鳳城酒家 (已結業)

一家人聚首吃餐飯，揀吃的地方當然不可求其了事。其中一個最穩陣妥當的選擇，當數到太子的"鳳城"了.....預先在訂座時留了手功菜玉簪田雞腿、煎釀鯪魚及炸蟹拑。其餘的就隨心去叫了，反正每樣餸菜的水準都是同樣的不差.....先端來的竟是媽媽的摯愛生炒骨。掛醬雖處理得不太完善，還有少許醬汁剩在碟底，但排骨勝在是半肥瘦之餘外皮又炸得香脆。醬汁本身也沒有酸至刺鼻的感覺。論好吃程度可能及不上加上山楂去處理的"得龍"的出品，但比起其他中菜館賣之庸品，已是勝人一籌...哥哥點了自己未有機會嘗過的涼瓜炒鱔片。前者炒得十分爽口，但這種做法卻並非吾之所好 (因自己一向較喜歡炆得軟淰的涼瓜)；蒜粒及豆豉的份量也不夠多，吃起來就稍嫌不太惹味；可幸鱔片夠彈牙鮮味，成為此菜的唯一亮點.....煎藕餅是很花工夫做的家庭小菜，易學難精。難得這裡處理得宜 ---- 外層煎得香脆微黃，沒有煎得過焦；肉鮮甜且夠彈牙；而且藕粒也下得重手，吃起來甜中帶爽增添了咬口。實在是近來吃過最出色的藕餅....生菜鵪鬆是此地的名菜之一。各樣材料啄得依舊十分細碎，落鑊猛火快炒一會便上碟，火喉剛好，鑊氣十足。用生菜包着來吃，可以當成白飯為主糧來

告別虎年，又有甚麼較良朋共聚，吃餐好的寒暄打氣，然後迎接兔年的來臨？這夜116位食友，來到太子鳳城，包下2樓龍鳳廳，一嘗粗材細作，吃不厭精的傳統順德菜。-這夜九席菜，菜式如同「飯局」般，不以花巧，憑著食味讓眾人笑開顏。-九隻粵式烤豬、九隻炸子雞、九尾金銀桂花魚，寓意著食緣長長久久。-主理人景叔對遠道而來的為食好友極為重視，為保持質素，除親自監製菜式流程，還調來北角店師傅幫忙，最後還送上充滿著笑意的開心笑口棗，如待家人般真摰，情與味並重的窩心團年夜，會好好記著的。-謝謝經理敏姐，這夜龍鳳廳只做我們的生意，亦免去開瓶費，以朋友價炮製11道佳菜。-謝謝大家騰出寶貴的一夜，一起共嘗美食，虎年過去，Isaac在兔年亦會同大家亦會吃得更好特別鳴謝：各位有份幫助收集資金的食友幫忙印製飯局巡禮菜單的Nicole Ying《經典飯局巡禮》大伙兒分享美食＠http://www.facebook.com/group.php?gid=5082944725&v=app_2373072738#!/group.php?gid=5082944725太子鳳城酒家日期：2011.1.17（一）人數：116價錢：$230菜

認識了鳳城多年，亦替朋友包辦過不少飯聚，想起老師傅主理的烤豬、蝦多士等傳統粵式手功菜，好的菜式當然要同大家一起回味，於是定了來年一月十七日晚，同大家在團年宴一起分順德的老味道。談好大致包場安排後，經理不知在那裡找來酥餅，面層的皮焗得酥化，竟是甜甜的菠蘿酥，而餡味道討好，鹹中帶甜合廣東人的脾胃，未試過的值得一試。安排完畢，有興趣試試順德風味的朋友，可到《經典飯局巡禮》飯聚活動報名：http://www.facebook.com/event.php?eid=173700242660755

