鳳城酒家 (已結業)

跟啤的一家來預祝啤生日剛巧亦是啤爸媽的結婚週年紀念選鳳城的其一原因是他們未試過另一原因就是鳳城的特色－感覺懷舊及經典最後原因便是我自私地想吃焗布甸　哥嫂以為有炸鮮奶吃這要叫他們失望了旺角鳳城只有大良炒鮮奶最後沒有叫而點了：乳豬生腸雙拼－很愛他們的生腸，入味彈牙，有嚼勁．乳豬亦燒得香脆．菜甫炒蛋－不叫也罷，沒味的，撈飯亦不吸引蓮藕餅－　較油炸子雞－不錯，有雞味（據啤形容，現今已很難找到有雞味的雞）豬腳仔－極力推介，非常入味，這是我第一次吃豬腳仔，上桌時有點怕怕，一吃即愛上焗蓮蓉布甸－鳳城名菜，必須預訂，六人要個細的剛剛好）某侍應過於熱情刻意打開各種話題，如攝影，家庭糾紛，個人家事分享．．．卻忘記落單，傳菜這令我們有點吃不消

第二次來這間「鳳城」！因第一次的印象蠻好的~二人點了：脆皮炸子雞 - 味道唔均勻，某d位置過咸；某d位置無味。失望。什菜煲 - 一般，菜o既種類好少。椒鹽鮮魷 - 為何不是乾身的呢？濕濕淋淋的~奉送的綠豆沙，最好味！ 甜度適中！

酒家分2層，面積還好，裝潢普通，不像是開遍HK好多間大酒家的總店，打開餐牌卻是大酒家般的貴，其他不祈求，只想1試鎮店之寶：八寶鴨、炸蟹鉗、蝦多士同炒奶。生腸先上，百幾蚊細細碟，熱熱的淋淋的，不脆，我是寧願係肥姐度買2串又香又脆的，見堆起但其實下面全部都係花生，生腸得1層，下面的花生更好吃，再來鹵水豬手，還不錯，口感算好的，但真的沒有肉加細細碟，1人夾不到2次。第1樣鎮店之菜上檯，炸蟹鉗，我是沒見過那麽大的蟹鉗，同雞大脾1樣size，咬1啖已預左粉比蟹肉還厚，怎知是真的不錯，蟹肉很大塊，粉是參了碎蟹肉，料是十足的，不過$38一隻太貴。雜菜煲普通，算，多食菜補返下，味道還不錯，可惜啊，最喜愛的通菜竟然無貨。跟著上另1個鎮店之菜：八寶鴨($280)，鴨係無乜肉既，參了邊8寶就真係唔知，皮很難吃，食落很膩，是所有人1致認爲同食緊咸肉粽無分別=.=" 1大敗筆，最好吃是隔離的生菜，接著食完很久都沒上最期待的2道菜，已是第2次催上菜，一直話黎緊啦黎緊啦，之後竟然走埋離同我地講唔記得落單，仲要係咁話唔要既話可以即刻cancel 架， 而唔係諗下點樣補鑊，我地跟住問下如果要整要等幾耐，點知佢竟然同我地

光顧這家鳳城多次,還是第一次來飲早茶.早市開得比其他酒家遲,平日早上大中小點一律$11.如果來專吃大點,都算叫經濟.雖然吃順德早茶,一樣整籠蝦餃,澄皮夠薄晶瑩,不易穿,蝦肉爽甜.特價時段$11一籠,比很多外面收頂點價的酒家更好.沒有魚翅的瑤柱灌湯餃,餃本身幾散下,未夠紮實.用金華火腿熬的湯底.有點點過咸.比紫荊閣同大榮華的略略遜色.煎韭菜餃,外表煎得金黃,入口香脆.韭菜味香甜,加上蝦仁,更添口感.上湯粉果,吃過多次,仍是有水準.加埋茶芥小費五十多塊錢,如果同那些大型連鎖去比,又未算很平.但點心水準比那些連鎖式酒家好,也值得去光顧.

