黑鉄屋 (已結業)

聽聞黑鉄屋是澳門著名雲吞麵黃枝記第二代繼承者與日本星夥物產的創作，店舖面積較大。那個前菜醃製酸瓜小吃味道非常清新開胃，不錯。那晚除了拉麵外，我們還點了串燒。金兵衛的主要材料有流心蛋、兩片日式叉燒、黑木耳和菠菜，還有一塊同樣印有黑鉄屋字樣的紫菜。流心蛋的蛋味和流心度都算理想。不過最好的還是叉燒，這兒的叉燒經炙燒過，吃來帶點焦香，叉燒用料也好，瘦中帶點兒肥脂，味道香濃，吃來口感頗佳。拉麵還加了店家自製的辣肉醬，這辣肉醬的辣度沒有我想像中那麼辣，經與拉麵湯底撈勻之後，那少許的辣味把湯的味道變得豐富，但個人還是更喜歡沒有辣肉醬的「銅兵衛」。串燒烤得剛剛好，調味的咸度適中，肉類頗juicy不會烤至太乾身，誠意之作。

晚上約了友人係灣仔食飯，見好耐冇食過拉麵，又經過呢到，於是幫襯了。 是小小的店子，以黑白為主，白色牆身上介紹拉麵的流傳小史，感覺似字畫，假日的晚上唔太多人。 4款拉麵選擇。 銅兵衛，$88，醬油豚骨湯，有兩片叉燒、黑木耳、香蔥、流心蛋及紫菜。 紫菜上印有店子的名字，變得搶眼。 醬油豚骨湯底，味道都十分濃郁，但有點漏， 有兩片厚切叉燒，帶有少許肥膏，香口好味，肉質鬆化夠腍，不俗，拉麵尚算爽彈。 流心蛋，蛋白軟滑，半熟的蛋黃，幾好味呀。 叉燒同流心蛋比較出色，湯底及拉麵普通，價格尚算合理。 灣仔大王東街3-5號地下B舖

今日去開灣仔見客，上openrice見到呢間都多食評，就入去試下～入到去，可能係因為我3點幾入去，所以無咩客～坐低左就見到張拉麵紙，我揀左醬油湯底既黑兵衛食，有d餓，加埋6隻餃子～等左10分鐘個麵就到了，佢地係用幼拉麵，有d木耳絲，可能因為我叫醬油湯，個湯有d偏咸，不過都接受到既～流心蛋好好味餃子都唔差，無咩特別我認為比較出事既係塊叉燒...唔知係咪我怕食好多肥膏既豬肉，佢地個叉燒係有d似梅菜扣肉個種豬肉，個人比較喜歡薄切，可能鐘意食肥豬肉既人會鐘意～總結ok，但未去到想再黎食咁好食

Lunchtime係灣仔真係幾難搵食~難得搵到間岩岩好有幾個位=)友人話食過幾好食~即刻沖入去!點左個金兵衛~四款唯一既辣味=)其實加十蚊就已經有多個小沙律同汽水~我覺得幾抵~可惜我兩樣都唔中意~拉麵最緊要對我黎講緊係個湯底！可能係希望越大失望越大.. 湯底個樣明明幾濃郁~可惜食落冇乜味~唔好話係肉湯既味~連味精味都冇==”真係得少少少少辣味==”面質ok~軟硬度適中既! 但個叉燒就真係’特色’ 得制==”咬落去全舊都係肥膏==’ 連我咁中意食肥膏既人都覺得頂唔順==”拿~我絕對唔係一個中意食瘦叉既人黎==”糖心蛋就ok既~真係整得岩岩好~~唔會太熟or冇味~係幾大碗既~絕對食得飽~但我覺得呢個價錢咁既質素~~可能係我唔識欣賞掛~我就唔會再黎lu==”

Lunch 來食，點了個金兵衛。首先餐牌有點亂，不知加汽水，沙律洗唔洗加錢，原來唔洗，係一set。令友人同價錢下冇野做冇沙律（埋單時先知）。拉麵點了普通硬度，個人覺得剛剛好，湯底冇特別，普通豬骨湯，叉燒有3塊，好肥！食左一啖全肥膏，吐都吐唔切，湯濃度又冇得揀！仲要收人差唔多一百蚊！

叫左個金兵衛另外仲加多兩片叉燒，朋友叫左個銅兵衛，分別係金兵衛多左個辣肉醬。大家食完都覺得湯底唔夠濃，太淡，完全唔掂，食完無個種骨膠原黏住口邊既感覺，只怪湯太稀。拉麵一般，叉燒尚可。

