鳴虎石頭燒 (已結業)

這間位於紅磡啟岸的日本拉麵和石頭燒店，近日推出了一個清酒放題，$238就可以在70分鐘(平日日子90分鐘）內無限任飲清酒和梅酒，非常吸引！清酒放題，這裡的清酒放題只要有點任何主食或磯燒就可以join，放題有5款酒可以揀選，而且都好適合配上他們的食物一齊飲！而任飲當中的梅酒味道特別，除了有梅酒的酸甜味，亦會飲到辛辣味，非常刺激味蕾！而清酒亦係他們嚴選，十分正！鐵板泡菜黑豚飯，這個是商務午餐其中一款，午餐包有湯和沙律！豚肉飯用上鐵板盛裝，十分熱辣辣！泡菜味道酸酸辣辣，加上豚肉有少肥，食落一點都不覺得肥膩，醬汁拌飯非常惹味又刺激味蕾！M5牛肉飯，牛肉薄切舖於飯上面，上面再加上流心蛋黃，牛肉味道幾濃，肉質鬆軟！

朋友今日帶我黎到呢間位於土瓜灣啟岸既餐廳，餐廳出左個70分鐘清酒放題，岩哂中意飲酒既朋友。70分鐘清酒放題，只要你惠顧任何一款主食或者磯燒，就可以join呢個清酒放題。有5款酒可以揀，而其中一款係梅酒，店員仲會俾冰你加入梅酒飲添。M5和牛飯，呢度既商務午餐仲會有湯同沙律，湯係黑松露蘑菇湯，口感creamy，味道濃郁。而沙律落左柚子醬汁，食落夠哂開胃。和牛薄切而且口感幾鬆軟，牛肉味都幾濃，加上上面有流心蛋汁，食落更滑。牛肉飯都淋有牛肉汁，食落更惹味。

好一段日子沒有踏足紅磡近土瓜灣一帶， 工作完畢，便打算藉機和同事到附近昔日著名的日本美食街 ~ 崇潔街閒逛兼享受一個悠閑的星期六午餐。途中被一座蔟新的建築物吸引，低層外型極具東瀛風味，設有商舖，內庭通道以天井採自然光，四周高掛紅、黃色日本紙燈籠，加上和式擺設，打卡一流。場內大部份為日式食肆，正合我們意，最終改變策略， 選擇了場內近入口位置的鳴虎餐廳原來分左右兩邊 :  一邊主理拉麵 ，另一邊主理石燒 。經職員推介，我們最終選了石燒那邊，除了主餐牌外， 星期六也有午市套餐，主食配沙律及飯。鹿兒島黑豚肉眼 ＄138上菜時，職員溫馨提示 : 預先以調味料將生肉醃製一回，再放上熱石上燒，而燒肉汁切勿直接灑於石上，否則容易造成油花四濺  ; 另外餐廳亦為客人提供了圍裙 薄切黑豚肉眼油花豐富。紋理分明，肥、瘦肉兼而有之，色澤亮麗粉嫩。天時暑熱，新鮮爽脆的沙律菜配以果味清新的柚子醋作頭盤，令人份外開胃。另外，白飯也煮得軟硬適中，  加上飯素圖添美味 兩邊燒一回已機乎熟透，放上碟上再灑上適量燒肉汁，味道醇厚，肉質細嫩。熱石大概可運作十幾分鐘 ， 職員會幫忙換上第二塊。餐廳提供幾款調味料有 :  燒肉汁