五一勞動一家人去了飲茶。阿爸鍾情鳳城，我就一般，覺得點心款太少。我鍾意d大酒樓好d特色野食。三個人叫了大概十個點心。炸魷魚鬚：係招牌點心，新鮮炸起，夠熱，炸醬唔厚味道佳；魷魚鬚有粗有幼，適合鍾意有咬口vs. 脆口ge人。牛肉球：自家製，因此比其他連鎖酒樓整得更彈牙；而且很有肉味；無咩肥肉。煎腐皮卷：煎得香口，唔太油；蝦豬肉比例均勻。芒果糯米糍：第一次食。好新鮮，很軟淋淋，芒果好甜，十分好味！蝦餃：皮薄，而且肥肉不算多排骨：由於豬肉貴，所以一碟只有5-6舊排骨，其餘係芋頭。合桃叉燒酥：又係招牌野。個菠蘿皮依舊咁香，但個叉燒咸咗d牛柏葉：幾爽口，不算韌。仲有棉花雞同煎腸粉，兩者皆不錯。

識了十八年的老友有喜事，又是時候找個地方傾計派帖。老友一開波又問點解，點解唔去青衣城內的連鎖集團酒家？理由是同樣價錢（甚至更低）下，寫敢包單太子的鳳城一定吃得更稱心。甩底友不少，有時出來吃飯，為吃的總不會甩底，想起也有些心灰意冷，叫不了八寶鴨等大菜，叫簡簡單單的穩陣家常菜也不難。蓮耦餅、大良炒鮮奶、咕嚕蝦球、金銀蛋時菜幾味，見師傅拿出剛燒好的乳豬，二話不說追加乳豬併豬仔腳。金銀蛋時菜、乳豬併豬仔腳打孖先上，非鬆化的麻皮豬仔，皮下脂肪幾厚亦滲不出油甘，不算十分出色，不過九點左右吃到新鮮出爐的脆皮豬仔，熱辣辣皮亦脆身，已經很滿意了；金銀蛋時菜，莧菜用高湯浸著，三色蛋中的蛋隨手撈下，一大塊很結實，加埋不過火的蒜子提味，唔計不收篇幅的街坊賣相，又有豐富高湯味道也很不錯。接下來的大良炒鮮奶是每下愈況之作，下了太多粉，炒得黏黏腍腍，溫溫吞吞的質感，自然是吃剩一大碟，朋友驚歎蟹肉、崧子、雲腿等配料豐厚，笑言收百個大洋的鮮奶，自然要加些value add先交到功課，但妹仔大過主人婆，真的哭笑不得！最後的咕嚕蝦碟頭夠大，蝦肉富微微彈性，甜酸汁沒有討厭的嗆喉味白醋，雖然炸得不夠脆口，不過七大件無化學添加的

要吃價廉物美的中式點心，除蓮香外，鳳城幾時都是唔錯選擇。唔記得幾時轉晒做惕紙仔叫點心，坐邊位亦無乜所謂，幾味點心叉燒包、潮州粉果、蛋黃蓮蓉包、鳳爪、山竹牛肉，仲有烏龍經理同場加推的炸韭菜餡角。幾味包點幾乎是即叫即上，叉燒包一盅兩件，熱辣辣夠軟熟，叉燒有粗有細，亦有老酵發出的獨特包香，不錯；蛋黃蓮蓉包同樣是一盅兩件，薄薄饅頭皮包著香滑的蓮蓉同蛋黃組合，未及蓮香澎湃，但作為小包點吃，也很滿足。幾味餡點最喜歡但又有點失望的是潮州粉果，可能是長蒸關係，澄面皮一夾即穿，再夾再穿，反而蘿蔔、韭菜、蝦粒餡料炒得夠香亦不散，味道極豐富，是明知穿都要叫既一味。山竹牛肉是迷理版的肉球，每次飲茶都會叫，但帶著回憶吃呢味，總不是味兒，這裡的不太差，也有豐富的芫茜味，對辦。烏龍經理慷慨地找來韭菜餡角，炸得乾身亦有韭菜香，較炸雲吞更有個性，埋單都不過$45/位，飽得喝了幾壺普餌消滯，物有所值。

