鳳城酒家 (已結業)

一星期前已訂位，起初訂6:30，不過6:30無位，最早都要7:45。7:30上到酒樓，已經好多人等緊位，結果都要等4-5個字先有位。訂位時已訂彭公鵝及西米布甸。一行六人共點了六款美食：先講吓環境，多人、迫 枱與枱之間無咩位置，同坐在一齊無分別。順德彭公鵝---好大盤($480一隻)‧味道是大量子薑加醋煮鵝，子薑好爽脆，鵝就好入味。讚蝦多士---一碟十件，蝦部份幾新鮮好味，不過底層多士就太油。上湯粉果---粉果皮薄炸得鬆脆，不是太油膩，浸唔浸上湯食落無咩分別。芙蓉炒魚肚---炒得好乾身，其他無咩特別。瑤柱什菜煲---算是最差，份量少，上湯好似清水，唔夠味，好似一煲白灼菜。蓮蓉西米焗布甸---睇不見蓮蓉，但每一口都食到香甜的蓮蓉，口感就似食bb糊仔。埋單:$1100

看見有這麼多好食評一心來嘗可是卻失望而回裝潢老派訂了位, 不用久等坐下來侍應很久才會理睬你的舉手食物也上得很慢時快時慢蝦多士可算是最好的了新鮮香脆炸子雞, 香口的確不錯但沒有令人驚喜大良炒鮮奶好鹹完全不好味鳳城炒飯普通大家只是隨便吃吃送的綠豆沙 也不好吃總結朋友說北角的那間分店食物水準高些但願如此

旺角鳳城絕對不是新鮮物.老店地點又便利,大家可能都有試過.好多舊式老店,好像都跟服務差成為買一送一的火辣combo.要試懷舊菜?沒問題,就連服務也懷舊一下,回到做又36,唔做又36的年代.說鳳城毁譽參半不為過,特別聞名的,可不是餸菜,而是他的服務 - 一幫梳著超高徐小鳳留海,像順德大媽的服務生,對各位來賓的呼喚完全是視而不見.假若偶一不幸被客人召喚了打斷她們的話柄,她會會豪不客氣的向你厲一眼,嚇人的目光讓你懷疑自己打斷了她們肯定是閣下的錯.朋友家住旺角,朋友來自四方八面,於是又選上了鳳城.今次,竟然給了我莫大的驚喜!先說這個大良抄鮮奶,牛奶滑而不老,加上欖仁火腿茸;口腔之間還隱隱的傳來一陣香氣,想不定是豬油作逐?價錢不便宜,生腸很爽口,乳豬,肥瘦度適中,皮也算脆,但都放涼了,味道差一截,不能說印象深刻,和新斗記相去甚遠.蝦多士-吃過陸羽那個不油不膩的,再也吃不回鳳城的了.這個今天算做得不差,但和陸羽還差得遠著.生菜鵪鶉鬆同樣是名菜之一。材料啄得極細，絕對是功夫菜.火喉剛好，鑊氣十足。用生菜包着來吃,還有筍粒、冬菇、洋蔥,加上生菜,真的ichiban,難怪阻住吃完一個又一個!這種菜式,還

由於親戚剛從外國回來,想帶他品嚐一頓老字號的晚餐,決定太子鳳城啦,星期四(6月9日)打去訂星期六(6月11日)七點八位,可惜已滿, 要八點才有位, 無問題,預訂了順德彭公鵝, 上湯粉果和蓮蓉西米焗布甸,本來想預定百花鮮蟹箝, 不過聽電話的亞姐說"無喇",其實我也不知是因季節限定或是其他原因.6月11日需然訂了晚上八點,因家中有兩位老人家,不想他們來到還要等位,自己一人七點十五便到達鳳城,本來即刻有位,不過自己知親友一定要八點才到,在不要令人做少了生意為原則,說不要了,接待的女侍應也很有禮貌,他將我名字放在第一位,時間也越來越近也有擔心家人來到未有位,不過真是奇蹟在八點前剛好有張八人枱埋單,我剛入座親友便到達,時間剛剛好.說到菜式:- 乳豬拼生腸海蜇 - 招牌菜, 有一定水準. 蝦多士 - 炸得麵包鬆化, 都ok, 不過真係好想食蟹箝. 順德彭公鵝 - 要預定, 此菜式無得彈, 超好味, 用醋煮鵝, 再加鵝旁的子薑, 不油不膩. 生炒骨 - 雖然都係黎度招牌菜, 無諗住叫, 不過亞媽行入黎時見到其他食客食, 好似好味, 老人家想食當然要叫啦, 不過問了我哋覺得係專家議見, 係排骨唔夠脆,

