Bingo & Cook (京都廣場)

營業中

休息中

有一段時間冇嚟啦 ~~原來搬咗去附近嘅京都廣場 地方大咗更闊落，仲有好多打卡位裝潢以韓國大排檔為主題，好有特色將電梯位佈置成首爾地鐵，仲有韓國路牌 ...一坐下先送上幾款韓式前菜 ...。Grapefruit Ade HK$68。柚子沙冰 HK$78。韓式牛肉海鮮鍋 HK$350有鮑魚、帶子、蝦、魷魚、金菇、蔬菜 ...仲有堆成山嘅牛肉，滿滿一大鍋，非常豐富等個鍋滾起就食得 ...海鮮又鮮又甜，牛肉也很軟嫩睇到湯頭咁紅以為好辣 ...其實入口只係微辣，啱哂不太食得辣嘅儍媽最後梗係要點多份韓式粉絲 (+HK$15)吸收哂湯汁精華好惹味 ~~。炸魷魚 HK$78有一整隻魷魚，仲有我哋愛食嘅魷魚鬚炸漿不太厚，香脆好食 ~~。海鮮煎餅 HK$148煎餅好多料，上面鋪滿魷魚、蝦、紅椒、蔥、紅蘿蔔外面煎得香脆，內軟煙靭，不會有粉漿感和油膩感沾少少酸甜醬汁更滋味 ~~** 以上分享是以我的口味、體質和情況作出分享及感受，一試 / 合用與否請自行決定

開左好多年的韓式餐廳前排搬左舖黎京都廣場坐位更加鬆動裝修比以前有特色好似去左韓國咁香港必食的韓國醬油蟹🦀份量好多有醬油蟹，醬油蝦，鮑魚，扇貝仲有配一碗紫菜飯配搭一齊食好夾而且有手套提供好貼心香港最好食的泡菜煎餅超推薦邊位煎得好香脆好惹味又足料食完想再食下次會再食海鮮煎餅另外再叫左海鮮鍋同樣好足料加左2包韓式公仔麵落去同湯底好夾牛肉炒粉絲同辣豬肉炒粉絲都有叫2款都好有多材料好食😋個人鍾意辣豬肉炒粉絲辣辣哋惹味啲鐘意食炒粉絲的必點牛肉紫菜包飯同樣足料好味係一間好推薦的韓國餐廳但飲品相對比較貴唔算好突出飲酒可能會比較夾食物足料同大份所以相對飲品較好一大班同事/朋友聚餐首選🫶🏼

耐唔耐都會食吓韓國菜，呢間bingo & cook都幾出名，喺尖沙咀同銅鑼灣都有分店，食物質素幾高😌之前食過佢嘅辣醬炒豬肉，好好味，所以每次嚟都會點，而且好大份，大家share食啱啱好👍🏻佢個醬汁真係好好味，配肉同菜都好味，而且豬肉口感好好，唔會好肥，食落非常惹味🥰另外必食嘅係佢嘅餅，之前食過海鮮餅好好味，今次試咗韭菜牛肉餅，同樣食到停唔到口，好香脆，我哋仲加埋豬肉入邊嘅辣醬一齊食，更加滋味✌🏻今次我哋冇食炸雞，試咗呢款50cm嘅海鮮火鍋，真係打卡一流，要用兩個爐先可以煮到，入面鋪滿各類海鮮，有蝦、蟹、鮑魚、青口、魷魚、扇貝等，真係好誇張。

從駱克駅搬到京都廣場的Bingo and Cook，裝潢由之前的自修室變了韓國街頭&大排檔風格，地方亦變得更大更寬敞！除了打卡位變多之外，作為暢飲、暢吃、暢談這裡絕對是個好地方!🙂‍↔️試了新推出的「韓式牛肉海鮮鍋 」 🐮🦐鍋底超豐富 完美結合了海鮮跟牛肉的鮮美！亦滿足了愛牛又愛海鮮的我們～鍋裡有鮑魚、扇貝、八爪魚、蝦、牛肉、菇跟蔬菜，我還額外加了一份粉絲呢！٩(๑❛ᴗ❛๑)۶湯底選了小辣 (個人覺得不辣)跟湯底融合後的海鮮跟牛肉很入味，特別是牛肉 配上豐富的肉汁，每一口都吃得很滋味！ヾ(*´∀ ˋ*)ﾉ另外「Bingo 特製紫菜包飯」跟「海鮮煎餅」也很好吃！海鮮煎餅很脆口，滿滿的餡料，完全沒有粉漿感，點上醬汁一起吃，很滿足～推介～！•͈౿•͈𖤐˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ ˒˒ 𖡂 韓式牛肉海鮮鍋 𖡂 Bingo 特製紫菜包飯 (芝士+牛肉) 𖡂 海鮮煎餅𖡂 柚子碳酸水 𖡂 水蜜桃碳酸水

