반찬앤쿡 Banchan and Cook (時代廣場) (已結業)

Went here for dinner tonight- everything that could have gone wrong, went wrong.I ordered a hot green tea milk, a beef omurice and a Chicken and Croffle.The beef main course came after just 5 mins, with the drink nowhere in sight.Beef was tough, the fried rice inside the omurice was bland. The green tea finally came half way through the beef course. It tasted bitter.Upon seeing fried chicken being consumed all around, I was excited when the chicken with croffle arrived. They covered the chicken

蛋包飯整體既味道很好 蛋很滑 星期日時間去都排左半個鐘左右 見到店內既員工都快手快腳都好快有位 服務員態度都唔錯 咁忙都會主動協助加下水 聽到好多客抱怨炸雞等得耐 本身想叫多個都驚等得耐。額外一樣野 等位及進食期間都不斷聽到客人去鬧d員工 點解等咁耐 其實食野等位好正常 大家做服務性行業都不容易 真係讚一讚這間舖既員工 抗壓能力都高 成日比客鬧都無發脾氣👍👍👍

好耐冇去#時代廣場 嘅Ban Chan & Cook, 原來推出左全新餐牌！梗係要帶埋媽咪去食！坐位舒適寬敞空間感十足，店員會幫忙切開靚靚嘅蛋包飯！正！🌱清爽番茜無骨炸雞🍗半份 $128 : 喺好GREEN嘅番茜醬點綴下，有炸到金黃色嘅無骨炸雞～太驚喜太好味😋，醬汁口味清新唔會太over ，炸雞肉外層炸至薄脆，雞肉嫩滑仲唔乾！係蛋包飯以外 #必點之選 ！  🍄🍳🍚牛肝菌蛋包飯 $122 : 招牌菜蛋包飯，今次試下牛肝菌，滑滑嘅蛋生熟適中蛋味香濃保持水準，牛肝菌蛋清香鮮味，只需落小小黑胡椒提味已經好好食，配菜仲有沙律，飯量好足！🍳🍗 烤雞卡邦尼年糕 $98 ：烤到甘香嘅烤雞扒厚薄適中，雞肉軟嫩仲幾juicy！正宗年糕煮得好煙韌，卡邦尼汁香濃夠哂creamy而且唔油膩，太美味！🌶️泡菜芝士紫菜包飯🧀$78：半溶嘅拉絲cheese＋泡菜飯卷，辣得過癮超級正！ 🧇韓式雜莓牛角包窩夫$92：上枱超香嘅牛角包窩夫比一般窩夫香口酥脆，配埋雜莓食超夾！推介！☕玫瑰鮮奶咖啡 $42 一杯集齊韓國咖啡獨有嘅咖啡香同玫瑰香🌹 🍹清新香橙綠茶沙冰 $48我最愛嘅綠茶加沙冰！清清甜甜又可解下辣 😋

終於放寬晚市堂食了！開心星期五來時代廣場shopping，一早book定哩間小清新韓國cafe，好掛住佢既炸雞！叫左蜂蜜無骨炸雞(半份), 之前食過另一分店既炸雞已經覺得好好食！一來冇骨啖啖肉，好方便，二來炸雞炸得剛好唔會厚皮, 雞肉炸得爽脆，同甜甜蜂蜜味好match! 烤牛肉蛋包飯, 有專人同你切開個飯，啲蛋汁漏哂出黎，入面係炒飯，牛肉好入味，啖啖都有蛋汁好濃郁！青口海鮮炒年糕, 一粒粒狀既年糕好煙韌，又可愛，大虎蝦超新鮮，仲有青口同帶子！海鮮汁好rich！韓式豬手沙律，份量超多，豬手好惹味，配埋沙律健康又好食！雜莓牛角包窩夫超香口，牛油味好出，水果新鮮！飲品叫了抹茶鮮奶，好香滑，同埋士多啤梨紅桑子梳打，不會太甜，漸變顏色打卡一流！

已經食過幾次，烤肉牛肉蛋包飯好好吃，小朋友超級喜歡！如果喜歡辣味，泡菜午花腩蛋包飯都超好吃！卡邦尼年糕好creamy,年糕軟，好食！炸雞香口，推薦甜辣醬，只是少辣。呢3款係必吃推薦！

