Ceres Boulangerie et Patisserie (已結業)

閒時會到九龍城走走找找好食店很高興這區還保留著一點樸素的氣息還未被遊客進佔、週末也不會很擠、少了一份壓迫感話說回頭，這一次經過ceres我沒有看過這兒的食評純粹是因為我見到入面都有幾多人、而且裝修不錯加上我無麵包、餅、蛋糕不歡所以入左去睇睇有無好吃的老實說，很多款麵包外表都頗吸引我太多想吃的了但因為剛好吃飽...於是千揀萬揀、左諗右諗(原諒我有選擇困難症XD)揀了蘋果丹麥酥~~($14)出了店外趕緊拍了一張照就忙著把它放進口中~蘋果醬少甜 , 果肉尚算爽口 ,蘋果下有少量吉士醬...但不夠軟滑與平時食puff的吉士醬差多了麵包不夠鬆化、實淨煙韌...有點失望因為我以為它是酥來的說....可是它卻像普通麵包的口感...也沒有牛油香味....性價比不高

甘岩吾洗番學，就行左過九龍城買泥試下，一直都好想試下macaron系咪真系甘好食，而且仲知呢到既macaron都系吾錯，都有吾少既推介，所以買泥試下一入到去，原來賣淨一盒，超好采但原來都吾平，差吾多100蚊一咬落去，原來入面有醬系到，都幾甜下，加上個外有d脆，都幾match

經過覺得小店幾吸引，入去睇咗一陣，揀咗 double chocolate 返屋企食。本身鍾意朱古力，又覺得蛋糕賣相唔錯，但食落，真係覺得唔及格，蛋糕上的 cream 好似隔夜咁，一點 creamy 的感覺都冇，蛋糕就好乾，又冇朱古力味，得個甜字。可能佢真係麵包先好食。

放工路經Ceres Boulangerie et Patisserie , 被門面裝修引誘我入內即上OPENRICE睇下佢有咩出名先~~~蘋果祼麥包我買既時候得返一個, 即買~~用個夾夾既時候 , 見個麥包成個頭咁大!! 而且好重手!!女員工幫我切片 , 已經傳來陣陣玉桂香~~多謝 $39大洋麥包外皮香脆 , 像法包的感覺煙煙韌韌的~~~中間麵包的密度好, 而且好柔軟 , 未食已經聞到好濃郁的玉桂香 麥包中夾雜了軟甜的提子乾 , 新鮮大粒的香軟爽口蘋果粒 同 香脆的合桃令成個包食起上黎唔會好乾 , 而且同成個麵包口感非常好~~~娘親大愛結尾: 我夜晚7點幾去到已經無咩麵包可以選擇希望下次可以試下其他口味~~~我見佢地D CAKE好似好好味~~下次試埋先報告完畢~~~

放左工專登黎呢間店食佢既yogurt 佢最平一杯都要$49 我就叫左杯banana split好鍾意佢既賣相 有士多啤梨 仲有凝固左既朱古力  蝴蝶酥好鬆脆乳酪食落好滑 又唔會好甜 味道好岩我中間有香蕉蓉同餅碎 係我最鍾意既部分食到底有好多生果 全部都夠凍夠甜總之一杯有好多口感 亦都食到好多味道 下次會試埋其他款式!!

見ceres o係openric 咁多個哈哈笑就一心過黎試下,點知一試就出事,仲忍唔住要開個ac寫食評,一走入去光線偏暗,正直中午亦無需開太多燈,環保又慳錢值得一讚.知道這麵包店走的係歐陸風,當然要試下一間歐陸麵包店一定要有的法包,法包跟牛角包可說是一間麵包店的靈魂最能表達出師傅的手藝,但找遍全店只找到短法包,但外表跟百佳賣的不相百仲...失望,而其他麵包款式頂多只能稱得上亞洲款式,何來歐陸,漠講話法式...可能始終都是要照顧香港客人需求,最後張希望寄予蜂蜜吐司上,選蜂蜜吐司是有原因的,因為知道用蜂蜜做麵包能表現出蜂蜜獨有的甜味跟芳香是需要有一定的技術的, 標價$28元  最後失望而回... 回家再到yahoo 搜查了有關這店的資料老闆好像是對面包很有熱誠的人,用了很大的資金高級的材料機器來開店... 如果是真的,希望ceres的老闆之後能做到真正的歐陸麵包店~good luck

