麺屋飛丸

營業中

休息中

平時最鍾意就係食拉麵,經常都會留意拉麵舖頭,今次喺元朗食咗一間拉麵店無論味道同埋麵嘅口感都做得非常好。麵屋飛丸 地址係元朗教育路87號鴻發大廈地下,餐廳地方雖然唔大,但係空間感足夠,望落去乾淨整潔,喺度食嘢感覺都幾舒適。望下餐牌有四款主打拉麵,另外湯底有三種選擇。配料有好多選擇,豚角叉燒,味玉,慢煮雞胸,粟米筍,雞肉丸,紫菜,竹筍,京蔥絲。飛丸特盛拉麵 108元,材料真係好豐富有叉燒,雞胸,雞肉丸,所有配料都有齊,睇到都好吸引,白色濃濃嘅湯,入口味道香濃,食得出無味精味。 最欣賞就係佢個拉麵,食落去有啲咬口,煙煙靭靭唔似普通餐廳咬落去淋滋滋。豚角叉燒拉麵 88元,叉燒切到又大又厚,食落去有咬勁,估唔到仲係好嫩滑,口感十分juicy,好鍾意大大啖咬落去嗰個嫩滑感覺。值得一讚蒲燒鰻魚串 2串 44元,鰻魚串燒到啱啱好,加上鰻魚汁令到鰻魚更加香口惹味。

難得平日放假就同家母行吓街，咁啱見到間新開嘅拉麵店，二話不說立即入去。店家主打雞白湯為主，塩味雞白湯/醬油雞白湯/辛辣味增湯 有慢煮雞胸，豚角叉燒選擇依加每叫一碗拉麵加配一款小食即送罐裝飲品🥳👍🏻飛丸特盛塩味雞白湯$108呢款係乜嘢都有，豚角叉燒2片，慢煮雞胸2片，雞肉丸1粒，味玉1隻，再加粟米荀，竹荀，紫菜2片 ，溏心蛋豚角叉燒係半肥瘦嘅五花腩，用火燒到金黃色好香，叉燒夠厚🤭。雞胸肉好嫩滑，啖啖肉🤭塩味雞湯奶白色雞味好濃郁好似飲緊忌廉雞湯，不過佢係稀少少咸咸哋嘅雞湯，舔舔脷👅飛丸特盛醬油雞白湯$108一樣款式，只係湯底唔同。雞肉丸係炸過，好脆口，加埋有雞軟骨加雞肉，好好味。溏心蛋酒味濃，蛋黃控制啱啱好，好溏心，好好食👍🏻醬油湯頭唔算濃帶少少甜，係個幾特別嘅湯底。個人覺得呢款似清湯多啲🤣 味道無咁濃，比較適合淡口味人士吉列魷魚圈$28有五舊，炸得啱啱好 。呢個價錢都算抵食整體：好抵食，又包埋飲品。小食份量ok價錢唔超過$30個人同家母力推塩味雞白湯，好好飲👍🏻

朋友介紹元朗開了一間特色日式拉麵小店，今天專程來試一下！果然有驚喜！小店才開張幾個月，菜單比較簡單，麵種只有4款可選，小食有6款，但相信店主對麵的要求很高，所以簡單的菜牌中，客人也可以選擇麵的軟硬程度！真係超貼心！第一次嚟食麵，當然樣樣都想試，所以我和朋友都選擇了特盛拉麵，再加店主當天推介的蟹子沙律和蒲燒鰻魚串！而麵湯方面有3款，我哋就選了店中主打的雞白湯，一碗完味，一碗加黑油！蟹子沙律首先登場，蟹子新鮮卜卜脆，沙律菜鮮甜美味；而蒲燒鰻魚串，醬汁惹味，鰻魚淋滑，很有水準！跟著兩款特性拉麵熱辣辣端上檯面！廚師專程加熱了盛麵的碗，使麵能加長保溫時間！更見廚師對拉麵的要求十分之高，亦都很細心！希望每位客人都可以品嚐合適溫度的拉麵，和享用自己最喜歡的拉麵軟硬度！拉麵中的自製叉燒，淋滑惹味，有咬口得嚟又爽口；燒雞肉有雞味而軟淋；最有特色是哪雞肉軟骨丸，脆脆的外表，包著有肉汁的肉丸，又有彈牙的雞軟骨！食落層次豐富！而雞白湯十分之濃郁，濃濃的有骨膠原嘅感覺，我真的全碗都喝光！現在新張期間，選食拉麵還有飲品送！真的有去了日本吃拉麵的感覺！