早前見到好多食評讚呢家酒家食物質素唔錯，於是提早訂枱黎食晚飯。訂6時正的枱，我們一行人5時45分到達，點知酒樓燈又未開哂、又沒有冷氣，有些員工仲喺到圍埋吹水，有啲就訓緊覺，見到你入黎都冇咩反應，感覺就是"當你無到"...此時，有個女負責人走埋黎話我地聽酒樓開6時正，叫我們隨便找個地方坐坐，待會才為我們安排座位。等了一會，終於到6時正，酒樓終於開燈開冷氣，此時已經有2-3枱的人在等..坐好之後叫佢開茶，待應很不耐煩回應 "我地6點鐘先開呀，6點鐘未夠已經比你地坐低啦，你地等下先啦!" 然後走左茶水間不知所踪!!再叫第二個女待應，樣子很不耐煩，一邊依依哦哦、一邊行左去第2張枱整野唔理我地，再叫佢果時佢就好無禮貌咁問我地想要咩!!果時我們已經好火滾!!! 問佢係咪唔想做生意!! 大佬呀，我地比錢黎食野ga, 唔係去善堂呀! 點解要睇你面色??! !最後忍唔住問佢係咪唔想做生意，佢先死死地氣走去開茶，最憎啲人見人洽，你咁唔尊重人，亦都唔好旨意人地會尊重你囉!!未食已經成肚火喇，好!! 即管試下你係咪真係咁好食，點知好普通囉:乳豬併生腸: 乳豬好厚，但唔夠咸；生腸夠爽，但冇乜味...海鮮豆腐煲水

預先訂位慶祝外父生日炸子雞.名不虛傳上湯粉果,孩子們不愛湯乳豬生腸拼海蜇, 乳豬好正好香蝦多士, 味道不錯,生日關係叫了伊麵, 當然一般

十一回香港，故意到凤城希望吃一顿“很好吃”的，结果一肚子的气。点了凤城招牌炒饭，但饭不够热，客气的请服务员拿回去重炒，回来还是不够热。请部长建议多点一个好吃的，还清楚说明不是要退，只想吃一顿好的，结果部长怕事，怎都不推荐， 还给面色看。怎么蔡澜极力推荐的酒楼是这么差的水平！

放假同老公黎左呢到飲茶..睇過之前的食評知邊呢到晚飯好食冇唸過飲茶都吾錯係我走左去洗手間之際...老公叫了新鮮出爐的叉燒so 原本一向吾鐘意食的我都覺得做得好出色.真係鑽口不絕...一碟兩件...面頭係波羅皮再加一粒合桃.鬆化度又夠又不會覺得好油.. excellent.

從食評推介就去試吓啦,點知非常唔得囉!一行九人預先頂位, 去到就有位, 心想OK啦, 唔使等, 坐落就叫某啤酒飲啦, 點知佢話D啤酒唔凍, 天氣咁熱, 要飲唔凍嘅啤酒??? 都算啦, 點知炸子雞無味, 乳豬拚腸就還可以, 但個炸蟹鉗真係好唔得囉, D蝦肉唔彈牙, 蟹肉又梅, $432 九隻重要加一, 為$50幾蚊一隻, 一D都唔值, 至於焗蓮蓉西米布甸都唔得, 食第二啖都唔想再食, 其它菜都非常一般, 沙田好多大冬姑亭都好食過佢, 呢餐晚飯一共叫咗 :1. 乳豬拚生腸2. 炸蟹鉗3. 冬瓜匙4. 炸子雞半隻5. 桂花炒漁肚6. 炒菜7. 生炒骨8. 焗蓮蓉西米布甸9. 八個飯(要10個)10. 兩罐啤酒三罐汽水埋單$1,602蚊, 服務又差, 大家評下理, 係唔係唔值啦......一定唔會再有下次幫襯!!!1

