鳳城酒家 (已結業)

上星期四(11月22日)同幾個老死一齊o黎食飯，由於四個人有三個人都帶病在身，所以好多招牌Å 都冇叫到。今次我o地叫左鍋貼大明蝦，哈，原來賣相好似蝦多士咁，咬落脆卜卜但又唔覺得太油，o的蝦又好彈口都幾好味，雖然帶病在身，但仍然忍不住食左幾隻=p；跟住係金銀蛋菜，碟菜好大碟，而且又唔會覺得好咸，味道適中最o岩送飯；然後係家鄉炒魚鬆，睇個賣相麻麻地，不過食落原來幾好味，我個朋友不知幾鐘意食，一路食一路讚好味好味咁；最後一樣就係鳯城炒飯o勒，o的飯炒得好香，雖然o的料同楊州炒飯差不多，但個味道又好味過楊州沙飯好多o咼，果然利害啊。今次埋單又幾抵o咼，四個人先三百幾蚊，食到大家好飽，但飽得o黎又唔會覺得滯，實在好o岩我o地呢幾位keep fit既靚女們食啊，最後仲有糖水送添，不錯不錯啊^_^

光顧日期：2007年11月10日一行七人+ 老師（第1行，左至右）招牌炸子雞一隻$180：皮脆肉嫩是鳳城炸子雞的獨特之處，但當晚吃的炸子雞像欠了點雞味，莫非不是新鮮雞炮製而成？鍋貼明蝦$98：其實等同蝦多士，是鳳城的另一招牌菜式，驚喜他的蝦多士不太肥膩，蝦肉也爽口美味，是小朋友一定鐘情的食物。大良炒鮮奶$68：不夠滑，也吃不到奶香，還要熱食，冷卻後結成一團糊狀物，很嘔心。（第2行，左至右）芫茜皮蛋魚片湯$68：味道不錯，材料十足。雞絲炒豆苗$78：家常小菜，雞絲和豆苗的味道也很好，是送飯佳品。桂花炒魚肚$68：沒有桂花的桂花炒魚肚，相信桂花只當作形容詞罷了。應該叫作魚肚、芽菜、韮黃炒蛋才對，相信是要把炒蛋成粒狀假扮桂花，故此炒蛋有點乾，但味道尚可。（第3行，左至右）鳯城炒飯$52：粒粒炒飯，香口。鳳城炸粉果$60／打：粉果外皮不夠鬆脆，再蘸上上湯後，變得很軟；餡料味道尚可，感覺比從前差了點。西米焗布甸（看不到結帳單據，故此不知價錢）：布甸的餡料是白蓮蓉。喜歡這兒的西米焗布甸，因為甜度較輕，做到恰到好處。（要吃到這個布甸，飯前切記要預定喔！）

是次再臨鳳城，純為這裡的幾道招牌菜。九時許來到，被安排坐在一張六人中檯，相當闊落。因為還有下場，故只淺嚐了數款菜式，分別是乳豬、野雞卷併炒鮮奶及炸蟹鉗。 一早來打點時乍見厨房剛燒起一隻乳豬，連忙訂了一客例牌。新鮮燒起的乳豬，暖暖的，芝麻皮不算很脆，但帶著一層薄薄的肥肉，也甘香可口。肉質嫩滑，味調得不錯；唯獨是骨硬了一點兒，未能讓人一次過整缺吃下，有欠痛快。然觀其價錢，還是吃得過。野雞卷這一道老牌菜，肯作懂做的店子巳很少，當然敢嚐喜吃的食客也不多。這裡做的，肥豬肉的油份明顯不足，未夠膻香。在香港吃野雞卷，還是得龍做的最佳，那種吃得滿腔油香的感覺，別家無可取替。 炒鮮奶也是這裡的其中一道鎮店菜，友人也正正為這味而來。單看賣相，明顯炒得不夠滑身，質地略為「結實」。嚐一口，的確是不夠嫩，奶味也不足，粟粉/茨粉下得太重手，令奶身過份黏糊，亦見「削口」。下了鮮蟹肉及金華火腿絲同炒，亦灑上烘香的欖仁，配料是充足，然卻有點本未倒置。作為順德的一道名菜，炒鮮奶，主角當然是鮮奶及蛋白。若做得好，那陣牛奶香，彼份嫩滑的口感，無以尚之，加入配料，畫蛇添足。 這裡的炸蟹鉗要預訂，用上鮮蟹肉及鮮蝦粒醮粉炸，表面香

