Cafe de Tiffany (已結業)

復活節長假期最後一天，和朋友二人晨早出發去粉嶺鶴藪遠足，盡量備免人多擠迫和疫情傳播量激增，為人為己做個良好市民。😊中午時段乘小巴回粉嶺聯和虚尋美食，聯和虚食市多元化，任君選擇。心想今天大家消耗了很多體力💪見議鋸扒😁。行來行去，左穿右插見到一所餐廳(Cafe de Tiffany)門外有很多食客等，仔細細看價錢都非常大眾化。餐廳都幾有扒房格調，而且卡位非常寬敞舒適1.紐西蘭牛扒配薯菜跟餐有小麥包、羅宋湯和雪米糍~熱騰騰鐵板紐西蘭牛扒按在抬上香味四溢，再灌上黑椒汁……沙沙沙聲，超興奮👏👏👏紐西蘭牛扒肉質鮮嫰，味道清香肉汁豐富小麥包細細個軟軟綿綿羅宋湯湯色比預期偏向橙色，蔬菜非常足料及多樣化，能增進湯料的甜味。2.牛魔王忌廉意粉(牛扒+牛脷)雖然牛扒細細件，但是都有嫩滑多汁的口感👍牛脷需然不是厚切，有牛味及嫩滑。意粉好creamy又香濃的醬汁，加入牛扒/牛脷和蘑菇，香濃美味最後有一粒小小芒果雪米糍非常滿足

粉嶺 - Cafe de Tiffany自從搬咗屋之後 都好少去聯和墟經過五年以上再嚟粉嶺聯和墟 面目全非 好似唔同曬咁（啊婆mode👵🏼）發現多咗好多新餐廳啊今日同爸爸食下cafe 睇咗好耐都諗唔到食乜啊 所以揀咗鐵板餐 好似幾豐富咁🔹鐵板美式雜扒 $83嘩嘩嘩！估唔到份量咁多 完全食唔曬😲腸仔 火腿 雞扒 豬扒 牛油粟米 薯條你諗得到嘅鐵板美食都喺呢盤野度疊到勁高😉😉🔹鐵板紐西蘭肉眼扒 $97一開頭店員有問肉眼扒嘅生熟程度屋企人揀咗5成 嚟到有少少熟咗啲🤣不過聽到治癒的「JarJar聲」頓時心情舒暢😌肉眼扒好有牛味 黑椒汁甚香辣～🥳餐有配湯🥄、雪糕🍦૮₍´˶• ᴥ •˶`₎ა ：總評餐廳設計帶點美式復古風，menu 選擇多不設加一

復古 Classic粉嶺聯和墟——平平無奇 靜靜地嘅一條竟然有間好野食Cafe De Tiffany門口望唔到入面 好有神秘感🤣似一間Bar 感覺又似西餐廳裏面嘅燈光效果幾舒服😌感覺寬敞 闊落 算幾大間門口有張特色枱 以為係裝飾 😂原來真係可以坐低戶外食樓底幾高 加上運用吊燈嘅折射 營造左一個懷舊西餐廳嘅氣氛特別係佢水吧部用咗兩個 大齒輪作為裝飾加埋形形色色嘅射燈同埋插畫今日食咗三個餐1️⃣美式雜扒餐 with黑糖包 白湯 凍鴛鴦2️⃣牛肉眼扒 with黑糖包 紅湯 凍檸茶3️⃣馬來咖喱雞扒飯 熱華田先講1️⃣ 雞扒 豬扒 火腿 腸仔 煎蛋 洋蔥加粟米——雞 扒豬扒size都OK 特別係雞扒 雞皮好香脆——豬扒雖然旁邊比較多肥膏 不過效果竟然更好——豬油滲哂去去鐵板度 反而令到成個鐵板更香！——配合埋黑椒汁 非常惹味2️⃣號佳麗——黑糖包幾好味 熱辣辣 塗埋牛油🧈😛——肉眼扒 幾大塊——脂肪唔算太多 肉味重3️⃣號朋友——用粗薯條鋪喺底 雞扒放喺薯條之上——配合埋芝士鋪喺面頭 ——仲有紅色嘅辣油 咖喱精華——份量都唔細🤣