嗰日去開紅磡，發現原來同以前有好大分別，有好多新樓盤同商場，感覺去了日本，可以順道打卡一下。鳴虎石頭燒位於紅磡啟岸巷子裡。一入去就見到大量不同款式清酒。環境光猛舒適涼快。每個座位都有獨立抽油煙機。午市以商務午餐為主，跟餐附送麵豉湯和沙律。仲有期間限定。叫咗燒肉餐，好細心有圍裙。燒肉配上燒肉汁，黑胡椒同岩鹽。沙律菜每個套餐圖配上沙律菜及麵豉湯，沙律菜新鮮，配上柚子醬，非常清新。麵豉湯味道濃郁，咸度適中。火炙牛肉M5鰹魚湯烏冬濃厚魚湯鮮美極至，烏冬入口滑溜。火炙逼出油份，牛肉味道特別香濃。鹿兒島黑豚肉眼油花豐富，有明顯油脂。燒至300℃的高溫石板。自行在高溫石板上烹調熟成度，黑豚肉眼肉質柔嫩。飯素撒於白飯上，和白飯拌勻，為白飯增添風味。

自從有啟岸巷子，土瓜灣多咗好多嘢食，今次去咗鳴虎石頭燒。呢排有啲熱氣所以無揀燒肉😛蒲燒原條鰻魚飯賣相都幾震撼😛原條上份量都多，搽滿咗鰻魚照燒汁，送飯係一流嘅選擇，鰻魚肉厚彈牙。沙律加咗柚子醬汁，清新開胃。秘製燒雞 可以揀配沙律或薯菜，我哋就揀咗薯菜。燒雞皮脆肉嫩，雞皮燒到脆脆的，咬落去仲非常Juicy~ 加埋醬汁會更加惹味！香草魷魚鬚炸得酥脆香口，爽口彈牙嘅魷魚鬚加咗香草。味道更加特別同埋惹味。飲品方面就揀咗期間限定嘅冰飲～ 台灣金皇芒 & 8424西瓜用鮮果嚟調製！兩款都係清新香甜，帶滿滿嘅果香！

看到OpenRice 食評推介，所以去了這家試試。晚上7時，仍未坐滿，服務員耐心地介紹了餐牌上的食物。他們推介鰻魚飯及烤雞。服務員見我跟老人家一齊來，細心把飯分做2碗，態度值得一讚。可是推介的鰻魚，份量是大的，但味道很一般。有圖。至於烤雞，肉質太稔，不太好吃，吃不下。付款時，店員有問食物有冇問題，我們話雞肉太稔後，佢哋又冇咩反應。可能他們不太認同。雖然2人只吃了3百多元，這價錢在紅磡有其他更好選擇。

屯馬線開通後，我哋間中就會沿線周圍去逛逛，早排去完紅磡行街，順路行咗去土瓜環尋食。啟岸最近開咗幾間新餐廳，打算試哂佢！😂之前食過鳴虎拉麵，今次試佢啲燒物。叫咗2個set，有主食、麵豉湯、沙律，食完好飽。😂🔸秘製燒雞配薯菜（$158）燒雞好大雞，皮香肉嫩，一切開好多肉汁，食落有香草味，幾惹味，點一點個醬汁味道更濃郁。薯菜粗身，炸得香口。🔸蒲燒完條鰻魚飯（$168）大條又厚肉，肉質細軟，碗埋香濃燒汁，甜甜地、好香好下飯！飯上仲有啲蟹籽，增加口感。麵豉湯有櫻花蝦嘅香味。

鹿兒島黑豚肉眼沙律加上柚子汁，酸酸甜甜，非常開胃。白飯加上七味粉，令簡單香甜嘅日本白飯帶點微辣，更加滋味。鹿兒島黑豚肉眼，即是豬腰肉，位於豬背的兩側，連接豬背骨和豬柳。肉色純正微紅有光澤，油花細緻。日本黑豚肉眼肉脂肪含量較低，但肉質仍保持鬆軟，亦富彈性。黑豚肉本身味道較淡，所以適合加燒肉汁，黑胡椒或岩鹽調味。店員細心提醒不要把燒肉汁直接倒在石頭鍋上，因為會使油淺起。香草魷魚鬚呢客魷魚鬚特別之處當然在於佢加入香草一齊油炸。香草味突出，令魷魚鬚更香脆惹味。魷魚鬚質感飽滿，亦十分有嚼勁。台灣金黃芒呢杯芒果飲品非常出色，質感比較厚，充滿冰涷芒果肉。十分解暑。