曾經,兩個人齊齊搵地方hea, 開開心心share , 而家要獨自一個人. 係緣盡?!嘗試好努力去令自己enjoy alone . 仍然喜歡周圍搵地方hea, 獨處既最好地方應該都係coffee shop . 已經唔係第一次黎, 好鍾意呢類型既小店, 而我既夢想亦都係開一間同類型休閒店. 由主攻包餅拓展多一間隔兩個舖位既coffee shop, 食品質素當然有一定水準, 最鍾意佢個roll cake , 軟棉棉的. 同坊間餅店死實的卷旦真係差好遠. 上次黎食, 食左個不知名既( 應該係甜品 ) 見賣相有d 法國風情, 硬硬得, 又凍凍的, 雖然店員在碟子上用士多啤利汁加了點色彩, 但始終唔能夠為佢加分. 另點了flat white . 無拉花圗案, 是次單獨初體驗實在失敗, 不過雖然係咁, 仍然無損我再去既雅興, 今次, 做完義工, 又漫無目的行到此店, 本身想過海去覓食, 但係那刻仍然提唔起一個人游蕩咁遠既情趣, 今次, 揀左cappuccino ( 肯定有拉花) 另外要專登行過兩間舖位去買一個牛角包帶過去, 牛角包無咩特別( 不過都肯幫我翻一翻熱) , 反而係店員服務要讚一讚, 態

以前中學喺喇沙讀書嘅時候，差唔多日日都喺九龍城食嘢。上咗大學出咗嚟做嘢，因為唔再住喺果頭，九龍城又唔近地鐵，好少去喇。上個星期六放假，陪媽咪去九龍城排隊睇中醫。一早去到都要排成兩個鐘，拾埋藥都中午喇。媽咪話無咩胃口，揀咗去 Ceres 果間 cafe。以前成日去 Ceres 麫包店，果時九龍城得佢一間賣高級西式麫包，最鍾意 garlic baguette，仲有買朱古力熊仔包俾妹妹食。佢個老闆好親力親為，差不多去親都見到佢。無去一排，應該麫包店做得好，喺附近開間小 cafe。地方唔大，坐得10個人左右，不過感覺都幾舒服。我哋先叫咗 green tea 同 banana smoothie。Smoothie 用香蕉即打，無化學味。飲嘢都算幾多選擇，價錢都唔算貴。媽咪只叫咗個 cesar salad，夠新鮮，但係對我嘅話份量就少咗啲，對女士就剛好！我叫咗白汁煙肉意粉。Take order 個女仔走入廚放煑嘅，整得好慢但仲係有啲手忙腳亂... 味道呢？同我自己喺屋企煑嘅無咩分別，大家明啦，哈哈。Cafe 依邊都有啲蛋糕，不過選擇少啲。我叫咗最普通嘅黑森林，食落 cream 好重，無咩酒香，差咗啲

13/12/2012(星期四)和同事放工後，決定往九龍城一帶走走，吃吃東西。第三站：Ceres Boulangerie et Patisserie 我是一個很愛吃麵包的人，尤其是一些外國麵包，1X 歲時，曾逗留德國數月，差不多每天以不同的麵包作主糧，很懷念那些年快樂無憂的日子。Ceres 是一間有名氣的法國人氣麵包店，是次來到九龍城，理必買袋麵包回家去。Ceres 門口。蛋糕櫃，蛋糕外型設計得很吸引。最後，我買了一袋麥麵包。邊逛街，邊吃了一塊，很香的麥味，麵包亦夠軟，很美味！其餘的則留待第二天早餐再吃。

最鐘意Ceres出品嘅麥包，無論黑麥抑或裸麥，都係咁香麥味，好實在的，比A-1 Bakery或其他連鎖大集團嘅真材實料得多，唔係混上好多白麵粉或者染色黎魚目混珠。當然價錢相對較高。質素有時同價錢都係成正比嘅，兩者只能二選一。不過甜品就真係咪搞喇。忘了名字，Raspberry味嘅cake見到寫住Chef推薦，諗住應該無衰掛。點知。唉。呢度麵包出色，但甜品失色。層層相間分別有紅莓啫喱，椰絲，同埋最底一層白色類似忌廉+芝士嘅混合物....整個味道就是說不出來的怪。Tiramisu絕對不對辦嘅Tiramisu。最上層係一陀好似放咗好耐而硬咗嘅cream。入面嘅cheese位滑溜度一般但味道都夠，奇就奇在Tiramisu竟加上巧克力醬（十分討厭）都算喇，杯嘅最底係大量水汪汪嘅咖啡味液體，一攪就成杯野溝稀晒。發生緊咩事啊？呢杯真係Tiramisu？！Mango cake（類似..)蛋糕口感有啲乾，白色嗰層唔係幼軟嘅ceram而係硬實嘅糖霜，格格不入。黑麥紅豆芝士包咁啱撞正新鮮出爐，當然要親熱食。外皮脆，內鬆軟；但外皮得有過硬了，要幾吃力去咬。食到中間，熱辣辣微溶嘅芝士粒加上保留顆粒有口感嘅紅豆蓉，

