C+ Bar & Cuisine (已結業)

柔道輕輕鬆鬆的星期五,今晚想食餐西餐。就來到紅磡加太賀附近一間酒吧加西餐馆。你間酒吧好有格調好有情調適合情侶來。門面裝修得體大方火焰威士忌燒有骨豬扒， 豬扒用上美國黑毛豬肉身厚。淋上威士忌， 豬肉肉質嫩滑彈牙。冧酒上火的一刻的覺好鬼型， 配上一杯紅酒嗰set dinner才268。 確係抵食伴菜有一啲蘑菇， 蘑菇鮮嫩多汁味道i like餐湯用上牛尾骨羅宋湯 煲得好入味意大利炸雲吞， 外層脆卜卜配上小小黑松露好嘢未呀。

結婚以後，每次前往有情調的餐廳都跟老公去。今天星期四晚上，老媽有約，決定和老爸撐枱腳。這間餐廳以前來過，格調非常浪漫，食物份量夠，是西餐精明之選！Set dinner 每兩星期會轉換一次，曾來過多次。所以今晚決定吃新推介: 火焰黑毛豬鞍。老爸看完又看，結果和我選的一樣。我們喜歡「自己的扒自己切」，所以不存在要share。另外點左份餐湯: 羅宋湯。羅宋湯是我們的至愛，這餐廳的羅宋湯非常真材實料，可以吃到濃濃的牛骨味，還有清甜的雜菜，酸甜開胃。主菜終於來了，既然是火焰當然要相機ready啦！香噴噴的蘑菇汁配上厚厚的豬肉，口感十足，而且帶有點點碳香，真是色香味俱全。豬鞍份量驚人，吃得飽飽的。老爸笑說，如果這刻有琴樂相伴，必定更寫意。哈哈，其實我之前來就真有聽過，不過只是星期五至日晚上才有啦！表演是不錯的，值得多留意。最後加左一個是日甜品：朱古力布甸。平淡的外表，濃濃的朱古力更映襯著今晚的浮誇。

倆母女聚首一堂，要好好地吃一頓飯。晚上七時許，決定去崇潔街尋訪美食，沿街道一直走，就讓這間店面吸引了，看看門前的餐牌發現不錯，便進去了。打開門，簡直不敢相信自己的眼目，閃爍的藍光充滿夢幻，頓時想起一句"藍藍天空高掛我的夢" ! 太美太有心思的佈置，令我忍不住拍下眼中所看到的一切！開飯了！餐牌種類繁多，老闆娘看見我們商量了很久，於是主動和我們聊天並推介！親和力很強，有熱情的人是溫暖的😊食物是重點，上菜了！黑松露蟹柳豆腐沙律：黑松露很香，豆腐很滑，沙律菜鮮甜！煙鴨胸露筍卷：一口咬下去非常香嫩多汁，煙熏香味同清甜的口感非常夾，鴨胸煙得剛，易入口，讚👍餐湯都點了忌廉湯：真的非常特別，從未嚐過這種風味！忌廉不是罐頭制成品，一飲便知無加添加味精，口感較清淡。最特別是湯上紅色一點點的東西，是碎了的紅腰豆，令整碗湯層次提升，亦加多一份健康感👍鹽燒盲曹魚：很喜歡吃魚，但家裏不常煮，當然要把握機會😋😋 從未吃過盲曹魚，起初還怕會很多幼骨，原來不會👍 燒得皮脆肉嫩，魚肉入口即溶再配上秘製沙律醬。大大條的魚份量充，大滿足！讚👍 燒春雞：同樣外皮脆，肉質厚，啖啖肉的感覺真好😁最想一提是薯蓉，很甜很有心思的烹調，