公司喺附近，都要行十分鐘，所以lunch就揀咗呢間啦食物上枱速度都尚可接受，幫我落單姨姨態度就一般啦有同事叫咗白湯，佢話似飲緊麵粉，飲咗幾匙羹就舉白旗。我就叫咗最穩陣嘅紅湯！果然好中我口味酸酸小辣多餡料！但係美中不足嘅係唔知點解佢用外賣膠碗明明係堂食有點不太環保餐包（黑糖）熱辣辣的上枱，鬆軟好味，但係我以為佢係Outback果種諗多咗午餐嘅gimmick 係叫第2分西冷半價其實咪即係75折除開其實同個單點餐係一樣夠大份，男同事都絕對夠飽竟然餐廳細細，同事要求嘅生熟度都做得到！好驚喜！加分好味嘅我都偷食咗一兩舊心大心細嘅我就梗係叫雜扒啦！聯合國呀嘛雞蛋火腿腸仔就大佬啦！薯條出奇地好味又夠熱正。雞扒調味調得好，夠大，煎得夠脆面，正。豬扒就跩啦！質感麻嵐麻地同事叫鮮茄焗豬扒飯！我本來笑佢叫佢食呢個就不如去連鎖式快餐店食啦！之後食啖之後我後悔啦我要收返果句說話因為呢一個焗豬扒飯真係好好食好正。我有問清楚個飯係唔係炒底！因為呢個真係精粹，職員話係咁我哋就放心叫啦。嚟到熱辣辣豬扒夠厚度，個汁又調得好好味！豬扒好大塊，有炒底，我自己個雜扒都分比其他同事食走去偷呢位同事個焗豬扒飯嚟食！下次對佢個咖喱焗

第一次叫呢間外賣 呢個叫鮮蝦蟹王忌廉意粉 但收到實物 只見蝦同蜆打去問原來係冇蟹肉架 個阿姐話係名黎架炸咁就不如寫鮮蝦蜆肉意粉啦吹脹擺到明誤導消費者 就算明知叫呢個唔多蟹肉都預左 但冇諗到係完全冇

今日係聯和墟食好西系列😋對比上水石湖墟 粉嶺聯和墟係靜中帶旺一樣又係食肆林立Cafe de Tiffany 係聯發街 馬錦燦紀念中學對面佢嘅裝修格調以復古 木色系為主 面積都幾大 係一個長方形既樓面 空間感都幾好贅肉有三四張大卡位 坐得舒服我地二人同行 佢安排左我地坐大卡位 好Jeng😚lunch menu 叫咗紐西蘭肉眼牛扒配薯條 給挪威三文魚扒配薯條 一個鐵板上 一個碟上🍴紐西蘭肉眼牛扒正如圖所示 好厚🙈淡淡都係肉裏面紅紅地既肉好juicy 肉眼最好係食佢嘅油香味 🍽🐂🐃🐂🐃塊三文魚扒又係啖啖肉 魚既油香放喺鐵板上面煎加埋黑椒汁嘅配搭 🤪另外套餐配羅宋湯或者忌廉湯仲有個熱辣辣嘅黑糖包個黑糖包幾過癮 甜甜地又好咬口😎

