龍城冰室

營業中

休息中

晨早流流返工無精神慣例要食返個早餐先開工作為地道香港人當然要整返碗沙嗲牛肉麵先係Good Morning啦龍城都開咗好幾年呢個早餐B食咗好多次逐樣講下啦沙嗲牛肉麵: 早餐主角，牛肉夠味，麵底唔太淋，9/10炒滑蛋: 滑到溜油，其他茶餐廳早餐炒蛋絕對好少可食到咁既水準 8/10芝士火腿牛角包: 呢個包絕對係龍城一大特色啊，芝士夾火腿本身已經夠吸引，再夾落塊牛角包裡面，無得彈 9/10此外，龍城啲店員做野都幾爽手舉手唔洗一陣已經有人招呼落單到有野食個過程都好快，唔洗等太長時間唯一有樣野要提各位啊坐得入係收唔到手機訊號想用手機就坐近少少門口啦!

德福野食太貴，所以過對面馬路食茶記下午茶～呢間冰室地方幾大，坐都幾闊落，冷氣夠，環境乾淨，印象唔錯！兩個女仔但食3個茶餐🤣第一個係黑松露醬薯皇，比起一般薯條有誠意好多！口感似mcdonald薯皇，炸得香脆熱辣辣，分量又多，建議兩個人分享！佢黑松露醬比得好多，唔怕食到最後無醬！黑松露醬夠香，略咸左少少，幾軟滑，錯誤示範左唔應該倒落薯條撈，應該點來食，因為一倒左發覺比較難撈勻～ 呢個價錢來講性價比高！第二個係瑞士汁雞脾配沙律，都可以選配薯皇，不過我地叫左黑松露薯皇就叫沙律啦～ 沙律味道唔錯，分量都多，瑞士汁雞翼就正啦！瑞士汁甜甜咸咸唔死甜，雞脾大隻多肉，煮到好軟，一切即開，鐘意呢個口感！最後係焗芝士腸仔肉醬意粉，30幾蚊有野飲的焗意好抵啊，芝士係面焗到好香，肉醬唔太多不過都叫夠拌勻意粉，意粉唔會過諗身，口感彈牙幾好味，酸酸地的肉醬幾開胃！紅豆冰特飲花奶味好重，個人鐘意無咁花奶椰汁味正的紅豆冰多點～ 不過紅豆粒粒分明，分量多，都唔錯！如果有時怕德福貴，只環過馬路都有間好食冰室架！下次都可以encore ^^

雲吞米，油菜配紫菜湯。叫外賣嘅關係雲吞米嚟到嘅時候已經乾晒水，好彩有加到紫菜湯。雲吞味道一般，反而加左紫菜湯比較好味。油菜好淋，但保持到翠綠。原本仲怕唔夠飽點知食埋落肚又ok 播。

今晚喺淘大嗰頭做完嘢，經過見到龍城冰室門面光猛又乾浄，夜晚6點左右已經坐左八成人，一於入去試試先。入到去唔使等就坐低左，餐廳好闊落，坐位又多。全部都係卡位，坐得好舒服，我覺得感覺好似上咗架火車，一個個卡座，頭頂仲有好多吊燈🤣我哋兩個人分別叫咗個晚餐-蒲燒櫻花豚肉，見唔太餓主菜叫咗薯菜，個餐跟中或西湯連熱飲。兩三分鐘就上咗中湯，1/4碗都係湯渣，足料濃味。等左5分鐘左右就上主菜喇，個豚肉嫩滑又淋身，配埋個日式燒汁味道啱啱好，薯角又熱辣辣，忍唔住清晒😝另外散叫咗個招牌石鍋鮑魚蝦球炒飯，個侍應捧上枱嘅時候熱辣辣、香噴噴，見到已經流口水。啲飯吵到一粒粒、好香口，蝦球又爽又大舊，咬落去好滿足。鮑魚仔都有四五隻，食完個飯都仲係keep住暖，一流。係一間可以再encore嘅冰室。

