多幾款。一次過落了好幾款串燒order, 然後師傅併排好比我地先影相打卡, 再送入串燒區經日籍師傅煮理。串燒很快上檯。雞軟骨 $38: 表面稍燒至焦香, 掃上薄薄鹹甜汁醬, 爽脆惹味。煙肉蘆筍卷 $50: 鹹香煙肉卷住清新爽甜多汁嘅蘆筍莖, 平均了煙肉嘅膩。鵪鶉蛋 $38: 燒至暖暖的, 掃上了微鹹醬汁, 口感唔會太乾太硬。二節雞翼 $55: 二節原來指雞中翼跟翼尖相連, 外皮焦香微脆, 有薄薄一層甜醬汁, 肉質嫩滑多汁。大黑本菇 $35: 整個本菇入口一咬超好清甜水份, 配上被調至酸尾尾嘅蘿蔔蓉, 口感味道同樣有驚喜。牛油粟米 $35: 半邊粟米燒至微焦, 清甜多汁, 細味表面有淡淡牛油

👍🏻網燒牛肉午市定食 $320九如坊小巷高級串燒居酒屋！難得公司包場lunch可以試到高質燒物😛午市定食包括兩品刺身、沙律、小缽、蒸蛋、御飯、味噌湯、漬物、飲品網燒牛肉牛味濃郁，燒到粉嫩半生熟，咬落好多肉汁🤤邊位連住少少肥膏，充滿油脂香，旁邊切咗出嚟嘅油脂粒焦脆爆油配搭芥末籽醬同柚子胡椒鹽醬但牛扒本身已經淋上燒汁，酸酸甜甜，唔點醬仲好食味道：9/10性價比：7/10-👍🏻蒲燒鰻魚午市定食 $340有別於一般蒲燒鰻魚，呢種似白鱔多啲厚肉肉質爽彈，魚鮮味好濃郁，不過比較多骨表面同魚皮燒到香脆，鰻魚汁啱啱好唔會太濕，仲keep到脆皮😙味道：9/10性價比：7/10-👍🏻雞腎 $48呢度主打雞串燒，師傅會係客人面前即叫即燒，好似omakase咁雞腎非常爽口完全唔韌，仲做到外脆內嫩，咬落好多汁，食到少少腎香 以少量鹽同黑椒簡單調味，已經好好食🤤味道：9/10性價比：7/10-👍🏻雞腿肉 $50雞皮薄身脆卜卜，肉質超嫩滑juicy，調味較輕，食返本身雞肉味道為主味道：8/10性價比：7/10-👍🏻免治雞肉串 $58表面燒到脆口，沾滿蛋汁同燒汁，食落有少少薑同洋蔥味味道：8/10性價比：7/10-👍

舖頭位於小巷，需要少少時間搵，但入面嘅嘢食非常出色，絕對值得一嚟餐廳係用少見嘅備長炭燒烤，能做到鎖水，保持肉質鮮嫩多汁最特別係餐廳中間設有玻璃廚房俾師傅喺食客面前即叫既燒，可以睇住師傅整嘢食之餘又唔會有好多油煙，設計貼心🍱蒲燒鰻魚定食💰$340Lunch set有四款，包两品刺身、沙律、小缽、蒸蛋、御飯、味尚湯、漬物、甜品/ 咖啡蒲燒鰻魚燒得較香，唔會太多汁漿住，飲其魚皮、魚肉份外香脆，介乎鹽燒同蒲燒之間嘅質感🉐刺身有帶子、蝦，都好新鮮茶碗蒸熱辣辣，好滑，入面有菇、鳴門卷等甜品有薑味雪糕、芝士雪糕揀，要咗我幾鐘意嘅薑味，好好味！啖啖薑嘅清香，少少辣，無雪糕嘅甜反而我超鐘意🉐🐥雞翼💰$48🐥免治雞肉💰$58🐥雞頸皮💰$55舖頭叫得「鳥世一」雞肉燒物當然係首屈一指，必試！雞翼燒得香又唔乾，真係keep到肉汁、雞皮邪惡好食，免治雞肉棒口感好，沾上月見汁無得頂🉐🥢秋葵💰$35🍄大黑本菇💰$35🍆米茄子💰$75蔬菜類燒物都一樣keep到濕潤，唔會乾爭爭🐠銀鱈魚💰$98肉質滑溜微甜，少少油香，沾上沙律醬別有一番風味🥢帶子💰$128海鮮燒物好吸引，有菇、日本大蔥，整體好甜美🉐🐟鹽燒鰻魚💰$68外脆微