今天走到灣仔街頭，一心看看Hoegaarden在利東衛的Event，可惜失望而回。走到累了，便看到一間拉麵店，不想太多便入內就座，只因附近沒有甚麼合心意的選擇。一坐下來，便會看到一張點菜紙。拉麵標價多是$88，有五款拉麵選擇。亦可選擇麵的軟硬度及要不要蔥，亦都可以追加替玉、叉燒及半熟蛋等等。赤兵衛（雞骨湯、北海道產有機栽培大豆味噌、叉燒二片、菠菜、粟米、香蔥、流心蛋、紫菜）雞骨湯味道不太濃，有輕微的味噌味慢慢滲透味蕾，但我覺得味道可以濃一點。菠菜的份量很多啊，而且很新鮮同鮮嫩，想不到吃拉麵也有足夠的菜，令人感覺健康一點。這兩片叉燒厚簿勻稱，一層脂肪一層瘦肉，入口不太油膩，非常入味。一整隻半熟蛋真的很好，做到溏心的質素。沒有失準的問題出現。拉麵我選了正常，但入口時覺得偏軟，不是真正的正常硬度。這方面可以縮短烹調時間令麵條有更好口感。灣仔的拉麵店不太多，但這間店並沒有令我回頭的機會，畢竟這裡的拉麵不是我杯茶。

每位食客既檯面上都有order紙, 我地想食咩,有咩需求,就自己click低哂再交比店員~ 咁一定唔會錯單啦!呢間拉麵店既拉麵軟硬程度分為硬/適中/林三種, 食客可以因應自己既個人喜好自行選擇麵質既軟硬度.另外, 食客亦可選擇要唔要香蔥~保證可以為每位食客既不同喜好製作一碗非常好吃而貼心既拉麵去滿足各位食欲~------------------------------【金兵衛】HK$88呢個拉麵係豬骨湯底, 上面有辣肉醬,兩片叉燒, 黑木耳, 流心蛋同埋紫菜...食之前要將辣肉醬搞拌, 令整個湯底既味道均勻. 搞拌後因為中和左豬骨湯, 所以湯底唔算太辣, 叉燒雖然帶點肥油, 但絕不肥膩, 而且仲好林好有甜味!只係用筷子夾開, 叉燒已經可以輕易撕開.流心蛋煮得非常好!!咬開見到蛋王真係流心, 溫度掌握得唔錯, 成隻蛋都好滑,好好味!! 配埋黑木耳同香蔥, 食落有口感之餘, 味道更加香口!!【黑兵衛】HK$88呢款拉麵係豉油湯底, 而食材同上面個款拉麵差不多一樣, 只係辣肉醬換成木魚花, 香濃既豉油湯底蓋左木魚花味道, 呢款岩哂唔食得辣既朋友~【蒜蓉燒汁牛小排】HK$48牛排煮得好入味,

先排被人問點解去日本可以成日食拉麵，但係香港又唔食？其實我都唔知點解，係香港總係冇動力去食，尤其夏天。呢次因為要夜晚去灣仔睇show，又唔想食咁飽，諗起灣仔開左好幾間拉麵店都未試過，所以上網search下，見到黑鉄屋的叉燒賣相非常誘人，就決定試試。佢基本上有兩種湯底：豚骨、雞骨，再加上醬油調味。我地叫的金兵衛、銅兵衛（各$88）都屬於豚骨口味，分別在於金兵衛加左辣肉醬。豚骨湯底唔係走濃厚路線，飲落自然舒服得多，不過差在唔夠熱，溫溫吞吞咁，要扣分。每碗有兩片厚薄適中叉燒，經輕輕烤過的叉燒色澤誘人，香氣十足，豬皮位置略帶煙韌，瘦肉部分亦好腍，非常好食。麵條用上幼直款式，類似一蘭，掛湯能力一般，但勝在爽滑。溏心蛋唔駛加錢已經食到，算難得，流心程度亦佳。金兵衛雖然加左辣肉醬，但辣度只屬一般，喜歡濃味者不妨一試。呢度除左各款麵食，仲有串燒、餃子、蒲燒鰻魚、烤魚等小吃供應，啱晒心多多的香港人，我嘛，還是比較喜歡專心一致的店，就好似日本嘅咁。值得去指數：

日本冇米線，但就通街都係拉麵，一過江，喺香港就變咗貴價三哥。今次介紹返呢碗隱兵衛，特別在於佢竟然有食三哥十小辣嘅揀覺，湯底係醬油雞湯，有少少菠菜同碎豬肉做餸，最驚喜嘅係佢隻流心蛋，真係成隻蛋汁流出嚟，對於鍾情食蛋嘅波波嚟講，即刻令成碗拉麵加晒分！價錢：$88CP值：

又去食拉麵店 原來拉麵真係會越食越上癮😳✨赤兵衛 ($88)✨🐔🍜用雞骨湯混合而成的湯底 清而不油 不含黏感😳👉🏻好似一蘭幼麵 質感薄身 喜歡煙韌點上硬麵🍜可惜依然比較淋 但拉麵因為比較幼 掛湯力高！👉🏻湯底味道比較稀薄 如果能加強黏稠感更好🤘🏻👉糖心蛋蛋黃 蛋白質感能做得晶瑩剔透🐣保持透亮 不過滷水味道太淡 拌拉麵湯先夠濃👉🏻叉燒火灸過🔥 用上五花腩 一碗兩片剛剛好肥瘦層次分明 入口未算十分腍 瘦位比較難嚼～

