BRICK LANE Gallery

營業中

休息中

第一次去完brick lane 已經之後encore過幾次首先環境黎講行chill 路線外面有露天位不過位置相對較少而且枱與枱之間相距唔遠餐廳入面枱與枱之間有一定距離坐得舒服裝修係行外國style食物方面all day breakfast 真係好大一份都係基本嘢 都好食既 不過真係好抵食 百零蚊一大盤菠菜班尼蛋隻蛋非常之流心配埋醬汁都幾好食不過未算好食到識飛下次我想試下火腿或者parma ham班尼蛋黑松露野菌天使麵呢個就真係好食到識飛食完有種好感動嘅感覺😂我追住嚟食嘅意粉紅絲絨蛋糕係經理介紹我食呢款蛋糕cream cheese蛋糕味道唔濃唔太甜我覺得味道啱啱好好細件嘅啫 依完飯都會食得落最後提一提大家一定要book位如果lunch time去食我每一次當日朝早book都book唔到去到下午茶時間先會有位另外佢有野餐籃買嘅有興趣嘅朋友都可以試下

黎到尖沙咀周圍行下發現左間有得食英式早餐既餐廳 可惜門口枱都比人坐哂 入面一坐低冷氣好凍 係依樣吾好服務態度幾好野食都可以最好食係個班戟早餐就感覺普通黎依到食野最好訂出面枱 岩哂食煙既朋友

第一次接觸egg Benedict 係係日本銀座某一間酒店的餐廳，一食立即愛上❤️。自此以後就不斷尋找有egg Benedict 的餐廳，在香港，之前很喜歡去Clasxxxx，但因只有港島有，所以不能常常去，反而Brick lane 在九龍區有，自自然然就成為了我其中一個常去的飯堂。當然九龍區也有其他地方食Egg Benedict ，但確實Brick lane中的味道我最為喜歡，食著也會另人想起去英國時食過的味道。🤤其實已經去過很多次，每次也是叫煙三文魚班尼迪蛋和一杯latte。班尼迪蛋最令人愛不釋手的原因，不外乎其英式鬆餅 English muffin, 水波蛋和荷蘭醬。最喜歡遇到半山熟的流心水波蛋，加上香滑美味的荷蘭漿，伴著英式鬆餅，美味至極。這裡的荷蘭醬充滿幼滑濃稠的口感😋，鬆餅也很好味，每次食完也大滿足😍！無得去英國🇬🇧，就在這享受一下英倫風的Egg Benedict 吧！😍

其實係嚟慶祝生日嘅所以事先book咗枱但眼見現場真係好少客可能因為限聚令同埋肺炎嘅關係啦好似全場都係得四五張檯有客舖頭算大嘅 仲有男女洗手間好方便Green Tea Latte 對我嚟講入口有少少苦 上面有啲cream都幾滑但好快融晒落去飲到底仲有啲抹茶粉後面係Truffle薯條聞到已經覺得好香 好好食 夠脆夠熱有啲朋友話唔點啲醬好食啲我就覺得點咗醬味道更加出啊每人都點咗個all day breakfast款式唔同 其實只係材料嘅增加同減少我呢個set份量都偏多咗少少味道正正常常除咗塊煙肉之外 實在硬到好似豬肉乾咁順便食埋蛋糕切埋餅應該有收費用 但唔知幾多總數大概180-200蚊一位

<Brick Lane Gallery>tsim sha tsui 高質 cafe成個氣氛都好好。係咁岩撞正落雨😭sad 小濕係 K11出三四分鐘就到好彩有 book.到位一入門口就有甜品櫃睇到幾款 dessert 入到去坐得舒服一開波叫野食講左廣東話，點知有啲樓面係 吾識 Cantonese, 嚇一嚇。爭啲連 炒蛋太陽都應吾到食左 Brick Lane Combo all day breakfast薯餅正，炒蛋滑scrambled egg，茄豆，兩種火腿，腸，芝士包，煙三文魚，菇，同一片黑色的恕我吾識食。。。。成個都不錯spaghetti carbonaranormal 有味道all-day breakfast taste good, carbonara normally performed飲左 tiramisu latte L 幾好飲signature chocolate L 佢有棉花糖but 吾夠燶tiramisu latte taste good, choco a little waterydessert chocolate hazelnut cake

