鳳城酒家 (已結業)

旺角不算遠，但全家人還是第一次來鳳城。是晚點了：炸子雞半只：皮脆肉嫩，熱辣辣，算不錯。窩貼大明蝦：久違的菜式！這裡的是「蝦尾無殼」版本，咬下去炸麵包脆脆的卻沒多餘的油，蝦肉尚算爽口，只是味比較淡，但蘸附上的醋或淮鹽來吃又剛好。生炒脆香骨：本來懶惰的我想打「生炒骨」就算，忽然想起菜譜上明明寫著「脆、香」二字，吃著又不覺得，味道比較模糊，不酸不甜，但件件是骨倒也沒錯，口感也不賴。炒鮮奶：我是第二次吃這味，這裡的是半凝固狀態，貼近我想像的造型，卻跟益新做的比較乾身的大不相同。到底是不是「各處鄉村各處例」？兩家的出品我都覺得奶味很淡，是香港難找好喝的鮮奶嗎？這裡的炒鮮奶上面有蝦仁、火腿末及炸欖仁（多謝阿媽指正，我還以為是松子，很香口），最不好的是吃下去有點粉粉的感覺。桂花炒魚肚：呵呵呵，原來這味是沒有桂花的，是雞蛋炒魚肚來，還有芽菜及菫韮黃，最後還洒上點火腿末。害得我點完菜後還充滿期盼，以為可以吃到有桂花味的魚肚，還瞎猜到底這味菜是鹹還是甜。可惜蛋過熟過乾。竹笙扒芥菜膽：竹笙下的慷慨，都爽口，但為何芥菜膽沒半絲苦味？免茶，而芥醬及酸菜共$60，連白飯兩個結賬共$579。服務方面不錯，要轉枱阿姐

看到飲食男女上有鳯城全線通用的coupon,優惠一：是早茶7:00am-8:30am 茶介全免,優惠二：是荃灣店新張期內晚巿九時候(後)?入座,餐牌內菜色一律八折優惠.在頁中右面顯眼處還有一個coupon 說是可以$120享用原價錢180的炸子雞一隻,是全線通用的.即所有的鳯城都可以用.其實心裡已有多少戒心,因早知這店的分店與總店的關係甚為複雜,但見店名和logo和聲明是全線便深信不疑,撕下全頁,以防不測,起程去也.coupon聲明點菜前便要出示,於是照辦.女部長一口便說不可用:說這並非她們的店,我指著全線通用的字眼.她說彌敦道和北角的店和其他的店是不同的.這coupon並非通用於這兩店.我指店名,logo 的字體都相同,教人如何分別真偽?她也顯得無奈.心裡也惟有接受她的解釋,繼續點菜.叫了乳豬拼生腸,炸雞半隻,煎藕餅,鵪鶉鬆，魚肚炒蛋．乳豬拼生腸是沒有失望的，乳豬皮脆沒有太多肥膏，生腸爽脆好味．炸雞皮脆肉有汁液，個子不大，趁熱吃，滿足至極．煎藕餅鬆軟而有咬口，味道濃郁，甚佳．鵪鶉鬆是工夫菜，所有作料料要細切，不能絞碎，這裡做足而調味亦是一流，份量不少，是收貨的．最差的是魚肚炒蛋，炒得

不曾考究「老店」同「集團」這對「雙胞胎」的由來，但經驗所及，前者遠好過後者。還是要了「古法馬拉糕」、「懷舊臘腸卷」同「蛋黃豆沙酥」：馬拉糕的的式式，呈「孖寶（Marble）」色，不太甜，也不太高，易入口（一口食哂）；臘腸卷賣相普普通通，皮比較實；平日一個臘腸卷包一條「一開三」的幼幼臘腸，但鳳城臘腸卷包的是一條「一開二」、肥美得很的臘腸，油香且醇，口感十足，十分滿足。豆沙酥不單買少見少，其製法更是買少見少：豆沙酥不是弄成咸水角的樣子，而是像角仔/ 炸蛋角的樣子；若大小不一，請勿見怪。鄰桌那像嚤囉酥的「合桃叉燒酥」，和鄰鄰桌一碟五件的脆炸「鮮蝦韮菜餃」，也好像很美味呢。

