麺屋飛丸

營業中

休息中

今晚同老公嚟咗一間在元朗教育路附近的拉面小店—麵屋飛丸，呢間店既外型裝修已令我聯想到去日本旅行時見到路邊拉面小店的感覺，一入店覺得裡面環境簡樸舒適，有日本小店的裝修風，而且服務員態度很親切，主動介紹他們的菜式拉麵之餘，她見我懷孕了，會問我要不要煮拉麵時全熟旦，及主動問我冷氣會否很大，可以調高溫度一下，真的很細心體貼的服務呢！ 我老公點左黑蒜油雞白湯拉麵，我則要塩味雞白湯拉面。黑蒜油雞白湯拉麵嘅湯底濃郁香濃，有淡淡嘅黑蒜味道，令人回味無窮。拉麵本身彈牙有嚼勁，配上鮮嫩多汁嘅豬肩肉叉燒片，慢煮雞胸肉片及煮得嫩滑嘅溫泉蛋，整體口感非常出色。而塩味雞白湯拉面嘅湯底則清爽鮮美，帶有微微嘅咸味，非常開胃。拉麵同樣煮得恰到好處，配上鮮嫩的雞肉片同蔥花，其他配料很足，味道相當平衡。除咗拉麵，我哋仲試咗麵屋飛丸嘅明太子手羽先同蟹子沙律。明太子手羽先炸得金黃酥脆，食到入面明太子時也是很鮮味，每一口都帶來滿滿嘅滿足感。蟹子沙律則以大量新鮮蟹子同青瓜絲組成，清新爽口，蟹子味濃郁，配上沙律醬，美味可口。整體而言，麵屋飛丸的拉麵以及其他菜式都表現出色。以小店來說，真的食物的質素高，味道豐富，份量十足。價格性價比高

餐廳係轉角位，有大玻璃，邊食邊望住行人行黎行去，寫意。座位有室內、外，室內播放日文歌曲，有feel。每碗份量足，食完飽肚，湯都可以飲清哂～雞白湯黑蒜油($93)，黑蒜味濃郁，食落完全唔油膩，食完亦冇口渴情況。每碗都配有豬肩肉叉燒、慢煮雞胸、雞肉丸等。叉燒大片，雞胸軟嫩，如果覺得唔夠，可以追加配料。味玉流心，一咬即爆醬，如果追加都值得～麵條硬度都可以選擇，如果有唔鍾意既配料，亦可以自由刪走，落單形式方便，自由度高。例如有紫菜/木魚花、竹筍、洋蔥、青蔥。鰹節清湯鹽味($90)，湯底清相對清d，配料一樣不過由紫菜轉木魚花，雞肉丸超juicy好食。免治雞肉棒($32)，一共有2串，外皮少少焦脆，有少少軟骨，增加口感。啖啖肉好juicy。大阪風唐揚餃子($32)，大量木魚花灑係面頭，餃子外皮脆口，肉餡內有粟米，有驚喜。拉麵加配小食，會送一罐罐裝飲品，其餘可以加錢升級。整體，小店風拉麵，係元朗難得有高質既拉麵鋪，又有小食選擇，仲要唔貴，值得食。

依間小店成日經過都無食過，今次終於早到無咩人試到主打雞白湯，我地今次叫左鹽味雞白湯拉麵同鰹魚清湯拉麵小食就叫左免治雞肉棒同餃子店員非常之有禮貌，好有效率，依家叫拉麵加小食送汽水，不過唔知道優惠做到幾時最好同店家查詢免治雞肉棒，幾好食，有口感唔會太鹹，不過就無跟隻生蛋點，不過都好食，有咬口餃子煎得幾靚，味道正常，無咩特別鰹魚清湯鹽味拉麵，每碗包粒蛋，一塊雞一塊叉燒同一粒雞丸，拉麵配料嚟講都幾豐富，湯飲落去幾清，不過依個味道係熟悉嘅，係平時自己煲鰹魚湯嘅味道依個好食！鹽味雞白湯拉麵，唔會好漏！配料一樣，依個唔會好咸，無諗過元朗一間小店做到依個質素，下次會試埋醬油雞白湯拉麵，應該都好食！元朗小店真係臥虎藏龍，無諗過一間小店都做到依個質素，口袋名單又多一間了