聽聞鳳城酒家老字號,食物質素不俗,一行幾人前住試食,欲訂酒席.當時正值午市,人客不多,所以就唔洗等位,好快就寫好點心.由於要等候點心,一般既小朋友都會用點心紙劃畫,結果我地只係比左一張佢劃,突然有一個態度勁差短髮女侍應沖前問都唔問下就一手搶走小朋友劃畫既點心紙,小朋友就即刻喊,我地問點解個小朋友劃張紙都唔得,張紙好貴既咩?佢反而話我地冇家教,唔劃得咪唔劃囉,洗唔洗咁講野,有仇咩,你唔比我用劃完公仔既紙用泥劃番點心既咩?加上我係客人,係唔係一張點心紙都要咁慳,其實如果佢禮貌d同小朋友講唔好晒曬d紙我都講得可以接受,但係又搶又鬧,甚麼態度來的??我即刻就決定唔會再係度訂酒席,點知下1次會唔會又話我地冇家教,冇家教果個好似係佢

一向都知道鳳城的蟹鉗及蓮蓉西米焗布甸 是要預訂的.這一次就是早一天訂了蟹鉗卻忘了 蓮蓉西米焗布甸....本來想早上打去補飛.... 換來一句: 你而家訂乜都冇架啦. 講乜都冇用....(即使死左...)六人晚飯...炸子雞蟹肉冬茸羹鍋貼蝦家鄉煎藕餅上湯粉果上湯莧菜百花釀蟹鉗真不好意頭, 點了也不知道原來叫了七個餸.普通菜式 當然是沒什麼特別.百花釀蟹鉗 的確是非常美味. 當然本人喜歡煎炸食品也不無關係! 四十多元才一隻, 的確是貴, 但手功材料..... 還是接受得了吧.其他的食品只算是好吃. 還不至於非吃不可.

鳳城味道是久不久就想再試的，尤其是烤豬及生腸，這天約了朋友談些事，見有時間，就先來吃碗雙拼飯。老店，來的都是熟客，大家都習慣了搭訕文化，坐對面的女士原來在屯門工作，因為想吃這裡的鹹水角，不惜大老遠同家人入來，老味道的可貴，就是如此。是日的招牌雙拼，不但吃到香脆化乳豬，而生腸更是爽脆不羶，每次來吃到的都是這樣有質素，如你問惡男那裡生腸及烤豬好吃，這裡的孖寶是本地最強的了！

朋友生日話想食呢度嘅蓮蓉西米焗布甸, 所以再一次o黎呢度懷舊嘅酒家. 鳳城炸粉果 - 炸粉果我相信呢度都係數一數二好味道既, 即炸蝦粉果, 跟上湯唔怕會太熱氣, 正! 乳豬拼生腸 - 呢個sell 係蔡瀾介紹喎! d 乳豬真係脆同熱, 又唔太肥都唔錯. 生腸多數食潮州嘢先食, 不過都唔差, 可惜肥咗d. 鍋貼蝦 - 蝦下面加多士, 不過個多士比較油, 錯咗dd. 冬瓜茸羹 - 以為d 冬瓜肉真係磨茸嘅添, 原來只係冬瓜絲, 味道ok啦! 八珍豆腐 - 一個素嘅豆腐, 有芽菜, 雲耳, 白果...等等. 都唔錯嘅餸. 炸子雞 - 隻雞中間見到d 血, 好似唔係好熟咁..... 蝦醬鮮魷炒通菜 - 蝦醬味恰到好處, 鮮魷份量多, 不過d 水通菜就一般. 咕嚕肉 - 大大件嘅肉, 不過肥咗d, 感覺有d 漏. 大良炒牛乳 - 感覺似賽螃蟹, 牛乳味濃, 送飯或者粥會比較好, 如果唔係, 感覺會鹹咗d. 蓮蓉西米焗布甸 - 又係已經少地方會做嘅一個甜品, 面層焗到有少少焦黑, 白蓮蓉唔太甜, 好味!