飛丸特盛拉麵🍜（塩味雞白湯）塩味雞白湯底：🔹睇落好濃郁，入口味道有層次同濃郁，先係塩嘅鮮味，跟住係雞味，口感厚重順滑😋，飲得出師傅👨🏻‍🍳嘅心機。5️⃣個餸，共8️⃣件，十分豐富🥰豚角叉燒🐽 2件：🔹入口有烤香味，有肉質口感，唔會柴，肥瘦啱啱好。慢煮雞胸🐔 3片：🔹雞胸肉質軟熟，而且雞胸邊有黑胡椒調味。雞肉丸🍡 1粒：🔹咬落有香烤味，內裏肉質口感有d滑口，幾特別🤩味玉🥚 1隻：🔹即係溏心蛋，調味得好味粟米筍🌽 1條：🔹入口 unexpected 鮮味😋，口感爽脆仲有紫菜💜 2塊 同 京蔥絲💚（走竹荀）：🔹紫菜大大塊，京蔥絲好新鮮（追加extra），落喺湯中，食起來有小而脆嘅口感，令碗拉麵增加輕盈感🫠迷你蟹籽沙律🥗🔸一d 都唔迷你😆，蟹籽睇見都重手，蟹柳絲🦀都好多，青瓜絲🥒好爽口，整體十分之fresh💦波子汽水🔸滿滿回憶，美滿的 early dinner😊女職員十分盡責、有禮、有耐性、服務非常好。

去開元朗，經過見到呢間新開嘅拉麵店，一於入去試下😍😍 見到個餐牌已經覺得好吸引，職員又細心講解。我哋都揀咗最多餸菜嘅飛丸特盛拉麵，全部都超級好食，聽店員講先知原來全部都係自家製架👍🏻👍🏻豚角叉燒肉質厚身、入味又唔肥膩；慢煮雞胸認真一流，咬落去有非一般嘅嫩滑同彈牙嘅口感；雞肉丸食落又係超驚喜，原來係手打雞肉同雞軟骨造架，咬落去有啲嚼勁，但唔會太硬。配料仲有超正嘅溏心蛋、竹筍、紫菜、粟米筍同京蔥絲。竹筍食落爽口，原來都係自家製架😋😋仲有值得一讚嘅係店員嘅細心同對食物質素嘅堅持，見隔枱上菜嗰陣，塊紫菜吹歪咗少少，職員即刻問洗唔洗換過塊，可見佢哋用心嘅待客之道🫶🏻🫶🏻湯底我哋叫咗塩味同醬油雞白湯，各有千秋，麵條都完美地吸附到湯底嘅風味🍜🍜 小食我哋就叫咗南蠻炸雞，色澤金黃酥脆，配埋他他醬、沙律醬同檸檬汁，一啲都唔得熱氣。我哋仲叫咗蒲燒鰻魚串，鰻魚外層烤至微焦，令鰻魚肉嘅鮮甜更加突出！拉麵加配小食，就送咗罐忌廉，另外加$8仲有波子汽水，好耐無飲懷念一下好正呀🍗 真係好滿足呀！仲要全日不設加一，有時喺其他拉麵店，同一價錢真係食唔到咁足料同自家製嘅拉麵呢🤤🤤

小店雖然地方不大，座位不多，但係每一樣嘢都好講究，食物質素好高👍🏻主打雞白湯$88，配料有三片慢煮雞胸，肉丸玉米筍等等。湯底好濃稠，但唔會好鹹，麵條係我鍾意食嘅，比較幼身，雞胸依然好嫩滑。如果個碗再keep warm多啲就更好。因為而家好快就凍咗，有少少美中不足，但係整體成個麵係好食的。另外而家做緊優惠，叫小食有罐裝飲品送😃炸生蠔都幾好食，整體嚟講，價錢合理，size都大碗，會再回頭試其他不同湯底嘅拉麵。

我同朋友都簡左醬油雞白湯，飲第一啖醬油味唔會太濃，但又保持到雞湯味道，有少少膠質👍🏻如果叫小食會送罐裝飲品🔸豚角叉燒拉麵醬油雞白湯（$88）有叉燒3塊，粟米芯、荀、溫泉蛋、京蔥、紫菜。粟米芯好少拉麵舖會有👍🏻🔸羽根餃子🥟5隻（$26）冰花餃子🥟，皮底煎到好脆🔸飛丸特盛拉麵醬油雞白湯（$108）有叉燒2塊，雞胸片3片，雞肉丸1粒，仲有粟米芯、荀、溫泉蛋、京蔥、紫菜。叉燒肥瘦相間，入口唔會覺膩，而且經過燒灸香氣四溢，好怕雞胸片會乾及柴，但餐廳處理得好好，食落去保持到肉汁同嫩身，雞肉丸比較少見，彈牙同埋有雞軟骨增加口感，溫泉蛋仲係糖心架😍🔸吉列魷魚圈5件（$26）炸得岩岩好唔會過乾，魷魚圈厚身，炸完仍然彈牙🔸迷你蟹籽沙律（$36）雖然係迷你，但蟹籽份量唔少，青瓜爽口