計一計太子鳳城都接近有三十年了，好多人來這裡都是食傳統的順德菜，或是一些懷舊的點心，而近來旺角開了很多的點心的專門店，是貪新鮮、水準問題或是健康問題都令很多人去了這一些新穎和免加一的點心店，而令少了很多人去這些傳統的酒樓，計一計都很久沒有來過鳳城酒樓就上去嘆下早荼。鳳城酒樓就在彌敦道和太子道西之間，在金都商場的隔離，分開二層有二三樓的，來慣的朋友都知道入面的格局和三十年前沒有太大的分別，去到又會勾起了童年的回憶，想起小時還有一些點心的啫喱粒而上面還有一把紙傘，不過想到雖然現今社會都沒有這些東西了，但希望來到都是試到一些古老的點心，入到酒樓坐下之後就立即點點心了。看看點心紙原來鳳城現在做緊特價早茶時間，價錢比午飯時食就平宜一些，但選擇就不是太多了，數一數只有二十多種的，而且問問阿姐有些選擇已經賣完了，選擇更加少了，加上早茶時是沒有燒味的，所以就叫一些還有”存貨”的，就叫了鳳爪排骨飯、上湯浸粉果、瑤柱灌湯餃、蒜蓉蒸鮮魷、淡水鮮蝦餃和羅漢齋鴨掌。鳳爪排骨飯($13)因為是中點所以份量都少了，數數都有兩件鳳爪和兩件排骨的，不過食落鳳爪和排骨都幾入味，都有一些懷舊的風味，下面放了一些豉油和肉汁的

好耐無黎過鳳城，睇餐牌時覺得價錢都幾貴。燒味拚盤：燒豬皮脆肉嫩最好食；其他味道一般。帶子芙蓉蛋：帶子 “靱靱地” 好似唔夠熟而且唔鮮甜；芙蓉蛋就乾身左d。涼瓜炒鱔球：炒得有鑊氣，涼瓜唔苦，鱔肉唔腥，但就油膩。山炒骨：肉質實左d，外皮厚左d，甜酸味道就頗好。大良炒鮮奶：炒得唔香和淡味。西米焗布丁：飯後必食，甜度剛好。呢個價錢應該做出更好的味道。

今日嬤嬤生日~黎左呢度食飯~真係好期待嫁~openrice評價咁高~可惜真係好失望~可能今晚星期六~好嘈好迫~都唔緊要喇~叫左好多個餸~乳豬拼生腸...唔係燒得好好~有陣焦味~炸子雞...又唔夠香脆~...有d肉仲要未熟金銀桂魚卷....走油的桂花魚卷.......食完有一大碟油係度~生菜鵪鬆....呢個算係唔錯...但亦唔算係出色之作大良炒鮮奶...炒鮮奶裡面有蟹肉嫁蝦多士~ 太油了.......其實我相信佢地既師傅對炸項目唔係好得~焗蓮蓉西米布甸.......一盆12個人分....我都係食2匙到.......個感覺係甜的漿糊....有d炒菜...普通野....但佢地既名菜.....真係好失望~...

孖G妹今晚與同事一行5人前往位於太子附近的鳳城酒家吃晚飯，孖G妹略聞鳳城是一間老字號的酒家，十分多人慕名而去，孖G妹就第一次到這裡吃飯，由同事負責訂位，聽聞在徦日訂了位也要等，務必訂定位就較穩陣啦！而且有些餸菜亦要預先訂，今次預先訂了焗西米布甸！一行5人準時6時30分攞位，入座率已有一大半，最後叫了五個餸，每人一碗牛乳粥，加埋焗西米布甸，好可惜有同事想吃的大良野雞卷今日沒有得吃，埋單680元。坐低之後無幾耐，餸菜都很快相繼上枱，反而係五碗粥遲遲未來，因已吃了幾個餸，重未有粥送，而餸菜都普遍較油膩，唯有追追。前後追了兩次，分別係唔同員工，第一次個哥哥話就有，但相信無特別追過，而這個哥哥在我們坐低後，不是招呼特別好，但就不斷搭訕，我們講咩，佢都無故插嘴，總之十分奇怪。到第二次追粥，個姐姐態度十分差，好似嫌我哋煩，但其實佢應該唔知我哋追過，很誨氣説叫左就有架啦。唉！頓時覺得老字號果真唔憂做，但今時今日咁嘅服務態度，應該下次唔會再來了。咁真係無理由d餸食哂咁濟，五碗粥要最後上架！高湯炸粉果，無錯係炸嘅粉果，相信現在唔係好多地方有得食，聽聞都係出名小食之一，食前浸一浸湯。粉果外表炸至金黃色，內裏

呢間酒樓可以形容差差差, 餸菜差差差, 又無味, 又難食, D餸又貴又唔好食, 叫咗八個餸, 無一個好食, 貴好食, 都叫值得, 貴得嚟又唔好食, 呢D叫差, 估唔到今時今日仲有咁差既酒樓,出名既甜品(焗蓮蓉西米布甸簡值不知所謂.

