Barista Caffe

營業中

休息中

本人非常中意食all day breakfast 所以就為左佢 黎e間一試依間都幾近mtr😳😳幾方便等左一陣就有得入去！幾正！d煙肉好味😁d豆好正！值得去食！waffle比想像中好食！strawberry 好甜下次再食！！！

Waffle 唔錯 二人份真係好大侍應傳菜都忍唔住問食唔食得哂，結果我同朋友都完成唔到，share左朋同行其他友人。Waffle 都幾香蛋味同奶味 連我唔鍾意食士多啤梨嘅人都忍唔住讚一讚個雪糕球都 ok，一人份 $38 二人份 $68，真係好抵食 如果有飲品就更好另外兩位友人嗌左德國腸沙律、卡邦尼意粉（如果冇記錯），佢地都表示無咩特別，唔夠飽，略貴。香蕉 Latte 一般 離地鐵站唔遠 環境唔錯 都幾靚 雖然細細間 但好舒服坐左好耐 侍應都 nice下次會黎試試 all day breakfast ..

今日同個friend一齊逃工(清假姐其實)，去完尖東3d museum專登行番黎呢邊。估唔到tea time都多人，等左一陣先有位坐。呢度裝修幾靚，完全估唔到只係一間食40-70蚊一個set既cafe。我又再次食all day breakfast呢度既all day breakfast唔算係我食過最好食。但係絕對係性價比高! 50蚊一個set(包飲品)，仲有野飲，算平啦！最值得一讚係煙肉，輕輕咁煎熟，唔會太燶同太乾。至於其他都係普普通通，standard既質素。餐飲我揀左橙汁，有果肉，幾fresh，唔會太酸同太甜，剛好都係好飲既一種。朋友叫左雞肉長通粉沙律($58/set,包湯同飲品)，上菜時連個碟都係凍架。味道唔錯，酸酸甜甜的，不過我眼見啲雞肉好似少左啲。朋友二號叫左個野莓窩夫伴雪糕（全份）($62)，好似係呢度既招牌菜，真係唔錯，窩夫上既時侯仲好夠熱，朱古力雪糕好香，不過奶油唔夠厚，空氣感太重，如果質感再厚啲呢個窩夫就會完美。呢度好好坐，我地吹水坐左兩小時先走。下次去尖沙咀又多一個聚腳點。

亞士厘道內食肆的數目一向多。在這一帶從小來到大的我自然對此街內的食店有一定的認識。不過食肆之間的競爭，特別是在這一類的食街是非常的厲害。食店更替速度之快有時也令小弟有點驚訝....所以每隔一段時候再來時，總會發現有好些店子是之前沒有嚐過的.....這一間位處於二樓的小咖啡室，便屬於其中一條漏網之魚....爬到上二樓，店環境是說不出相當的舒適，讓人有一種hea hea的感覺，的確是十分cafe的格局。和外頭人來人去車來車往的情境，可說是有極大的差別.....在這種舒服cozy的環境下悠閒地喝杯咖啡當然是好，不過若是來一頓輕盈午餐的話，也是不錯的....吃畢整頓飯後，小弟的第一個感覺便是這裡有三個"想不到" ----第一個"想不到"的是眼前的這碗簡簡單單的粟米忌廉湯是如此的濃稠及足料。質地是杰濃的但又不至於變成為漿糊；材料除有粟米以外還有不少的火腿絲、洋蔥及蘑菇，實在好喝....第二個"想不到"是這裡的意粉竟是處理得蠻al dente的甚合個人口味。忌廉汁是完全地沾上每條麵之上，碟底剩下的醬汁是極少的。汁本身調味不過鹹很是creamy亦帶有芝味及香；西蘭花很清爽，缺點只是稍微呈碎濕了一點點

近年台式鬆餅紅遍香港，有餐廳要排上至少個多小時才有機會吃到，對於在等位方面沒甚耐性的我，上月在尖沙咀遇上了一個hidden gem－Barista Cafe。店子開業已有一段時間，人氣雖不算很高，但當天二時來到也全店滿座，我們四人等了一會也有位，可以接受。餐牌就只有兩三頁，坦白說花款不多，來的人都是吃質素和享受一個舒適環境。All Day Breakfast全日早餐 早餐／下午茶時段只售$54 絕對抵吃，整碟賣相超吸引，有齊多士，太陽蛋，豬肉腸，煙肉，蕃茄，茄汁豆，作為下午茶的話，二人吃也足夠。香草磨菇蕃茄意粉（素） 意粉炒得香口，配料有磨菇， 車里茄，青瓜，蒜味很濃，就算無肉也不會覺得淡口吧。南瓜雞肉長通粉 同樣以香草醬作藍本，但配料改成雞肉及南瓜，再要讚的是，這裡的意粉火侯控制得剛剛好，就算與醬汁混和一段時間也保持彈牙口感。吃畢主食，又是另一個甜胃開工時間。最近這裡也有窩夫供應，毫不猶豫點了一份試試。野莓窩夫伴雪糕（全份） 女孩子看到一定心花怒放～窩夫烘得金黃，分成四件配以鮮士多啤梨及雪糕絕對是完美組合～要挑剔的是，雪糕球有點不夠慷慨，如幾個人分享的話多一球更是理想。這裡的窩夫件頭

