Applegreen (已結業)

壽星仔想吃西餐，又見這裡食評也算不錯，所以決定一試。我們一行4人，點了很多東西：Appetizer - Potato Boats, Buffalo Wings 兩款也不錯。Salad - 忘記了名字，有燒蝦、帶子，這個salad dressing 很好吃，這salad裡有一件類似蛋糕的東西，都很好吃。Main Course - Hawaiian Rib Eye - 燒菠蘿很鮮甜。Seafood Bag - 個人覺得一般，可能因為太多青口，但友人認為醬汁伴以蒜容飽味道十分野味 。Dessert - Chocolate Cake Sundae , Applegreen Crisp。個人很喜歡Applegreen Crisp。(很可惜沒有拍照.....)價錢亦不算太貴，ok!!環境有點擠迫，亦可接受，但是真的很嘈。

我生日, 睇OPENRICE想搵TST好味o既餐廳見呢間平均消費只係within $200(金融海嘯呀), .所以就去試下.我做足功課睇下咩係推介by 其他member.一試carbonara, 真係好正, 而且一個人係食唔晒, 兩人要share先得(之前睇左其他食評已經有心理預備). tuna tataki d 菜好fresh, d source好好味. 不過反而個tuna對我黎講就一般.banana turnover好靚! 好大件, 有少少甜左d, 食完好飽!waitress好好服務, 眼尾見到你揮手, 已經自動走黎幫手.地方係要彈: 好嘈, 無privacy, in btw桌之間好近.食客都係女仔多.

見佢0係開飯排名榜榜上有名就去試下點知一試就知唔掂!沙津夠大份但燒蝦有點"梅"...反正一向覺得整沙津係冇乜技巧的~合格吧叫了香蒜意粉另加蜆認為應該係最易整的反而出事意粉好硬!好似未煮過咁!普通人都知意粉係應該灼完再炒但呢個好似完全冇灼過咁!即係唔熟!叫個waitress來退番個意粉再整佢話因為呢個係美式煮法所以可能唔同其實無論係咩煮法意粉點煮都唔應該好似未熟咁俾人食但佢翻煮之後都係一樣都係未熟咁結果兩個人淨係食左d蜆就算了最可取係蘋果批不過都唔係特別出色最後埋單餐廳見我地個意粉原封不動免左支啤酒錢都算係咁但真係唔明點解可以登上開飯榜同埋滿座.......

Went to Applegreen with my girlfriends a few weeks ago after reading all the positive reviews on here. We ordered 4 salads, 3 pastas, fries, and 6 desserts. The salads and pastas were pretty good. I guess tossing veggies with different dressings doesnt require much skills. But I was glad all the veggies were fresh and crisp. The carbonara sauce was fantastic! The clam sauce pasta was a bit bitter and too salty, the meat sauce pasta was okay... something you can easily make at home with instant p

見到咁多食評,星期五又係朋友正日生日,所以當日放工番完學後,就同朋友去呢到醫肚,因為放學都九點幾,唯有食D清清地的野食啦,叫以下食物:Buffalo Wing: 雞翼好大隻,不過呢個餸無乜特別,係幾辣,但唔夠惹味,唔會令你食唔停口,如果講好食,Fat Angelo的好食好多Tuna Tataki - 賣相唔錯,好開胃的沙律,沙律菜好新鮮,吞拿魚好似火灸過咁,出面熟,入面仲生生地,一軟一硬,口感幾特別,一D都唔腥~好味!!! 我地連塊紫菜都食埋!Carbonara - 呢個意粉的芝士同忌廉味好濃,如果係芝士或者忌廉愛好者,一定要點呢個,因為,每一啖都有好多忌廉~意粉亦很彈牙,不過一個人一定食唔晒架~起碼兩個人,因為實在好"漏"Banana Turnover? - 呢個甜品勝在唔係好甜,外表夠晒脆! 真係好薄好脆~一流!!有花生,香蕉,仲有朱古力,三種味道好平均,可惜就係差少少味覺上的驚喜,如果唔係就可以令人回味無窮。唔知加D酒落香蕉到會唔會好DD?總括來講~呢間餐廳真係唔錯~食物水準高,食品包裝到好似大酒店咁,燈光舒適,氣氛又好,係朋友聚舊或情侶約會的好地方,服務一流,侍應反應快,又好留

上星期五同朋友7:30PM來食晚飯，越夜越嘈，好似街市咁!!!Cabonara 1/2 portion - 意粉al denteSesame Orange Chicken Salad 1/2 portion - 好FreshGrilled Salmon with sweet potato - 三文幾tender，甜薯好溜Chocolate Browne Sundae - 好食，browne食太多較甜短期唔會再來，嘈到死環境令人無法傾計! 另外，多謝Daniel請食飯

