Arte by Padaria (已搬遷) 新店位置

尖沙咀 📌 【 Arte by Padaria 】尖沙咀河內道18號K11 Art Mall B2樓【 Arte by Padaria 】的法式甜品彷彿是帶有魔力法式點，每次經過 K11 Art Mall，都會被吸引而停低望下佢哋精緻的藝術甜品。˙⁠·𖧷˚˙𖧷˚˙⁠今次我被新創的生果慕絲撻吸引著˙⁠·𖧷˚˙𖧷˚˙⁠🍓 士多啤梨杏仁慕斯撻 | 酸甜滋味 酸酸甜甜 🍓 士多啤梨杏仁慕斯撻簡直係我個大愛 😍 選用韓國士多啤梨，以香甜士多啤梨 🍓 果蓉配香滑慕絲蛋糕，外層包著香濃士多啤梨味的朱古力杏仁脆皮 & 酥脆餅底，令味蕾陶醉於香甜的士多啤梨之中。🫐 藍莓杏仁慕斯撻 | 酸甜爆汁酸甜嘅藍莓慕絲撻，選用大大粒一咬爆汁嘅新鮮藍莓，加上花型 🌼 微甜的蛋白糖，法式甜點風格裝飾，造型極富獨特美感。 酸酸甜甜的藍莓果醬配上香滑慕絲蛋糕，外層包著香濃朱古力同杏仁的脆皮 & 酥脆餅底，層次豐富，口感一大享受。🔅 Arte by Padaria 還主打香港首創「鹹甜點藝術品」法式可頌夾心球、各款造型獨特的迷你蛋糕 ，以及全手工曲奇 🍪 真令人很期待其每次創新更多樣化的藝術甜品喔 🎨⊰⁠⊹⊰⁠⊹⊰⁠⊹⊰⁠⊹

之前喺K11 Musea見過嘅Arte By Padaria 最近喺更就腳，同樣都係K11旗下嘅藝術館Art Mall登陸咗。呢間主打結合視覺、味覺同嗅覺黃金三重享受嘅藝術型甜品店，將藝術與甜品完美無瑕地嚟個天仙結合。我定咗格幾十秒先至決定好揀邊兩件蛋糕返屋企食。話說萬聖節月底就到，以南瓜味做主題嘅蛋糕自然成為入饌嘅焦點。色澤鮮明嘅小南瓜造型蛋糕，深深地令我注意着。呢件小南瓜芒果椰子奶凍配紫薯慕絲蛋糕，外層係南瓜造型既糖漿,入面頭果層係紫薯蓉，下面果層係椰子Panna Cotta。個芯係芒果。個甜度係易入口嘅。底層墊著嗰塊綠葉，諗都諗唔到原來係曲奇。個蛋糕嘅整體色調係好有萬聖節嘅神秘色彩。我再掃描望吓個櫥窗，第一時間就俾呢個色澤金黃嘅「唯一的愛」法式反烤蘋果杏仁撻吸引著眼球。反烤蘋果撻方間又會叫佢做翻轉蘋果塔，係一種用蘋果為派(pie)皮，小麥粉為內涵嘅特殊塔(Tart)類甜點。面層係晶瑩漿狀果凍包著香甜可口的蘋果，最下層是酥脆批底，滿滿的幸福感在味蕾間洋溢著。

最近k11開左好多新食店一出地鐵就見到Arte by Padaria登陸藝術館K-11 Art Mall 法式甜點點少得croissant 同精致小蛋糕一見到Arte by Padaria就比佢啲水果撻吸引住件件都好靚好想食 全新推出創意慕絲撻系列用上多種極受歡迎的水果及堅果作主調，6款口味以「浪漫」的法式甜點風格裝飾，各有其獨特美感，令視覺、味覺獲得同步享受最後揀咗士多啤梨杏仁慕斯撻，紅色朱古力脆皮好搶眼 士多啤梨慕絲好香滑 酸酸甜甜唔會膩 撻底好香脆好好食仲有香港首創「鹹甜點藝術品」法式可頌夾心球波波造型好特別 我揀咗伯爵茶芒果牛角波 入面勁多餡 可頌鬆軟有層次 牛油香同芒果又好夾 配埋伯爵茶香好有層次下次經過要試埋其他口味🤤Arte by Padaria (尖沙咀)尖沙咀河內道18號K11購物藝術館B2樓Kiosk 5