與友人行完山想醫肚，路經元朗教育路一間新開拉麵店！一於試新嘢！兩隻餓鬼見拉麵配小食送嘢飲。價錢都幾相宜。就叫兩個套餐啦！飲品除除支裝飲品外，其餘都唔使加錢，因為冇試過飲波子汽水，又好少地方有，所以叫左試下，覺得好得意！感覺幾特別！睇吓原來除咗指定小食外，仲有期間限定，忍唔住又叫多兩樣！胡麻雞絲沙律 青瓜好爽脆，芝麻醬同淋上面的蒜粒配合好好味，而且大大分，十分正！餃子，賣相都好吸引，食慾大增，味道唔錯，有粟米粒饀，煎得頗香脆！主角嚟啦⋯⋯雞白湯鹽味拉麵淡白濃烈湯底幾出色，雞胸肉嫩滑，仲有大嚿叉燒同，流心蛋，好滿足，CP值高！义燒較為創新手法，燒得焦香，較有嚼勁，肥瘦均衡！雞白湯黑蒜拉麵略嫌黑蒜味蓋過雞白湯原味，但都係足料非常,調味適中，不會死咸！吉列炸蠔炸得鬆脆，即整即食！牛肉薯餅，炸漿做得非常出色，好鬆脆，略嫌較小牛肉，都好好味店員招呼周到慇勤有禮，每枱皆預備冰凍檸檬水，位置亦頗舒適，是一間CP值高又有心做實事的日本拉麵店！雖然叫了一枱滿桌，都完吃得清光，肚皮滿足！回味回味！

又揾到一間有我最愛嘅雞白湯拉麵，佢哋有三款雞白湯，兩款鰹魚湯拉麵。除咗醬油味同鹽味，雞白湯仲有一款黑蒜油味。叫咗碗黑蒜油雞白湯拉麵，叫埋小食仲送汽水。拉麵一上枱好香蒜味，本身想撥開啲油，試一啖原味雞白湯，可惜失敗咗，因為蒜油真係好濃味。湯頭又濃又杰，加上蒜香就真係一碗極濃拉麵。再加上佢配細麵一齊食，每一啖都充滿蒜味。配料有紫菜、味玉、竹荀、雞肉丸、雞叉燒、燒豬腩叉燒，其中燒豬腩叉燒最出色，肥肉仲有啲爽脆但又唔會鞋。小食嘅免治雞肉串都高質，值回票價。

走進這間拉麵店，眼前簡潔又舒心嘅佈局擄獲咗我嘅心。首先跳上碟嘅係南蠻雞叉燒🍗，咬落去嘅時候，肉汁四溢令我瞬間愛上！再講下呢碗雞白湯醬油拉麵🍜，就係個驚喜啊！吉列生蠔配上嚟嘅油香味渾厚，仲帶點酥脆，脆脆嘅口感簡直係搶鏡重點啊！糖心蛋溏心得嚟蛋香四溢，宜家想起都仲垂涎三尺！就算係補充飲料，食物嘅水準都冇減。啲拉麵湯頭真係齊嘢，飲落去好有層次，仲有種回甘嘅滋味噢！整體嚟講，這家店嘅食物無論係賣相定係味道都做得幾好，真係好滿足，食得我心水清呀！👍🤤😋

好耐冇食拉麵，今日午餐就嚟呢間試下～ 呢間小店平日lunchtime好受歡迎🙌🏻🍜 鰹魚清湯塩味拉麵 $88🍜 鰹魚清湯醬油拉麵 $88🔸拉麵可以自選麵質，質感彈牙爽口，份量唔少。🔸湯底飲落清甜，唔會口渴。🔸豚角叉燒呢個大力推介‼️肉質鮮嫩，肥膏唔會太多但又好香口🤤🔸慢煮雞胸、雞肉丸、味玉一碗拉麵同時有豬同雞真係好正🙌🏻 雞肉都係咁嫩口好咬，尤其雞肉丸同味玉好高質！🔸木魚花、竹筍、洋蔥、青蔥提升香氣又有咬口👍🏻🥗 蟹籽沙律 $36蟹籽多到滿瀉🙌🏻 青瓜絲又夠爽脆👍🏻🐓 免治雞肉棒 (2串) $32食到啖啖雞肉大滿足，內裡仲有粒粒雞軟骨～🐟 吉列池魚 (一人份) $28係期間限定，外脆內軟，魚鮮味十足，肉質嫩滑。🍗 南蠻炸雞 $26外層炸得酥脆，內裡肉質鮮嫩多汁，加埋醬汁更有層次😋🥤 忌廉、可樂 $0拉麵加配小食就會送罐裝飲品。女職員態度好好，拉麵同小食都好有驚喜，仲可以儲印花，有下次💯