好耐無食過冰室，經過龍城冰室見到裝潢幾靚同埋都幾多人食就入左去。間店都幾多位坐落都好舒服唔會話好逼。自己真係好耐無食冰室對冰室印象係以為大概應該得扒加少少西式野，但原來佢真係好多款式，西式扒意粉中式小菜麵包等等，選擇困難症既我完全揀唔到食咩。最後兩個人叫左幾樣野食，首先黎左牛仔骨，煮得好香口好入味，一碟大概有8件左右，鍾意牛仔骨既你絕對唔會失望。之後就上左芝士海鮮焗飯，芝士用焗既方法真係完全令人抗拒唔到，熱辣辣芝士再配焗飯完全係絕配，另外一提係海鮮份量亦都唔少，而且仲有唔同種類，蝦兩大隻青口魷魚等等真係勁抵食😍另一味主菜就叫左黑松露意粉，意粉質地比較乾身，應該係用炒既方法煮，同西餐廳食到既感覺唔同，黑松露味都幾香，亦有好多菇係入面。最後到西蘭花炒帶子，西蘭花煮得啱啱好唔會太淋唔會太硬，配埋帶子同雲耳好夾🙆‍♀兩個人食叫左咁多野再加杯野飲飽到要行翻兩三個鐘先消化到。整體黎講餐廳食物款式好多同價錢都好平民,而且野食都好好食, cp值好高，下次一定會再試🤤

九龍灣收工，順便食埋飯先至返屋企。經過燈火通明，位置又方便嘅龍城冰室，食物幾啱胃口，決定今晚喺呢度食飯。食物選擇多樣化，有常餐、港式炒粉麵、大排檔小菜、焗飯、馬來咖哩等等。今晚一於來一個中西合璧嘅晚餐。先飲餐湯，可以揀中湯或者西湯，今晚中湯是粉葛煲豬骨，味道幾清，而且飲完唔口渴。中湯配個西式食品，這是招牌美國西冷牛扒，可以揀蒜蓉汁或者黑椒汁。熱鐵板饌上蒜蓉汁，味道夠香，令到牛扒更加滋味。牛扒肉質軟嫩，大概七成熟，煮得恰到好處。薯菜和餐牌顯示的不太一樣，餐牌參考圖片是焗薯，上碟的是香脆可口薯角；參考圖片是各款顏色蔬菜，是日供應的為白菜，貫徹中西合璧，饒有驚喜。餐飲選擇了凍檸茶，幫熱辣辣的鐵板餐降一降溫。

途經九龍灣，想到淘大逛逛，然後在從地鐵站走到淘大商場的過程中看到了一間散發著懷舊味道的冰室，懷著好奇的心情就進來試一下，門面有個賣新鮮出爐麵包的地方，非常漂亮，而整個店面的裝潢也十分有復古的味道，不錯。叫了一個招牌石鍋鮑魚蝦球炒飯，配一杯凍檸茶少冰，加一個下午茶套餐：招牌脆炸雞髀伴薯皇，配一杯雜果賓治，再加一個酥皮蛋撻，一共$127，價錢是挺不錯的。再說一下食物。炸雞髀伴薯皇，雞髀的皮炸得很脆，雞肉也不太韌，算是挺好的，薯皇也挺好吃的，脆脆的，但吃下去不會太熱氣，整體是不錯的。招牌石鍋鮑魚蝦球炒飯，石鍋飯很有鑊氣，也有一些飯焦脆脆的挺不錯，蝦仁挺大顆的，也挺新鮮彈牙，鮑魚也有，算是有料的石鍋飯。酥皮蛋撻，$5，不過不失，酥皮略嫌有點厚，但這個蛋撻倒是難得的不會太甜，對於不喜歡吃甜的人來說是個好選擇。然後兩杯飲料也是挺不錯的。