在K-11 art mall 進駐了不少的本地創意甜品小店，令我對呢個商場也比平時更有興趣行下睇下。行到其中一間的甜品小店比店裡的可愛乳豬蛋糕搶盡眼球，旁邊的法式甜品同樣精緻，未有味覺的滿足前，先有視覺的興奮，令我急不及待都買返兩件cake返屋企嘆吓。☺️🌹🫦🧁✨✨ 焦糖合桃慕斯撻（$58），這個撻相對較重身，底是牛油曲奇脆餅，周邊塗上了一層焦糖，裝住滿滿合桃堅果脆脆，上層是焦糖慕斯，口感幾濕潤，少少似食焦糖布甸的感覺，味道好豐富，甜度適中。🥠🍮🥧🤤✨ 咖啡朱古力歌劇蛋糕（$64），平時我都好鍾意食歌劇蛋糕，這個蛋糕還要放上一朵精緻的紅玫瑰和金箔作為點綴，令甜品顯然變得更高級，多了一份獨特的浪漫。紅玫瑰是硬身的朱古力，一層層的歌劇蛋糕是由咖啡層、咖啡味的忌廉、朱古力的忌廉和黑朱古力層組成，口感幾有層次，唔止睇得又食得。🍰🍫☕️💃🏼🌹

Arte by Padaria (TST)行k11見到呢間啲甜品好精緻 職員話慕絲撻系列用上多種受歡迎既水果同堅果作主調 忍唔住買左兩個翻屋企試下😆呢到仲有各款創意曲奇🍪、法式可頌夾心球，外型圓古碌好可愛🍊香橙朱古力慕斯撻結合香橙同朱古力🍫食落慕斯夠滑 整體又唔會好甜 個人好中意呢隻味🥰🍎法式反烤蘋果杏仁撻上面有一朵朱古力製成既玫瑰花🌹下面係焦糖殼。淡淡杏仁味同蘋果味好夾 ～仲靚到好似藝術品咁 ♥️♥️

平時行K-11 Art Mall，成日都俾佢地鋪頭好精緻嘅蛋糕同水果撻吸引，今日終於的起心肝買嚟試下聽店員講，呢個創意慕絲撻系列係全新推出，有6款口味，甜品設計師用上多種極受歡迎嘅水果同堅果作主調，以「浪漫」嘅法式甜點風格做裝飾，各有獨特美感，務求令視覺同味覺獲得雙重享受今次我揀咗焦糖合桃慕斯撻同士多啤梨杏仁慕斯撻🤎 焦糖合桃慕斯撻 （$58）撻面用左朱古力條同少許金箔做裝飾，視覺上已經好吸引；焦糖面好滑得嚟唔會過甜，配上滿滿一層好香口嘅合桃餡，食落唔會膩，撻底好鬆脆🍓 士多啤梨杏仁慕斯撻（$58）士多啤梨撻嘅士多啤梨份量十足，仲要果肉好甜唔酸，撻面用左白朱古力同開心果碎做裝飾，中間仲有士多啤梨味嘅慕斯同果蓉，食落去口感層次好豐富；撻底有香脆嘅杏仁粒，撻皮係用左曲奇皮，食落去好脆之餘仲有好香嘅牛油味🌟 順帶一提，Arte by Padaria將會系10月1號搬去海港城，下次去買就記得要去新鋪啦

每次工作時經過呢間店，都被呢一系列好靚既牛角酥波波吸引咗我眼球吖😍今次終於得閒可以買黎試吓啦🥰全香港首創既《鹹甜點藝術品》法式可頌夾心球源自新月型傳統可頌麵包，結合由新月化成滿月嘅漂亮可愛造型，法式甜品X港式口味，每一個都有三重層次口感，鬆脆可頌酥皮、夾心餡料、瑪德蓮蛋糕，而且有鹹亦有甜，有好多款口味可以選擇，真係下午茶必備既好物呀！！呢個波波球咁靚，重可以用黎做散水餅添架😉俾個好食貼士大家🤗食之前放入焗爐或者氣炸鍋加熱約一分鐘會另酥皮外脆內暖更加好食架❤️味道即時再提升，好食到飛起呀😋🌀咸蛋黃可頌球$36鹹蛋黃係my favorite😆所以一定要買呢款牛油味香噴噴，鬆脆嘅酥皮內包住瑪德蓮蛋糕和勁多濃郁味道嘅鹹蛋黃，真係好正🥰勁邪惡👿但我鍾意呀呀呀！！🌀瑪德蓮菠蘿可頌球$36呢款可頌酥皮入面有甜甜嘅菠蘿果醬，重有菠蘿粒粒果肉，配埋原味嘅瑪德蓮蛋糕一齊食，味道好清新吖😋順帶一提Arte by Padaria將會響10月1日搬遷至Harbour City架🤗