香港韓國嘢🥘選擇都好多，但有得食醬油蟹🦀又好味選擇唔多。呢間係少有新鮮同好味嘅！當然佢哋仲有好多其他食物選擇，都係有質素保證。餐廳仲佈置到韓國拍戲啲景咁，好多打卡位。兩隻醬油蟹加蟹子飯🦀大大隻上碟已經好多蟹膏😍 肉質鮮甜勁滑，完全冇唔新鮮嘅味道，醬汁係帶少少甜同唔會死咸，但加落海苔蟹子飯再配埋蟹膏，真係可以食到幾碗飯！芥末蜜糖炸雞🍗外脆內嫩，蜜糖味甜甜地但唔會過甜。肉質仲保留到油份，係滑嘅！藥膳人參雞湯🥘雖然人參味唔算好重，但整體鮮甜，重雞湯味，仲有少少膠質感覺。同平時飲嘅有啲唔同但又會想繼續飲😎大大杯西柚 highball 🍹少少酒味配上西柚汁同果肉，好清新好解渴 ！

人氣打卡嘅韓國菜bingo and cook裝修以韓國街頭風格為主，真係好似去左轉韓國，岩曬朋友們去打卡🥰➰50cm 韓式海鮮鍋 $380呢個超級吸睛嘅50cm海鮮鍋真係好足料，鍾意食海鮮嘅朋友一定要揀呢個，可以同三五知己分享。海鮮鍋有青口、巨型八爪魚🐙、蜆肉、原隻蟹等等⋯海鮮湯底鮮甜帶少少辣➰蜂蜜黃油炸雞（半份） $130炸到金黃香脆嘅蜂蜜黃油炸雞，食落外脆內軟，雞肉好嫩滑🤤。呢個炸雞完全有驚喜，佢唔會好乾好硬➰冷麵 （少辣） $120水冷麵嘅麵質咬落好彈牙，麵嘅份量好多，配以清爽嘅冷麵湯底，好適合炎夏食用。冷麵嘅配料仲有牛展同蘿蔔，份量十足。➰芒果忌廉溝鮮奶 $58飲落唔會好甜，好濃嘅芒果同忌廉鮮奶，成個配搭好配合，仲要有粒粒嘅芒果肉➰士多啤梨冰糖葫蘆碳酸水 $88呢杯飲品真係打卡一流，除咗飲到士多啤梨🍓碳酸水，仲食到香甜嘅冰糖葫蘆，一次過滿足兩個願望。

銅鑼灣人氣樓上韓國大排檔🇰🇷‼️入秋要食暖笠笠海鮮鍋😆.呢度最大賣點一定係環境先😆🫶🏻韓國包車嚟講呢到好大‼️嘢食真係樣樣都好好食🥹最緊要係好啱慶祝生日💯店員好給力抵讚🤭🥰.1️⃣50cm韓式海鮮鍋(💰$380)🤍🥹🙏🏻呢個鍋其實都份量啱三四個女仔share到✨海鮮有蝦、蜆、青口、魷魚、蠔‼️同埋係有成隻蟹🥹啲湯臨尾煮完勁有鮮味😆🤍呢個係必叫🥰2️⃣生菜包肉(💰$308)🤍鍾意食肉嘅話一定要嗌❣️每次去任何韓國餐廳見到都會嗌😹😹佢比嘅肉真係超多‼️肥瘦適中由唔會有膩嘅感覺🤍🫶🏻加埋青紅椒、韓式醬、醃菜好食😛🤍3️⃣牛肉韓式飯卷(💰$65)🤍呢個都真係好大舊🫣✨最欣賞係頭尾嗰兩嚿啲肉都真係多到跌出嚟🙏🏻而且餸同飯嘅比例係7:3‼️4️⃣韓式年糕腸仔串(💰$40)🤍其實本身唔係好鍾意食腸仔年糕🤓不過呢個除咗個醬甜辣恰好之外🥹年糕好煙韌😆🫶🏻鍾意年糕要食‼️.📍Bingo & Cook (京都廣場) (銅鑼灣)銅鑼灣駱克道491-499號京都廣場2樓🤍.#蛋美在銅鑼灣 #香港美食 #銅鑼灣美食 #hkfoodie #香港韓國菜 #韓國菜 #hkeat #hkig #小食 #hongkongfood #梳打 #海鮮鍋 #年