今日難得放假去時代廣場同女朋友Shopping ，行到肚餓經過見到無乜人就入去食。由入座到嗌野食，個後生女侍應都無乜反應，嗌完野食粒聲唔出就走咗，唔知係咪有心事。我叫左個牛肉蛋包飯，啲汁比較咸，但個蛋唔錯。食食吓聽到好嘈，擰轉面見到個中年女侍應鬧緊兩個後生女，話唔可以點點點，個外賣點點點。以為教緊新同事做野，點知鬧鬧下嗰兩個後生女坐低食野，原來係客人黎哇，個女侍應真係唔得罪得，咁鬼惡連客都鬧！好彩無鬧我！期間仲聽到個女侍應仲好嘈咁鬧人 (我唔知鬧邊個)好心啦，咁大間餐廳，係度鬧人，仲要係鬧客，真心影衰哂。仲要咁嘈，我比錢黎食野又聽佢鬧人，嘈喧巴閉，咩好心情都比佢影響哂！真係拿拿林埋單走人！

因為早前喺時代廣場買嘢有coupon所以就有藉口去食好嘢啦一開業嘅時候有試過呢間嘢 嗰陣覺得麻麻地通常都係去食School Food雖然而家執咗咁為咗用啲coupon就諗住俾多次機會啦嗰日係公眾假期夜晚七點walk in都唔使排隊我同朋友都係選擇困難症 都諗咗三個字先落單中途店員都冇過嚟打擾 我哋嗌咗明太子慢煮雞胸蛋包飯，燒醬油黑毛豬白切肉配大醬生菜，無骨炸雞一份(甜辣/醬油)，香橙綠茶沙冰同埋凍伯爵拿鐵咖啡明太子慢煮雞胸蛋包飯本身諗住商場餐廳都麻麻地諗住個蛋嚟到都係熟晒點知個蛋真係啱啱好 好滑好香慢煮雞胸就好嫰滑又juicy 燒醬油黑毛豬白切肉配大醬生菜個黑毛豬好厚身 夠肥 邊位有少少焦脆包住生菜同紫蘇葉食 大大啖肉好滿足兩個人食 食多兩舊係真係會有啲滯但配埋蒜頭辣椒又會平衡翻無骨炸雞一份(甜辣/醬油)無骨炸雞非常多汁唔係嗰種好明顯有炸皮嘅炸雞加上甜辣味道 有啲似咕嚕肉既感覺醬油蒜頭味道就甜咗少少本身係想要一半甜味一半鹹味嘅食食下覺得兩隻味都好似香橙綠茶沙冰橙味有啲蓋過咗綠茶味但唔係嗰種好假嘅橙汁本身鍾意飲天仁嘅香橙綠茶微糖我感覺上就好似 只不過係沙冰版伯爵拿鐵咖啡個樣其實唔錯不過係

由於食午餐時間有限，於到店前致電先落餐堂食（之前都試過），到店後姓王侍應得知我係堂食不是外賣後，就破口大罵，怪責我，我已強調我於電話下單透露不下3次我是堂食。當我坐下進食後，這位王侍應還繼續罵。完全受氣！！！公司真的多謝有這位好員工性價比底。不用嘗試

週末一同好友，到銅鑼灣行街吹水。到醫肚時間，我們來到時代廣場覓食，看見韓式BANCHAN & COOK。好友是韓迷，疫情前每年都到韓國朝聖，今年已第三年沒有旅遊，為解饞，不時都會到韓式餐廳。這家韓式店好友之前已有所聞，想不到今天遇上，欲想試試，我們毫不猶豫地一同贊成。而且餐廳還可以用購物Coupon，更加堅定我們的選擇。餐廳在時代廣場9樓，餐廳不算大，感覺很Cozy。坐下後很快就送上餐前小食和水，然後讓我們慢慢看Menu。我們下單後，上桌快，服務態度好。牛肝菌蛋包飯 $122這是這店的Signature dish, 幾乎來客都會嘗試這款。蛋包鋪在飯上面，熱騰騰端上來。蛋包切開，裡面的蛋液流出來，混著飯和牛肝菌同吃，又香又滑。分量大，女生要兩人才可清盤。烤雞卡邦尼年糕$112烤雞外脆內嫩，加上芝士粉，好吃的沒朋友。年糕好有嚼頭，彈性好，和著芝士，味道非常有層次感。芝士泡菜紫菜包飯$78看起來有點想日式的紫菜包壽司，但這是熱食，濃濃的芝士味，紫菜味，反而泡菜味不太濃，外層的芝士燒的脆脆的，米飯包住，中間是流心芝士，一口一件，入口是熱的，層次感豐富。如果不是還想試其他菜式，會重點這款。韓食炸