難得疫情好轉，週末約人出尖沙咀食個late lunch，第一次在Brick Lane Gallery食飯，感覺很好！餐廳位置旺中帶靜，裏面好大，有得揀室內或室外進餐。我和朋友叫咗兩樣野。首先有英式特大全日早餐，果然係好大份👍🏻，好好味🤤，食完超飽！落order時侍應會問你想要咩蛋，我就揀咗scrambled egg 🍳 另一樣係卡邦尼意粉，味道還可，由於煙肉係一大片放面，意粉汁就淡味咗啲。不過估唔到會有隻水波蛋附送，值得一讚👍🏻最後仲叫咗杯Mocca，很滿足！

跟好友生日相差只幾日…偶發性約埋一齊賀賀佢…哈哈!!...慶生也不一定要晚餐蛋糕+禮物…相見就是好氣氛…關心就已顯愛心!!...正好7.1假日大家有空檔……來個朝氣o既豐富早餐…好醒神呢~ 訂左尼Brick Lane Gallery…位處綿登徑…靜處一角…有喜愛o既英倫格調…帶點時尚帶點放浪…加點藝術氣息…室內設計以最自然o既木 + 磚為主…別出心裁o既小擺設…書架…大皮梳化…單是環境就令人感放鬆…啊!牆上掛著架白色單車…乃餐廳o既標記…亦正好象徵住我跟好友一段難忘單車之旅o既共同回憶…...份外感親切呢!All Day Breakfast Menu好簡單…FULL English對於女仔尼講都多了點…所以選左細一級o既Everything $128…份量都十足架!!..........有吾少得o既煎雙蛋、烘多士 + 炸薯餅 (兩樣都好香脆)、煙肉 (少少乾)、白肉腸同煙三文魚都美味…菇啦……沙律菜好新鮮、車厘茄尤其清甜呢!!...隨碟附上3小杯芝士碎、tomato sauce 、baked beans...適隨尊便!!另一份Classic Egg Benedict $98…都係齊齊s

升級版薩莉亞咁上下，同樣價錢我不如食兩餐薩莉亞，做brunch仲OK，當dinner食真係差好遠，只咩春雞根本唔入味，直情好似食緊水煮雞。肉類都有一陣凍肉嘅味，肉圓肉腸全部都係，凍肉無問題，俾多少少心機一樣煮得好味，但佢地就真係唔掂。酒水飲品真係麻麻，三樣嘢飲均價70蚊都係唔抵，strawberry奶昔是草莓香精加奶，草莓伯爵茶就係同款香精兌紅茶，最憎係晚餐時間燈光昏暗到睇唔清楚d餸，應該唔會再來

Have seen some great reviews about this. Gave it a try with my girlfriends. Made a reservation on OpenRice for 1pm and some of my friends got there late. No big deal we were just waiting until one of the managers come up to us and said we have already spent 40 minutes and we need to order and leave by 2:30. So of course we order and we didn’t get our food until 2:10 and ate as fast as we could and finished at exactly 2:30. We weren’t even allowed to get a sip of water and we were kicked out. Pro

話說局長又去尖沙咀搵食結果發現呢一間餐廳再上OpenRice望一望發現原來都幾出名咁就二話不說咁入咗去食啦入到去其實餐牌就唔算話太多特別嘅嘢食都係西餐果類 有肉呀全日早餐啊意粉之類咁由於局長係一個全日早餐嘅粉絲所以都打算試一試呢度嘅全日早餐佢全日早餐都有分好多佢亦都非常之正宗 有一款全日早餐係有齊晒英國傳統嗰啲野例如係血腸 但由於局長唔太鍾意食咁傳統所以就叫左個迎合返香港人口味嘅全日早餐分量十足嘅全日早餐個炒蛋好好食 煙肉亦都煎得好香脆味道唔錯 我仲叫多咗杯latte都幾好飲 食得過