lunch time肚餓打算上這間cafe嘆杯朱古力，順便點個set食下。這間cafe有時會自創一些menu.雖然不一定好ok.但也偶有佳作。 今日點了一個 "菠菜汁番茄天使面"，上菜時我呆了，真係 "菠菜汁+ 番茄+ 面"。先講個汁，完全係水水的，沒有調味(沒有鹹味，胡椒等任何味道)，入口只有臭"草腥"味，最恐怖既係煮面後，面水留下來的那股面粉“澀“味完全溶入當中。 我嘗試食醬調味用的青瓜和菇類，都發覺有那種臭味。完全食1口之後，係極餓下都食唔落第2口。係無奈之下我決定埋單，轉場。收錢時服務生問我點解唔食，我坦言太難食(我已付錢，并不是r東西)，指出味道似 求其"恰"完面加d菠菜水上去既味，仲建議加忌廉或胡椒吊味，但服務生雖然不停說不好意思，但又一直辯解食物其實係"有專業"的處理過。。。我最後無言，只能就一句，你們自己食過就知了，離去。。。唉，從此又減少一間我常去的食堂。

見網上評價好似唔錯，就來一試了。環境係嘈左啲，比想像中細。星期六的尖沙咀人多而且物價又貴，這裡不用等位，收費又算合理。芝士火腿多士：多士做得算不錯，係燶左少少香蕉窩夫：比想像中好，皮香脆裡面軟，有蛋香! 當然還是不能同咖啡弄比的焦糖牛奶咖啡：換了一杯還是飲唔到焦糖味! 不過奶味香濃質地幼滑，也是唔錯的(另加5蚊)橙汁：正常我諗下次會試下午餐吧!

 跟朋友farewell, 選址這裡~ 環境舒適~ 樓上舖雖然難找, 12:30到上到人還未多, 往後人潮卻一浪接一浪~四個人叫了忌廉汁蘑菇腸螺絲粉,香蒜銀魚柳蕃茄乾意大利麵仲有日本小南瓜薄脆PIZZA前湯先講螺絲粉, 白汁唔會太濕, 味道剛剛好, 唔會食到漏. 好味. 至於意大利麵, 味好鮮, 同螺絲粉係一個好好的配搭. 好有蕃茄同少許蒜味, 所以食完很refresh.再黎就係PIZZA, 個餅底好脆, 南瓜味唔係好突出, 但口感很好, 有D芝士味, 熱LALA咁好滋味.食完唔夠喉, 於是叫左新出既野莓窩夫伴雪糕全份, 4個人一人一件岩岩好! 窩夫好厚, 唔似其他café個D薄得來無口感, 呢個厚得來外面少少脆, 所以咬落去個下感覺到脆之後就係內裡LUM LUM既質感, 加上雪糕, 凍得來裡面又熱哄哄, 好滿足!餐飲叫了latte, 工整的花, 飲落去好舒服, 奶滑味濃, 作為完結一餐一個係好好的選擇!

這次是第二次來這裡，第一次去的時候是中午12點，但原來兩點半才有all day breakfast，所以今天再去多一次。第一次已經冇令我失望，所以今天對all day breakfast都充滿期待，果然都冇令我失望。最估不到的是太陽蛋竟是厚身蛋白的那種。建議先吃多士，因為放多太久，錯過了脆脆的口感。煎香的煙肉加上焗豆蕃茄，有種幸福的感覺。堆在中間的沙律菜，配上意大利黑醋汁，不能不吃！咖啡亦是水準之作，咖啡味balance，咖啡豆的果酸味恰到好處，after taste帶有些少甜味。上次飲caramel latte，今天飲mocha，完全不同的咖啡，各有各好味！以＄48既價錢，能夠享受這份all day breakfast，真的超水準！再嘆埋杯咖啡，真是美好的一天！實在值得一去的一間cafe

餐廳環境舒適，採用開放式廚房設計但沒有油煙感餐牌上有我最中意食既青瓜，所以立即點餐意大利青瓜甘筍汁長通粉，個汁好好味，唔係用粉煮開，應該係用新鮮既甘筍+忌廉煮成加了5蚊，轉了mocha，味道比連銷店更好，但美中不足是唔夠熱，感覺是室溫的温度下次會再來試試其他款式