今日約左個舊同事食飯就黎做鳴虎石頭燒因為太熱氣喇 所以冇叫燒肉見到依到環境幾好又唔多人所以就入黎試下睇返原來有好多分店不過就之前都未試過大約7點黎食環境清靜舒適D裝修都唔錯睇下有咩食先😋😋😋首先叫左個軟殼蟹沙律 $138入面仲有牛油果酸酸甜甜既沙律汁加軟殼蟹 正呀👍🏻👍🏻再叫左個香草魚鬚 $48睇落比較細份食落都ok問左店員拎個沙津醬黎點即刻昇華左😍😍😍餐廳細心位每個位都有支酒精噴霧 方便客人消毒❤️‍🔥❤️‍🔥❤️‍🔥餐廳店員都好好推介佢地餐牌禮貌態度都好好仲介紹左原來佢地係對面間鋪都係佢地有日本直送過黎既生果整做野飲見到都幾吸引就一於同朋友一齊叫黎試下先😁😁😁台灣牛奶菠蘿$38台灣金皇芒 $38好飲好清甜 飲得出係鮮水果即整出黎蒲燒原條鰻魚飯 $168好大塊鰻魚呀😍😍😍😍😍仲有柚子沙律同麵豉湯個飯仲有飯素同唔少蟹子可以撈飯❤️❤️❤️大合照臨尾向我地推介奶凍甜品 $10幾好食 好有奶味而且滑同朱古力都好夾如果可以再大份d就好了😁😁埋單2個人$495人均 $247.5

啟岸巷子開左間拉麵店！日式拉麵真係好難抗拒，每次見到一間似模似樣都好想去試！難得附近開咗一間，就梗係唔可以放過啦！基本上啟岸巷子幾間食肆裝修環境都走日系風格，新淨舒適嘅店舖係絕對可以令整個用餐體驗加分！職員服務都算殷勤，會主動添加凍水俾食客，其他店可能要自己要求，但呢間就算人多時職員都會留意客戶用餐進度！鳴虎豬骨湯底味香濃，拉麵軟硬度適中，湯底夠杰所以可以掛湯！黑松露拉麵黑松露味都幾重，不過配搭叉燒好似有啲唔係咁夾…

喺紅磡嘅鳴虎石頭燒，餐廳環境寬敞舒適，夠哂明亮，抽氣系統好夠力，所以一啲油煙都無。我哋呢次嚟食佢哋嘅商務午餐。和風煙三文魚青蘋果沙律：沙律份量都幾多，沙律菜夠哂清新，加埋酸酸甜甜嘅青蘋果，清新嘅感覺更加突出，而佢哋用咗黑醋作醬汁，可以更開胃，最後喺沙律面有數塊嘅煙三文魚，同沙律味道好夾。火炙M5牛肉鰹魚湯鳥冬：用上M5嘅牛肉牛肉經過火炙，增添一份炙燒嘅香味之餘，更能逼出牛肉嘅油香，而湯底用咗鮮味嘅鰹魚湯，烏冬亦都好彈牙爽口。是日甜品：午餐可加十蚊配甜品，今日係法式奶凍，奶凍甜度適中，奶香味十足，表面仲有草莓同埋朱古力，令味道變得更豐富。

《鳴虎石頭燒 - 紅磡》紅磡一向都好多好食既日本餐廳，最近就比我搵到間食饅魚飯唔錯既石燒店，餐廳近土瓜灣位置，都好容易搵😆當時入座五點左右，人流未算好多，我同朋友怕熱，所以簡坐喺比較入既位置，店員都好熱情招待同介紹野食最後我地就簡左蒲燒原條鰻魚飯 $168同埋要左個海鮮盒 $288燒海鮮🦞😋我坐底果時已經見到枱面上有兩條好似煙囪既東西，我好好奇到底係點樣用😅之後海鮮盒到左我就終於知道啦😂原來果個係抽風，仲可以拆落黎的，好搞笑😆講番食物先海鮮盒好新鮮，入面有四款海產，包括扇貝、馬刀貝、蜆同埋鮑魚，扇貝肉揗揗啖啖肉都幾有咬口，蜆都有好多粒無咩沙，基本上唔洗點任何調味都已經好好味👍🏻之後鰻魚飯定食到左，我地就開始進攻鰻魚😋原條上成個presentation 好吸引，鰻魚上面巨多汁超好送飯，我地兩個人每人都食到三件魚，成個餐絕對夠食，沙律菜加左柚子醬酸酸甜甜咁幾開胃，呢個定食以$168 呢個價錢其實都物有所值，最後埋單時店員拎左一碟日本蜜瓜同哈蜜瓜比我地做甜點😋每枱都有架，我地總共食左$502，平均每人$250左右，滿足呢😎

