鳳城酒家 (已結業)

其實想嚟呢度食好耐o架喇! 咁啱早兩日有個舊同事吹雞約食飯，叫我搵地方，我梗係建議嚟呢度啦! 上Openrice睇到呢度有D餸要預早訂，所以訂枱時已經訂埋個焗西米蓮茸布甸同炸蟹鉗，不過訂位時佢話炸蟹鉗暫停供應，要去到嗰時先confirm到有無炸蟹鉗，好彩最後都有，好開心。好彩訂咗位咋! 平日夜晚都爆場呢!

以前係鳳城刀係飲茶多,今次係度食飯刀係第一次因為大家太肚餓既關係,每一次有野尼刀搶住食甘亦可能甘既原因所以覺得D野食特別好味..咕嚕蝦球:一咬落口真係好酸,不過啖啖肉!油麥菜:真係一碟又嫰又靚既菜!炸子雞:皮脆, 肉嫰,好似入口即浴既感覺甘藕餅:一上枱就即刻搶住食.一咬!嘩!仲熱辣辣,有好多煙出尼將連藕切得細細粒,仲有鮮茹粒TIM,果然足料!大良炒鮮奶:有一陣陣既水牛奶味,再加上松子,正!綠豆沙夠足料又起晒沙,而且味道岩岩好!

四人晚餐慶朋友生日~ 又可一試好評多多的鳳城酒家~ 哈哈 巨型 西米蓮蓉布甸 我們來了招牌炸子雞- 都算皮脆肉滑是燒雞, 雞皮夠脆，但味道偏向淡口，雞味不突出，overall 都好 好味, 可以一試. 蝦多士~ 太油了, 食吾晒…..有d失望炒通菜~ 正常的炒通菜, 好味. 魚翅雞湯~ 好味道, 好濃的魚翅雞湯, 正呀..值得一試., 不過分量好少. 全晚焦點所在~ 西米蓮蓉布甸~ 又可以做birthday cake~ so sweet, 又大又yummy, so happy~ 白蓮蓉夠香夠滑, 西米亦不會焗過火,份量很足...怕吃很甜的甜品的人都要試 ,但這布甸甜味控制得剛剛好,很棒~滿意之作, 不過吃得多有d 滯~ 至少6 人share 先ok., 我地4人share 都覺太多了, too much a large pudding to eat after 食飽飽. . 地點方便, 很近地鐵站環境舒適, 雖然是酒樓, 但是不太嘈, 一大班人去很好.服務一般~ old fashion style 酒樓servie食物good, except 蝦多士 too oily

想到母親節到了，又有一段時間沒有食過這間順德菜，所以在食飯前兩日已經訂了位，又訂了兩隻這裡的蟹鉗。訂了六時半，已經有一些人食緊飯了，母親節附近的日子果然唔同的，不過一望個餐牌和以前有些不同，平時的餐牌沒有了但多了很多的套餐，要散叫而唔想叫餐的選擇少了很多，令我們都有少少的失望，食唔到平時想食的炒桂花魚，只能有少少的選擇中選了一些。炸蟹鉗(@$45) 每次來到都會叫的一味餸，唔似出面的蟹鉗只是用一d粉造的蟹鉗完全無鮮味的，這裡的蟹鉗是用一隻新鮮的蟹鉗再釀一些蝦肉和在外面，外面炸得金黃香脆，內裡的蟹肉好鮮味，點一些這裡的酸汁，必食。桂花炒魚肚($68)阿媽想叫一些清一些的食物，就試一試這一個，講真，味道不是太濃，入面用蛋去炒一些魚肚、銀芽、火腿和一些炸脆。清清地都可以一試。螺片扣鵝掌($128)叫唔到炒桂花魚，就叫了這一個螺片扣鵝掌，螺片都幾厚和幾入味，鵝掌都炆得剛剛好，不過就沒有了來到鳳城食飯的特色..........還有一個蝦醬炒通菜，味道一般。甜品是綠豆沙，反而有少少意外，味道不太甜而味足，健康的甜品，飯後的一點兒驚喜。可能選擇錯了日子來，希望下一次再試到鳳城的特色菜。