紅磡崇潔街出名多野食，今日就同兩位朋友黎覓食。午市套餐選擇不少，每星期會轉一次menu。跟餐附送餐湯（羅宋湯/忌廉青豆湯），個人比較喜歡羅宋湯，味道偏酸，好足料。其實我麻麻地青豆，但青豆湯味道都可以接受，朋友比較喜歡，結果佢飲晒。炭燒紐西蘭西冷牛扒配黑椒汁（$92）選了七成熟，配薯蓉。牛扒味道不錯，但肉質可更腍，而薯蓉係一大亮點，由店家手製，滑溜非常！匈牙利燴雞配飯（$82）醬汁香濃美味，撈飯食一流，雞肉亦十分嫩滑，真想再encore一碟。芝士蕃茄薄餅（$80），配煙三文魚（+$6）Pizza Set屬於假日套餐，星期六、日才供應，當然要一試。Pizza係薄底那一款，表面佈滿厚厚的芝士，一上桌就聞到濃郁的芝士香，令人食指大動！如果份量多少少就更完美，因為我地三人不斷搶食XD火焰焗雪山（原價$65，跟餐只需加$50）甜品方面，店家介紹呢款係店內招牌，在我們面前淋上提子冧酒，頓時冒出紅紅火焰，就像睇表演一樣，相機都好唔得閒呢！品嚐一口，果然有水凖。雪山表面由蛋白與砂糖製成，有食「白雲」般的輕盈感。雪山內部則更讓人驚喜，裏面有雲呢拿雪糕及蛋糕底，混和一齊食富有層次，大力推薦！餐飲共三杯，我們

今晚約佐個朋友在紅磡附近食dinner 所以揀佐呢間西餐廳， relax下，傾下計......呢度的環境唔錯，又有格調呀！Dinner SET 送飲品&甜品飲品：Popcorn. mocha平時喺出面飲mocha就飲得多~真係未試過有爆谷嘅mocha有爆谷喺度好特別，直得一試呀！另外加錢就可以轉menu 上的甜品最後揀佐芭菲伴雜莓醬幸好不算太甜, Mix 迷藍莓醬味道岩岩好招牌羅宋湯 裏面 多款雜菜~~招牌野 味道果然有水準~~當上主菜之前, 服務員主動來幫我地換刀刀叉叉服務好好，好貼心!!!主菜:香煎是日鮮魚平時系屋企好小機會食煎魚所以今次來到就揀佐魚第一口已感到魚的鮮味!!!再配上旁邊的醬汁，真系錦上添花!!!我地膽粗粗揀佐個火焰鐵板套餐配上一杯紅酒，好襯呢度的環境呀!!! 火焰鐵板美國自然豬鞍伴野菌(10安士)先淋上威仕忌, Wow~~好似做緊一場表演!!!!威仕忌的味道立刻溶入肉裡面。接著，再淋上蘑茹燒汁~讓鐵板的味道即時湧現出來~肉質煮得岩岩好!肉感有別於一舨的豬肉~今次真系第一次食到呢個感覺~非常欣賞呢間西餐廳~對於服務和食物的要求好有水準!!

崇潔街的門口，一入去就有琴師彈琴歡迎很合味的羅宋湯日本的黑啤，不錯的頭盤尚可以，炸蠔的粉略厚燒盲曹，魚新鮮，燒得岩岩好，魚肉仍滑16 oz 美國牛，份量足，有炭燒味

喜歡佢唔同時間就會 change 一下午餐 menu, 顏色鮮艷嘅藍色，望落去都精神啲.裝修溫馨的小店，如果有同事生日我哋通常都來呢度切蛋糕。午餐通常我會要佢哋嘅招牌羅宋湯，真係超級唔香濃，好味傳統，真係有牛肉粒於湯裏面今日試新野要咗個德國脆皮豬手配香草豬肉腸 $98今日嘅脆皮豬手的皮有啲燶，食落去有少少苦味。中間口口嘅脂肪就等於骨膠原增生香草豬肉腸差不多原條上，味道恰到好處。跟手食咗熱辣辣嘅薯條，我唔係太鍾意食甘筍仔仲有我通常都會加＄18飲佢杯朱古力金莎沙冰