平日下午出現尖沙咀,亞士厘道附近茶記的午餐都三十多元,反而偶而在服務式酒店樓下看到的Barista Caffe宣傳牌更有興趣,時間不算充裕但平日下午可以吃個下午茶也是難得的唷。酒店三樓的咖啡店比想像中熱鬧,幸而咖啡店應有的閒適也能感受,臨窗放有一點人造植物也加多一點綠意,某些木桌子更上放有人造鈴蘭,只可惜不是我的桌子上哩,不然更感清雅。只花數秒已在此以刀叉木夾子夾著的餐單中選出心水,那天我絕對沒有出現選擇困難症嘛。我所選的就是這份TEA SET中最昂貴的BARISTA COMBO,食物組合如全日早餐才$48!在店裡吃碗即食麵也三十多元時,這個combo不是更值得唄??只是泡製這個早餐需時比午餐更久,比我遲點菜的女客在享用其餐湯及其意粉時,我的早餐才姍姍來遲呢。忘記要求轉炒蛋的2個煎蛋以圓型模具包圍的煎成,只是這款工整煎蛋法的蛋白通常較厚也沒香脆邊邊,蛋白也不太細滑,反而蛋黃煎成半熟更合我意。以普通方包烘成的牛油多士熱暖香脆,抹上薄薄牛油後已是一種簡單美味,以有點蛋香的水漾蛋黃沾多士來吃,果然比分別吃掉多士或蛋黃更為滋味,從對吃有要求的同事身上學到的方法果然有用。迷你香草豬肉腸、煙火腿及

Lunch 一早樹出去辦私人事，諗住樓上cafe 午飯應該無咁多人， 竟然full house，好彩一條友易d搵位。坐近window side，陽光照入黎都算開揚。 lunch set 都係 goes with soup + main dish in general 。發現這間小小的cafe 也會花心思點綴在南瓜湯面 (雖然個碗崩左少少)，南瓜湯整成溶與粒感之間正正是我的口味。Carbonara 送來時看似小小一碟，食食下以女仔來說都好full ，麵條硬度我是十分看重的。Barista Carbonara 算是合格，再加上厚厚的奶油、西蘭花、mushroom，火腿 ，整體來說我是十分滿意的，又發現尖沙咀另一消閒餐廳。各位飯腳要留意Barista 很早就關門哦，故適合下午茶打戥多d。 

好難得在尖咀找到這個綠洲。環境以木為主題，播著很正的英文歌。我點了一個下午茶，只是$36，沒有加一，算是合理。火雞，芝士火腿三文治：估不到是這樣的整法。有牛油和芝士的香口，面包好大塊，份量算是多。因為肉類多，加上芝士牛油，很膩很滯。不過味道很好，真的又愛又狠。我應為清淡一點會好些，例如加生菜番茄，更清新健康

見食評及食物照片都不錯，於是相約朋友到此小聚。紅酒牛尾紅糙飯汁醬味道一般，但牛尾太韌，很難離肉或切開；鮮蝦菠蘿薄脆比薩批底中央似未焗透，感覺像食乾硬麵粉，一點也不薄脆；熱狗賣相一流，但咬落香腸時感覺太冧，不像一般嘅熱狗腸。我真不懂欣賞這兒嘅咖啡，摩卡咖啡只有朱古力味，朋友貪新意點了杯好似叫香蕉咖啡，這杯味道真是叫人難忘，香蕉及咖啡味倒沒有，只有濃烈嘅疑似酒精味，我懷疑由於香蕉變了質，本想向侍應查問一下，但見到他們都在忙，就算了，唯有放棄不喝罷了。

和男友睇完鴨鴨後, 遠離人多o既港口, 走進人流偏少o既亞士厘道揾食~以前o既平價三文治店, 上海面都無左, 就行到近街尾時, 見到有個木牌寫上面有tea set, 諗住樓上店, 上去望下啦~唔記得影個餐牌, 佢係2:30pm 就開始有下午茶, 直到6:30pm, 後就關門啦~ 價錢 $3x ~ $5x 多士 ~焗飯不等~我叫左個Heavy all day breakfast, 賣相唔錯, 都好飽肚 - 多士夠多牛油, 味道不錯, 夠熱 及香 - 焗豆 就是罐頭貨色吧~ - 德國香腸 及火腿 有d 咸, 但都唔錯, 肉質彈牙 - 沙律菜夠新鮮 - 雞蛋嘛... 一般啦, 佢好似無落鹽咁, 無咩味 - 烤蕃茄 好好味, 少少燶咁, 好正~整體算是不錯, 不過還可以好點啦~跟住我要左跟餐的橙汁, 應該係鮮榨的, 不錯!!睇番環境, 店內主要都係附近做野o既售貨員咁~ 似乎無咩人識嚟尼度~間唔中嚟到TST 想TEA 下, 尼度其實都幾好~記住呀~ 尼度唔開星期日 及 晚市的