星期日下午食團年飯，聽落有D怪，不過我地唔係唯一一枱食餐。人多到暈，坐到好迫。十三個人，叫咗個12人餐, $2280，再叫咗D點心。乳豬件拼盤—有好脆皮ge乳豬，燒得好好，能鎖住水份，肉質鬆軟，正。重有海踅同豬生腸，兩樣都係招牌菜，好得！清肫翅—好清，唔肥，翅足，每個都有一、兩"梳"翅。雞雖然肫過，但仲好甜，反而仲吸咗翅湯ge味！炸子雞—又一招牌菜，皮脆肉嫩，D雞皮仲要好瘦，食幾塊都唔覺膩！清蒸老虎班—幾好，清甜，不過微微過火。蝦多士—隻蝦咸到食唔到，好咸，多士還夠脆。唯一係呢個唔好食。竹笙扒豆苗—唔油又唔會好咸！甜品—紅豆沙，果皮味太重，我唔鍾意。

鳳城的晚飯小菜也是很好的. 當然, 服務也是一般的爛.炸子雞是名菜之一, 必吃. 它是貴($90 半隻, $180 一隻), 但不吃炸子雞就不算吃過鳳城.大良野雞卷: 當年學做菜時, 老師常把這味大良野雞卷掛在口邊, 說全港只有2間店的野雞卷做得正宗, 鳳城是其一. 我就不懂欣賞了, 太油膩. 如果看官不怕油膩, 這個倒真是一味名菜. 只要你肯叫, 伙計一定對你另眼相看, 說你識食.焗布甸: 想不到晚飯也會有焗布甸嗎? 一大盆的, 5人以上的份量. 晚後甜品一流.

這店的食物質素和服務各走兩極. 食物十分好, 服務十分差.先說好的.午飯飲茶, 鳳城的順德點心是很精彩的. 一出點心車, 各路人馬爭先恐後, 人馬踏踏, 各取至愛. 個人最愛的點心計有:灌湯餃: 傳統灌湯餃, 一碗盛一隻大餃, 外面有湯, 材料還有金華火腿和瑤柱粒.蓮蓉包: 堅持古式懷舊做法, 滑得很滋味焗布甸: 已很少見的熱焗布甸, 難得回味另外, 乳豬飯也是一推介.好的, bad 的service...鳳城的服務是出了名差的. 如下面眾大大所說, 這裡只做熟客生意, 還要分樓上和樓下. 我媽媽是樓下的熟客, 到了不久便有位. 樓上呢? 明明登記了, 有客人不停來來去去, 位子還是分給熟客, 登記是白登記. 還有, 熟客的茶沖得也較密.伙計是預你給tips 的. 不給, 會白眼. 給得少, 會串你. bad service, 給一個\"喊\".

昨日個仔term break，唔使返學，竟然給我一個驚喜，六點鐘左右，來公司搵我食晚飯，於是即刻熄燈走人。因為唔趕時間，所以揀旺角鳳城。其實我好少來呢度食野，因為放工後由公司來，剛剛同返屋企背道而馳，唔就腳。三個人，各人點了自己喜歡的食物：炒鵪鶉生菜包、大良炒鮮奶、窩貼明蝦卷、西湖牛肉羹。生菜包、炒鮮奶和蝦多士都是這裏的「名物」，水準穩定。今次炒鮮奶不用瑤柱而用鮮蝦，增加了鮮味但缺少了鹹香，同時也令整碟菜「削」了。所以，我鍾意舊版。西湖牛肉羹這種羹湯，只有這種舊式廣東酒樓才有供應的了。吃它，是一種感覺，與味道無關。餐後送糖水：紅豆沙。到這裏吃東西，食物和招呼都沒有令人特別驚喜的地方，但有其自然和自在之處，有一種廣東人的氣質：不刻意而透著活力。