同朋友嚟咗粉嶺呢一間西餐廳食晚餐。餐廳裝修寬敞，大約6:30去到人流不算多，所以兩個人坐卡位非常舒服。💡不過餐廳嘅燈光較暗，加上裝修以黑色為主調，所以俾人一種唔太精神嘅感覺，不過都有一種放鬆嘅氣氛。同朋友每人叫咗一個晚餐，晚餐包括一個餐湯、餐包、主菜、飲品及雪糕，相當豐富。個人幾鍾意佢嘅黑糖麵包，送想來嘅時候暖粒粒，麵包不會太甜，口感亦非常軟熟！蒜片辣椒煙肉芫茜意粉（$88）🌿第一次見到有餐廳用芫荽炒意粉，覺得非常新奇，作為芫荽控即刻就叫咗嚟試吓！芫荽意外同蒜片同埋辣椒嘅辣味非常夾，非常惹味。😋意粉份量非常多，同朋友分咗少少都食唔晒🤣 叫咗小辣，但仍然覺得比較辣，所以適合食得辣嘅朋友叫嚟食，唔食得辣嘅朋友亦都可以走辣。另外如果可以多少少煙肉同埋芫茜就更加出色喇！意式茄茸芝士焗雞扒意粉🐣🍅（$78）意粉嘅份量亦都係好大，雞件亦不少，熱辣辣嘅芝士配上雞扒同蕃茄汁，邪惡得來好吸引！食落覺得雞扒口感不錯，如果可以有多啲蕃茄嘅口感就更加好喇！最後店員送上雪糕嘅時候非常驚喜，點餐嘅時候都唔知道餐入面會配埋雪糕！總括來講個人覺得餐廳嘅份量偏大，以呢個價錢來講有晒餐湯、飲品、甜品、主菜，算係非常親民。

今日同同事黎開粉嶺做野，諗住食埋晚飯先走。不嬲好少係呢頭出末，所以都唔知呢到有咩好食😵朋友係openrice搵到呢間扒房，評價唔錯，一於去試一試😝呢間餐廳主打鐵板扒餐，餐牌選擇甚多，睇到花多眼亂😂😂。見到原來有二人餐，價錢都係$268，不過同事唔想食咁多扒，所以都係散叫。兩個主食，有餐湯（羅宋湯/忌廉湯)、餐包🍞、熱飲☕️、雪糕🍦🌟黑糖麵包🍞份量雖然細，但食落夠軟熟，其實唔洗搽牛油都好味，食到黑糖嘅香甜味👍🏻👍🏻🌟羅宋湯🍅微辣，非常足料，有椰菜、芹菜、洋蔥等等，茄味濃郁🌟紐西蘭肉眼扒配薯菜🥩 $158牛扒份量大得驚人😱，有成個碟咁大塊，叫左7成熟，切開見到嫩粉紅色🥰，熟度剛剛好👍🏻，食落好嫩滑，而且保留到肉汁嘅鮮味，好juicy,成塊牛扒都搵唔到任何跟腱韌口部份👍🏻😝，配菜有粟米、洋蔥同薯條，淋上黑椒汁，口感豐富👅🌟卡邦尼蛋汁意粉🍝$78材料有冬菇、鴻喜菇、煙肉、洋蔥，而蛋汁mix芝士忌廉，比例亦控制得好好，兩者味道好出，食落好正宗，而且由於落左洋蔥，食落甜甜地，味道一流😜至於飲品，我地分別+3蚊叫左杯凍檸茶，+8蚊紅豆冰。甜品仲有朱古力雪糕，食完好滿足🥰🥢地址：Cafe de Tiff

星期五收左工一個人去happy friday去左間港式鐵板餐食晚飯。6點幾就到左，所以唔算太多人。我叫左一個羊架鐵板餐配蒜蓉汁七成熟，加$28再配個煙三文魚沙律。餐包左紅或者白湯，黑糖餐包，熱飲同雪糕杯。羊架鐵板餐有三枝骨，係偏大嘅size，羊架帶d脂肪，鐵板煎起上黎都唔易乾。肉質都幾嫰，冇咩羊羶味。鐵板夠熱，薯條份量多，有洋蔥，粟米粒墊底，燒起加埋汁好食！大體黎講，係性價比高嘅鐵板餐。沙律都好大份，好彩夠肚餓啱啱好食得哂，沙律菜新鮮，適合解膩。餐湯要左紅湯 羅宋湯，有雜菜，唔算太重味，我幾鐘意。黑糖餐包唔加牛油都有淡淡黑糖香味，夠軟熟。熱飲我要左杯即磨咖啡，咖啡香味都算濃，飲一啖再食返啖朱古力雪糕好夾，特別好味~