一大班同事飯聚，每次都會選一個大家聞名已久，但未有機會一試的食府。。。 而這次的地點鳳城酒家， 又好像是上上一次的蓮香樓的一個翻版， 因為兩家酒樓都以焗蓮蓉西米布甸及八寶鴨騁名。。。 是晚八個人，點了八款菜（因為女士佔多數，最後要打包）八寶鴨 一上枱， 感覺是。。。。非常巨大。。。大家都為之震驚。鴨的味道不過不失，我吃到鴨內有破多薏米，另外亦有咸蛋黃，蓮子等等頗，內涵豐富但不夠香，鴨肉不夠滑，鴨皮亦太厚，跟蓮香比，有點失望大良炒鮮奶 好味，原來這道菜是咸的，水牛奶炒起有一種軟綿綿的感覺，其奶香頗讚，加上大大粒松子，金華火腿絲， 比較討好的一道菜，很快便清碟 （大）乳豬拼叉燒 好好味，皮脆肉嫰，加上乳豬醬，一絕~！此乳豬味道很傳統，其乳豬皮比一般的稍厚，但仍香脆十足； 同碟的叉燒雖不及乳豬出色，但也很不賴。。。 海鮮豆腐煲 很足料，亦有鑊氣，但豆腐沒有之前食評寫的那麼香滑，味道挺好，但未至於一試難忘 炸子雞 吃前頗有期望，但吃後。。。。有點名過於實。。。。。。。皮脆肉滑是燒雞必要條件，兩者只做到一樣，個人認為只有某些雞皮夠脆，而味道亦偏向淡口，雞味不突出，調味亦不多，再加上他們的鼓油並非

上年11月同朋友黎食飯. 食唔到個蓮茸西米布甸見到人地枱枱都食呢. !! 原來要預訂ge. 都不知道事隔咁多個月. 鳳城有得外賣個布甸啦. honey買咗俾我食隻碟要40蚊按金. 入面除咗西米. 你仲可以轉綠豆.紅豆番到屋企用焗爐焗番熱佢好好味啊 ! 又唔算太甜 . 兩個人都食咗半碟呢. !!

本身麻麻地鍾意飲茶，因為鍾意食既點心唔多不過今次有小菜食就唔同幾乎全部都無令我失望的一餐，很滿意呢~點心：:古法馬拉糕 甜度剛剛好，不過蒸得太久，非口感鬆軟，而是太腍。咸水角 好味~皮的外層脆，但內層就煙韌芝麻紅豆角？ 同咸水角一樣美味，不過外皮略厚叉燒包 好味~水準之作山竹牛肉 蒸得剛剛好，又一水準之作，喜愛牛肉的朋友要試下了~ 金錢肚 牛肚入味，蘿蔔不會太腍/爽，個人覺得剛剛好~爽肚燒賣 爽肚一般，較淡，給金錢肚比下去了。燒賣好味~主菜鳳城炒飯 該店名物，的確是具水準的炒飯，醬汁均勻，炒飯夠乾身，好味~不過未至於驚為天人窩貼大明蝦 即蝦多士，索價$100，有點貴，但真的很好吃~ 輔以喼汁/淮鹽，我比較推介前者，因為淮鹽太醎 (我沾了很少而已)，蓋過了蝦本身的味。乃是日回味菜式。炸子雞 雞肉算滑，加上檸檬汁，口味清新更好食菜遠牛肉 又一水準之作，牛肉滑溜，鍾意食牛肉的朋友別錯過了粟米斑塊 我很鍾意食魚，而這道菜令我必定再來，斑塊乃新鮮而非雪藏貨，正~併盤 有海蜇、叉燒、乳豬、鴨、生腸，叉燒是偏瘦的，正合我口味；乳豬不錯~皮夠脆，肥瘦適中；生腸最好食，可與肥姐小食店媲美，新鮮~