今日又嚟咗九龍城, 走時買件西餅返家做下午茶先! 之前嚟呢間店通常都係買包包食, 好正! 遇啱邊款包出爐就買嗰款實無錯的, 上次食咗個多位讚好的蘋果祼麥包, 上上次食嘅係黑麥包, 再上上上次好似係黃梅合桃麥包, 都係見邊款出買邊款, 所以都係暖暖的、香香的、脆脆的、大大個的、包內物料豐富的。。。廿零至三十零蚊, 好吃! 今次買的餅, 看似不錯, 價錢偏貴, 因件餅比飯盒還要貴呢, 藍莓芝士要36元, 拿破侖39元, size 略小, 好吃的話...不成問題! 但我覺得最多係: ["都OK 啦"...咁囉...!] 拿破侖, 不是不香, 不是不脆, 說不出那裡不好, 但不是我那杯茶! 藍莓芝士餅, 食落質感都幾厚身, 少少味, 不濃烈, 藍莓醬又是少少的, 不濃但又不是那種"濃淡相宜"的感覺, 所以評價我只給: 咁囉。。。 再嚟都會買麵包食!

打算回家的途中，在一條毫不起眼的街道裡，被我發現了一具有法國氣息的麵包西餅店！單單是站在門外，已覺是一間走高級路線的麵包西餅店，甫進店內，擺設更覺高檔，環境優雅，氣氛清靜，就如走進另一世界似的。售賣種類：大部分的麵包都是份量很大，價格大約$20-$40左右(不便宜呢)，另外，售有西餅蛋糕、曲奇、蝴蝶酥等等。少到這種高級麵包店，都不知選哪款好，但又不想買份量很大的麵包，而且難得經過，當然不能空手而回，最少也要買一件滿足自己。逛了幾圈，赫然發現有售賣豆沙包，是我至愛的口味，不用多想，就決定買一件大福豆沙包($13)回家品嚐。拿到收銀櫃，負責收銀的女店員用以柔和的聲線有禮貌地問顧客「仲有冇其它野想要」 ，由此可見，服務細心有禮。而另一位男店員則是負責控制切片機，當有顧客購買份量很大的麵包時，才會即時切開，十分講求衛生！女店員快速地把麵包放進透明膠袋裡，動作乾淨俐落，果然有高級麵包店的服務質素，值得一讚！只從麵包表面看來，完全看不出是豆沙包。淺咬一口，包身味道鹹香有致，口感煙煙韌韌，在外層撒上一層麵粉，除了增加其麵包的外觀和美感之餘，亦為麵包添多一份麵粉香。雖然大福豆沙包外型稍為細小，但內裡卻

遲左放工 , 夜晚又要食自己 , 最好就係先黎食左下午茶 ,夜晚肚餓先再o係屋企摷野食 , 咁就可以慳返晚飯錢喇 ~行到過黎九龍城 , 例牌周圍逛下 , 然後隨意入左黎呢間面包店其實都入過黎好多次 , 但呢度 d 包多數係大大個麥包法包之類好少機會好似今日咁有咁多個裝面包買 , 所以我揀左兩個試下1. Pestro 醬煙肉包~ 紐紋狀o既面粉圍成一個圓 , 紋路間有著清香o既 Pestro 醬味道只係好似食緊香草面包 , 莫講係煙肉碎 , 連味都唔覺 ,真係唔係幾知點解要賣 $ 16 咁貴 , 可能我唔識欣賞個意式醬2. 蘋果丹麥酥~ 呢個只可以叫做蘋果丹麥條 , 因為佢無丹麥酥o既酥脆 只係好似普通面包舖既丹麥條咁 , 少少牛油味 , 煙韌有嚼口咬下係見到一層層酥皮 , 不過好實淨 , 不輕易跌下 亦表示佢並不鬆化 , 蘋果醬偏甜 , 幸果肉帶酸味且爽口 , 蘋果下有少量吉士醬 , 香甜卻不怎軟滑 , 整體也是一般而已## $ 30 兩個唔特別美味o既面包 , 實在太唔抵喇 , 係咪因為我揀錯面包呢 ?? 我見除左面包仲有好多蛋糕同埋精緻o既西餅 , 價錢偏貴 , 搵日心血來潮買黎試

Blue Berry Cheese Cake　　的確唔錯！！如視佢為ＰＵＲＥ　ＣＨＥＥＳＥ　ＣＡＫＥ。　　事實如此，蛋糕咪道濃厚，真係芝士有芝士味，但沒什麼藍莓味。P.S期待下次再食><

Have been addicted to 2 of Ceres' products: Apple Rye Bread and Roll Cake! Apple Rye Bread $37 Full of the aroma of cinnamon and apple! the bread itself is soft, the fruity apple and crunchy walnut pieces bring more texture to the bread.Roll Cake $17.5 per slice / $86 WholeExtremely soft, almost melts on your lips! The whipped cream is light and milky. A simple roll cake but is definitely the best roll cake I have ever tried!