飛丸麵屋提供了各種精緻的拉麵和配菜選擇。首先，讓我們評論這家餐廳的招牌菜蟹肉蟹昧濃湯拉麵。這碗拉麵擁有豐富的蟹肉和蟹昧湯底，湯底濃郁香濃，帶有濃厚的蟹味。拉麵的麵條彈牙有嚼勁，與湯底的味道完美融合，給人一種滿足的感覺。此外，迷你蟹籽沙律作為開胃菜，提供了豐富的蟹籽和新鮮的蔬菜，口感清爽，增添了整餐的多樣性。黑蒜味雞白湯是另一個引人注目的菜品。這碗湯底以黑蒜為特色，帶有深厚的香氣和獨特的風味。豚角叉燒、慢煮鷄胸和鷄肉丸都是湯中的配料，它們的肉質嫩滑多汁，與湯底的味道相得益彰。味玉和紫菜為湯品增添了更多的飽足感和層次感，而多竹筍、洋蔥和青蔥則提供了額外的口感和風味。在跟餐方面，南蠻炸雞是一道必試的料理。這款炸雞皮脆肉嫩，調味恰到好處，帶有微辣的風味，非常美味。總體而言，飛丸麵屋提供了令人印象深刻的美食體驗。他們的拉麵選擇多樣，湯底濃郁，配料豐富。配菜選擇也很出色，提供了多種口味的選擇。此外，餐廳的服務也非常友好和專業。

元朗一向係美食集中地，近來搵到呢一間位於教育路嘅拉麵店麺屋飛丸，竟然主打區內少見嘅湯底：雞白湯！🐓店內鋪面唔大但有幾張戶外座位，當日到訪都差不多坐滿哂人，好受歡迎！餐牌上有五款拉麵選擇，分別以雞白湯同鰹魚清湯做基底，貴精不貴多。拉麵以外有多款小食，牆上仲會寫上是日推介，以拉麵店來講種類算豐富😍🔸雞白湯拉麵 鹽味首先最抵讚嘅係雞白湯湯頭超級濃郁！質地濃稠有黏口膠質，雞精華完全滲入湯頭，鹹香味剛剛好🤤配以幼身麵條掛湯力強，而且麵餅份量夠大，麵控一定滿足🙆🏻‍♀️配料亦都係一大亮點，豚角叉燒香口肉質軟稔，慢煮雞胸味道較清新唔怕鞋口，雞肉丸有少量軟骨增強口感，就連味玉都夠入味又做到流心，整體質素非常高🥳🔸雞白湯拉麵 醬油味老公既醬油味係雞白湯基底上再加上醬油，雞鮮味同樣濃郁。濃稠度比起鹽味感覺稍低，所以佢覺得飲落更加順口！🔸羽根餃子五隻餃子以薄薄羽根連住，賣相討好，睇得出Rose比一般拉麵店出品更有心機！餃子皮薄裏面包着菜肉餡，比例平衡🥰🔸牛肉薯餅大大件牛肉薯餅，適合同朋友分享。薯餅炸至金黃外皮香脆，裏面除咗薯蓉外仲有牛肉碎，可以點沙律醬食

雞湯味香濃，配料超多，厚厚的叉燒，雞肉丸，一塊雞肉片，原隻玉子，有別於一般的拉麵，配餸特別多，再有些生洋蔥碎配湯底味道夾得好好，食完沒有口乾，實在太出色了！下次還會再來，店員服務好好，很有禮貌，期待下次再來吃

呢間元朗係一間非常出色嘅小店雖然唔太起眼，但人流非常多，店舖嘅地方雖然不大，但係食物質素相當高，拉麵價錢仲非常合理，性價比高，除咗拉麵，仲有非常多嘅小食一個叫拉麵一碗有得送一罐飲品，我就揀咗忌廉味嘅可樂，朋友就加$8要咗支烏龍茶，飲品夠晒凍冰冰，天氣咁熱，最基本飲品梗係要夠凍黑蒜油雞白湯拉麵，配料非常多有豚角，叉燒一件，慢煮雞胸一件，雞肉丸，一粒味玉，紫菜一塊，竹筍，洋蔥同埋青蔥，配料相當多，而且外觀仲非常吸引，湯底非常濃郁，加埋黑蒜油味道更加香溢，棉質嘅軟硬度剛剛好，而且份量仲非常多， 豚肉有燒過嘅香氣脂肪一入口就已經溶化一層脂肪一層肉，口感已經比滿分，雞肉丸經過炸之後非常香口，雞胸肉夠晒軟滑，容易入口，糖心蛋不得不提生熟度做到剛剛好，而且味道仲非常入味，南蠻炸雞$26，雞肉炸到外脆內軟，入面仲唔乾身，廚師相當有水準，上面鋪滿特製嘅調味醬，入口相當惹味蟹籽沙律$36， 青瓜絲上面鋪滿大量嘅沙律醬蟹籽同埋蟹柳絲，蟹籽嘅份量仲非常澎湃，份量相當多，全部嘢撈埋一齊食味道清新，入口夠爽口，健康，每一啖都食到有蟹籽