農曆年尾有friend生日，我同老公提議去鳳城啦！事関老公好鐘意食乳豬，趁機提議一下啦！所有朋友都話ok，嗰個星期六，我哋兩公婆滿懷高興咁親身走上去訂位，走過去收銀台隔離個counter喥訂定星期一嘅位，我明知道年尾多人團年，提早三日訂定就冇問題啦！個叔叔話ok啦！訂咗8:00，本想訂埋蟹鉗但已經不接受order因為手頭上嘅訂單太多，明嘅！年尾嘛！三日後，行去先攞位，諗住坐落等friend啦！點知上去姐姐話揾唔到我個booking，叫我哋等吓啦，好快就有人埋單，老公大為不悅，事關我哋親身走去訂位，叔叔又有寫低我哋名同電話，分明將我哋嘅八人枱比咗其他客人啦！同姐姐再講都話好快好快，又話：你睇！人哋都係訂咗位咪一樣要等.......但我個point係你話我冇booking嘛！攪到鬼咁興！嬲死人呀！！！！一個一個friend漸漸來到！等咗30分鐘都係企喺度，見到幫我哋落booking嘅叔叔閃咗去！好叻仔！咁點啫？！咪又繼續等囉！一共等咗45分鐘，同之前留言嘅食客都差唔多！現在呢一刻我都有番啲安慰，因為I am not alone!都有人同我咁惨！喺度呆等囉！係！嘢食冇令一衆朋友失望，大家仲因

好友生日，一班朋友一起慶祝，壽星選了這裡。叫了一個套餐，包括不知什麼魚肚羹- 味道普通，魚肚少得可憐原粒瑤柱豆苗- 豆苗好少鍋貼明蝦- 明明就是蝦多士，麵包炸得好油，蝦又不新鮮炸子雞- 最大碟算係佢喇，但沒有雞味炒班球- 離哂譜，炒得油，又得幾舊，連西芹都只有數條(還要極之幼!)炒鮮奶- 可能我們吃不慣，覺得不滑，味道不鹹不甜，一pat野，很奇怪另加了福健炒飯- 味道很一般，材料不多，而且等了大半個鐘，催了幾次先來預訂西米布甸- 全晚最好，正常水平另加可樂數罐桌布(有小昆蟲兼有污漬)和餐具異常骯髒，環境嘈吵兼擠迫，服務又差(漏單)，食物、環境、服務、衛生都如此不堪，最後埋單(我們九人請壽星一個)，竟然每人都要160元，有冇攪錯!!!!!!!!!

我承認我已光顧此店多次.一早已知,每論午市或晚飯,服務也很惡劣.但我總是一而再,再而三的到此進膳.上週六,跟眾親友來個超早團年,選址在此,果然"不負眾望", 服務真的劣劣劣!一行九人到此吃飯.臨時加了一人,到埗已馬上通知服務生,他引領我們到十二人大枱,其中一人數錯了餐具,以為一切齊全,那知該服務生馬上糾正,尚欠一份,並問我們是否懂得數數,我們以為聽錯,要求他再說一遍,那知他真的再問我們是否懂得數數! 真的估他不到!之後,按經驗先點炸子鷄,以免久等,其它待齊人再點,馬上叫另一服務生來,他當然也是同樣非常有性格的,立刻質問我們為何不一次過點菜,只點一味? 我們再三説明要等齊人才點餘下的,他又問我們同一問題三次, 最後也馬上還以面色.之後點的也是招牌菜: 大明蝦鍋貼,炸鯪魚球,上湯炸粉果...也是水準之作..但炸牛奶則加了太多粉像白膠漿一碟,毫不奶味.最後竟也漏了單: 椒鹽白鱔,再三催促,也只回答正在烹煑,但等了十五分鐘,最終要找經理,才回覆尚未開煑,建議我們不如取消.見外面人頭湧湧,我們也只好結帳離開.回家再想,我應以後也會依樣光顧....有如縱容他們不思進步, 但一切皆自願.有點活該!