聽聞呢間小店係聯和墟嘅優質小店，當星期五晚有冇人陪我食飯嘅時候，我就立即諗起佢，決定安排自己擁有安靜而享受嘅夜晚。以卡位為主，都非常寬躺、舒服，裝修同裝飾都充滿心思。餐牌款式都好多選擇，而且價錢合理！餐包有驚喜‼️佢係用黑糖造成，而且微暖，好食過某大餐廳嘅黑糖包！！佢嘅出品令我更加期待主菜法式鵝肝配七打牛柳配薯菜～主菜嘅賣相絕對令我滿意，頓時食慾大增，牛柳份量比我想像中大，配上一片矜貴嘅鵝肝，簡直未食先興奮😆下單嘅時候要求五成熟，絕對冇令我失望，牛柳本身已經好淋，而牛扒外層竟然有脆口嘅感覺，可算係最高境界嘅享受💯鵝肝方面亦都令人齒頰留香，夾着牛柳一齊享用，感覺絕對非筆墨可形容🈵最後嘅甜品當令我，非常意外竟然係一條獨立包裝嘅薯條，亦都唔係坊間見到嘅口味同牌子，呢條柚子雪條裏面真係有柚子肉，用真材實料來形容，絕對不為過，口味清甜冇藥水味，非常滿意❤️

見OpenRice 食評唔錯諗住去試試，星期日7:30到達，場內只有幾枱食客。坐下發現無menu 諗住揾職員，但職員全部走晒去後場pack 外賣，咁我哋自己攞隔離枱（無人坐）嘅睇，到想落order 職員仲keep住喺後場。完全唔會有人主動招呼你，無人理你。食物是ok嘅，肉唔韌，不過火焰牛柳無火焰🔥😂，啲汁有啲鹹。最失望係服務態度，其他職員還可以，最差係有個後生仔經理，成晚大大聲溝女職員，同同事講嘢講粗口大大聲，仲問點解咁少人，咁少生意，自己檢討下啦仲要問，以為自己喺茶餐廳做咁，都唔知點解會請埋哩啲人做經理，仲要收加一服務費，原全無服務可言，就算是抵食都唔會再去了。

呢間餐廳係復古風裝修嘅港式西餐廳，幾有格調，主打鐵板餐，位置好寬闊，仲有幾張卡位同outdoor位置。餐牌除左有鐵板餐之外，仲有其他飯或者意粉選擇，都係可以配套餐嘅，而且價錢唔貴。當日就點左呢個鐵板二人晚餐，係全包套餐，有餐包、湯、兩款主菜、飲品同雪糕，好豐富。黑糖餐包細細個但好軟熟，餐包係暖暖地，食落黑糖甜味好出。羅宋湯係有少少辣嘅，都好多料，有薯仔、芹菜、蘿蔔、椰菜同洋蔥，味道濃郁，點餐包食都唔錯。火焰七打牛柳配薯菜侍應上菜前將冧酒淋上熱辣辣嘅鐵板牛扒上，即刻產生熊熊烈火，好吸睛。牛柳點左7成熟，但都係好易切得開，完全冇筋，而且好厚身，食落充滿肉汁同有淡淡嘅酒香。冰島比目魚配大虎蝦薯菜比目魚有兩大塊，外層係炸過嘅，食落幾香口而且肉質唔容易散。蝦都幾新鮮，比較彈牙。咖啡味雪糕當日得一隻味，細細杯咖啡味好濃郁。而家好少餐廳套餐唔加錢但包埋飲品同甜品，通常係二選一。所以呢個價錢黎講，我覺得cp值好高。