由於小弟都幾鍾意去旅行，窮遊見識吓呢個世界，所以，有儲開飛行里數嘅習慣，但就絕對唔會為儲里數去刻意消費。不過，有啲推廣優惠，而計落好有數嘅，就會考慮吓。最近，「Asia Miles x OpenRice」推出個「里賞餐饗週」，除Openrice本身訂座系統有里數獎，享用指定精選餐單又有額外100里，跟手用埋「運通國泰航空尊尚信用卡」埋單再送500里，咁碌呢張卡本身都有里數。晌咁多餐廳中，揀咗主打英國菜嘅「Bricklane Gallery」，一來喺未試過，二來見佢啲風評唔錯，仲有個重點喺起錶消費唔高嘛。可能做緊個推廣關係，星期六嘅午餐時段，唔訂座喺無位嘅，排我前面幾位都喺訂咗個推廣餐，甚至後嚟側邊嘅客都喺因為個推廣而嚟。相信大家都計過數，真喺比平常消費儲里數多幾倍。鋪面，有啲戶外位，伴有好多植物，襯以小木椅，有種渡假感，但烈日當空，時值又正午，絕對唔會感到太舒服。室內環境又點？感覺有啲英倫復古風，木地板、高身吧位、梳化位……都顯得型格，昏暗嘅燈光，甚有氣氛。不過，枱與枱之間非常之密，枱上所插嘅膠檔對防疫都好有限。而最大問題，喺廚房門大開，室內嘅抽風都一般，雖然，無話彌漫一片油煙，但絕對

同老婆一齊搵左呢間，有她鍾意的英式全日早餐，亦有我好耐無食的炸魚薯條。週六中午坐下，很快點了我倆各自喜好……到喇！用刀一切落去，心知不妙！把刀唔能夠清脆地進入。炒漿無落啤酒，有成 cm厚，中心仲淋淋地，未炸透。魚，下價龍脷，完全無味，散「修修」，淋「榭榭」。粗薯條被塊魚「宅」到變得又涼又韌，咁就承惠$168＋！勉強食左一大半後放棄，要我比分？1.5/10。1分比賣相，半分比D醬汁。老婆果份， 中規中矩，普普通通。

好開心又可以開始慢慢繼續覓食之旅啦！不得不講呢個澳洲穀飼安格斯肉眼扒係我近期食過最好食嘅，當然我係叫三成熟，肉質鮮嫩牛味相當濃郁有咬口，份量算大啖啖肉，好回味！煙三文魚蝴蝶粉，賣相都幾靚，煙三文魚大件又肥美，蝴蝶粉質感唔錯軟硬適中，唔使成日食意粉咁悶。雞肉薄餅就比較遜色，餅底都脆但係雞肉就唔夠嫩滑。最後當然唔少得甜品紅絲絨蛋糕，蛋糕鬆軟甜度適中，有啲玫瑰花瓣裝飾配搭蛋糕有清新嘅感覺。呢間餐廳環境舒服，食物質素唔錯，喺度傾吓計都幾chill架！

一星期一次同朋友出尖沙咀做gym，做得咁辛苦，梗係食飽飽再減肥啦！最近搵食都係要搵黄店，個個星期都出尖沙咀都食咗唔少，今日Book到位就試下呢間餐廳啦！餐廳環境好好，傾計唔錯，當日都8成滿，解釋Book左位先，又有里數/積分送。呢份係三文魚Pancake，個餅皮係甜既，醬同埋三文魚都係鹹既，我唔太中意食甜野，如果皮都係鹹我會中意多啲燒春雞，味道普通，燒得唔夠香薰衣草Lemonade ，甜左少少，同埋係無薰衣草味既，有啲失望。份量黎講偏少，價錢偏貴，未必會有下次。

家下寫食評真係同時間競賽，有時懶諗住攤下先寫，都變裝修中！Brick Lane 喎！開咗咁耐，食親都咁多人，係咪真係裝修咋？我都成日帶狗仔黎食，因為佢有戶外，不過佢嘀野食真係比之前差咗，以前好鍾意食佢個pizza，佢燒到個餅底又薄又脆，但我上次去，佢個Pizza竟然變咗得四件，唔係一個咁上，係覺得好似賺得盡咗嘀.....但佢個熱朱古力真係好飲㗎！大大嚿燒棉花糖，朱古力又夠濃，好都要讚下嘅