星期六10點半左右和父母飲早茶，叫了以下食物：蝦蛟：皮薄餡靚，蝦亦很新鮮。燒買：不過不失。炸餃：新鲜熱辣，所以好好味。老豆仲食了三只。鴨腳扎：芋頭好粉，好味。雞絲粉卷：今餐最難食的一個點心。灌湯餃：好味。湯略多味精。馬拉糕：底層不夠鬆軟。蒸魚雲：老豆阿媽都話好味，還叫了個白飯。食物質素、加水特服務都算不錯。好迫，好噪。拿點心要同人爭。並且好難搵位，比伙計點到好似傻仔咁。

剛剛過去了的冬至晚飯，我們一家人於星期五去了旺角鳯城酒樓食，食物不錯，但服務就不可以了。 一進門口就覺得地方得細，密麻麻的放滿一張又一張的枱，只要你胖一點點也坐不下的樣子。其實是聽說這裡的食物不賴，所以去嘗嘗。 5位大人加1位小朋友，給我們一張4人枱，跟服務員說桌子太少的時候，她還說我們不是，沒有跟她說有小朋友，我坐的位置阻礙她拿杯碗，吱吱喳喳的，吵得不得了。但是全場滿坐，我們也算了，不跟她說不去。 點了一些比較出名的：龍江雞、大良炒鮮奶、鍋貼大明蝦，還有順德魚肚羹、生少骨及上湯豆苗。 除了大良鮮奶外，其他的都符合預期。龍江雞很新鮮，熱騰騰，皮很脆；鍋貼大明蝦也是新鮮炸起的，蝦味很濃；只是大良鮮奶炒老了，不夠滑。 結帳時也出了一點點問題，他們的帳單不是一項項食物列出銀碼，只分了廚部及燒味部（好像是吧，忘記了）各一個總數。覺得有點不夠清楚，我們就不停的計算，那係服務員就不耐煩了。我想我是有權利去算清楚才付款吧！

12月20日訂19:30位20:30先有位, 我19:15到, 一直催個女侍應,我唔係熟客, 叫咗佢幾次佢都唔理我.話就有位,到咗差唔多8點,我friend先發覺佢mark我地岩岩到! 我地好嬲好嬲!仲有佢地明知自己同一個時間做唔到咁多圍,但又俾人預定, 來者不拒, 黎d手法唔掂!老實講, 我唔覺得特別好食.服務超級唔得，環境迫到抖唔到氣仲要受氣, 一定唔會再去！

曾幾何時鳳城酒家一直保持住中上水準嘅酒家，時至今日，連招牌菜式都煮唔返以前嘅質素，炸子雞$180，隻雞本身已經冇雞味，肉質鬆散，似冰鮮貨色，除左炸得脆之外，乜味都冇；明蝦窩貼$98，炸到金黃鬆化，不過係底個件麵包，蝦用雪藏野，唔爽又冇味，當淨食件炸麵包都幾好味，可惜已經大失原意，麵包做主角，明蝦淪為大茄哩啡，鳳凰炒帶子，即係炒芙蓉蛋加帶子$78，帶子毫無疑問又係雪藏帶子，仲係D 雪到冇晒味嘅下價野；瑤柱扒荳苗$98 ，荳苗老過我阿媽，荳梗多過葉，你收人成舊水，我情願你俾細蝶D ，揀返D 老野出黎仲好啦，老板係咪真係咁等錢洗呀？你D 野又唔係平，仲要慳埋少少孤寒錢，不如執左佢仲好啦。

難得還有茶樓推車仔﹐但弊處係要搶。雞絲粉卷好足料﹐無乜地方有得食。麵豉蒸魚雲好滑。灌湯餃一般。雞扎好傳統﹐有雞﹐火腿﹐魚肚。