2008-10-04有生日就要食飯地方光猛寬敞menu 有中英兩versions點了前菜薯皮、鱸魚沙律、卡邦意粉(即白汁煙肉)、茄醬意粉、主菜雞胸薯皮 - 幾好，甜薯一類，但食完無乜味道留o係口鱸魚沙律 - 唔，好似一般o者兩個意粉都正正常常，唔錯雞胸無乜味，反而個薯蓉超正十二點九食到兩點多少少，吹o下水，都算滿意

真係好耐都無試過有衝動要寫食評，究竟係因為坊間餐廳食物水準唔夠，還是自己要求太高？？一個星期前，終於都BOOK到响2/10去Applegreen一行2人食番餐！　餐廳環境其實就比我想像中嘈雜，可能因為樓底高，太少decoration啦，所以聲音反彈比較大！ 自選salad：我地揀咗1/2 size portion，兩個女仔，份量啱啱好！個dressing 有啲chilli，唔錯！唔錯！！！ 再嚟多個side order焗薯，如果再多些sour cream，整體味覺會配合好多。Spagetti 我地叫咗garlic, chilli, basil底再加fresh clams！WOW!!! 超正! Spagetti 煮得剛剛熟，超好口感。而clams對我嚟講，生平就最怕煮到乾身同有沙，佢地不單止煮出肥厚嘅clams，咬落去仲好清甜中夾雜著一陣陣嘅海水味添！　最後。。。當然就係主角dessert啦！　我地order 咗 Banana Turnover，OH!!! 我即時深深咁愛上佢呀！　我地兩個女仔完全失控，真係開心到不得了，完全無諗過一個甜品，咁嘅價錢，可以咁出色！整體配搭，簡直係天依

粵語殘片有一套戲叫"詐癲納福",今日小弟就來一記"詐基納福",扮"姊妹"走去女生堆之中,尋求幸福?其實是這一夜聯同幾個年青開飯女生,加上開火同開茶兩位男子組,一同去河內道的Apple Green晚飯.一間走健康路線的美國餐廳,聽聞這店的甜品,亦很出名,幾名女子組,也是因為甜品而來.格局不如其他美式餐廳如Dan Ryan,感覺如去了一間Hip Bar.背景的音樂應該是播一些Chill-out音樂才對,但我聽到的,只是那些Disco music.其後才聽到播著英國電子組合Zero 7的Destiny,四圍食客產生的聲響,感覺幾嘈吵.食客女多過男,陰氣甚重.人在Apple Green,陰性陽性思維已弄至模糊,見到甜品餐單,潛在體內的女性荷爾蒙,又再一次激增.沙律一向以頭盤視之,在Apple Green,沙律是主菜.今次就以三個沙律打頭陣.先以Tuna Tataki作開始,吞拿魚外層燒過,內裏仍是生.口感不錯.沙律菜碧綠爽脆,沙律汁夠醒胃.開茶兄事前口口聲聲不吃沙律,來到這個地步,亦已忍不住了.另一味蝦帶子沙律份量驚人,盛沙律的碗如洗手盤般大.蝦同海鮮燒過,充滿香口感,亦不失蝦同帶子本身的爽甜

18-SEP-08 7:30pm:期待已久, 終於有人約我到萍果綠了~因為身邊並非咁多朋友喜歡沙律甜品, 所以是晚特別高興~一行六人, 一星期前已訂位了~ 省去頭盤, 單刀直入3個沙律: TUNA TATAKI: 賣相靚仔, 帶著微溫的半熟魚塊柔軟可口, 新鮮沙律菜亦很開胃. 印象分已不錯. 難得席上有人不吃沙律都吃得津津有味!!WILD MUSHROOM (HALF): 這個菇味幾重同香,而且我勁愛佢加左黑醋既味道. BLACKENED SHRIMP & SCALLOP: 一個有半個洗手盆SIZE 既沙律, 帶子又肥又大粒, 配合香草大蝦, 真係誇啦啦~ 意粉亦是必試, 又是 3個: CABONARA: 無唸過可以如此美味, 忌廉汁與巴馬臣 芝士一拍即合, 意粉口感控制得宜, 每一口都吃到CHEESE同火腿的香. 很有水準. PETRO: 似CABONARA, 但比較清新.大硯意粉: 未食過咁有海水味同 JUICY 的硯, 很好吃~男生怕意粉 portion 唔夠? 再黎side dish: HOMEMADE MASHED POTATO:牛油下得有點不夠, 所以香味遜色了, 整