講起蛋包飯，第一時間就會諗起銅鑼灣時代廣場嘅Banchan & Cook。其實今日來到除了蛋包飯外，更是因為我知道他們以番茜入饌，這麼創新嘅清新口味當然要第一時間一試。焦糖脆脆鮮奶咖啡咖啡香濃順滑，配上焦糖脆脆微微香甜，令人回味。濟州綠茶咖啡賣相可愛，杯上添上3粒3色丸子，而綠茶咖啡亦分為三種不同層次感，奶、綠茶、咖啡…三者融合起來更是口感清新，香濃回甘，又香又滑。韓式豬手沙律豬手料理得非常入味，而且更做到肥瘦均勻，肉質軟腍而外皮煙韌，真係骨膠原爆棚。清爽番茜有骨炸雞番茜入饌的其中一道炸雞，把有骨炸雞炸至外脆內嫩，外層淋上清爽番茜醬，這樣配搭清新口感外，更食到嫩滑多汁嘅味道，番茜控真係要一試！烤雞卡邦尼年糕香噴噴嘅卡邦尼沾上年糕、口感Creamy濃郁，而經香烤後的烤雞，外皮香脆，肉質彈牙多汁，啖啖滋味。番茜海鮮蛋包飯蛋包飯輕輕切開，蛋醬即時流出，即順滑蛋包飯遇上番茜，一同品嚐確有另一番清香味道，而且更可細嚐青口、大蝦、八爪魚，肉質爽口彈牙，更添美味。烤朱古力棉花糖來到時棉花糖已做到甜甜軟軟嘅口感，再添上朱古力醬及朱古力粒粒，一手叉起來，更形成脆糖皮般，底層原來還有餅碎，令其口感更豐富，

終於開放番堂食, CWB終於回復人氣啦! 朋友想食炸雞慶祝FRIDAY, 知道呢到有芫茜炸雞, 晨早BOOK定枱, 如果唔係星期5真係好難等位架!一行三人, 叫左好多野食! <芫茜炸雞>MENU雖然係寫蕃茜, 不過其實佢係芫茜黎既, 炸雞上面有芫茜醬, 好正好大陣味, 炸雞又JUICY, 值得一試!<烤雞卡邦尼年糕>本身以為卡邦尼年糕會好漏, 不過呢到呢個醬係偏芝士味多D, 我好鐘意食芝士, 所以覺得好好食, 炸雞亦都好香脆!<泡菜煎餅>有三片, 都幾辣, 不過香口!<牛肝菌蛋包飯>因為太多肉, 所以叫左個素既蛋包飯, 呢款既口味比較清, 可以BALANCE一下其他菜式, 上面個蛋真係整得相當滑, 好似日本果個咁!<雜莓CROFFLE>近排好流行既一款甜品, 酥脆香口, 配埋雜莓不太漏, 好味!<清新香橙綠茶沙冰>本身估唔到橙同綠茶夾得埋, 原來又幾FRESH幾好飲!

趁住消費卷熱潮，梗係要周圍去行下街振興下經濟啦！行到攰係附近搵左間人氣蛋包飯坐低食野，假日果然旺場，超爆多人等位呀！！等左十分鍾左右就入左去～店鋪環境好靚，位置坐得都好舒服，仲有免費小食提供；有青瓜，白蘿蔔，同紫梛菜漬物，爽脆甜酸，十分開胃呀！😋 松露野菌蛋包飯 $122必點蛋包飯，雞蛋十分嫩滑，珍珠米粒口感偏硬，各位鍾意食軟飯就可以叫求員工煮耐D喇～　個人十分鍾情松露，一上台已經聞到十分濃郁嘅松露香，有人覺得似煤氣味，唔知大家又覺得似咩味呢？整體口味偏清淡，食完一D都唔會漏呀！‼️好食指數 8/10‼️推介指數 8/10😋 烤雞卡邦尼年糕 $112呢款幼身嘅年糕係第１次食，質地較過往食既偏軟身少少，黏糯感唔會好大，而且卡邦尼汁濃稠香滑，加埋塊雞扒一齊食，真係好滿足呀！‼️好食指數 8/10‼️推介指數 8/10😋 海鮮煎蔥餅 $89超多超多海鮮嘅蔥餅，醬汁出奇地好味，配搭埋煎得香口鬆脆嘅煎餅，真係好正呀！‼️好食指數 8/10‼️推介指數 8/10😋 韓式甜辣炸雞(無骨炸雞半份) $128甜辣汁十分出色，雞塊鬆脆多汁，一件接一件咁食唔停口呀！而且伴碟仲有薯條同煙煙韌韌嘅年糕，簡直係我至愛！‼️好食

