鳳城酒家 (已結業)

舊同學聚舊, 都建議中式所以就決定黎鳳城酒家, 方便就腳睇左一輪, 懶得逐樣嗌, 要左個 7-8人餐 $880乳豬拼盤: 乳豬數件, 叉燒, 生腸, 海蜇少量, 生腸的確唔錯, 爽口粟米魚肚羹: 幾多魚肚, 甜且滑, 好味鍋貼大明蝦: 味道雖好, 但份量少左 d ($10一件)炒班球: 普通炸子雞: 散叫 $200 一隻, 朋友話好貴, 食完又話抵食, 滑, 唔肥膩, 好味瑤柱扒豆苗: 普通綠豆沙: 頗多海帶, 起沙, 唔錯另嗌焗西米布丁: 熱食布丁未試過, 幾特別下, 但又唔係話非常好食鳳城炒飯: 應該唔錯, 想食果下已經無哂魚鬆炆米: 幾好, 味道唔錯黑椒牛柳絲: 梳打粉唔少, 無乜肉味總括黎講係幾好味, 不過下次可能散叫好 d, 因為餐既餸唔係樣樣岩但炸子雞係必食...

去鳳城只會去傳統的旺角或北角分店, 相信心水清的食友都好清楚, 原因不再多講, 今次一大顆人來到, 叫左唔少野食, 其中幾款比較出色, 實在要介紹一下, 第一樣係要預訂的炸蟹鉗($42一隻), 價錢一d都唔平, 但試過後一定讚好, 用上原隻新鮮肉蟹鉗包著蝦肉, 撲上薄薄的粉去炸, 絕對真材實料, 無花無假, 唔似坊間大部份中菜館用上大量蝦膠同墨魚膠充當, 大大隻熱辣辣, 脹卜卜的咬下去啖啖肉, 並唔係只有一般墨魚膠的彈牙, 但卻有應該有的質感, 花四十幾蚊都值得一試, 畢竟肯花時間同心思弄傳統粵菜的中菜館實在不多... 第二樣係乳豬(例牌$118), 本來乳豬併生腸都係一樣價錢, 但本席太多人唔食生腸, 所以只乾脆地叫淨乳豬, 鳳城的乳豬大部份時間都係微熱或暖的, 因為見佢地燒味部每次只有一隻乳豬掛係到, 賣完才弄第二隻出來, 其實佢地的例牌的份量並唔係多, 大概有十多件左右,有花生鋪底, 我覺得適合做前菜或頭盤, 乳豬件係連骨片出來, 化皮咬下去都算卜卜脆, 皮脆肉嫩, 當然有d係連著少許脂肪, 但唔算太肥, 可以接受的, 水準一如以往的高 第三樣係脆皮炸子雞($200), 老實講

店內分兩層，地方唔係好大，感覺有點擠迫。一行二人只點了兩款小菜美食。蟹肉扒豆苗，蟹肉是真貨，份量亦不少，雖然豆苗未算很嫩口，整體令人滿意。海鮮豆腐煲，有蝦、帶子、魷魚等，質素OK，豆腐幾滑。兩款小菜份量頗多，連餐後綠豆沙兩碗，兩個人也吃不完。

真正好吃的鳳城酒家本地只得兩間，都是由曾在日本工作的師叔主理，分別是太子聯合廣場對面太子鳳城，與及在北角粵華酒店對面的北角鳳城，家人生日也會來慶祝，吃些乳豬及小菜，價位相宜，質素不會叫人失望。是日我與朋友來吃早點，也吃得滿意。食物：雞球大包不易做，這裡餡料豐富，但味道未算出色，麵皮略為實了一點，但肯花功夫做的酒家不多，這裡已較同區酒家出色。山竹牛肉爽嫩，加工過的，加入肥豬肉粒吃起來更甘腴還有蒝荽味道，是老師傅的手勢。乳豬烤得皮脆，肉嫩，很不錯，每次來都會吃的一味。蝦餃味道調得好，成本關係，用的非鮮蝦，幸然蝦爽而不腥，澄麵皮未算出色，腍了一點。還有地道鳳城鹹牛乳，用來送粥，很不錯。環境衛生：打理得企理的老式酒家，隱見中華風。服務：老伙計已當這裡是吾家，服務不錯的。