好耐之前，個陣仲係觀塘返工，同事帶我食過一次龍城。佢既裝修好古典，員工好快手都好親切🥰 野食又平又靚，岩晒繁忙既上班一族去一齊食個快餐，食完又充滿能量咁返返公司搏殺💪🏻💪🏻💪🏻

今日嚟到德福商場附近行街，晚餐嘅時候嚟到呢間龍城冰室。呢間冰室首先吸引我哋嘅喺門口賣嘅包及撻，已經差唔多夜晚六點都有好多人幫襯。入到去之後，估唔到依間茶餐廳係好長好深，比我想像中嘅大三倍!茶餐廳亦都係刻意用咗懷舊感嘅裝修，都幾特別。佢走廊位好寬闊，可以俾員工用手推車（好似茶樓咁）送食物。餐牌嘅選擇好多樣化，我哋結果點咗兩個主食，同埋一啲小食。阿華田茶餐廳嘅阿華田唔使落糖都好飲，其實係咪落咗煉奶？係屋企沖嘅同茶餐廳嘅會唔同味。水餃麵麵嘅份量好多，水餃足料。餡料包括一啲菇、菜、豬肉、蝦等。牛腩汁菜心菜心幾爽甜焗咖喱薯仔豬扒飯焗飯好好味！佢啲咖喱汁好香濃，配合埋軟綿綿嘅薯仔好啱撈炒飯食。豬扒好林，同咖喱汁一齊食好夾。酥皮蛋撻新鮮嘅蛋撻，酥皮底鬆化而不油膩，蛋味道剛剛好唔會太甜菠蘿油菠蘿包暖暖地，牛油就keep住冰凍，入口就好有罪惡感，haha. 之後行返多啲路補救返啦食到好飽好滿足🐖🐖

九龍灣周圍都係貴價野，但今次就俾我揾到又平又正既平民餐廳，高度推介！出左地鐵站，行兩分鐘度就到一坐低就見到包點既餐牌，而家啲冰室真係買少見少芝士流心西多士 $22估唔到呢個配搭非常夾！一開頭見到又芝士又西多應該食到好濟，點知食落有西多既香，加芝士既滿足感，好新𩓙！韓式炸雞 $38出面層皮脆就不在話下，入邊啲肉又熱又嫩，絕對係高水平既發揮。炸雞通街都有得食，但呢個炸雞對比起大型連鎖店係有過之而無不及咖哩吉列魚柳飯$51吉列魚柳有2塊，每塊都手掌咁大，加埋煮得少少軟既薯仔，呢碟咖哩實在無挑剔既地方。魚柳上碟既時候重係熱辣辣，即叫即炸好新鮮招牌雲吞河$35每粒雲吞都係包裝冰鮮雲吞既兩倍，大大粒，食完都夠哂飽，再落埋多蔥，成碗都好滿足重保留真正香港風味既冰室真係唔多，加上價錢實惠，高水準更加寥寥可數，呢間真係要俾個like！

We came here for our afternoon tea. The booth we were sat at was a bit cramped. We had the fried chicken leg and bolognese set meal. All the meals came with one free hot drink and you could get a cold drink for 3 more bucks. As it was afternoon tea time, the prices mostly ranged from 40-60 dollars. The bolognese was splendid! Typical cha chaan teng Hong Kong style bolognese. Could use more cheese though. For the chicken leg, it was crispy but a little bit dry. overall still good. For the price,

黎到九龍灣附近行街，想食茶記，之前係銅鑼灣食過龍城印象幾好就決定又食，餐廳地點都算方便，係淘大商場附近，近馬路口，呢間分店環境明顯大好多光猛好多，menu仲有埋宵夜同埋中式粉麵好似牛腩河咁，選擇又多左，朋友叫左吉列咖喱焗意粉，配上表面有層芝士，香氣十足，一放上枱就好吸引，3件魚柳大大件，咖哩汁香濃，甜辣平均，醬汁稠度剛好，紅豆冰依然出色，推介多奶少冰！我自己就試左鰻魚炒飯，大大碟，鰻魚汁好足夠，每粒米都有醬汁，唔會太甜或太淡，炒飯配料仲有椰菜同洋蔥，令到炒飯香氣更濃，此外，我今次都試左杯新嘢飲，叫做青蘋果飄香，外表唔錯，明顯係夏日特飲，主要係甜味，篤爛塊檸檬好食啲因為可以調小小酸味出黎，總括而言，仍然係出色係香港冰室👍