朋友係紅磡地膽，今日特地帶我去品嚐一間好有情調既酒吧餐廳餐廳內暗暗的，好有情調，好岩靜靜地食飯傾計Lobster Bisque龍蝦味好濃，開頭飲第一啖覺得唔夠咸味，但之後龍蝦味慢慢滲滿口腔，好彩我無加鹽，如果唔係就破壞左芝士薯蓉焗田螺燒BB鴿配墨西哥脆片BB鴿燒得夠乾身，但肉質都好juicy反而墨西哥脆片比較厚身，唔夠crispy半熟帶子扁意粉松露味好香，帶子食得出好新鮮，微微的煎香表面，口感唔錯炭燒美國豬肉眼扒由於係用炭燒，所以外層食到有少少苦味，而邊位既肉質較中間的細嫩，中間既肉質有d鞋檸檬梳乎厘中間既蛋白好軟滑，而且好香檸檬味Galaxy紫色cocktail 好夢幻呀有藍梅汁, 檸檬汁，violet syrup，當然唔少得酒精啦，酒精係用左peach vodka, 所以呢杯好岩好仔飲，易入口，又好睇，可以呃likeAlien Touch而呢杯就有whiskey, 菠蘿汁，檸檬汁，最特別係加埋兩滴豉油，但我朋友話異常的match我淺嚐左一啖，感覺都良好的我好欣賞呢間餐廳所有出品都係即叫即整而且對食物既要求都好高，個梳乎厘佢話第一個整得唔好，話再重新整一個俾我地，問我地介唔介意再等多

係黃埔落地鐵原來唔算太遠!估唔到係呢到都會有間咁有情調既餐廳=)首先一定要推介呢個 Today Special!($268)特別選用左Scotland whisky 落餐果陣先會係你面前先落~所以酒既多少可以到時先控制一淋落去會好大火~wow~睇表演咁~蒜蓉蝦好入味~肉質都好鮮~D肉一起就食到~唔洗驚狼狽!牛扒非常厚~我1我覺得五成熟岩岩好~一咬落去超多肉汁 帶有少少既酒香再加埋個汁~好正呀!燒德國脆皮豬手 拼德國脆皮肉腸 ($168)豬手烤得豈岩好! 最重要既係會走埋骨~好貼心唔會太咸~個皮都夠哂脆!紅色係辣既~好過癮! 超大條~我既朋友唔識得辣既~唔緊要~有另一條唔辣既=)唔洗爭!飲品 : 都係揀左TodaySpecialPopcorn Ice Mocha ($48)Mocha就真係飲得多~加Popcorn就真係未試過!幾特別~popcorn表面果層焦糖味會溶人杯Mocha到~可以一試~暫時未係其他餐廳見過!甜品 : 朱古力金寶 ($50)好靚既擺碟~一凍一熱刺激口感!朱古力味好香~批底都幾脆~重要既係唔會太甜=) Like上菜既時候店員都好細心介紹每一道菜式~令你好有係真正高級餐

我們去的時間尚早，下午七時未夠的星期日，店裡人不多，有機會同老闆娘傾兩句。字裏行間知道今年開店第七年，七年之癢唔一定係nagative，話唔定，一個轉捩點。好果隻！黑beer - 日本出產，平時好少飲啤酒都覺得好易入口，非常夠凍，而且好清甜，羅宋湯都絕對唔馬虎，肉味夠濃又唔太辣，就連伴牒嘅包都精心準備，絆住橄欖油黑醋⋯橄欖油夠清新、黑醋好似葡萄酒一樣甜，相當有水準。平時牛扒通常係8至10安士，巨形set都係12安士，今次呢個係15安士！足足15安士！上枱之後淋左啲汁落去嗰種氣勢十足！切開一陣驚喜！medium rare 真係真係medium rare! 肉質幾好，濃濃嘅肉香味，係我味蕾上徘徊， 久久不散。上一次食炭燒牛，係洲際酒店，當然價錢相差四、五倍啦！所以呢度真係好抵！老公係真係超級腌尖人，都一路食一路讚。伴碟係新鮮炸起嘅粗薯條，薯條亦非常有誠意，而且非常大份，真真正正大件夾抵食，仲要咁高質，夫復何求？鹽燒盲曹魚，配芥末子忌廉汁，最欣賞鋪頭對於伴碟嘅認真，魚嘅伴碟係燒娃娃菜，好juicy! 燒魚難得地肉質好滑，而且個魚係好新鮮，用心製作來貨認真。P.S. 星期五、六、日都有個非常高