食材新鮮，製作認真的食店自然受食客歡迎，記得小時候與父母外出吃飯從不會挑三楝四，隨便一間都有一定水準，不像現在，為免肚皮受罪(吃得一肚子氣)，總要小心選擇。幸好有些老店，歷久常新，無論是家庭聚會還是良朋共聚都是很好的選擇，鳳城是其中之一。這裡的點心水準不俗，還有坊間少見的春風得意腸，香滑的腸粉包著脆口的春卷，工程雖然繁複，但店方製作認真，腸粉薄而富米香，春卷是鮮炸的，連春卷內的餡料也不馬虎，有冬菇、韮黃和肉絲等，真是滋味！蝦多士是這裡的名菜，也是小妹的最愛，這雖不算工夫菜，但要注意用料和炸的火候，欣賞店方每件多士都用整隻開邊蝦來做，也炸得香脆可口，只是咬下去滿口是油有點膩，這是可以改善的。除了名菜，令人回味的還有大良牛乳白粥 ，牛乳咸香，白粥米香撲鼻，綿軟可口，顯然不是用米粉煲的。要在香港找美食，會不會越來越難呢？

侍應+女紅衫侍應既氣...想不到新店既伙店態度居然比老店差？?????問一下女黑衫侍應..金銀炒桂魚..中的「金銀」是什麼..居然答我「咪就係炒架囉」態度仲要好差..同事叫女紅衫侍應加水…「加水就打開la」...反而場中既紅衫男侍應態度就好好多...當我發現這裡餐牌中沒有紫薑彭公鵝 同 釀鯪魚 , 佢唔點止有禮回答要訂還走到老遠取一張需預訂既菜單俾我這裡既男女侍應既服務態度差太遠..一班人七嘴八舌中...終於都有美食上枱瑤柱雜菜煲- 最初見到雜菜只有白菜+西洋菜好失睇..仲以為瑤柱只有一量放係面到既幾絲, 點知...當大家多夾多著下..見到還有大量既瑤柱, 而瑤柱+高湯令到平風既雜菜提升不少既鮮味..最底既粉絲更加吸盡精華.肉鬆生菜包- 手工菜式...肉鬆+松子炒得乾身..裡面既肉應該是鵪春肉+豬肉...沒有北角既鵪春鬆生菜包來得惹味.. 但是相比其他酒家已算是出色家鄉煎藕餅-藕餅中, 鯪魚肉為主，夾有芋蓉的香與蓮藕的清爽, 吃到中間有頗多的藕粒可惜吃下沒有濃濃的藕味, 這個季節蓮藕係當造期...不應如此大良炒鮮奶- 若果沒有估錯, 應該係用左”忌廉”代替水牛奶 ,炒起有一種軟綿綿但

個多月前妹妹已開始找地方為女兒慶祝滿百日,理想地點本是酒店的中菜廳,但不是場地日期有問題便是菜單價錢不合意,於是求助於惡男兄!立即想到為何不選自己和家人也常來吃飯的鳳城呢?與其把金錢放在場地上,倒不如放在食物上豈不是更好?於是五十名親友聚首一堂在這裡來一個開心熱鬧的無翅平民彌月聚餐.鴻運乳豬全體----這裡的乳豬上檯時並不會皮還皮、肉還肉的出現.而是舊式的原件上!皮烤得香脆,吃時連著一層薄薄的脂肪及肉,這才是最喜歡吃乳豬的方式.生腸拼海蜇----海蜇的調味適中(近年多是吃到一些全無味道,只得口感的居多)這麽粗大而又爽脆的生腸,在其它酒樓甚少可吃到.除非在旺角的肥姐小食店吧!百花釀蟹鉗----可說是來吃過這麼多次,厨房也重未失手過的菜式!只可說一句,用數十元就可吃這些手工菜式,物超所值!玉環瑤柱甫----瑤柱及節瓜也蒸得夠軟淋,最愛是蒜頭也炆煮至牛油般軟滑,芡汁厚薄適中令每件西蘭花也能掛上味道.八寶冬瓜盅----不吃魚翅這理念要從小開始作教育,大人不以身作則的話怎去影響下一代?消暑的冬瓜盅應比燉湯來得更適合這炎熱天氣,湯的味道清甜而且用料十足,內有不少的蟹肉,適量的金華火腿帶出了鮮味而不