一月中旬因為要替新官找些開飯地方，久未一嚐師叔主理的烤豬，是借口、是為食亦想探探老前輩及黃經理，甫坐下就要了烤豬拼生腸。烤豬依舊皮脆酥化，蘸上自家調味的烤豬醬，甜甜的廣東味道，配起化皮豬，多吃不厭亦不膩，而粗實的豬生腸也是坊間不易吃到的貨色，認真的順德民間味道，除了北角鳳城外，也會推介這裡，仍在整理著師叔與鳳城的故事，不日於《惡男的廚．宴光影事》 http://foodxfile.blogspot.com 公映。

窩貼大明蝦 - (似蝦多士?!) - 好油, 下面果個包唔好食 ($100就唔多抵食了><)梅菜扣肉 - 呢個正, 好快清晒D扣肉 - 梅菜用黎送飯都一流海鮮豆腐煲 - 豆腐好滑 - 正!大良炒鮮奶 - 味道怪怪的苦瓜炒鱔 - 苦瓜真的很苦 (但有人話係正, arm arm好......)黑椒牛肉 - 我冇食到, 但應該都唔錯, 因為都好快清左西米布丁 - 還可以今晚食飯係上菜等左好耐, 都催左幾次先有第一樣野......但大家好似都唔係太滿意...><

這裡的布甸及蟹鉗是多次吃完再回來的主要原因,每次也吃那幾款每次也滿足而回.因家中快添新成員,所以近來晚飯也會吃得清淡一點,亦全員一致陪戒口!無蟹鉗/野雞卷之夜.兩男兩女四餸一湯:乳豬拼生腸----價錢份量和新斗記相若但質素差天共地!兩家也是皮夠脆,但這邊優勝在入口時是温度還微暖、皮及肉中間有薄薄的脂肪,肉質保持到嫩滑味道而不過咸!大生腸依然爽脆,帶點鹵水汁的香味配芥辣同吃味道更佳.生菜包----以往餐牌上的標示為炒鵪鶉鬆,現已改成招牌生菜包.吃不出炒的是什麼肉,只知味道並不特出,質感像吃泰式的炒肉碎一樣!而生菜也是黃黃白白的居多.桂花炒魚肚----蛋炒得太老,油下得太多令到加在面頭的薄脆很快因吸滿油而變得爛茸茸.粟米班塊----粟米芡汁調味適中,魚塊咬開時還熱得燙口,炸得乾身香脆,肉質嫩滑沒腥味!八寶荳腐羹----侍應端來的是"八寶荳腐煲"!要再三表明才換回這個羹.材料有荳腐、青荳、甘荀、义燒粒及蝦毛幾粒.從窩中用湯勺滔入碗內,羹已變成水!味道是將浸荳腐的水煮滾一樣.焗蓮蓉西米布甸----本來出品如過山車般上上落落,吃得有點火起!但一見布甸上檯立即怨氣全消!焗得表面金黃,蓮蓉香滑入口甜

農曆新年，約了家人親戚到鳳城飲茶。早一天訂了位，果然係正確的決定，因為這裡地方其實不大，如果無訂位walk in的話，好彩的話或者都會有位嘅，唔好彩的話就實要等啦。話晒在open rice睇見呢度的食評都係好多人讚，極少人彈，所以對這裡食物的期望都好大，唔係都唔會約家人同親戚來試啦，可是......真係希望愈大，失望愈大嘞！首先，呢度真係太多人幫襯啦，早一日打電話去訂位，本來想食晏d，飲下午茶，但係呢度過左2點鐘就無茶市，無點心吃。無所謂啦，book早d啦，又話要喺個半鐘內交枱，只可以由11點半食到1點鐘。無所謂啦，個半鐘頭都夠食架啦，但係呢度d點心因為係即叫即蒸，所以有d點心都等得較耐。無所謂啦，d點心好食咪得囉，但係呢度d點心只係有d較好，有d就唔係好掂。好似過年點心豬脷燒賣咁，就整得唔錯，但係另一味過年點心髮菜豬手，d豬手就只係麻麻地啫。而最差嘅就係以為會好正嘅「蝦餃」，d蝦餃皮實在太厚啦，影出來嘅相係完全見唔到入面d蝦同肉嘅，只係見到一團白色唔透明嘅餃皮（可以睇相）。話晒都有四個人，食點心又點夠吖，除左點心外，另叫左個上雜湯伊麵（上雜即係海鮮喎），味道算係過得去啦。終於食完一餐