太差!太油!從來也未吃過一餐那麼油的菜!油到我要用水淹了才吃,真的很誇張除此之外,待應們的態度也不得了價錢又很貴! 4菜1湯要$800以上..值得嗎?好吃的話也物有所值..可是這些食物真的一點也不值!

住在太子多年,都未到過呢間出名的酒樓.呢早終於同媽媽來試一下.點知一入去佢就問我地有無訂位,我地話無,佢就要我地1點前交枱,咁早都要訂位???haha!我地叫了4樣食物,都幾懷舊,有d酒樓唔會有得食....上湯炸粉果,懷舊糯米雞,鮮蝦燒賣仔和雞球大包....點心味道ok...下次可以再去,因為有CC鍾意食的福建炒飯,仲有好似圍圍枱都叫的化皮乳豬拼生腸,一定好好味架啦,CC好想食呀!

今日我地一行十二人BOOK左8:00正，上到去，佢話需要等位，OK無問題，唯有企係到等，但佢話我地係大枱第四張，咁就有問題，你接唔到，唔好接我地既訂枱丫嘛，訂枱時又話一定有枱。最後成個鐘都無回覆囉，可是星期五晚係旺角食飯，成十二個人又有大肚婆，跟本唔行得遠，好難搵位，但都只有走。就算幾好食，呢到既訂枱手法都真係不敢恭維。我知你地唔休做，但都唔係咁玩班食客掛。

今年和一眾食友的團年夜飯來到了這家來過不下數十次的鳳城，共嚐這裡的各式名物。百多人包下了二樓全層來一個送虎迎兔。又回到這個孰悉的地方.乳豬全體----現烤的乳豬吃起來皮脆肉嫩！皮連肉原件上的吃法已被所謂新派粵菜的起皮片走脂肪或那些"又要威又要帶頭盔"的所謂食客迫得還在供應的酒樓所餘無幾!這些奇人肚裡容得下幾片乳豬皮但眼裡卻容不了皮下的幾亳米的脂肪.窩貼大明蝦----蝦膠彈牙底層麵包炸得鬆脆，吃起來油份不多。爽脆豬生腸----能在酒家吃到這種大小的生腸不是易事！質感爽脆有淡淡的滷水香味，除了旺角的肥姐外暫時還未在其它地方吃得到。原煲白肺湯----看見碟上堆得像座小山的湯料已知這湯絕對是真材實料！湯味醇和得像住家老火湯。最重要是溫度夠熱！極討厭喝和暖的湯水。金銀桂魚卷----魚肉不算特別嫩滑最主要吃的是手工，反而炸過的部位香口又合心意順得彭公鵝----一陣薑醋的氣味撲鼻而來，味道醇和陳醋和自家醃製的無渣子薑反倒成了主角！已過了最佳季節的鵝肉雖有點老但非常入味。脆皮炸子雞----皮脆肉嫩在這麽多間鳳城店中,做得最好的首選是這裡.薑汁玉蘭遠----吃了這麼多重量級菜式也要有碟菜來消消膩。上湯炸

朋友仔生日...我地決定左試下lee 間鳳城之前聽朋友講過下..都話幾好食...我就去左銅鑼灣0個間既yum cha...不過我覺得so far so good 咋今次黎太子lee 間...講真比我想像中好味...好多餸都算係有主準之作...因為過左太耐啦...有d 餸我都唔記得左叫咩名了!但好食就是了~好鬼死多人等位...每一層都係...lee 度就係做得唔係太好既地方囉!同埋座位好迫囉~~服務都麻麻地咋~~好彩佢地既小菜爭返啖氣咋!!

乳豬併海蜇 ~ 乳豬凍左,海蜇無味炸子雞 ~勁好食,皮脆肉滑,好多汁原隻雞鮑翅 ~好食,不過唔夠熱清蒸大海班 ~普普通通鍋貼蝦 ~好食,蝦爽上湯粉果 ~勁好食鳳城炒飯 ~好食干燒伊麵 ~好食