與同房小友的第二個定期午餐聚會，這次來到老店鳳城喝個午茶。一行只有三人，卻叫至滿檯盡皆點心及小吃，最後吃至人仰馬翻，弄到同房的小妹妹連晚餐也吞不下呢....先來點煎物吃吃。煎蝦米葱花腸粉煎得外層帶少許微脆，但顏色卻又不算很金黃，以個人口味而言，是可以煎得更"透"及更香一點。葱花及蝦米份量尚可，當然又會是多一點就更好不過人是永遠不可如此貪婪的，只要有足夠的豉油、麻醬及甜醬來醮吃，已是很不俗的了.....上湯煎粉果保持水準，皮帶脆也不太油，內層蝦肉新鮮夠爽。醮點msg free的上湯來吃，是享受.....最愛吃得滿嘴是肉的傳統手啄燒賣。總覺現在風行一時的"大蝦"燒賣不是甚麼特別好吃，要吃大蝦，還不如吃一大隻乾煎蝦碌 ? 而且現在的大多是養蝦，只一味夠大隻及爽口卻毫無鮮味。以人手啄成的以豬肉為主的燒賣，入口帶韌勁之餘又吃得一口肉鮮及肉汁，下了冬菇粒的就更香更好吃。這裡吃到的就是這種傳統手藝了.....很奇怪同房小妹妹對舊式雞球大包如此有興趣，既然她如此愛吃，也就不與她爭吃了。但看見她吃得津津有味的，便知應不太差吧。碩大的一個包就給她一個獨吞，怪不得連當天晚飯也吃不下了....馬拉糕很鬆軟不硬

與媽媽吃飯，鳳城是例選。粉絲雜菜煲 - 可能是粉絲行頭，成煲都是粉絲。紅燒豆腐 - 唔知係唔係忘記睇火，燶了荷芹生魚片- 不俗，但媽媽以為是魚肉巻着荷芹，但不是呢燒雞- 最好吃，水準之作鳳城炒飯- 都係水準之作西米布甸 - 無語倫比，好采一早落柯打服務是招牌的街坊親切感，很舒服。

食物方面 :1隻炸子雞 !(炸子雞外皮香酥可口.皮下卻沒有太多脂肪,肉嫰滑！好好吃！) 粟米魚肚羹 (勁多魚肚，夠杰身，羹唔會稀稀) 藕餅(啱啱煎,熱熱地,good!煎得十分熱騰騰，非常香口,但無蓮藕味) 梅菜炆腩仔(梅菜有兩層味道,面層淡而無味,底層咸到苦!腩肉似柴皮,皮同膏都未 炆好,無清碟) 鳳城炒飯 (甜甜地,special d la) 炒豆苗 菜good, 食咗$900!價錢較為貴了小小, 但仍可接受 !整體上食物搶番很多分, 會再幫襯 !

今日5個人6:30pm 來到, ( 雖已預訂了位 ) , 但都安排不到 5-6人枱給我們, 最後只有4人枱給我們 ,實在有點氣憤, , 無茶時要叫先行過來冲茶,加上欠缺積極, 所以整體服務只是一般 ! 另外環境方面因用木板間開了一些房間出來做晚飯雀局, 所以比較嘈吵, 到 7 :00pm 時已全場爆滿, 更嘈 食物方面 : 叫了一個4人套餐, 另外加了半隻炸子雞 ! 套餐有 : 魚翅湯 ,窩貼大明蝦 , 乳豬拼生腸, 炒班球, 時菜 及糖水首先 : 魚翅湯 , 翅很多, 夠味, 好飲 ! 窩貼大明蝦 , 夠脆, 食落口不覺多油, 正 乳豬拼生腸 : 乳豬皮夠脆 , 生腸夠爽夠彈牙! 炒班球及時菜: 味道一般, 合格 ! 炸子雞 : 皮脆, 肉嫰多汁, 好好味 糖水 : 綠豆糖水 , 夠水準 ! 每道餸菜比較細碟, 價錢較為貴了小小, 但仍可接受 !