放工游完水，過番黎牛頭角食晚餐。我頓時諗起龍城冰室，所以決定去果度食個晚飯先返歸。龍城冰室個門牌已經相當具霸氣，夠哂光猛，遠一遠都已經見到佢個大門口。我嗌咗佢嘅招牌常 - 沙嗲牛肉公仔麵、炒蛋、豬仔包配凍檸茶。果然份量十分足，啱哂剛剛游完水嘅我。好多牛肉、塊塊牛肉嘅size都大大塊、沙嗲汁超香超，而且令牛肉入味不得只仲可以做湯底好多茶餐廳都喜歡用多士配炒蛋，龍城用豬仔代替，別有一番風味，而且蛋份量十足，可以夾埋做burger。最後我仲嘆埋杯凍檸茶

又黎九龍灣搵晚餐食，但又唔太肚餓，唔想去幫襯德褔淘大，就過黎沿德寶方向睇下，因為間中都會係呢度買早餐，佢地門口好多面包賣架，而且都幾好食，但晚餐就真係一次都未食過就走入黎試下先。平時經過以為呢度好細，入到黎原來都幾大，而且成個舖好深，都幾多二人四人或者再多人嘅都方便搵位。餐牌方面就好多選擇，飯餐不少得，仲有鐵板小炒小食，基本上茶餐廳有出現嘅野呢度都叫得度，價錢算平。 特登唔叫餐叫咗三樣野食。 鐵板豬扒炒公仔面份量好足夠，唔似有啲舖頭咁好慳皮咩配料都唔落，有芽菜絲椰菜豐富口感，豬扒都幾多，而且唔乾身。另外枱面有潮州辣椒醬，加埋落去係神來之筆，1+1=3 嘅感覺，香辣嘅味道加落炒公仔面係好夾。蒜蓉炒雜菜有唔同嘅菜同菇菌，菜菇都幾新鮮唔會老，唔會見到爛，炒得唔咸，唔錯多選擇街坊晚餐炸雞原本見佢$38 以為得三幾粒，上到枱原來都有成八粒，用雞髀肉黎整，份量都好足，話雖韓式，但炸出黎比較似港式味道，而且比較乾身有趙頭，佢地嘅炸雞醬都唔係用純韓國辣醬，似加咗少少海鮮醬，滿滿嘅香港味道。另外值得一提嘅係員工都好好笑容好主動，而且主動攞碗俾我地分餸食，走果陣原來全場爆滿要等位添，似乎街坊都幾鍾意黎呢度

朋友住係九龍灣附近，問佢附近有咩好食，佢鐘意平時食茶記冰室，所以帶左我去龍城冰室試下本餐牌都幾厚，見到好多野可以揀，有常餐、意粉、扒餐、焗飯，有時太多選擇都幾頭痛下，諗左成半個鐘終於揀定要咩見到有牛脷意粉幾得意，平時唔係間間冰室有得食，所以決定叫黎試試，牛脷算整得幾好，幾有咬口，不過意粉就有少少諗，如果再硬身小小應該會更好食，不過要整好食既意粉唔好易，呢碟已經係合格以上啦已經好耐冇食過焗飯了，雖然好邪惡，不過真係好好食，見到有好多芝士焗飯好吸引，不過擔心食到最後會太膩，我地叫既係最傳統既蕃茄焗豬扒飯比起一般大快活大家樂個d 明顯更有水準，值得一試野飲方面叫左一杯紅豆冰，一杯鴛鴦，叫左少甜少冰，完全做到我地要求又唔會太甜，值得一贊