約一眾兄弟傾國家大事，要揾個地方食晚飯，我諗都唔使諗就決定响呢度...已嚟過N咁多次，都唔需要望餐牌就可以order...先嚟例牌乳豬拼生腸。乳豬皮脆肉嫩，生腸大大碌之餘仲爽到嗦嗦聲，令人嘖嘖稱奇；再嚟西生菜鵪春崧，好惹味，鹹度剛好；鎮店菜之一鍋貼明蝦拼炒奶，麵包炸得金黄且脆，蝦亦夠新鮮彈牙；炒奶好滑好香，足證大師傅嘅功力。係我食咁多次入面做得最好嘅一趟；壓軸好戲就係自己從未試過嘅玉簪田雞腿。呢味嘢係一定要預訂嘅，因為絕對係碟功夫菜--- 先將整大隻田雞起晒骨，跟住再釀入冬菇絲、露笋及金華火腿絲而同煮，田雞肉嫩，配合上述三種配料，係從未試過嘅味道及口感，隻碟差唔多一滴多餘嘅汁都冇，D田雞完全索晒所有味，精彩；最後嘅瑤柱荳苗，新鮮翠綠，食落竟然有爽嘅感覺，再令人嘖嘖稱奇..同枱未嚟過呢度食嘢嘅死黨都讚不絕口..太精彩嘞...下次加埋個野雞卷就真係完美之極...

從深圳工幹回港，跟老爸老媽到這兒吃晚餐。點了「叉燒拼生腸」，生腸依舊爽脆美味，這兒的橙紅染料比別家略少。叉燒肥瘦適中，甘香好味。「大班兩味」份量不多，味道一般，賣差不多兩佰塊，其實有其他更好的選擇。但不明父母總點呢個又貴又唔好食的東西！？「雞油豆苗」有濃香的雞油味，好誇張！豆苗係瘦物，所以兩者相當配搭。「上湯粉果」係馳名炸物，料雖然比以前少，但仍然炸功一流。另點「牛乳白粥」和「白飯」各一。奉送歷久不衰的清熱綠豆沙。埋單$480，貴就貴在那個大班兩味！

本人一行14人昨夜到此為家人賀壽, 預先已叫了餸,七時著起菜, 但到八時才有第一味- 乳豬併盤上, 接著的每一度菜全都是要等半小時起碼才有得吃, 樓面人手嚴重不足, 但最要命的是伙計態度惡劣, 愛理不理, 只和熟客傾計, 不願意和我們追單, 上翅後可以走開和另一二枱客服務, 過一會才來和我們分翅, 簡直不知所謂!經我們多次埋怨後, 多位伙計俾面色我們看,執碗執一半, 可以不再回來, 最後糖水也要催促數次才送上。是晚各款菜本來好好味, 但因伙計問題, 心情也大打折扣, 因此埋單一個仙貼士也不給, 當然伙計黑面夾冇多謝,我們下定決心, 永不回頭!!

與朋友們聚舊, 相約太子鳳城來個晚飯, 一到達便聽到一個令人驚喜的鐘聲“叮,叮,叮,叮,xxx先生請聽2號線”, 嘩!!!!!好懷舊呢!!!炸子雞果然是皮脆肉滑, 雞味極之濃, 肉質有咬口, 半隻的份量不太多, 雖然售$90半隻有點貴, 但質素的確有保證, 必須熱食, 否則脆皮腍了便浪費了廚師的心血. 炸粉果一打好像多了點, 炸得很乾身,其實可以不用浸清湯, 因為炸得好的粉果其餘不會太油, 帶點甜味的皮, 饀料不太多, 但只吃了兩件, 因為有點漏…….大良炒鮮奶的賣相雖然不太吸引, 鮮奶炒得香滑, 美中不足的是有一點油溢味, 蝦多士則是極度失望之作, 多士吸了太多油, 油溢味重之餘食落也油淋淋蝦不夠大也不夠鮮, 一客六件也未免太貴了點後補一個桂花魚卷, $120一客的水準都尚可接受, 起了骨的魚肉尚算大件, 肉厚帶有口感, 味道清淡但魚味豐盈. 最後當然要來個西米布甸, 我不能說它真的很好吃, 因為小時候在酒樓吃的一定有此水準, 但是現在真的賣少見少, 所以只好在這兒懷舊一番, 新鮮即做當然好味道, 內裏的白蓮蓉尚算香滑, 不過總不夠黃蓮蓉般香濃四個人埋單每人$130, 抵食~

