鳳城酒家 (已結業)

人人都話好，住咁近，今早才是首度光顧。。。真係幾好喎~蝦餃：皮薄餡靚，無話可說，層皮又唔會痴底，一夾即起，足晒蝦料！！燒賣：大件厚肉，味道都不錯，不過不失！牛筋：有兩件白蘿蔔在底…也有不少牛筋，細細件，又夠淋！呢間酒樓果然名不虛全，點心看出皆是用心之作！

噚日同媽媽去咗鳳城飲茶，好開心雖然點心款式不太多，但係啲點心好唔錯，我嗌咗臘腸卷、馬拉糕、上湯炸粉果、椰汁紅豆糕，菜心。最開心係臘腸卷好抵食，一籠兩大個，兩整條臘腸好好味由於唔慣帶相機，下次實要影低。

一班差不多十多年沒有音訊的舊同學,終於在Facebook上成功重新連線,不能不說網絡世界的威力.這一個周六晚上,我們在太子鳳城酒家重遇,心情有點忐忑,大家多年沒有見面,不知道昔日一起去打機,打波,睇色情影帶的舊同學,現今生活如何?小弟一早安排定菜單,希望久違的朋友,也會吃得滿意.鳳城已吃過多次,有什麼要吃的都略知一二,既然今次人多,不如就吃一些連我都未吃過的菜式.當然,乳豬生腸拼盤不可少,這一道鳳城一向做得出色,上次來太子店吃過的生腸近乎沒有味道,今次吃就同北角店水準一樣出色了.鹵得入味兼爽口,乳豬卜卜脆,入口即化,一如以往地好吃.未吃過鳳城的金錢雞,席上大多舊同學,也未吃過金錢雞,問我是什麼?我照直說是懷舊燒味,膽固醇極高.但鳳城的金錢雞,沒有冰肉這個"靈魂",金錢雞一向是肥叉雞肝加冰肉,三樣缺一不可,如今沒有其中一樣,真是失色不少.金錢蟹盒要預訂,外貌如扇貝,其實是將蟹肉生拆,再加其他材料混合成餡料,用皮包成如扇貝外形,放下油炸便成,這一味,我也是第一次嘗試.吃落鬆化可口,餡料的蟹肉味,又不是很突出.對我未過此味的人來說,不能說很特別,但都幾好吃.又一道未吃過的是糯米鴨,事前又係要

炸子雞: 平日不吃雞皮, 見到寫明係脆皮, 就試左少少, 真係好脆下~~ 而且個雞唔會好乾, 好滑, 好好味鍋胋明蝦: 唔鐘意食蝦, 但係呢個又幾好味喎~~ 個多士一啲都唔油, 又好脆, 加埋沙律 醬, GOOD !生炒肉排: 明明見到餐牌上有呢個菜同咕嚕肉, 心諗應該會好似大排檔啲京都骨咁無炸粉 包住, 點知上枱見到, 同咕嚕肉無分別, 唔明做乜要有2個名 ??? 呢個餸亦麻麻 地, 個粉好厚, 且無乜肉食, 好似食炸粉咁雜菜煲: 無乜特別, 一般的口味

前幾日同屋企人食晚飯, 有人試過呢度話正提議黎食一餐, 大伙兒都話好, 咁就由我負責啦. 首要任務當然係打去book位先, 個姐姐好友善, 話6點到7點半一輪, 7點半打後又一輪, 咁我就book左7點半啦. 問佢有d 乜野餸係要預先訂定, 佢就話係炸蟹箝, 其餘果d乳豬拼盤同脆皮炸子雞都唔使訂. 佢仲話有"菜欄"會員咭有上湯炸粉果送添. 當晚準時7點半到, 大半屋企人已經到左, 我地睇到個一千三百幾嘅套餐幾好, 再加埋訂左嘅炸蟹箝同埋送嘅上湯炸粉果, 一定好夠食. 開心叫左一round汽水啤酒, d 餸都未上已經要叫第二round嘅啤酒啦. 先上左個乳豬拼盤, 有好多野食, 乳豬好在唔太肥, 叉燒係半肥瘦, 蜜汁味好重, 最啱送啤酒. 其餘嘅切雞, 燒鴨同海蜇都無試過, 不過見各人清碟之快都應該幾好味. 再黎係蟹肉冬茸羹, 個蟹肉一食就知係雪藏貨, 不過因為個冬茸好香好滑, 再加上用左少少胡椒調味, 作為一個秋天嘅湯水都唔錯. 再黎個炒斑球, 味道幾好, 份量好足. 鍋貼大明蝦拼大良炒鮮奶真係好好味, 果然係名菜. 脆皮炸子雞一上枱已經急不及待, 雞炸得剛好, 調味亦都恰到好處, 呢

