龍記飲食有限公司 (已結業)

我都是Chez Lung 的常客，看了之前那個食客的"評語"後，想為Chez Lung 講幾句公道說話。首先Openrice.com 是一個給大家分享飲食經驗的平臺，之前那食客在此對別的會員BILLY 肆意攻擊是要不得的行為，自已不喜歡這間食肆，就針對給予好評的其他會員，難道看不到很多其他會員也曾留下好評嗎？服務︰在下經常在這裏吃飯，老闆和老闆娘有空時常會跟食客們閑談，绝對不像前文(看文筆像是同一"人"的作品) 所述的模樣；事實上我相信没有人這麼幼稚會假設用二、三十元午膳就可享用法國大餐啩！我也在此吃過軟綿綿的朱古刀蛋糕，友善的老闆娘都曾多次加上一球Dreyers 雪糕或自家手製的雪糕，可能那位所謂熟客態度嚣張，講嘢無禮貌得罪了老闆娘吧！食物質素︰平時Chez Lung 都是提供牛、鷄、魚等午餐，平時我最愛吃這裹的紅酒牛腩飯，但我和朋友之前在此吃午飯，也曽致電老闆特别訂製一些平時没有提供的飯款，例如芝士焗豬扒飯或意粉，白汁燒鷄飯、海鮮炒飯和各式甜品等等。各位食家記住要識同厨師溝通一下先有特別口既好嘢食！重有識得遵重別的人！別人就會送件雪糕俾你! :-P

要食得開心, 除左食物質素外, 服務態度同樣重要. 記得當日去, 頭盤係一個凍海鮮, 有蝦同蟹, 落手食, 如果醒目的, 應該晨早送上毛巾. 但沒有. 我們開口要求毛巾, 老板娘完全無反應, 還以為佢聽唔到. 三分鐘後, 佢拿來幾碗用來洗手的水, 洗完手還是要抺手吧, 我們再開口要求, 五分鐘後我們終於如願以償. 一個簡單的要求, 需要八分鐘時間, 而且老板娘全程黑起塊面粒聲唔出, 如果不想serve毛巾就直說吧, 不需讓客人受氣.說回食物質素, 看見食家Billy讚到天上有地下無的好食, 親身食過後真的失望. 不是說很差...但離好好食要俾五粒星真是有一段距離. 令我留下深刻印象的只有一個炒雜菇, 那個蒜蓉汁用來點麵包真的好吃. 酥皮焗帶子還算可以, 鵝肝煎得ok, 不過醬汁來得有點怪. Main course點了牛扒, 講真有點un, 女士們已飽, 覺得不值得把它吃完, 因為唔係太好食嘛!甜品有供應的三樣全叫了, 包括朱古力蛋糕, strawberry mousse同檸檬蛋糕, 看其他食評寫可媲美莎莉蛋糕? 差得太遠吧, 勉強朱古力蛋糕還可以, 另外兩個真的太一般吧, 再次令我失望

我並唔係想所有人都唔去呢道食，只係想將本人的不快經歷與大家分享：前幾天晚上，我友人ＢＯＯＫ了Chef Lung 食法國私房菜，到步後，友人將車駛到一間有一個花園既村屋門口，此時，一個中年女子步出，指著門口旁說：「泊呢道啦！」由於我和太太及兩歲女兒先行落車，所以清楚看見佢，佢木口木面，完全欠缺笑容地說：「泊呢道啦！」我心諗「乜咁無禮貌既，見到客人又唔打招呼，又唔笑，我一家人企係到當我地透明！由於很多花草，我一家人唯有先行入內。可是我友人倒車時不小心撞到一個石牆（屬於公眾的，亦沒有損毀）該中年女子，面色即轉，黑著臉地告訴一個男人（後來得知是大廚），入到花園內，有一張長餐檯，已放了四份餐碟，我即刻心諗：「可能友人無問清楚是戶外的，因為當天的天氣都幾熱及四圍有很多花草，雖然我女兒貼了防蚊貼，但仍怕會被蚊咬。一會後，該中年女子指著該餐檯說：「坐呢度啦！」我太太即有禮地問她：「可唔可以坐入面（指著村屋內），小朋友驚有蚊咬！」點知中年女子答道：「入面呀！熱0的啦！」我心諗：「唔係呀，做食肆都無冷氣，態度重要咁串！我用＄２５０蚊一位既價錢0黎一間村屋食0野，你既態度居然咁差，本人礙於今日是友人生日，不