早上九時至十一時，大中小點一律12元，祇限堂食，攜走正價鮮蝦燒賣仔：大大粒又爽口，肥豬肉的份量不會太多淡水鮮蝦餃：呢個非食不可，飲茶必吃啊！皮薄餡靚，至少有3隻蝦，蝦肉勁爽脆新鮮薑蔥牛柏葉：份量不少，薑蔥入味，牛柏葉略淋，不夠爽口蒜茸蒸鮮魷：略嫌蒜茸味不夠香濃，鮮魷份量超多，至少8大件，件件都好大件，但無魷魚鬚囉黑椒牛仔骨：呢個唔多掂，共4件，3件都是骨連肥膏，黑椒味又唔夠喎，一d都唔辣盛惠$79

男友知我鍾意食炸蟹鉗 專登打電話預訂叫左炸蟹鉗, 西蘭花炒帶子及粉絲雜菜煲炸蟹鉗好脆好彈牙, 因為用左蝦膠包住炸, 正 炒帶子D帶子尚算OK 粉絲雜菜煲差D, 因為我唔鍾意食菠菜如果想食炸蟹鉗, 記得要預早訂檯及炸蟹鉗啦

有朋友食過說OK！就帶我地黎再食。我地無訂位，其實我都驚驚地，好彩我地好早去位！但5個人都係坐4人台！迫迫地！但過左半小時，真係勁多人都要等位。好彩好彩！5個人叫左6樣菜，但差不多樣樣都係熱氣既美食！第一樣：乳豬拼生腸因為我勁鐘意食乳豬，唔太差我都覺得好味！皮脆無肥肉！^,^GOOD炸粉果朋友極存推介，食左一個，好肥膩呀！之後浸下湯食，又OK喎！大良炒鮮奶個樣有少少似賽螃蟹，但我覺得唔好味！可能我唔鐘意個味道！窩貼大明蝦都係朋友推介，但都係食左一個，仲肥膩過炸粉果。個包包食落去，成口油！HELP~~炸子雞我D朋友說皮脆肉不滑，但我又覺得幾OK喎！D皮真係勁脆！都唔算嫁啦！藕餅等左好耐好耐先到，但我已經食唔落了(我要留返個肚啦)！D野食我朋友包底！哈哈焗蓮蓉西米布甸黎到已經流晒口水，好香呀！真係要襯熱食，凍冰冰就唔好食呀！最好味這個！^,^食得太多炸野，真係即刻生左粒飛滋！食飽飽，我地坐左係到吹下水，但都無人叫你走，不過見到咁多人等位，真係有點不好意思！最多我地轉場再傾過啦！

昨天約友晚飯共聚於鳳城。前見很多食評都讚這兒的乳豬很好，故與友人坐下後，即叫乳豬來品嘗一番，除了叫了乳豬例牌外，還點了海鮮豆腐煲和鳳城炒飯。乳豬果然是沒有選擇錯，皮很脆及新鮮燒製，而皮下是沒有一層厚厚之肥肉。故不需要像其他食肆般將皮下之肥肉去掉，只剩一層乳豬皮，變成了欠缺有肉和軟骨一起咬下去之層次感。海鮮豆腐煲都好味道及材料豐富，有大隻之蝦仁及帶子。鳳城炒飯是炒得很香及非常好吃的，原來是加了小小蕃茄及茄醬去炒，可說是中式炒飯與西式醬料結合之好產品。此酒家環境都可以，可惜地方太擠迫，如鄰枱客人稍微移動或說話聲音提高一點點，便會影響到別人及聽得很清楚了，可想而知彼此大家都是非常親近啊！