依家生日買一個大蛋糕就食唔晒㗎啦，咁啱要去Party Room玩行去搭鐵嘅時候見到呢呢間餅店啲蛋糕好靚😍仲好有特色見到隻燒豬蛋糕😝呢個月份係Lisba同我嘅生日，一個大蛋糕就一定食唔晒啦，所以就叫咗兩件好似藝術品咁靚嘅手工慕絲撻意思意思🤤🍓 士多啤梨杏仁慕絲撻老實講，我係見到呢一個士多啤梨慕絲撻好靚又夠Fresh而行過嚟呢間餅店，由於Lisboy好鍾意食士多啤梨🍓所以二話不說揀咗呢個慕斯撻俾佢🤤估唔到士多啤梨香甜，啲慕斯又順滑好味！ 🍋 青檸慕絲達克瓦茲撻話說呢度嘅慕絲撻件件都好靚😍好精緻，除咗eyes-catching嘅士多啤梨🍓我都比呢件綠色嘅青檸慕絲撻吸引住，入口酸酸甜甜，視覺同味覺一樣咁完美！佢哋仲有好有特色嘅夾心可頌波同埋手工曲奇，下次嚟一定要試吓！店員仲好貼心咁樣俾咗支生日蠟燭我哋慶祝生日🎂仲提我哋嚟緊會搬去K-11 ART MALL GROUND FLOOR🤪方便好多！

行過K11 Art Mall見到有間蛋糕店啲cake賣相好靚好精緻🍰特別係個乳豬蛋糕🐷超搞笑😂另外曲奇都好吸引🤤大大塊 忍唔住就買左兩件番屋企食🥳三重可可曲奇 $45曲奇餅好巨形 成隻手掌咁大塊🍪餅面上有三粒朱古力豆 曲奇鬆脆可口🤤開心果抹茶白朱古力曲奇 $50呢款比起三重可可就細塊少少🤏🏻曲奇面搽左白朱古力絲🍫餅面有開心果抹茶 食落超好味😋然後仲有主打香港首創既「鹹甜點藝術品」法式可頌夾心球都相當可愛🟠不過聽講下個月開始就會搬去海港城了下次去買就要去Harbour City了😮

今次我地來到K11 Art mall 嘅 Arte by Padaria，揀咗香港首創「鹹甜點藝術品」法式可頌夾心球咸蛋黃夾心球同埋法式甜品入面最typical 嘅Opera cake 😍🥐咸蛋黃夾心球靚靚嘅波波除咗外型靚之外，一食落去仲有3種口感！外面鬆脆croissant 口感，入面有海棉蛋糕，另一part 咸蛋黃泥，每啖都有驚喜！🍰Opera cake：外型很精緻，有金箔和玫瑰花作裝飾。香濃朱古力和軟滑蛋糕，味道分明，每層都有少少唔同嘅口感。另外，店內仲有多款創意慕絲撻，望落都非常吸引。而創意曲奇系列就有7款口味，每款都加入2至3種帶有不同口感的餡料，加上特厚特大的造型，looks evil but tempting 😋😋

這間法式外帶餅店，見到有賣球狀可頌甜品，立即被賣相吸引，要了一個熱情果慕斯撻和伯爵茶芒果可頌球。首先法式甜點的賣相是很重要的，不同口味的可頌由不同顏色設計來分辨，活像玩具彩球一般。聽聞球狀是全港首創，然後那個伯爵茶芒果可頌球則用充滿茶香的蛋糕做核心加上香甜芒果漿粒做配搭，完全不怕會跌出蛋糕碎或芒果漿，一個超方便食用的漂亮結實酥球，可以優雅地拿起來食，亦可以切開用刀叉慢慢細吃，少女感十足的小茶點之一。而熱情果慕斯撻則擁有了漂亮的花朵裝飾與顏色配搭的小甜撻。表層由煙韌的透明水晶皮覆蓋著熱情果蓉的夾心，並由朱古力做成的撻底及撻中以厚重的朱古力蛋糕加果仁碎，滿滿飽足。

Arte by Padaria 全港首創「鹹甜點藝術品」法式可頌夾心球。佢將傳統牛角包酥包同馬德蓮蛋糕相結合，內餡有鹹有甜，仲有創意曲奇同全新創意慕斯塔。鹹蛋黃可頌球球體波波型外觀好得意，每隻味都唔同顏色，好特別！牛角包酥皮包住馬德蓮蛋糕同鹹蛋，千層酥皮幾酥脆，咬落馬德蓮蛋糕鬆軟，充滿牛油香味，內有鹹蛋黃，邪惡好味！開心果抹茶白朱古力曲奇開心果味非常吸引！抹茶軟曲奇底，濃濃抹茶香味，食落口感濕潤，面層系豐富開心果同白朱古力。