environment: many ppl smoked. old decoration. food:桂花魚卷$118: only several pieces of meat. i tried the same dish in other Fung Shing, the meat together with bone was deep fried. but the meat and bone disappeared. tastes so so. expensive.mixed vegetable in pot $60: small. oily.will never go again

琴晚去食, 叫左個四人餐5舊幾水. 雞煲翅, 不過咸到死. 乳豬拼太腸, 普普通通啦. 金銀蛋浸豆苗, d咸蛋黃唔好食, 其他野味道一般啦.荷蘭豆炒魚球, 呢個都ok既.蝦多士, 幾好咁啦.另加既有:大良炒奶, 好難食, 可能係我唔識欣賞, 咸咸甜甜咁味, 古古怪怪咁.炸子雞, 全晚最得果味. 皮脆.西米焗布丁, 食唔出有咩咁特別好食, 咪同普通茶樓既差唔多.咁既環境, 咁既食物質數, 我地一人食左$130. 一定唔會再黎, 去大排檔食好過

這裡早茶開九點，八時四十多分已經到來，伙計不介意的情況下自已找好位置；沖茶開位，等他們開工招呼亦可，自已招呼自已亦得；看到他們早餐亦是這裡的盅頭飯，用料及食味應該不懶。師兄老遠從上海跑來，落腳於旺角，故趁他回去前相約了來這裡一聚，做師弟的霸位開茶是應該的；純粹傾計，點心由師兄發辦，但無論怎樣都要了掛頭牌的蓮蓉包；其他的燒賣排骨鳳爪不說了，平平無奇，而個蓮蓉包是相當了得，首先不是坊間的一籠三個裝的小尺寸，是一籠二個的大尺寸模式，皮不厚而蓮蓉不過甜，而更可用幼滑來形容，而中間的大蛋黃是流沙起油的，正宗老式做法；一個蓮蓉包四杯這裡不俗的普洱茶，其他的可以不提了！

噚日同班中學同學食飯, 有人話去旺角鳳城, 咁我又未去過就試下啦, 結果有個奇妙旅程.我地叫個4'送'1湯ga套餐, 再加3個'送'同西米布甸. 7:30pm叫上菜, 套餐ga'送'好快就到齊, 一班人一路食一路講, 唔駛幾耐就食清d'送', 但加叫ga'送'都仲未到, 再坐多陣, 我地就開始追, 其時大概8:00pm.當時我地都見到門口企住d人等位, 我地都唔想霸住張'木台', 所以大概10分鐘後, 我地又追多次. 佢地就話因為炸子雞要花時間炸, 所以要等. 我心諗,o甘'什菜煲'同'通菜炒牛肉'又要煮o甘耐?好明顯廚房灟單啦. 不過我地都想傾計, 不介意等下, 但係門口d客要等耐d囉.再等多10分鐘, d'送'都係連影都無, 我地開始商量不如食完個西米布甸就走, 呢個時侯就有個好似經理ga人同我地講, d'送'煮緊, 等多陣就得, 咁我地就等多陣啦. 結果3分鐘後, d'送'就到. 諗住終於可以安樂食返餐, 但奇妙旅程又點會咁簡單又咁快完結?當d'送'食得七七八八ga時侯, 有個女待應走黎問我地d'送'係唔係已經到齊, 我地都醒水叫佢上甜品. 但甜品都未到, 就有個男待應行到我地張