今日原本同家人係正步行緊去另一間中式麵店，行經麵屋飛丸外，家人被吸引下停低想試下，咁就試下啦，結果係有驚喜！職員引領我地坐低後，就認真及有誠意地介紹餐牌及精選。我地各叫咗一碗拉麵，另外再加咗個餃子。飛丸特盛拉麵 - 有叉燒，雞胸，雞肉丸，雞蛋飛丸純雞拉麵 - 有雞胸，雞肉丸，雞蛋2款拉麵無論賣相及味道都滿意，尤其係個湯底，我同家人都好鍾意，差唔多飲晒。餃子並唔算十分突出，不過都好味。從食物的質素及職員的態度，都強烈感覺到餐廳的認真及誠意。希望餐廳會繼續努力經營，加油！

元朗放工，肚仔餓，又難得有時間自私食，睇吓bookmark 左嘅一堆拉麵店。冇點食過雞湯拉麵，一於就試吓呢間麵屋飛丸。店員姐姐帶入座，同埋介紹餐牌，講吓三款湯底分別，好好服務，好禮貌，out of expectation 👍首次試嘅餐廳我習慣試最基本款，所以叫左飛丸拉麵，塩味雞白湯。仲加左味玉。拉麵一上飲湯先，好濃有雞味，厚重順滑的口感，值得讚。麵條正常，味玉有少少少少偏咸，可能我個人口味問題，慢煮雞胸好淋好易咬。碗吾大，但食食吓發現原來碗幾深，比想像中多麵，飽飽好滿足。

飛丸特盛拉麵＄108呢一個拉麵我揀咗鹽味雞白湯底， 依個湯底真係冇得頂！好香濃嘅雞味～而且因為有好多料，所以湯底唔係好似平時街嗰啲超級流質，好水咁。 不想來湯底嘅顏色係淺黃、奶白、津白色。 湯底一流！ 而且特盛拉麵嘅慢煮雞胸，因為係真係慢煮，所以咬落去一啲都唔韌好軟熟。甜辣炸雞（三件）＄24店員好好人提咗甜辣炸雞真係會有啲辣，然後食落去就覺得係。 有啲似係譚仔三小辣嘅程度。 但係炸雞嘅炸衣夠薄，同埋溫度適中，所以雞肉裏面仲保留咗好多肉汁。 如果試過第一啖覺得太辣嘅朋友可以加埋檸檬汁中和下，入口更加清新。豚角叉燒拉麵＄88呢一款拉麵就叫咗醬油雞白湯底。 醬油同埋鹽味都唔一樣。 醬油有一份黃豆嘅香味， 而且同豚角叉燒好夾。 叉燒用咗火槍燒一燒過個表面，所以食落去有肉嘅赤燒香味。 拉麵好大碗非常夠食！特盛鰻魚串＄38鰻魚串應該用咗真嘅炭火爐炭燒過。 見到竹籤嘅尾部係黑色嘅， 同埋鰻魚有一面係燒到乾脆， 好好味。鰻魚嘅肉質香軟、綿密扎實， 加埋用炭火燒咗嘅嗰一面，口感好豐富。

對於食拉麵無乜研究既我今日比個好鐘意食拉麵既朋友拉左去佢屋企附近話新開無耐既新拉麵店食麵。係咁多野食既教育路中又真係唔知唔覺多左出黎既新店舖，記憶中呢個位之前都係做麵食既，不過舖位就大d呢間小店似乎拎左佢半間店黎做拉麵生意間舖頭細細，只有一個店員同一個廚師(估計),而店面就得3張4人枱加1張雙人枱。餐牌就係簡簡單單精一拉麵同埋有d期間限定小食一入到店舖，職員知我地第一次黎會好有心機咁簡介下d麵食選擇，基本上3款麵底，而辣味湯底都有成譚仔3小辣既程度，所以以bb班程度既我地自然選其他2款湯底。我選左個原味雞白湯朋友就選左期間限定鰹魚湯配料主要都係叉燒，雞肉同流心蛋。叉燒肥瘦適中，雞肉滑嫩，流心蛋夠流心。我對自己嗌既原味湯底好有驚喜，食得出廚師逐碗泡製既心機，絕對唔係出邊連鎖/一般拉麵店所帶比你既粗食填肚感。朋友話佢既湯底味道比較單一但佢鐘意佢個湯底多d,而我試左一啖佢既湯底又會鐘意自己嗌呢個湯底多d,感覺層次比較豐富。最後我地仲嗌左d小食，呢度加小食2x不等，又係即叫即炸，廚師炸工一流，所有炸物香脆可口，尤其個炸雞真係咬開入邊仲鮮嫩多汁，非常推薦呢度雖然店舖細細，但有心有溫度，店面有禮有