隱兵衛 $88.第一次食拉麵會食到我飽😱原本想叫豬骨湯但友人叫了咁我就食醬油雞骨啦❗️其實我本身覺得係伏黎不過我覺得醬油湯底黎講算唔差 係冇乜雞味者😕.配料十分多 驚喜既係唔洗加$都有紫菜同糖芯蛋 所以我覺得幾飽下😛半熟蛋流心度不錯 幾入味下 建議盡快食去享受流心一刻 不過哩碗得碎左既叉燒 仲要係肥膏位黎😱注重養生既我表示..._.此外唔食得辣既朋友記住走辣油 食食下我覺得都頗辣下 不過我喜愛辣油覺得ok既 麵就係幼麵 咬落算麵口 不過如果可以幼d更好 但係我唔識d麵點先為之掛湯 .overall 雖然唔算太有驚喜 但食過既拉麵之中都算中上 我覺得幾抵食 服務仲好好 係咁添水

心思思想食拉麵，一於拉埋男朋友陪我試！拉麵分成雞湯及豚骨湯，我哋分別試咗黑兵衛（雞湯）及銅兵衛（豚骨湯），各$88！拉麵可以揀硬度及要唔要蔥，我嘅銅兵衛湯底好濃郁，可以話有少許過份濃味，有少少膩...但叉燒好厚好淋，係好味嘅。再加上原隻溏心蛋，都唔錯！ 至於雞湯底嘅黑兵衛，就清啲，加上木魚乾，但男朋友就唔多鍾意嚕！

利東街位於香港灣仔區，俗稱喜帖街，是香港一條已消失的街道。利東街昔日是香港的著名印刷品製作及門市集中地，尤其以印刷喜帖著名。由於市區重建計劃，街上所有舊樓經已拆卸，印刷店亦已絕跡。取而代之是重建項目囍匯，有住宅，有商場，有綠化林蔭大道，中西合璧、新舊交融發展。隨便逛逛，發環境美化不少。附近廈門街、汕頭街和大王東街亦緊隨其後，多了很多新食肆，迎接新環境。逛完後，在大王東街有間門口黑漆漆的拉面店，叫黑鐵屋。走進看看，店內佈置簡單，黑色枱椅，白色牆身，黑白分明。牆身寫有拉面流傳小史，中國創製，日本發揚等等。枱面祗有點菜單兩張，拉面款式不多，再加少量燒物選擇。拉面都以兵衛命名，主要分雞骨湯底和豚骨湯底。雞骨湯底有「赤兵衛」、「隱兵衛」和「黑兵衛」，而豚骨湯底有「炎兵衛」、「金兵衛」和「銅兵衛」。由於選擇不多，就叫了「金兵衛」拉面($88)和鹽燒牛舌 ($40)。「金兵衛」拉面材料有叉燒、溏心蛋、紫菜、芝麻、香蔥和粟米等。叉燒肉厚多汁，紫菜入口爽脆，拉面軟滑兼有彈性，再加上香濃豚骨湯底和栗米粒，和絕對流心的溏心蛋，十分好味。鹽燒牛舌燒得微焦，肉質鮮嫩，可惜賣相乏味，如能加點特製醬汁和菜蔬伴碟，效

過海見完客1條友無約人就貢咗入小巷嘅拉麵店，原來人氣都幾高店內設計幾特別拉麵未到就食住枱上嘅前菜先酸酸嘅瓜同海帶好開胃，不過就愈食愈肚餓另一個前菜，辣辣地嘅芽菜，超好食我叫嘅金兵衛到喇濃湯加上辛辣味增，吸引吸引燒到微燶嘅叉燒又叫人點拒絕呢不過麵質比平時食到嘅硬，而我係叫普通嘅，可能下次大家都要調整一下麵質part額外加嘅菠菜，為等菜嘅拉麵平衡一下，單食同加落拉麵到一樣好食粟米甜甜地但我竟然忘記咗平身都有木耳絲，又再加單，一個人嘅晚餐好難預食物流心蛋非常好食，最鐘意有小小黏口嘅感覺湯底混和咗辛辣味增之後有啲似味增湯底對自己好啲，叫咗個汁燒帆立貝，帆立貝嘅肉仲好滑，又大隻，汁又唔過咸，惹味本身都想停手，但見到隔離枱食得噤開心，又叫多咗個明太子燒雞翼無骨雞翼太適合我呢啲懶人，一囗咬落去就得係翼位釀入明太子同配料，真係多多都食得落呀1個人嘅晚上都可以食到噤多嘢都好佩服自己，今晚過後亦令我開始更留意灣仔嘅小巷