呢日同朋友去銅鑼灣行街shopping，忽然間好想食🇰🇷韓國菜，係網上search到這間韓國菜好像幾吸引，特別係佢個🍳蛋包飯。餐廳裝修偏向小清新，環境都幾舒適👍🏻.🍳松露野菌蛋包飯 $122上菜時，店員會幫你切開蛋包，入面流心蛋慢慢流出，望著好治癒。奶油煮松露菌菇片份量都多，令你食嘅時候可以一啖飯一啖蛋，再混合惹味的松露野菌，好滿足。.🐥烤雞卡邦尼年糕 $112卡邦尼汁好濃郁，而且好creamy ，每一嚿年糕都沾滿卡邦尼醬汁，年糕十分煙韌Q彈，而烤雞扒烤得剛剛好，外皮香脆，入面保留到肉汁。.🐷韓式豬手沙律 $112沙律菜很新鮮，韓式豬手都整到好軟林林，第一次食韓式豬手，感覺好好味。.🧀芝士有骨炸雞 $138炸雞份量好多，炸得好香脆，食落夠Juicy，每件炸雞都有香濃的芝士味，配料還有香脆炸薯條和年糕。店家將炸雞整成一座山的擺設，很有心思。.🍫烤朱古力棉花糖 $98棉花糖烤得軟綿綿，上面還有朱古力粒和朱古力醬，加上下層的消化餅碎，口感豐富。.🍵濟州鮮奶綠茶 $42抹茶味好香濃，飲到味都仲好濃抹茶味，抹茶控必點。.🥤溶化朱古力 $42朱古力味夠濃郁，而且唔會太甜，很不錯。

今次去左呢間可以用商場優惠卷嘅Banchan & Cook既然可以用coupon 就叫多幾款野食先今餐扣左coupon 埋單4百蚊咋 抵到癲左烤牛肉蛋包飯枱枱都叫嘅蛋包飯 上枱後先喺客人面前切開震震下嘅蛋一切開勁流心 蛋味香濃又勁滑韓式烤牛肉帶甜味 好好食芝士泡菜紫菜包飯鍾意食kimbap嘅唔好錯過加上燒過嘅芝士同特製調味粉少少辣好惹味 仲可以拉芝呀青口海鮮炒年糕超得意嘅波波年糕 細細粒 更加吸到海鮮醬汁海鮮都好多 有齊青口帶子同海蝦 吸引蜜糖韓式炸雞（半份）除左有半隻份量嘅超脆炸雞之外仲有薯條同燒年糕 好豐富味道勁似之前韓國好興嗰隻蜜蜂杏仁 勁正韓國雜莓牛角包窩夫呢個韓國大熱甜品 將牛角包放落夾餅機好好味呀 好重牛油香 外面好酥脆咬開仲有牛角包一層層嘅口感 邪惡濟州鮮奶綠茶/溶化朱古力野飲都唔錯 朱古力好濃

前排去開時代廣場，食過呢間嘢真係好正👍🏻⭕️烤牛肉蛋包飯:真心喺香港好難食到咁正宗嘅蛋包飯，仲要有專人幫你切開🥰🥰，個牛肉仲勁入味⭕️青口海鮮炒年糕：我自己就勁鍾意佢個汁，超級濃郁，仲有少少蔬菜粒，同埋個年糕勁特別，唔係平時食開嘅一條條，好特別咁嘅🤣⭕️韓式豬手沙律：豬手配埋沙律菜一齊食，唔會感覺好肥膩，仲有豬手唔會勁肥👍🏻💯⭕️韓式炸雞(無骨半份)：個炸雞都勁正，超級趣口，仲配有年糕同埋薯條⭕️韓式雜莓牛角包窩夫：窩夫真係新鮮製作，上到枱仲係熱辣辣，配埋雜莓一齊食真係超滿足😜我哋梗係一樣叫咗一杯濟州綠茶鮮奶(凍)+士多啤梨紅桑子梳打，真心覺得兩個人叫咁多嘢食好癲，所以下次真係唔好又眼闊肚窄🤣🤣今次食到真係第二日仲飽緊🤣