麺屋飛丸 元朗教育路87-99號鴻發大樓地下C號舖用餐環境舒適，服務態度親切開業冇耐 喺T字路口位一過馬路就係 易搵成條街多數係cafe 茶記 泰國菜見到主打雞白湯入去試一試飛丸純雞拉麵with醬油雞白湯 $88慢煮雞胸3片 -雞肉丸1粒 豚角叉燒3件濃濃醬油風味 濃郁而不膩雞白湯 雞骨和雞肉熬製而成的高湯 提取雞肉風味和營養彈牙麵感 加入海苔、京蔥、 粟米筍 味玉 醃蛋 南蠻炸雞$24這種炸雞吃起來外酥內嫩， 外面有南蠻醬配著微微的酸甜風味 迷你蟹籽沙律$36見到餐牌今日推介 話係迷你尼到有驚喜 抵食！可能係我食過最多蟹籽嘅蟹籽沙律 勁多 紅色仲多過綠色

今日約咗朋友放工之前喺元朗食吓嘢，經過教育路見到呢間隱世拉麵小店，所以就入咗嚟試啦雖然呢間拉麵店舖位唔大，但係坐落都唔覺得窄既一入到去店員就好有心機向我哋推薦試佢哋嘅雞白湯。我哋於是嗌咗個塭味雞白湯飛丸達成拉麵同埋一個醬油雞白湯飛丸拉麵其實兩碗拉麵未上台，我哋已經聞到香味，店員仲好細心提醒我哋要小心隻碗好熱，因為佢哋上拉麵之前係會淥一淥隻碗，我哋首先試咗個塭味雞白湯，真係有好濃郁嘅雞尾，而醬油雞白湯就多咗份將留香，但係如果真係想試佢哋嘅雞白湯嘅話我會推薦試塭味，因為味道會相對清少少店員有提及到佢哋嘅雞片同雞肉丸等等都係自家製，我最鍾意食佢個街片，因為佢哋應該有燒一宵塊雞片，燒香左之後更加突出雞味道👍🏻另外好欣賞佢哋有得揀個物質，因為我鍾意食比較硬身嘅面，佢哋都做得到😙😙😙我哋另外叫咗個Mini蟹籽沙律，但係都真係一啲都唔mini，好似就嚟山泥傾瀉咁,佛心既廚房俾咗大量孩子，再加上蟹柳絲同青瓜絲，入口清新，中和左食拉麵既膩👍🏻另外仲有免治雞肉串，好抵食呀咁大條，醬汁太濃郁，反而可以突顯雞肉本身嘅味道仲有呢個甜辣炸雞，我朋友就覺得泰勒食唔到，但係對我嚟講就唔太耐，所以辣度呢一樣嘢真係因人而

新店就過嚟試吓，叫左碗鹽味同醬油豚角拉麵，本人覺得醬油野味好多，豚角有三塊，燒得好香，仲有糖心蛋，$88黎講算抵食，新張期仲有折，另外叫左個純胸肉雖然係雞胸但都好滑，此店可以再來

元朗新開張嘅拉麵鋪，主打鷄湯，今次我試左味噌慢煮雞胸雞湯拉麵，湯底高質、濃郁又唔咸👍👍，其實個湯底及慢煮雞胸味道好似中上環出名雞湯拉麵鋪（脆牛旁嗰間），中環湯底似加左奶（味道係滑奶湯但冇乜鷄味，去中環食拉麵我會幫襯周月），但呢間湯底遠勝過中環嗰間，濃郁又滑又有雞味（若再濃d鷄味仲好😍），飲完唔口渴👍。另外麵質煙靭掛湯，慢煮鷄胸滑，鷄丸加左雞軟骨，口感特別總括：高質素拉麵小店👍，希望之後日子都可以繼續保持質素，價錢好合理。下次會試腩肉同鹽味雞湯