陪朋友仔番深圳探親前陪佢爸媽黎飲早茶無乜胃口樣樣食兩啖食左雞絲粉卷,灌湯餃同鹹魚肉餅飯雞絲粉卷幾清,餡料多但皮較厚灌湯餃係湯浸,皮唔算厚,湯底幾好味,料亦算多,但唔算出眾鹹魚肉餅飯好香鹹魚味,我就咁食左兩啖白飯已經好夠味,豉油一滴都可以唔落服務ok但點心出得太慢

與友人說起大榮華的馬拉糕，其實吃馬拉糕也不一定要山長水遠「朝聖」的，一些舊酒樓也做得不錯，鳳城做的馬拉糕也是自己所喜歡的舊式糕點之一。談吃，這位朋友也真夠積極，說了來的話任是掛著三號風，也堅持要來飲早茶。十二點左右，一樓已經高朋滿座，迫上二樓，幾清靜好傾的，但就少了飲茶的氣氛。二人吃的不多，簡地叫了幾味，灌湯餃、馬拉糕、蒜蓉蒸魷魚及友人喜歡的牛百葉，先來的竟然是馬拉糕，深咖啡色的糕點，鬆軟之餘亦帶著麵種的紮實味道，友人笑問喜歡吃邊位麼？竟在這裡遇到樂於此道者，大喜，三扒兩撥將熱辣辣又鬆軟的傳統味道吞下，真不錯。邊吃著馬拉糕，邊打量著這浸著湯的灌湯餃，問題是如何對拆，最後是弄個稀巴爛，火腿、肥肉也非友人所好，就連澱粉質的皮也一拼撥過來吧，配料方面也不多花筆墨了，反正是點心的貨色，反而是微鹹的湯底做得不錯，帶微微海味鮮味，湯喝個精光後碗底剩下一堆配料。狀況不佳時，魚湯幾時都是最好拍檔，叫來一鍋魚湯米線，大鍋得嚇人的米線，足夠四人對拆，加了銀芽及鯪魚肉，幾傳統的配襯。米線配魚湯向來都是好朋友，味道幾夾的，這裡的米線不知怎搞的，明顯地是一頭吸濕大笨象，才放了不到五分鐘，已將魚湯存量已剩下不到2

訂19:30位，20:30先有位，你話死唔死！訂左D菜，千島蝦，野雞卷，金錢雞，梅子鴨，蟹蓋。12個人食更係要加菜，大良炒鮮奶，炸子雞，蝦窩貼，生菜包，二碟炒菜，一碟炒飯。千島蝦同窩貼大明蝦的分別就係千島蝦有蝦尾而窩貼大明蝦就無。點解個侍應姐姐唔講一聲，等我唔洗食二次窩貼大明蝦！講真味道唔係差，純食懷舊菜，但服務就唔入流，環境迫到無得再迫，可能唔係熟客！唔會再去！

成天去飲茶，不過不失。舊店人事雖是欠了殷勤，但有點真誠不花巧的風格，便常來了。上周午餐飯局，與同事慶祝，提議來此，我先行訂檯，又上openrice檢閱了一番，因見人人叫好，便訂下了西米蓮蓉焗布甸。大家對上的...乳豬、炒菜、點心都很滿意，但單尾的西米蓮蓉焗布甸在一而再、再而三請侍應追單才上桌，竟然是未全熟的。同事都不想再來了。

想來這裹已很久了，有次因沒留枱而放棄等位。今次六時到場，剛剛可以有枱。但明明講好了七時半還枱，但七時零五分吃完後，七時十分已有侍應走來清枱，其實紅豆沙還在枱上未食；這都算是廿多年來第一次遇到這麼離譜的待遇，結果幾乎攪到閙交。食物方面，叫了窩貼大明蝦、大良炒鮮奶和桂花炒花膠。明蝦有點淡口，調味有些少蓋過了蝦的味道，整體上OK；炒鮮奶頗杰，但也算不錯，只是溜了一點；魚肚居然是蒸棉花雞所用的炸魚肚，以前在十八溪吃的是將花膠切絲炒(好食到我回家自己也炒一次食)，實在被比下去。