今日生日夜當然要去放肆一下享受美食，專登揀咗呢達地方，可以食好嘢之餘又可以影相打卡，今日叫左個A4片牛同M5玫瑰花牛，先講賣相係好靚好細緻，每一塊牛肉都好大塊好長，佢哋用嘅係石燒，廚房師傅會教點樣燒最好食，在燒之前調好塗好醬料是最好的，口味嚟講兩款都好重牛味，如果鍾意食硬身啲嘅，可以選擇M5玫瑰花牛，如果鍾意軟身啲嘅，可以選擇A4片牛，入口即溶，當然唔少得要稱讚店員服務周到貼心，絕對值得推介大家去食，支持

自己好鍾意食日本嘢，而家紅磡土瓜灣區都出咗好多新嘅餐廳，今日真係要來呢邊好好探索一下。嚟到餐廳附近已經好有日本特色，商場都係由日本嘅燈籠掛飾等，好多人都嚟呢度打卡。石頭燒係邊度嘅出名菜式一定要試吓，馬上嗌咗一個鹿兒島黑豚肉眼，套餐配飯、沙律和麵豉湯。黑豚肉眼一上枱份量十足有四塊又大又厚身嘅肉眼扒，油脂分布漂亮非常吸引！店員非常細心提醒我哋石頭燒嘅注意事項⚠️燒肉嘅時候千祈唔好同時落啲燒肉汁因為會引起油脂四淺，然後店員就俾咗圍裙我。第一塊肉眼扒我哋食原味，只係落咗鹽同埋黑椒粒。一邊燒一邊調味非常好玩。冇落到燒肉汁但係本來黑豚肉眼扒嘅油脂分布好平均，充滿豬肉嘅油香，肉質唔會硬，非常鬆化，同埋最重要嘅係佢絕對冇豬肉嘅油膩感！簡單嘅調味已經好惹味，所以就咁得鹽同埋胡椒都非常香口！之後嘅就落燒肉汁，一般坊間嘅燒肉汁都會太濃味好鹹，但係呢個燒肉汁絕對唔會。佢係帶少少酸酸甜甜，味道本身唔會太濃郁。我覺得配上豬肉就啱啱好，然後燒肉汁配埋白飯一齊食完全令人增加食慾。燒肉、燒肉汁加白飯完美配合。而且你唔好睇小佢個白飯白飯上面嘅味之素，味道都非常特別，唔同坊間一般類似七味粉嘅嘢，佢調味出色香料非常之香。連上邊

土瓜灣多了個地標，有很多新餐廳，佈置充滿日本風格，燈籠高掛是打卡之選餐廳坐得舒適，可以選擇燒肉或日式料理選了火炙M5牛肉鏗魚湯烏冬，烏冬充滿彈性，牛肉份量都算多，牛肉味濃，配上冬菇、粟米、椰菜、鳴門卷等配料，很豐富的配搭湯底味道突出，淡淡魚湯鮮味，更送上沙律，有清新感覺叫了一杯特色飲品，台灣牛奶菠蘿，賣相漂亮，入口酸甜，夏天飲一流，消暑解渴，值得一試餐廳貼心為食燒肉的顧客準備抽氣管，不用全身都是油煙味餐廳另一邊可嘗試拉麵，下次可以試試