呢間韓國餐廳最近裝修咗, 以全新形象示人！室內佈置好有韓國街頭feel, 有電話亭、路牌、紅綠燈🚦、懷舊海報等佈置, 更播放着K-Pop🎶, 好有特色, 周圍都係打卡位！一坐低, 店員會先遞上韓式前菜, 有泡菜、青瓜🥒、大豆芽等等, 呢度係掃描 QR code下單～🥢泡菜豬肉鍋裏面有泡菜、豬肉、滑豆腐、香菇🍄‍🟫、金菇等等, 泡菜大大片, 醃製後仍能保持爽脆, 入口後可以聽到大白菜在嘴裡清脆嘅聲音, 每一啖都能感受到泡菜濃郁多汁, 湯頭酸酸辣辣好過癮！🥢海鮮煎餅煎至又薄又酥脆, 粉漿唔多, 厚度適中, 食材有蝦🦐、魷魚🦑、洋蔥🧅、紅椒、蔥段等等, 啖啖餡料好豐富！就算放耐咗都好食, 而且唔會太油膩, 蘸少少醬汁又有別一番風味！🥢牛肉炒粉絲有牛肉、秀珍菇、蘿蔔絲、洋蔥, 非常足料！粉絲煙煙韌韌, 充分吸收到醬汁嘅甜味, 帶麻油香氣🥢炸醬麵麵條偏粗身, 質感煙韌彈牙, 好有咬口, 配搭濃郁帶甜嘅特製炸醬, 相當掛汁！🥢香腸年糕串年糕沾滿醬汁, 係必叫嘅韓國街頭小食！

一出𨋢，真係有去左✈️韓國既感覺🇰🇷餐廳🍽內以地道韓國風格佈置，多個打卡位📸(韓國路牌 • 車站🚏 • 𝐒𝐚𝐥𝐨𝐧💈 • 街機🕹 • 電話亭☎️...)食野位置就好似當地既大排檔🥢，飲埋韓國啤🍻真係勁有風味😎~•~•~•~•~•~•~•~•~•~•~•~•~•~•~•~•~•~•~• ▪前菜蓮藕 • 芽菜 • 菠菜 • 泡菜.▪50cm 韓式海鮮鍋 ($380)𝟓𝟎𝐜𝐦既鍋真係長得好誇張😳，要用𝟐個𝐆𝐚𝐬爐🔥先可以搞得掂。鍋入面放滿晒多種海鮮(原隻蟹🦀 • 鮑魚 • 蝦🦐 • 青口 • 魷魚🦑 • 蜆…)，款式多 • 份量多上枱後會俾我地先打卡，之後店員再幫我地將原隻魷魚剪開✂️方便𝐒𝐡𝐚𝐫𝐞湯底方面可揀少辣，仲可以加麵底🍜(拉麵 加+$15 / 粉絲 加+$25).▪醬油蟹 • 連飯 ($380)依個真係必食！🦀真係好鮮甜！醬油汁調味唔會過鹹🤎蟹蓋到仲加左隻生蛋💛 • 加埋蟹膏🧡，撈蟹籽紫菜飯撈飯食🥣.▪海鮮煎餅 ($148)勁脆卜卜呀💥好足料蝦🦐 • 魷魚🦑 • 洋蔥🧅 • 紅椒...雖然咁足料，但係又唔會落左厚厚粉漿😚真係可以用海鮮脆脆形容✨.▪石鍋飯 ($145)大量牛肉🐃 • 翠