朋友知我鍾意食雞白湯拉麵🍜今日比佢捉左出黎元朗，試下呢間拉麵新店「麵屋飛丸」裝潢設計係簡約木系，麻雀雖小，五臟俱全，有4張卡位方枱，枱內已有餐具抽屜位，枱面有檸檬水同7味粉等調味料麵屋落單方式簡單，用筆圈起選項卡就可以，內容清晰易明，列清楚哂價錢及拉麵入面既配料蟹籽沙律🥗材料：海量蟹籽+清新青瓜絲+軟熟蟹柳絲+美乃滋口感爽脆軟滑齊哂，蟹籽量較多，鮮味up免治雞肉棒係食到入面有雞軟骨既免治雞肉，燒汁味香，唔會搶走雞味唐揚炸雞雞件炸到金黃，襯熱食外脆內嫩，重點係唔會死咸，好加分吉列炸蠔麵屋用左麵包糠做炸漿增加口感，咬埋蠔仔依然嫩滑，怕腥的話可以用跟碟既檸檬汁去腥味塩味雞白湯拉麵🍜主角出場！朋友同我一樣揀左經典塩味雞白湯拉麵，同一般拉麵擺盤一樣，碗邊放有紫菜、叉燒片及雞胸肉片各一片、湯內有雞肉丸、竹筍、洋蔥、青蔥、味玉好足料麵條軟硬度可於落單時選擇，今次我揀正常，食落岩岩好食拉麵最緊要係個湯底，呢度既塩味雞白湯有好香濃既雞肉香，入口香醇順滑，原來經4個鐘熬成，加入海鹽，鹽量適中唔會搶走雞肉精華值得一讚呢度既跟麵流心蛋相當出色！蛋煮到5成熟岩岩好，食蛋白已經食到醬油味好濃郁，蛋黃半凝固，食落超

係元朗既一間小店，主打雞白湯，點了一碗雞白湯醬油，一碗鏗魚醬油，嗲下去發覺點錯了，配鹽湯可能比較好因醬油比較麵係博多式白色嘅拉麵，口感尚可，配料好多，有一隻流心蛋，一塊五花肉，雞肉丸同一塊慢煮雞胸，女仔應該食唔晒，五花肉算入味，雞胸很清，雞肉丸反而係最好吃的，食落去仲有小許軟骨，口感味道都不錯人圴$90，每人只係叫左一碗面

今晚嚟到元朗呢邊食飯，近豐年路輕鐵站見到麵屋飛丸，好想試吓呢間拉麵！細細間店乾淨企理，都幾舒服！🥰各款麵都好吸引 都唔知食邊款 款款都想試 急不及待叫咗兩個拉麵同小食😋😋😋😋醬油雞白湯拉麵賣相吸引，濃濃嘅湯底，一睇就想食。味道好好，濃香雞湯底配上麵，麵口感煙韌，份量好足，豚角叉燒一件、慢煮雞胸一件、雞肉丸一粒、味玉一隻，竹筍、洋蔥、青蔥。味玉好正，流心滑溜！各種配菜都話好食！黑蒜油雞白湯拉麵配料同醬油雞白湯拉麵一樣，豚角叉燒一件、慢煮雞胸一件、雞肉丸一粒、味玉一隻，竹筍、洋蔥、青蔥。最大嘅唔同就係湯底，濃郁黑蒜味，別具一番滋味！唐揚炸雞新鮮出爐，炸得好脆！羽根餃子煎得好脆，可以點餃子醋，好味🤤蟹籽沙律前菜，開胃，蟹籽好新鮮，粒粒脆卜卜！Zero可樂烏龍茶

黑蒜豚肉雞肉湯拉麵：這碗黑蒜豚肉雞肉湯拉麵給人留下了深刻的印象。湯頭濃郁而香濃，黑蒜的獨特風味為整碗拉麵增添了一層豐富的口感和風味。豚肉和雞肉的搭配使得湯底更加豐富，肉質鮮嫩多汁。配料的選擇也很恰到好處，叉燒的炭燒香味、慢煮的鷄丸和鷄肉丸都帶來了不同的口感和層次。鰹魚醬油拉麵：鰹魚醬油拉麵展現了日本拉麵的經典風味。醬油湯頭帶有深厚的鰹魚風味，為整碗拉麵帶來了豐富的咸香味道。拉麵麵條彈牙有嚼勁，搭配著鰹魚油的香氣，讓人一口接一口。日式餃子：日式餃子是一道經典的小吃，往往以其獨特的外形和美味的內餡受到喜愛。這款日式餃子在外皮的製作上讓人驚艷，餃子皮薄而有嚼勁，包裹著豐富的餡料。肉這款日式餃子非常適合作為點心或開胃菜，外形令人滿意。蟹籽沙律：蟹籽的鮮美和爽脆的口感為這道沙拉增添了豐富的層次感。搭配新鮮的青瓜絲和適量的沙律醬，既清爽又滿足味蕾的需求。蟹籽的鮮亮色彩也為整道菜品增添了視覺上的樂趣。