行完八仙嶺去到粉嶺搵食，去咗出名多嘢食嘅聯和墟入面，搵到呢一間西餐廳，見食物OK價錢OK所以就入咗去，食完之後覺得性價比超高嘅西餐廳，因為前兩日喺大型商場食價錢貴一倍嘅西餐廳，都冇咁好食，所以同大家推介一下🍽- 《火焰七打牛柳大虎蝦配薯菜》$168 本身都想食牛扒，然後比個名吸引咗，有牛柳又有虎蝦都唔過$200，感覺幾抵食，所以就叫咗！點先有意外驚喜，叫咗五成熟，塊牛柳真係整得超級超級好味，夠大塊夠厚切、夠Juicy, 所有嘢都好Perfect👍🏻😍😋❤️ 虎蝦都好大隻，好味😋👍🏻 - 《意式茄蓉芝士焗豬扒飯》$78 朋友話叫個芝士焗豬扒飯，心諗其實好普通，但係唔似得快餐店嘅焗豬扒飯，呢個焗豬扒飯嘅茄汁唔會太甜，仲好開胃，再加上有熔咗嘅芝士係面，同埋唔係嘅豬扒，又真係令我對焗豬扒飯改觀！ 唯一係豬扒黐住少少骨，其餘嘅包括茄汁、芝士、飯同豬扒肉汁都做得好優勝🤩🤩🤩- 除咗主食之外，仲想同大家分享埋個雪糕🍦 呢款雪糕都係第一次食，又唔同口味揀，個人比較鍾意海鹽味雪糕，不過其他味都好唔錯👍🏻💕

今日朋友想鋸扒，去咗粉嶺聯和墟，餐廳環境舒適、環境佈置好有懷舊特色，點了精選二人套餐、套餐包括兩款湯和黑糖麵包，羅宋湯微辣，是我喜歡的口味，朋友點了粟米湯、包兩杯自選飲品和雪糕做甜品🍮內裏有12款主菜選擇，我點了火焰牛柳，牛柳俾其他餐廳份量大、非常超值，侍應遞上前點火、牛柳肉質外微香内肉嫩，有微微酒香，加$10可以配白飯或意粉，醬汁可選黑椒汁、洋蔥汁和燒汁，我選擇了洋蔥汁，好味😋另外一個點了火焰醬汁豬肋骨配薯菜，醬汁香濃豬肋骨燒得剛剛好，不錯☺️飲品點了一杯凍檸茶味道正常，紅豆冰好好飲、好有舊冰室嘅味道，最後侍應送上兩杯雪糕，一杯芒果味、另外一杯好特別沖繩海鹽味，甜中有少少鹽味，幾特別😊扒餐整體感覺經濟抵食又唔錯👍

粉嶺聯和墟有唔少美食，呢日見到一間好有格調，有氣氛既西餐廳，就係Cafe de Tiffany。入到黎就想試下鐵板餐餐包軟熟，暖暖地忌廉湯濃郁，唔會係好稀身果種主菜黎啦，冰島比目魚大虎蝦配黑椒汁。比目魚大件，外脆內軟，非常香口而虎蝦同樣大大隻，用叉吉住，可以成條肉起晒出黎爽滑彈牙，仍然保留到虎蝦本身既鮮甜味，而且表面微焦，令到整體個味道昇華左紐西蘭肉眼扒配黑椒汁，足足15OZ大大塊我地叫左5成熟，一切開已經見到誘人既粉紅色，肉質腍滑，肉香味都好豐富而且食到尾段仍然保持到軟腍，鐵板既溫度岩岩好，唔洗同時間競賽，要擔心食到後段會乾柴加$12就可以飲到特飲，叫左一杯黑牛而且套餐仲有雪糕，平衡返成晚咁豐富既鐵板餐