嚟到銅鑼灣想食韓國料理，朋友就介紹上黎呢間餐 廳。上到嚟發現好多韓國佈置，環境舒服。睇到個醬油海鮮好吸引，立即點黎食🥢醬油海鮮（連飯）呢個價錢黎講真係好抵食！ 套餐有齊兩隻啖啖肉嘅醬油蟹、幾隻大大隻嘅醬油蝦、醬油扇貝、醬油鮑魚同埋飛魚籽紫菜飯。@醬油蟹超多蟹糕，每啖入口都是鮮嫩嘅蟹肉，口感有啲似厚切三文魚，連埋佢地特製嘅醃蟹汁，再配上一口飛魚籽紫菜飯，就是正宗嘅韓式食法～ 而醬油蟹嘅鹹鹹辣辣的口味，正正就係韓國一直有講嘅「偷飯賊」之稱，簡直係人間美美！@醬油蝦肉質結實，帶有淡淡嘅醬油香甜味，蝦頭仲有滿滿嘅橙色蝦膏，鮮甜回甘@醬油鮑魚同扇貝都夠彈牙，肥美多汁。仲要有成半隻手掌咁大，必食推介！🥢醬油炒牛肉韓式牛肉肉嫩多汁，份量都唔少，配埋韓式麻油和Q彈既粉絲一齊，好入味又大碟，食完好滿足！🥢水蜜桃梳打甜甜地，解渴一流

睇完韓劇就特別想食韓國野🇰🇷要找香港數一數二既正宗韓國餐廳非 ‘’Bingo & Cook’’ 莫屬由韓國oppa親自打理一出電梯已經充滿韓國街頭風味今次同爸媽一齊食決定點個巨型招牌：🍲 50cm 韓式海鮮鍋 $380真係好霸氣！🫡 要用兩個瓦斯爐先足以加熱到！海鮮非常足料：有海蝦、大蟹、扇貝、鮑魚、蜆、魷魚、青口、配上蔬菜底，我仲 +$25 要埋粉絲，新鮮海鮮吸埋辣湯，非常可口暖胃。店員仲好細心幫忙剪魷魚，又睇得又食得！🍗 甜辣炸雞加香腸年糕串（半份）$140外皮炸得好脆，內裏雞肉保持鮮嫩幼滑，夠Juice啖啖肉，淋上甜辣醬更加惹味，香腸年糕串夠Q彈，同我在韓國食嘅一樣！🐓 藥膳人蔘雞湯 $168一向湯水唔少得既我，近年開始養生，見有藥膳人蔘雞湯當然唔會錯過，雞肉已煮到好淋唔會老，入曬湯度，正！🍙 Bingo特製紫菜包飯 $80餡料勁多，kimbap色彩繽紛，有牛肉、芝士、青瓜，黃瓜、紅蘿蔔，配搭一齊mix起來好好味，口流豐富！

Bingo & Cook (京都廣場) (銅鑼灣)🫙銅鑼灣駱克道491-499號京都廣場2樓有日weekend walkin 左一間銅鑼灣樓上鋪打卡ok 😎 性價比一般 打造到好似置身係韓置地鐵站咁， 好有特色， 枱凳就係韓置街頭包車街頭小店， 雖然做到好似好地道咁， 但價錢一d 都唔地道嫁😌 星期六日晏晝無得揀lunch set 要點好幾款主食咁先飽， 我地叫炸雞叫大份左，2 人前比較適合半份， 全無骨雞， 份量叫得多左反而食膩左，小食多滋味😆 煎餅同kimbap 其實幾好食！ 都足料， 似韓國地道，不過你問我會唔會再encore , 我覺得打卡gimmick 好好，但整體食物質素令我回頭率降低🤣 加上宜家去旅行🧳比疫情前方便， 不如我直接飛去韓國🤣🤣 呢到一解思鄉係ok 嘅#韓國美食#香港韓國菜#hkig#hkfoodie#hkkoreanfood l#hkblogger#hkfoodblogger