聽朋友介紹🐥黎左間專食鳥串燒既隱世小店🫶🏻 平時食串燒食得多 但主打鳥串燒既真係第一次🐣 位於中環九如坊💡 一入到餐廳 就會見到獨立空間既燒烤位置 好處係提升餐廳氣氛 同 完全唔會嗅到燒烤味～ 唔需要驚食完成身好大陣味 ！ 好加分🔥Menu 以木制奏摺展示 design 感✔️✔️ ✔️Menu主要分左燒鳥 燒豚 燒牛 海鮮 野菜 小食 主食 甜品🍮 另外仲提供廚師發板 ～ 食串燒既好處係可以瘋狂點唔同款式 好滿足🥰 店員仲好好咁比我地打卡🤭燒明太子🫶🏻 明太子控必點！ 極極極濃郁🥰 配爽口青爪 咸香得黎又夠refreshing ✔️ 一啖放落口 極滿足😝 鹿兒島黑豚五花腩生菜卷 （韓國風） 特別之處 可以用菜包住五花腩再點韓式醬 增添風味同口感 ～ 生菜亦有柚子汁配搭 refreshing之選💡 特別要提一提 餐廳使用備長炭燒烤 ～ 鎖住肉汁之餘又唔易燒焦 所以每款串燒上台時都燒得好靚 皮脆肉嫩😋 左上角 （從左至右）：雞皮 ～ 好厚身既雞皮 油脂好重 好滿足唔會似食空氣雞腎 ～ 極爽脆！0雪藏感！雞尾 ～ 第一次食🤭 脂肪感好重 幾有咬口右上角 ： 雞堤燈（雞輸卵管）100分好味同驚喜 必

人係中環有間食串燒以雞做主打 琴晚就特登過海試試佢門口都好有日系 店內位置唔多 一張3邊枱圍住師傅 叻外有多幾張枱 人數大約20人左右擺設都好靚 有酒櫃同埋有貼心既位比人掛起大褸話明叫鳥世一 主打就係雞既串燒 佢既雞外邊食到內臟 大把部位你揀係烤之前店員都會比你影左相先 同埋你都可以要求店員同你介紹唔同雞部位 再選擇 當然唔小得叫番杯生啤配串燒我主要介紹以雞為主 當然我地都叫左其他好似飯 烏東等等呢個係燒明太子 呢個配搭左青瓜 比你食入去唔會被明太子味道搶晒 而且 夾埋一齊食 就會中和左咸味牛舌係好厚身 仲要完全易咬 爽身 重牛味 值得一試雞就叫左好幾款 頭3款係 雞皮雞腎同雞尾雞皮係勁厚身同好有雞汁香 雞腎同牛舌質感都好似 勁爽身脆口 咬落去有聲脆到 雞尾就脂肪感重好多 唔似食緊肉 似食緊雞腩咁*佢個餐牌真係好正 好似一部古代奏摺下邊呢三款就係雞頸肉雞腳掌同雞橫膈膜雞頸肉都係肉身多 咬口重 雞腳掌好特別 睇到成隻腳起左肉同皮出黎 食緊雞腳但烤香脆身 雞橫膈膜都係第一次食 有啲似雞尾都係脂肪感多啲 肉感小呢款係叫雞提燈 個外型好似燈籠 其實佢係雞既輸卵管 再加4粒雞蛋初形 真係好特別.

為何我標題寫上‘’正宗‘’隱世小店，因為小店門口有點難搵，在一條小巷內進入，如果不是由同事介紹此店，平時在此來來往往也好難發現此店。坐在bar枱正面，可看到師傅在爐邊工作，此店寫明用備長炭燒串燒我先order左一客鳥世一沙律，無論沙律茶，雞蛋，雞肉都是新鮮食材，沙律汁酸酸地好醒胃Order好串燒，師傅會砌好一個併盤俾客人過目燒明太子，明太子本身有好重鹹香味，但伴上生青瓜一齊放入口食，可減淡鹹味，容易入口雞軟骨，骨脆肉嫩免治雞肉棒，沾上月見蛋汁，簡直絕配鹿兒島黑豚五花腩生菜卷（韓風），上枱時店員會細心講你聽，先放上韓式辣醬再包上生菜吃便可以宮崎黑毛和牛，一串是柚子醬，另一串是日式芥辣醬，和牛肉燒到剛剛好，也能鎖住肉汁雜錦天婦羅，大推介👍🏻炸粉是薄薄，咬落口沒有油膩感，而且仍能保持食材本身鮮味親子丼 ，D蛋好滑呀😋