食到一肚氣....訂唔訂位根本無分別,訂8點,等足45分鐘先有位,仲要睇住佢俾左位自己人先坐低,開茶,問完....無左件事,要問3,4次先有茶點菜...乳豬?無!桂花魚?無!無訂菜?基本上係乜都無服務態度,除左"頹"之外,諗唔到第二個形容詞食物只係一般水準,優點嘛...上菜快囉埋單$500...老實講,咁既價錢,咁既水準,無下次

三樓是夜總會, 今趟帶同女友到一二樓叫雞.坐下點招牌炸子雞, 皮脆肉滑一如以往,雞肉僅僅熟所以滑溜,渗血像刺身則有點兒吹漲.生菜包乜春崧, 加入大量荀粒冬菇,口味與否見仁見智, 梅菜炆腩仔無驚喜.

己久仰鳳城大名, 特來和家人一試.星期二瑞午節晚飯時段, 當然爆滿. 1樓冷氣明顯不足(可能是廚房的關係?!), 可能坐2樓會好些.首先上乳豬拼生腸. 不錯. 乳豬乾脆生腸爽口. 4分. 第2道菜是鍋貼明蝦拼炒奶. 醬狀的牛奶加上蝦, 有特色然味道普通. 3分第3道菜是預訂的玉簪田雞腿. 起骨後, 啖啖肉, 將骨換成菜芯. 味道口感一流. 滿分第4道菜是炸子雞. 有點失望, 不乾身, 肉像蒸的多.第5道菜是菜心. 不錯. 很爽口. 滿分甜品是預訂的西米蓮蓉焗布甸. 非常香滑, 不會太甜而口感一流, 對中式甜品不大喜好的我也讚不絕口. 滿分服務就要看你遇到誰了, 有些是不錯的!

上星期四晚訂左三位慶祝生日: (1) 半打上湯浸炸粉果: 上湯好飯, 粉果餡靚, 不油(2) 桂花魚捲: 魚肉去骨, 很新鮮很爽, 魚頭泡油很脆又不油, 配料有勝凡瓜及雲耳都很夠火路.(3) 半隻炸子雞: 真正招牌菜!(4) 燉雞鮑翅(細盅) : 好味, 最緊要食湯渣(夠三人用)!(5) 蝦醬炒通菜: 正!(6) 兩碗白飯: 好!

相對晚市菜式，午市點心實得失色第一，點心款式太少第二，所有點心都太肥，就算蒸的點心都可以肥，因為有肥豬肉第三，味精重，叫咗個福建炒飯，無咩料，得少少o拿到無味ge蝦，冬菇都無粒，淨係得一大pat"hin"，同埋好多味精！單以午市點心黎計，係食唔過！

昨晚去到叫了以下dishes:- 乳豬併盤：查實係乳豬併大腸，只吃了乳豬，有點肥，少吃的話尚ok- 雞燉翅：我最愛吃翅，雖然有一點咸，不過真係有一塊塊的翅，雖然唔係好大塊，不過數量唔少，我覺得滿意- 帶子抄西蘭花：帶子好咸，西蘭花卻無味，最好味是碟內僅餘無幾的菇- 上湯浸時菜：因為唔喜愛食那種時菜，所以無食，不過睇其他人食都好似幾滿意道菜- 炸子雞：幾好呀，既然叫得做招牌菜都應該有番咁上下水準- 椒鹽豆腐：救命！椒鹽豆腐完全無味，個個都要點chilly sauce才吃得下去...... 全晚最敗筆係呢碟，因為連少少的優點都無！- 金銀桂花卷：我覺得好食，不過份量確實係少D，同價錢唔係好成正比伙計態度無之前的人講得咁差，D都算上得快，但就見伙計成日要周圍研究出來的菜屬於邊，又成日送錯囉，都幾混亂。

I went to Fung Shing last night with my mum for Mother's day dinner( a little bit late^^ ), We have ordered 鍋貼蝦,炸子雞同煎藕餅, very very good taste ..