人氣韓式餐廳Bingo & Cook 銅鑼灣分店搬了新舖，店內裝潢以地道韓國風格為主，讓我彷彿置身當地一樣醬油蟹2隻（連紫菜飯）$380醬油蟹讓兩隻整齊地放在碟上，蟹腳、蟹殼、蟹膏盡現眼前。特製醬汁甘甜可口，突顯出醬油蟹的獨特風味。醬油蟹雖然較細但蟹肉入口鮮甜，蟹羔豐富，將紫菜飯放在蟹殼上，混合著蟹膏一起享用，大愛藥膳人參雞湯 $168湯清甜軟糯，暖胃又滋補。湯中包含雞肉、人蔘、紅棗和糯米等食材，經過長時間熬製，營養豐富，讓人感受到滿滿的養生之意炸魷魚 $68炸魷魚的外觀乾身，炸漿恰到好處，搭配啤酒更是絕配Terra啤酒(355ml) $68威士忌忌廉溝鮮奶 $68清爽解膩，牛奶的香濃口感中和了威士忌的酒味整體服務親切周到，讓我有種宛如置身異地的感覺🎈Bingo & Cook (京都廣場)🎈銅鑼灣駱克道491-499號京都廣場2樓

在國慶日那天，我終於有機會來嘗試這間很有名的韓國餐廳 🇰🇷✨。這間餐廳在旺角和尖沙咀也有分店，裝修得很有韓式風味，處處都是打卡位 📸，播放着流行的韓國歌 🎶，就像置身於韓國一般。餐牌的選擇很多，每樣我都想來一份，無奈食量有限，只好下次再來！🦀 醬油海鮮（連飯） $580 （醬油蟹2隻，醬油蝦3隻，醬油鮑魚3隻，醬油扇貝2隻，飛魚籽紫菜飯）這個價錢有這麼多的海鮮很抵吃！🥳 醬油蟹的蟹膏很多，一唧啲蟹肉就出來了，撈埋啲飯一齊食超級滿足！🍚 其他海鮮都好新鮮，醬油味濃厚，簡直是淡淡滋味 👍🏻👍🏻👍🏻。🍗 蒜香醬油炸雞配香腸年糕串（半份） $140 蒜香醬油炸雞外酥內嫩 🍗，香腸年糕燒得外脆，熱辣辣好好食 🔥，個醬汁甜甜的令人很開胃 😋。🍊 柚子沙冰 $78 柚子沙冰清甜解渴 🍧，粒粒柚子增添了口感，讓人感覺好滿足 😊。💰 總計: $878, 2位用餐(已包含10%服務費)

最近成日見到人地打卡呢間海鮮鍋今日約埋同是海鮮控嘅朋友去食🤤一開𨋢就有種熟悉嘅韓國感韓國車站 街頭帳篷餐桌 舊式打卡位最正係食食下可以走去玩街機🕹️༯ 𝟓𝟎𝐜𝐦韓式海鮮鍋 $𝟑𝟖𝟎可揀辣度 小辣個個都食到好～豐富 有多款新鮮海鮮鮑魚 青口 蜆 蝦蟹 魷魚 八爪魚等真正的海鮮湯非常濃郁鮮甜且滲有蝦膏蟹黃香氣鍋內更有不少芽菜 娃娃菜索晒味🥰༯ 蜂蜜黃油炸雞（半份）$𝟏𝟑𝟎 係韓國嘅味道 半份都有約十大隻粉薄脆口啖啖肉 嫩滑多汁甜甜咸咸 如果有埋酸蘿蔔就一流༯ 牛肉煎餅 $𝟏𝟒𝟖煎餅幾厚身 用料十足咬落好實在肉質嫩且香口 重點不油膩 配搭韓式醬通常略咸所以無點༯ 炸醬麵 $𝟏𝟐𝟎份量有不少 麵質偏粗有咬口鹹淡剛好微微甜 配有少許肉粒薯粒同係韓國食嘅差不多༯ 𝐒𝐭𝐫𝐚𝐰𝐛𝐞𝐫𝐫𝐲 𝐒𝐦𝐨𝐨𝐭𝐡𝐢𝐞 $𝟕𝟖草莓味十分香濃 奶昔綿厚幼滑加上有乳酪酸酸甜甜 ༯ 𝐆𝐫𝐚𝐩𝐞𝐟𝐫𝐮𝐢𝐭 𝐂𝐨𝐫𝐨𝐧𝐚𝐫𝐢𝐭𝐚 $𝟗𝟖酒濃度不重易入口先淡後微微甜 西柚甘苦隨後滲出◡̈ 以上食評乃個人意見僅供參考◡̈ 價錢僅供參考一切以餐廳為準