一頓接一頓的慶生飯局！真叫西打開懷。從八月中開始，同事便開始盤算九月西打和另一同事的慶生飯局要吃甚麼。最初是打算吃西打沒有吃過的城中另一京菜名店，但訂座是竟然爆滿。不是經濟不景氣的嗎？同事很可愛的反而問西打要怎辦？西打立時想起一家常常都很想吃，但每道菜的份量大得不是兩個人可以負擔得來。這就是在賣傳統廣東菜的鳳城酒家。西打上次吃時，是一個很莊嚴的飯局，嚇得西打也不敢拍照。西打就提議大伙兒一起去吃鳳城！終於可以在這裏跟大家介紹囉！先上來的乳豬三拼乳豬件，保留一貫舊式做法，骨和肉還是連在一起。新派的很多只剩下一層皮，肉都給切走了。乳豬不錯吃，外皮香酥鬆化。西打最愛吃帶一點點骨的部位，骨頭給燒過後，特別香。滷水生腸，這個全桌人人讚好非常粗的生腸，平常絕少看到如此粗的生腸。滷水完全進入到生腸的裏頭，咬下去，生腸絕對不會只剩下脆脆的口感。QQ的，每咬一下，不住的從裏頭滲出滷水，越吃越好吃。難怪人人到鳳城都必點生腸。窩貼大明蝦滿滿的蝦肉，還搭著一點點金華火腿碎。蝦肉非常鮮美，可惜不知是不是油溫不夠熱，麵包酥香之中卻帶點油膩。玉朁田雞腿傳統廣東菜都是用平價的材料，加上花巧手藝做成。這道菜把差不多半隻田

有朋自遠方來, 另一個香港朋友特登上open rice搵好嘢食, 仲特登預訂西米焗布丁及炸蟹鉗.7點去到, 有book位, 同埋可能早, 唔係好多人等, 好快就有位坐, 唔洗等.跟住推介既黎order, 炸子雞真係無令人失望, 好入味, 又唔算好油.炸蟹鉗就真係成隻真蟹鉗黎炸, 同市面食既唔同, 好有肉, 不過唔算好有海鮮味.我地幾個食得最快又最乾淨既就係西米焗布丁, 真係好鐘意, 好好味, 食完一次已經好想再搵機會再訂個焗布丁喇!! 真係值得食呢個甜品, 極力推介!!上菜既時間都好快, 服務人員既態度都好好. 只係地方窄咗d, 同埋食到一半已經有人等位, 我地都唔好意思坐係度吹水lu....

今天請客食飯,選了太子鳳城,因客睇openrice食評好多人讚好.星期一已訂了位訂了菜,今晚一早6:30pm去到一個人客都未有,我訂了9人枱,佢地俾左張細枱,因是請客食飯我見張枱坐得太迫夾,不太好禮儀,同侍應哥哥講今天請公司客人食飯,可否轉張大d枱,佢一味話9個人夠坐,著我不用怕佢會好好招呼我d客,同佢講了幾次都賴皮唔肯轉,本想找部長,但佢地一直企左係櫃枱傾計無望過黎.後來我d客到左,坐落真的好迫夾.我地一起要求果位侍應哥哥轉大d枱,佢又死都話呢張枱9個人夠坐,因此我主動走去櫃枱找部長轉枱,部長話無問題叫我話俾果位侍應哥哥聽就得,我話我已叫了多次就係侍應哥哥唔肯轉枱先至求助部長.呀部長即刻叫佢幫我地在原枱加返大個枱面,佢拖左好耐先做.加大了枱面後即時鬆動哂.(只需加大枱面,點解一早唔肯做)9個人叫了8個菜+燒味拼盤+一碟生腸+一窩麵+焗西米布甸(共12樣)+汽水大良炒鮮奶拼野雞卷,鮮奶一patpat完全無奶味,也不是用水牛奶,只是一些加了粟粉的白色糊狀物,野雞卷因炸時油不夠滾,所以野雞卷吸滿炸油.蝦多士也因炸時油不夠滾,所以多士吸滿炸油.金錢蟹盒也炸時油不夠滾,所以皮不夠脆吸滿炸油.焗