兩大一細去食午餐, 叫咗魚&豬飯, 啲魚炸得唔會好乾, 重有肉汁, 豬扒夠"淋", 個白汁好特別, 有芝士同粟米, 好味! 重有甜品朱古力蛋糕, 係暖的, 加咗花奶, 估唔到蛋糕可以這樣食, 好得意又好味, 我同個仔好都鐘意食. 單飯$23, 甜品$20, 最抵的係加$4有凍O七(罐裝七喜). 又好味又抵! 正!

從網上睇完"Chef Lung"的超高評價後, 我和朋友在6月3日星期六中午去了品嘗一下.由於有睇以前的食評, 都知道中午只有碟頭飯提供. 當天老板娘說只有魚,牛,豬.我點了牛, 而我的朋友則點了魚. 我一直不知道那是咖喱牛腩,我以為那是蘿白番茄牛腩,還跟朋友說那番茄汁不錯,幾鮮味.而朋友的香草魚跟超市買的差不多,不是特別好食,而茨汁也沒有牛腩的好.飯後,叫了朱古力蛋糕和士多啤梨mousse,朱古力蛋糕並沒有莎莉蛋糕般好食,蛋糕上面的果仁還有一點"益",而士多啤梨mousse亦一般.總括來說, 如果你去開個頭,可以順道一試,午餐味道比一般茶餐廳好. 如果要山長水遠去試, 就不必了.甜品可以不試,省回一點錢.晚巿私房菜今晚會去試,食完話俾你地知好唔好食.

睇完那麼多對"Chef Lung"法國私房菜評價十分高的評語後, 決定約埋三五知己一起去品嚐, 因為大家都很喜歡吃....上星期六中午天氣仍然不好, 早上剛下過雨, 雖然要從九龍老遠坐火車再乘的士到"Chef Lung", 但卻不減我們這班"為食鬼"的興緻, 因為有好東西吃, 付出少少是值得的.......下了的士找了數分鐘便找到"Chef Lung", 尚算方便, 進去後因為外面的坐位已滿, 大枱已給訂了, 其餘2張小枱已有客, 所以老板招呼入屋內坐, 屋內沒有開冷氣, 可能是下過雨的關係吧, 再加上屋內廚房傳來的餸菜味, 突然從胃內湧出一種想吐的感覺, 於是連忙跑到外面去, 幸好有枱客人很好心, 埋單讓枱給我們, 否則不能嘗試傳說中的人間美食了....因為有佳餚的關係, 怎可以沒美酒呢!! 所以我們帶了酒去, 我們在訂位時, 老板在電話中跟我們說午餐不收開瓶費, 晚餐才收, 但當天卻跟我們說要收50元開瓶費, 我們說這樣出爾反爾好像不太好, 他竟說希望我們最好不要開, 給他這麼突然"好"的服務態度, 當場嚇呆了.....不是那50元的問題, 而是明明說不收在先,怎可以現在要收呢..