**別讓明天的你討厭今天的你，每一個今天，都是你曾經幻想的明天**我每天都是以這種心態去工作和生活的，珍惜每一天，珍惜每分每秒。所以我最討厭約會別人遲到。但凡事有意外，今天我就在等一個遲到的人…很有情調的地方，藍色柔和的燈光讓人感到特別放鬆，皮座沙發軟而厚，坐在那里，聽著場地音樂，枱上的蜡光閃爍著陪我靜靜地等了30分鐘了…朋友終於來臨，由於時間關係，食物我已經決定好了。遲到的懲罰就是失去選擇的權利。頭盤-吉列炸蠔伴田園沙律：這次在沙律菜上安躺著兩只吉列炸蠔。有別於一般只要沙律的單調，沙律菜健康有益。墨西哥燒雞卷：整齊排列呈上，色彩繽紛，以燒雞肉為主，蕃茄和菜為伴做成卷物，再上茄汁伴隨，酸甜香脆，口感豐富。餐湯-餐湯有羅宋湯和忌廉湯，還配有烘焙過的香脆法包。羅宋湯配料十足，甜酸適中，令人非常開胃。忌廉湯滑溜綿密，配上法包是最佳拍檔。主菜-鹽燒加州鱸魚是主菜的其中之一，配有香草忌廉汁和芥末汁。鱸魚煎至金香，熟度剛好，脆香的魚皮鎖緊肉汁，口感滑溜鮮嫩的魚肉甘香鮮甜，非常好吃，沾點香草忌廉汁更加帶出魚的鮮味，如果沾芥末汁又是另一種味覺享受。細心的侍應把海鹽和黑椒呈上，配料眾多令到一條魚有不同口

好朋友生日，我們一於去紅磡這一家西餐廳 慶生餐廳樓底高、裝飾別緻、 感覺自在，是談心的好地點我們看過餐牌如下:我們慶祝生日， 必有美酒佳餚， 對酒當歌把酒談歡，歡樂無比!Signature Cocktail :Blossom Season 是用 Home made Daisy Gin, Grapefruit juice 加4種花香: 櫻花、菊花、玫瑰同紫羅蘭及少許糖漿， 散發美妙的花香，帶清鮮香甜前菜 Smoked Salmon Pan Cake 煙三文魚鬆餅， pan cake夠鬆軟, 配上稔香的煙三文魚，清新暢快我的至愛，新鮮清甜， 羅馬生菜、 紫沙律菜、 牛油果、 鮮甜爽脆的大蝦、 仲有最調味嘅柚子、 酸酸甜甜好醒神可以看見這家餐廳的用心，基本的紅湯及白湯，也能把番茄的酸味勾出整個湯的鮮甜，而白湯的細滑也發揮得淋漓盡致主菜Fish of the Day 是鹽燒盲曹(天天不同), 燒到外焦香， 內嫩滑，烤魚至有炭燒香味， 肉汁豐盈伴菜是我至愛的薯蓉，入口滑溶燒德國脆皮豬手拼脆皮肉腸，外皮香脆內肉稔香的豬手，2種肉腸有辣同吾辣， 近排熱氣唔食得辣， 但也非常惹味！配上酸椰菜絲沙律還有