剛好要在太子覓食, 遂提議往鳯城飲茶。 雖然每次坐車都會經過, 但從未試過在這裡嘆茶。 香港傳統或舊式酒樓已買少見少, 有時都懷念舊式酒樓的傳統點心。二人只食了煎腸粉、合桃叉燒酥和鳯城炒飯。 欣賞煎腸粉的醬汁, 豉油加上麻醬和芝麻很香口。 普通叉燒酥就食得多, 但合桃叉燒酥還是第一次。 喜歡合桃叉燒酥, 又燒餡多, 上層是菠蘿包的皮, 很可口。 它不是長條型, 是撻型, 下次會再叫。上次晚飯未有食鳯城炒飯, 今次一試後覺得不錯, 不太油而且乾身。 炒飯較淡, 如果能熱些(即炒即上枱) 和加小小豉油調味更好。

今晚同班同事去左太子果邊間「鳳城」。三女一男，我地叫左乳豬件，先來的是這菜，味道不過不失啦...都幾脆既chopstick:蝦窩貼，跟住就係這味，都幾有蝦味既，都係炸幾唔錯，不至食到成口油。蝦醬通菜鮮魷，呢碟通菜就一般啦...d鮮魷就麻麻...唔得鮮既~ 炒生魚卷，生魚卷...我鍾意食果d勝瓜同雲耳多d! 半隻炸子雞，隻雞真係炸得好靚咁噃，食落去都好好食，炸得剛剛好!! 。梅菜扣肉，d梅菜正到不得了，我食左差兩碗飯...都係因為要食埋呢味正菜咋!! 埋單每人約$180...係咪貴左d呀??成晚我最鍾意既就係碟「梅菜扣肉 」!! 超正~

吃過兩樣開胃小吃，已經非常肚餓，訂了位，約七時去到即可入坐，見只有四五枱的食客，並無食評說的爆滿情況，因為要等人，所以七時半才點菜，其間食客越來越多，不一會已接近爆滿，而且侍應並沒有催促點菜。因為第一次來，所以我們點了一個八百多元的套餐，這樣便可試不同款式的菜式，套餐有乳豬三拼盤、蟹伕冬茸羹、家鄉炒斑球、脆皮炸子雞、鍋貼大明蝦、螺片時蔬和甜品。乳豬三拼盤：三拼有乳豬、燒骨、生腸和海蜇(可說是四拼)。乳豬，皮脆、肉滑又不會過肥，還熱辣辣的，正；燒骨，普通燒骨；生腸，好久沒吃過了，超爽口又甜甜的和咸咸的，不會太淡，掂~~；海蜇，彈牙，夠味，不會過酸，不過太少，不夠吃。蟹肉冬茸羹：稀稠適中，有足夠的冬瓜茸，不過咸了一些和配料太少。家鄉炒斑球：大碟，魚塊多，配以瓜、雲耳、洋蔥一起炒，魚新鮮夠厚夠滑，可是味道重了一些，不過味道尚算ok。脆皮炸子雞：一整隻，新鮮炸起，皮香脆肉又滑，咸味適中，即使雞胸位也不會「o鞋」，加少少檸檬汁，好好味。鍋貼大明蝦：即是蝦多士，一碟八件，蝦夠大隻、新鮮，不過個人認為多士比較油，不夠熱，較失望的一道菜。螺片時蔬：油光滿面的生菜，配以過稠的獻汁，吃得不多。因為不夠飽，

朋友早前推薦鳳城，話佢0的蝦多士好味. 接著見到蔡生都有介紹，就梗係0黎試下啦~因為得兩個人，只點得3個菜:脆皮乳豬拼大腸 - 乳豬好脆又肥瘦適中，大腸夠大件爽口，好味~ 不過$128得細細碟，三兩口就食晒，好似貴0左0的喎 桂花銀芽炒魚肚 - 非常普通.........芽菜、雞蛋同細粒魚肚炒埋一齊囉.............大良炒鮮奶 - 有少量蟹肉魷魚，冇咩奶味，好creamy且膩，食0左幾羮就放棄..........下次記得要試蝦多士!

今次聚會每人提議一間店, 最後決定試這間老店。 人數少不能食太多, 所以只食了脆皮乳豬爽生腸、煎藕餅和蝦多士。 三款小菜都好味道, 化皮乳豬不肥膩, 加上喜愛的生腸, 是絕配! 煎藕餅和蝦多士很香口但不會太油, 味道又不太鹹。 及後, 侍應送上綠豆沙, 真窩心!