為一件小事慶祝, 所以諗住食返餐特別少少的。見之前食評話開始唔做晚巿, 所以預早打黎查詢, 好彩當日(18/2)有十幾人訂左, 所以我地都有得食。(但及後向老闆娘求證, 原來佢地唔係唔做晚巿架, 有興趣人士可放心打去訂~~)因為0個日有十幾人訂左, 所以我地被迫坐室外, 本來坐室外氣氛同環境都可以0既, 但因當日落雨同天氣轉冷, 所以好鬼凍, 我都仲頂得住, 但男朋友就要著晒褸喇。其實到我地坐低, 都仲未知當晚有乜食, 剩係知有鵝肝(因為訂時有問要唔要鵝肝, 而我地係要0既)。一坐低, 就上左個青瓜慕思，好香青瓜味, 又有少少蟹籽，幾好味。之後就黎左個蝦+螺冷盤, 份量都唔少, 用黎醮沙律醬食, 都幾特別。再上左法國麵包俾我地醮頭先d沙律醬, 雖然d麵包係買返黎0既, 但由於太凍關係, 而d沙律醬都幾好味, 咁都食左兩籃子麵包。(唔應該食咁多麵包, 搞到一陣鬼咁飽)第三道就係酥皮鵝肝, 底面各一塊酥皮, 鵝肝放係中間。鵝肝煎得好香口, 酥皮亦好脆, 但因為鵝肝好油, 所以底0個塊酥皮索晒油, 淋晒。第四道係我全晚覺得最好味的，就係酥皮焗帶子(見圖), 酥皮以下係白汁帶子, 有四隻帶子咁

為了讓老婆驚喜，係網上係咁搵情人節餐，想搵d氣氛好又唔想人迫迫，終於搵到chez lung，食法國餐食到去粉嶺，仲要係村屋私房菜，真係要搏!未到之前都膽戰心驚,唔係實比老婆"扭耳仔"當天情人節落毛毛雨，但有好有外國feel的簷蓬，村屋外的花園佈置精美，花滿佈著圍欄，並掛上如星般的細燈，自成一角，由於情人節關係，放了很多花係餐桌旁，令人即時溶入情人節氣氛當中。當晚情人節$380一個，食六道法國菜:第一道,青瓜慕思，淡淡的青瓜容加上蟹籽，清新開胃。第二道，法國騷皮鵝肝，入口即溶，加上騷皮和提子汁，配搭絕佳。第三道，係有三文魚粒蠔粒等的沙拉，令人回味。第四道，係用矮瓜同龍扭，堆成一個倒杯形，很有法國餐feel呀!再上龍蝦湯，濃而不膩，good!第五道,係主菜，有真菌伴雞或鴨胸，我食鴨胸，嘩，一絕對最尾係法國地道甜品，(類似焗蛋白加cream和蕉糖),從未食過，但好好味，後來問龍哥(一手包辨的老細)，這個甜品出面五星的酒店都有，但冇整到咁地道!食了三個幾鐘，一道一道的驚喜，舒適有情調的環境，380一個人的情人法國餐(仲要係私房菜喎)，絕對值得，我會再來的(叫了半樽紅酒的我),但龍哥話佢地只做午

能有更好的法國私房菜嘛?無論在任何方面﹐Chez Lung也是會令人痴狂一吃難忘的﹐二十五元一位連飲品﹐一個很很很很很很好味的茄汁龍利柳飯﹐實在太太太太太好味﹐我忍不住一個人吃了兩份﹐不是因為我不夠飽﹐而是。。。真的實在太好味了!!!粉嶺圍到處都種了花﹐想想坐在夜香花下﹐吃一頓豐盛的法國晚餐﹐會是何等的回味。自然的瓢香﹐加上那種自然的味道﹐真是處處留香﹐令人留戀。半年前的回味﹐蕩漾到現在還久久不散- 這﹐就是一頓完美的法國私房菜。

星期六約了兩個朋友去食，早上9時致電給事頭婆傾，說希望食一些特別的東西，她說星期六最少人，所以款式也少！1時到達，事頭婆去了街，老闆Lung問我魚好不好？他說整蒜蓉魚柳，見他放了番茄，洋蔥，蒜蓉、白酒.....等了一會，其中一朋友太肚餓，叫了個homemade 朱古力蛋糕，她說味道像莎莉蛋糕般正！主菜上，一大盤，大約十塊魚柳，味道好香，食落亦正，D汁更可送飯....之後我也食了個homemade 朱古力蛋糕，而朋友叫了布pie。埋單$133，超值，低食。P.S. 老闆說chez lung means "AT LUNG". 在法國，很多restaurant 也由chez組成。