今天想輕輕鬆鬆過一晚,剛巧路經崇潔美食街,便來了C+ Bar & Cuisine。首先上枱的頭盤為火箭菜沙津配巴馬火腿及巴馬臣芝士,沙津菜夠新鮮,只需沾上蜜糖芥末汁及略加黑胡椒,便能帶出沙津菜的鮮味,配上肥瘦適中的巴馬火腿,為豐富的晚餐揭開序幕。主菜為炭燒澳洲羊扒,份量十足,共有四件羊扒,未入口已聞到陣陣炭燒味。雖然點了七成熟羊扒,但肉質並没有因此變韌,羊扒仍然鬆軟嫩滑,非常難得,只是間中有點肥肉。伴碟的配菜除了有薯蓉,還有配搭新穎的芝士焗娃娃菜。甜品為火焰雪山,外層是蛋白打成的泡沫,非常厚身,給人軟綿綿的感覺,內層則是以蛋糕底,配上雪糕,藍莓醬,士多啤梨粒及藍莓粒,配料美味可口,最後以甜酒加火,即成火噴噴雪山。沒想到雪山是那麽大座,合二人之力也未能食完。最後的餐茶還可點選花茶,薰衣草香味撲鼻,另蜜糖自行添加,為豐富的晚餐消消滯。整體而言,餐廳用料豐富,價格合理,加上 柔和的燈光及輕鬆的背景音樂,最適合情侶的我倆共聚晚餐。

今日約了一些大學同學見面，由於有人畢左業，有人還未。所以選擇了最就腳的紅磡。有朋友就建議崇潔的C+Bar & Cuisine。在紅磡工廠區的崇潔街曾孕育出不少好野，所以我對這餐廳都頗有信心。今晚有兩個頭盤和3個主菜和1個甜，聽說在星期六日有現場音樂演奏。不過今日是平日，可惜…進餐前店主為我們推介的白酒。第一個頭盤就是這個三色醬脆片，有牛油果醬，茄醬和忌廉醬。三種的口味不同，任君選擇。雞扒牛油果沙律清新簡單，略加一些鹽，醋，沙律醬作調味。不油膩的口感先作熱身，可以為下一道菜準備。白酒煮蜆，淡淡的酒味為蜆洗去醒味，而煮出來的湯汁都充滿甜味的海鮮湯汁。巨人牛扒很夠份量，一個人難以獨食，最好和多個朋友分享。牛扒比較生，如果想熟點就放耐一點。一份豬肋肉十條肋骨，份量大足。加上面層的燒烤醬，惹味！火焰焗雪山，侍應現場淋上酒精再立即點火，由於酒精燃燒溫度低。因此忌廉的表層只有少少的脆皮口感，而不會被燒得太焦。與裹面的雪糕和雜果都很夾。

情人節前夕，去了红磡的崇潔街吃西餐，預祝情人節。自選二人套餐特價$498，價錢合理，食物物質高。是日餐湯是羅宋湯，湯底非常濃郁，牛肉味濃，而我卻喜歡淡一些，配搭烤包沾橄欖油，好喜歡！自選沙律點選火箭菜配巴馬火腿、巴馬臣芝士，新鮮的火箭菜加上濃味的火腿和芝士，配合醋汁，味道剛好。主菜選了炭燒澳洲羊扒和鲜墨魚汁墨魚意粉。完全無羶味，陣陣炭火燒烤味的羊扒，表香而脆、肉質嫩，配搭芝士焗娃娃菜和薯蓉，特色、出色之作！另外的鮮墨汁墨魚意粉，意粉沾上墨魚汁，加入忌廉煮成，香滑而有口感，墨魚鲜而軟滑，有特色！甜品是火焰雪山，待應端上已焗雪山，燃火在杯中的君度橙酒，隨即傾在雪山上，整個雪山在燃燒著，烤焦了表層，鬆軟的焗蛋白，味道略淡，加上雪山的佔份量過多，要吃了一半的雪山後，才可真正品嚐蛋白、雪糕和蛋糕混合的美味，軟、鬆，凍、甜、滑的多重口感，回味呀！最後飲品兩杯，二人自選餐，份量夠，吃了饱飽，待應服務好，又細心，值得一讚！下次會再去試意大利飯和甜品！