每次見到呢間酒家的食評都流晒口水, 因為佢好多菜式第二間都食唔到, 但一定要人多才可成行, 終於有機會了, 奶奶有日話想一家人出去食餐好少少既, 我即刻提議黎呢度, 早一日打去訂位, 並預好一些菜式, 驚去到無得食.一行7人9點準時上到去, 成間酒家都坐滿晒人, 就算訂左枱都要等, 無辦法, 唯有係門口等一陣, 等左三個字到安排到我地坐左張圓枱, 即刻點菜(我一早巳做好功課, 所有菜式巳心中有數), 於是點左記得既: 乳豬生腸雙拼, 炸子雞一隻(預訂), 蝦多士, 壽包(預訂), 大班兩味, 鳳城炒飯, 金銀蛋莧菜.乳豬生腸雙拼最先上枱, 好細碟, 但佢地試左生腸個個都讚不絕口, 我唔食腸的, 但老公不停咁叫我試下, 終於在抵受唔到誘惑下試了一舊, 好好味喎, 跟住我食到停唔到口, 乳豬好脆好香, 呢碟都沒食完奶奶巳叫我追加一碟蝦多士幾得意, 下面的面包炸得好鬆脆, 點小小醋食非常好味, 老公好鍾意呢樣, 炸子雞的雞皮都燒得好脆, 一隻雞都食得晒, 鳳城炒飯真係估唔到咁好味, 還要幾大碟, 樣樣餸都唔錯, 奶奶幾滿意, 不停話我今次選得幾好今次因為叫左壽包所以無訂到焗西米布甸, 下次要

答案是沒有的。不過被問的當時並沒有人答得出口，因為問者與被問者都因此問而正在狂笑。(詳情容後交代)先說食物，燒豬海哲鵝三拼－招牌？也是如此而已？燒豬的皮不算脆啊，其餘兩款也很是一般。西蘭花帶子，若不是因為其size如此的驚人，這篇稿本應是沒有相片的。那隻小碟子有若平常吃至一半，侍應替你轉了一隻細碟般似的，竟要收百二蚊？！而且醬汁似有還無，過份了一點吧？那粟米魚肚羹反是最佳的一款，並不是罐頭粟米湯開的，魚肚也真的很堅。什菜缹一般，而追加的果汁焗牛柳，很滑很甜也不錯。老店嘛，吵吵鬧鬧的環境和有性格的員工是少不得的。除了會有傳菜阿姐在你吃得七七八八之時，大聲查問一桌男士有無叫雞（鹽焗雞）之外，也會有義正詞嚴的侍應姐姐命令你「夾埋佢！」，以便上其他菜，實在叫六名有為青年哭笑不得。不過話說回來，也只有這個組合才可出現如此現象。這些pros and cons都是香港獨有，泰國沒有的，希望駐守泰國朋友順順利利。

平常來吃晚飯就試得多, 是次因為某朋友希望飲茶坐好d, 要求去鳳城, 那就一行三缺一來作新嘗試。三個人只叫了六個點心, 分析如下:韮菜餃: 是韮菜及蝦及肥豬肉的組合。 豬油起了buffer作用, 把前兩者混為一體, 是很喜歡的一道點心。魷魚鬚: 這個相比起來就遜色少少, 但都為水準以上。煎腸粉, 最特別那個混醬, 那水汪汪的芝麻醬是很奇怪, 腸粉算不過不失。排骨: 真係件件見骨, 合喜吮骨的我。 惜份量少左d。上湯粉果: 唔使講, 好驚喜, 好好食! 蓮容包: 蓮容幾香滑, 配蛋黃的咸香, 不錯!個人認為, 飲茶比晚市好吃多了! 淨係吃韮菜餃同浸粉果都值!

貪佢呢度唔洗點等位，2樓11點先開，11點行過去攞位都未遲。食物水準有點兒不穩定，好似牛肉球就無上次咁好味。有少少o拿味，又唔夠彈牙。炸魷魚鬚：炸得幾脆，有嚼勁，但不久佢地就會黐埋一齊脆玉餃：呢個幾好食，清清地；個皮都算薄，脆肉瓜不會蒸得過稔，仲有一隻大蝦，好爽。雞球大包：包皮軟熟，有好多餡，雞件、臘肉、冬菇等。腐皮卷：炸得脆，多蝦，亦有豬肉。蝦餃：大粒，多蝦，少肥肉服務不過不失，有禮貌。

家姐結婚了，伴娘是我>.<"試裙之前當然要吃飽飽，既然咁近，幹嘛不試一轉？簡單餐點三個菜算數。得一粒鐘時間，快脆第一。蝦米什菜煲 ~ 湯底精之餘感覺唔到師傅，菜既鮮味而互相出到黎*腰果肉丁 ~ 唔算好油，腰果同肉丁份量足，西芹重手更添健康=]（薑絲提味亦記一功^^")但個大良炒鮮奶問題黎啦......奶味唔夠><"感覺唔夠爽亦同蝦仁/金華火腿絲/堅果唔Match......不過整體來說都Okay既，同埋個糖水都搶救到唔少分。唔鍾意食豆沙的我，見到佢味道唔太甜同個海帶香草香都食晒@@"下次希望可以試到野雞卷啦，一個人隊晒膽固醇超標Gar@@"