聽聞ARTE BY PADARIA既甜品出色終於等到佢係K11 ARTMALL度開店喇😍👏🏻果然件件都好似藝術品咁靚打卡一流❤️❤️聽店員介紹 原來慕絲撻係新產品用上多種受歡迎既水果同堅果黎整每件都好似藝術品咁靚令到食甜品件事變到好法式好浪漫🌹我揀左法式反烤蘋果杏仁撻 & 士多啤梨杏仁慕絲撻蘋果撻每啖都充滿蘋果肉同香味配搭埋杏仁 口感非常豐富仲用上玫瑰花做裝飾 好靚❤️士多啤梨撻好多果肉完全唔會酸 加埋好滑既慕絲唔會有漏既感覺 食多兩件都得❤️等緊店員入盒個陣見到d曲奇好大塊😮每款都加左2至3種不同口感既餡料成件事好邪惡呀！當然仲有佢地既主打全香港首創「鹹甜點藝術品」法式可頌夾心球離遠睇以為係網球 原來深藏不露 😂下次買黎試下先❤️❤️❤️❤️❤️❤️❤️❤️

早幾日經過K11，老公被大大塊嘅曲奇🍪吸引住，原來係Arte by Padaria，係真係幾吸引嘅，所以買咗塊試下，亞女仲揀多件慕斯撻添。創意曲奇系列中備有8款口味，每款都加入2至3種帶有不同口感的餡料，加上特厚特大的造型，簡直是最「邪惡」之味蕾誘惑，一試便立即愛上。老公㨂咗「三重可可曲奇🍪」，一塊曲奇有三種朱古力🍫：白朱古力、牛奶朱古力、特濃朱古力，係朱古力控必選推介👍創意慕斯撻系列用上多種極受歡迎的水果及堅果作主調，6款口味以「浪漫」的法式甜點風格裝飾，各有其獨特美感，令視覺、味覺獲得同步享受。亞女就點咗「香橙朱古力慕斯撻🥧」，除咗個外型好有藝術感之外，一個撻從外到內有多重口感：頂層慕斯幼滑、朱古力粒帶點苦甘、下層有杏仁碎粒、外邊朱古力脆皮，內裡夾心仲有微酸的香橙醬🍊，的確令人回味無窮😋

"ʟᴇ ꜱᴀʟᴇé ɴᴏᴜꜱ ɴᴏᴜʀʀɪᴛ, ʟᴇ ꜱᴜᴄʀé ɴᴏᴜꜱ ʀᴇᴊᴏᴜɪᴛ. "「鹹食養人，甜食悅人」，這是世界知名糕餅師ᴘɪᴇʀʀᴇ ʜᴇʀᴍᴇ 的名言今次黎到尖沙咀 𝕂-𝟙𝟙 𝔸ℝ𝕋 𝕄𝔸𝕃𝕃，同大家介紹一間「創意藝術餅店」ᴀʀᴛᴇ ʙʏ ᴘᴀᴅᴀʀɪᴀ @artebypadaria ᴀʀᴛᴇ ʙʏ ᴘᴀᴅᴀʀɪᴀ 除左有人氣招牌，香港首創「鹹甜點藝術品」法式可頌夾心球之外，仲有ᴀʀᴛᴇ ʙʏ ᴘᴀᴅᴀʀɪᴀ 創意慕斯撻、創意美式軟曲奇，而今次，就大家介紹兩款我個人私心推薦既ᴀʀᴛᴇ ʙʏ ᴘᴀᴅᴀʀɪᴀ創意美式軟曲奇🍪🍪抹茶紅豆麻糬曲奇 $50抹茶軟曲奇口感濕潤綿密，味道帶濃濃抹茶香，搭配口感煙韌既麻糬餡，再以紅豆作為點綴 🤤👍🏻🍪開心果抺茶白朱古力曲奇 $50同為抹茶軟曲奇底，口感同樣濕潤綿密，味道帶濃濃抹茶香，搭配開心果、白朱古力線作為點綴 🤤👍🏻📍ᴀʀᴛᴇ ʙʏ ᴘᴀᴅᴀʀɪᴀ地址：尖沙咀河內道18號K11購物藝術館B2樓Kiosk 5*注意返，ᴀʀᴛᴇ ʙʏ ᴘᴀᴅᴀʀɪᴀ 將於10月1日遷址，登錄海港城，詳情稍後將於ᴀʀᴛᴇ ʙʏ ᴘᴀᴅᴀʀɪᴀ 官方ɪ