Applegreen是我一早就target了的食肆，最初只是對Apple Green Crisp與Choc brownie sundae有興趣，不過今次試過才知道：原來該店出色的不止這兩款甜品，亦不單是甜品出色呢。從沙律講起，是次共試了三款：打頭陣的Tuna Tataki (half, $108)亦是個人覺得最好味的一款，蔬菜新鮮就不用講啦，日式芥辣汁清爽開胃，吞拿魚充滿芝麻香又破帶韌勁。半份著實不多，很快就清碟了。第二款是整份的Blackened shrimp & scallop ($158)大得夠夸張，個碟（actually盆）快有洗手盆那么大了。這一款味道也不錯，種類更豐富的蔬菜與芝麻醋汁十分搭；蝦與帶子烤得恰到好處，少少焦又十分香口，帶子更是超厚身、外焦里嫩。“老三”Wild Mushroom ($44)就有點失色了，不是用料不好，只是意大利陳醋汁比普通黑醋味道更烈，橄欖油又過于強勢，有點吃不慣。Side orders就叫了“雙薯”——薯蓉與薯條 ($22 each)。驚薯蓉會太飽肚，為了給后面的甜品留肚就沒有試，不過似乎食友反映不錯呢。炸薯條口感不俗，香脆又布滿咸咸辣辣的調味

以為難揾, 原來在東鐵尖東記N2出口旁.牛扒salad: 唔喜歡食生嘅菜蔬就不要叫, 除一件牛扒所就全是綠色的生的菜, 只下了olive oil. 但牛扒好味.spegetti carbonora: 好正, sauce creamy, 份量多些更好spegetti mushroom: 都好味, 因無咁creamy, 更能食出意粉是 al dente.apple crisp: signature dessert, 好, 不太重甜味的dessert. apple 焗后微酸, 帶輕肉桂味, 面的crumble算好crunchy, 跟雪糕. 如能加埋custard vanilla sauce 更正, 會令整體感覺濕一點.是晚 full house, 較嘈. 有點狹窄. 但 design 上用了面大鏡, 看上感覺大一些.

上次聽朋友講話食完覺得唔錯. 今次襯個FRD 生日去左食.早兩日BOOK 定檯. 都係驚到時要等. 諗住都唔會好多人掛..點知坐低無幾耐都陸陸續續FULL 曬. 星期二都咁多人, 犀利!坐低個感覺都好舒服. 好有高級餐廳FEEL.D 野食又黎得幾快同埋都幾好食.樣樣都好好食. 特別係個MUSHROOM SALAD.但個SEAFOOD BASKET 就差少少, 以佢200幾蚊黎計. 如果$100 就比較合理. 但OVERALL 感覺都好好. 一定會再去食!

　　陳中與Zita是一對於討論區中認識的朋友，認識的原因是基於大家對某一些事的執著，若遇上某些活動，他們會相約前往。　　今天的活動過後，他們便一同晚膳。步進店中，侍應帶領他們坐下，並立時遞上餐牌，端上冰凍的開水。環境優雅恬靜，絕對是適宜談天用膳，與車水馬龍的彌敦道隔絕。陳中坐下後先問Zita：「看看有甚麼想吃吧？」Zita答：「我很渴，不如你先看吧！」她旋即喝下整杯開水，侍應的反應敏銳，連忙添上第二杯。陳中說：「不如點一客牛肉卷，另外我想試這裡的明太子蜆肉意粉。」Zita說：「我沒有異議，另外我想要沙律、濃湯。」隨即她召了侍應點單，向她詢問濃湯的選擇後，侍應還遞上沙律的選單，林林總總，陳中隨即回應：「真的是一人一票。」Zita說：「相信是一桌一票吧，你看每張桌子都有選票。」Zita點了半份自選沙律，沙律的配料林林總總，她從中點了蕃茄、乾茄子、青蘋果、脆雲吞皮、雞柳、煙肉、碎芝士、果仁粒。陳中向侍應點單，說：「兩客海鮮番茄濃湯、一客墨西哥牛肉卷、一客明太子蜆肉意粉、半份自選沙律，配上Lemon Vinaigrette，Caesar Dressing。」　　點單過後，他們便寒喧一番，陳中問

上個月某個星期日同朋友預祝生日，搵咗一輪見哩間食評唔錯，就嚟試下。四個人晏晝兩點幾到，得我地一枱，叫咗︰棒棒雞沙律 - 好大兜，好多料，好fresh，個汁好好味~ (後來睇番食評先知可以叫半份...)Carbonara加磨菇 - 個汁好creamy好濃，好好味~煎三文魚配蕃薯茸 - 好少見用蕃薯茸，真係好甜好好味，食到唔停得Apple Crisp - 招牌甜品當然要一試，好香好脆，好味~哩餐非常滿意，環境好，服務好，食物非常好，完全愛上Applegreen呀，一定要再食呀