慶祝活動停不了，今次輪到屋企人今次黎到鳳城酒家點解會揀呢到呢?只因為我要食佢嘅西米焗布丁無錯，曾經一度傻嘅我只係諗住食一個布丁就走了不過好快我又正常返不如約埋屋企人黎食啦啦啦就係咁，約咗差不多一個月每次回娘家都講一次佢地終於無端端陪我癲因為到出黎個一刻佢地仲為咗我嘅瘋言瘋語單打我呢瘋言瘋語咪就係只係食一個布丁囉哈哈哈哈哈哈哈，笑到肚痛乳豬海蜇妹妹要食乳豬，問服務姐姐細乳豬幾錢服務姐姐話 : 細乳豬唔夠你地食架，你地叫例牌啦咁例牌幾錢呀?佢話$140咁加埋海蜇墊底呢?都係$140呀，你要咪幫你加囉豆豉炒油麥菜問佢點炒油麥菜?服務姐姐都未答，我個腦急轉灣問 : 你有無豆豉鯪魚炒油麥菜呀?服務姐姐答我有黎到都無豆豉鯪魚嘅同埋個啲都唔係豆豉囉服務哥哥話 : 我地都無豆豉鯪魚佢講得好鬼攪笑架咕嚕蝦球一上到枱，個陣酸味直上大腦，攻鼻，攻喉，攻肺搶到要慢慢呼吸，稍為習慣了，就夾一件蝦喇第一口咬落去時，陣酸味搶喉差啲哮喘噫!!!咁似魚嘅?再咬真啲，噫!!!真係魚喎問服務姐姐寫單時，寫魚定蝦服務姐姐話寫蝦喎再咬多次睇下啲紋噫!!!係蝦喎咁點解我食第一,二次嘅時候感覺係魚呢?唔通陣味酸到混淆咗?問媽咪點解

1. 炸子雞($100 半隻)是我吃過最好的之一, 肉質真的很滑(不管牠是冰鮮或新鮮, 不懂分), 最可惜是沒有甜豉油蘸。2. 蝦多士很脆,不會過油。小小的一件要十塊錢, 值不值見仁見智。3. 果汁焗牛柳, 個汁不錯, 牛柳很淋, 似下了十噸梳打粉似的。4. 涼瓜炒鱔球, 鱔份量少, 不過炒得很夠鑊氣。5. 西米焗布甸(需預訂), 夠甜, 但不過甜, 小的($60)也夠5-6 人吃。環境很迫、很嘈，旨在吃東西才來。

放大假，四處去試新食店。星期日一行5人去飲荼。去到原來有2樓同3樓。我地分頭搵位。原來3樓係可以登記，2樓就係自己等位。細佬在2樓已經等到位，我們就由3樓落去啦!地方雖然不大，但都坐滿。因為好肚餓，一坐低就叫左8碟點心(後來再叫多2-3碟)，因即叫即蒸，會一碟碟/幾碟上。生竹牛肉好大粒，灌湯餃有好多材料。仲有棉花雞同燒賣。雞球大包好多材料、馬粒糕、鳳抓、荷葉飯、蓮容包、煎腸粉。食完差不多2點幾，人潮都散去了!

久仰大名而來，事前做足預訂功夫．三人四餸，足矣．旺角店頗有老字號氣氛，侍應靈活快手，縱使坐在過道加台，奉茶後卻無餐牌無招呼，...為食無妨，事旦！（食評詳見圖文）好不容易吃罷甜品（味美但太飽），部長催著侍應收拾，看錶才知八點，吃了近一小時，埋單去了，也不阻人做生意～P.S 一向以為潮洲菜不理打冷．蠔餅，鳳城似乎被歸為廣東菜更貼切．