上次帶了新同事到這裹吃飯，他們感到非常滿意，回味無窮！所以今天又老遠的行到來再吃一餐，我們真的幸運，龍哥剛剛今天試做西班牙海鮮炒飯，仍然是以廿五元一客發售。先講用料有昂貴如黃金的紅花粉、鮮蝦超過六隻、西班牙香腸、蟶子、雞肉及鮮鱿等。龍哥用蟶子取代一般西式炒飯用的蜆，口感更好，經過大厨的專業加工，每一粒黃澄澄的飯粒都鲜明分開不會舔成一團，不會太乾身又不會太濕，據說是跟海南雞飯一般先用雞湯作米水煮熟再炒，相當用功夫及時間，試做已經有如此高品質，相信將來再改良後就更加美味。大家看到這些配料都知是貴價貨，今天竟然可以如此價錢品嚐，實在無法相信，但店主說下次就要先預訂及要收四＋蚊亠客啦！

調職的同事終於開茶餅啦，由我負責發辦，我選了一個阿肯薩斯鹹批、一個鮮桃批和一個朱古力黑森林蛋糕，老板娘ＨｅＩｅｎ親自送到，認真俾面。阿肯薩斯鹹批內有火腿、煙肉等材料再加上蛋醬烘到表面焦黑色，其他的在前文中已述，不再多說，但今次黑梅變為微色的鮮桃批，口味又有點不同。價錢方面，每個二百元，以貨論價也算抵食，總比東X堂的出品健康及好味，試過的同事都讚不絕口。

新同事聽到我們說這裹的食品出眾，今天也一塊兒到這裹試一試，龍哥今天又準備了兩款新飯款，一個是豬肉碎焗釀大蕃茄意粉，另一個是燒豬脾飯。我是一個喜愛多變的人，所以選了個賣相靚及未曾吃過的豬肉碎焗釀大蕃茄意粉，每碟都有兩個漲卜卜、紅彤彤的大蕃茄，內面釀了很多肉碎，頂部焗到微焦的一部份特别香，所有人都吃到照鏡非常滿意，食豬的就只剩下一條非常光滑的長骨。一位女同事更帶備數碼相機拍下食前及食後的景像，日後我都要拍食品照給網友們看看。最可惜的是今天没有甜品吃，令到即將調職的同事感到一點失落，我想他可以臨走前向龍哥柯打一個巨批給我們在寫字樓high tea ，咁咪得囉！廿五元能吃到一碟如此高質的美食還包一杯冷熱飲品，實在無話可說！只有兩個字就是超正!

我的同事吃這裹的甜品，真是吃出癮來，今天龍哥泡製了一個朱古力黑森林蛋糕，大家都一致同意從未吃過如此鬆軟可口的蛋糕，入就像一件海綿內夾雜幾夥果仁在內面，味道不會像一般在自助餐中提供的那甜，正合老子胃！講了這多甜品，忘了講今天的新飯款，龍哥今天用了兩個新口味的汁來做飯，一個是香蒜牛油雞飯，另一個是鲜蝦汁龍柳飯，與熊掌真是難以選擇，最後我見鄰的雞看來很好，終於要了香蒜牛油汁雞飯，但我也試下同事那碟飯的蝦汁，這汁有極香濃的蝦味，就像是不鹹的西式蝦醬，兩種汁對我來说都很有新鮮感很好味，聽说汁是西餐的靈魂，果然不錯！龍哥繼續努力為我們帶來更多美食吧！我們都會支持你的！

同事上次吃過了蘋果批後，回味無窮，今天又想再試，但今天大預備了另外一款脆批-阿肯薩斯鮮梅脆批，友善的龍哥給了份量很重的批，批底比較香口脆身，批餡是烘焦了的蛋白加磄，龍哥介绍說這就叫"阿肯薩斯"批，是地中海式煮法，批面有幾個超個三公分大深紫色的梅子(Plum)，梅子都十分juicy，這道甜品當飯後果吃也很好，照例加上一球雪糕消暑，老闆娘說是Haagen Daz，認真超值。同事想起日後可以預訂一個大批(大約$250一個大批)，在寫字樓high tea 時享用，我想這比較吃東海堂那些淋滿糖膠和忌的果tac 健康美味吧。