560
101
34
| 餐廳: | Chatterbox Café (K11 Musea) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
來自新加坡文華大酒店，被譽為海南雞飯始祖，主打一系列新加坡地道菜式，並設有香港限定甜品。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
相關文章
K11嘅餐廳普遍偏貴，如果要價錢相宜嘅，其實都唔係好多選擇。今次食呢間海南雞主打嘅餐廳，試過其他分店今次試吓呢一間。餐廳環境寬敞幾舒適，裝修幾唔錯，兩面入口，平日晚上嚟到啱啱有位。餐廳款式種類都幾多，除咗有主菜之外，仲有小食，沙律，蔬菜，甜品，飲品等等。海南雞飯 (⭐️⭐️⭐️⭐️⭐️)呢度就真係要點海南雞飯啦，賣相都唔錯，油飯可以改白飯。海南雞都幾滑幾鮮，煙靭適中，份量都唔少，仲有三款醬料，可謂正宗海南雞飯味道。海鮮炒貴刁 (⭐️⭐️⭐️⭐️⭐️)另一星馬菜就係海鮮炒貴刁，份量都幾多，唔算好鹹，好入味，有濃濃嘅醬油味。海鮮用料充足，有好多隻大蝦，有帶子等等，見到唔少人都點呢味菜。蒜香青菜(⭐️⭐️⭐️⭐️💢)希望食得健康啲，所以點左蔬菜。佢有青菜，蒜香青菜同埋蠔油青菜嘅選擇，我哋點咗蒜香青菜。份量都幾多，啲菜好大，如果切細啲更方便，但整體味道都唔錯。埋單人均唔使$200，都幾抵食，算係咁啦如果喺K11 Musea嘅水平嚟講，而且係飽肚嘅，下次有機會食埋個甜品就滿足啦。~~~~~~~ Chatterbox Café (K11 Musea) 尖沙咀梳士巴利道18號維港文化匯K11 Musea B1樓B110號舖👍星馬風味👍地點方便👍環境舒適
繼續閱讀
這天的晚餐，是和太太在這間名頭響亮，來自新加坡文華大酒店的 Chatterbox Cafe吃的。第一次幫襯這間來自新加坡的過江龍，當然要試試它的招牌「文華海南雞飯」（$138）。因為想吃好一點，所以加了十元要了髀位，這招牌海南雞飯的的確不錯，雞髀位皮光肉滑，三色醬汁也見地道，加上味香乾身的油飯和味道適中的例湯，已是水準之上的海南雞飯。「傳統甜蝦醬蔬果花生沙律」（$108）其實即是在星馬甚為常見的「羅惹沙律」Rojak，這裡的Rojak相當地道，以甜蝦醬調成的醬汁酸甜醒胃，配以蘋果粒、菠蘿粒等水果、青瓜粒、油條、芽菜仔和大量花生碎等材料，份量不少，也好味道。另一款小食正做特價，原價三十八元的「香脆薄餅（4件）配咖喱汁及蔬菜條」只售$28，雖然份量不多，也不算非常好吃，以這優惠價錢，淺嚐一下，還不錯。 其實這裡的數款盛夏冰爽特飲蠻吸引的，餐飲升級之後的價錢還不用三十元，更是十分可人，可惜我已甚少喝那麼甜的飲品，不然的話，真想吃它一杯消消暑呢！總的來說，這餐廳環境舒服，侍應服務態度亦好，再加上它的食物質素也挺不錯，怪不得這晚雖是平日，餐廳內的客人也十分多，幾近全場爆滿。其實這品牌除了幾間名為 Chatterbox Cafe的餐廳外，還有另一間名叫 Chatterbox Express的副線餐廳，有機會的話，我也可能會去試試呢！
繼續閱讀
好少去K11 Musea，因為覺得呢度啲嘢貴夾唔飽，朋友大推Chatterbox Café，話呢度嘅海南雞飯好好食同好出名文華海南雞飯本身想嗌二人餐㗎，超級抵食喎，但係可能太晏啦，八點幾已經冇晒，唯有單點一人一個海南雞飯。正！的確唔錯，好滑~ 差唔多點晒啲辣醬。鹹蛋黃雞翼小食嗌咗鹹蛋黃雞翼，超級邪惡！值得一讚嘅係啲鹹蛋黃醬唔會太膩，好惹味 ！招牌椰子雪糕配斑蘭蛋糕明明好飽，但都要試埋另一個招牌，就係斑蘭蛋糕啦，好彩嗌埋個雪糕咋，如果唔係嗰班蘭蛋糕會有啲dry，個椰子雪糕入面有椰子肉㗎 ！真係估佢唔到
繼續閱讀
去完Rosewood飲咖啡,便去了這裏食晚飯.第一次去,當然是嘗試了他們出名的海南雞飯.雞肉嫩滑,但如果要雞脾的話便要再加十元.一份海南雞飯是要$138, 唔平又唔貴. 我覺得平平無奇,可能比出外的好少少. 但如果比起九龍城的金雞海南雞飯,便冇得比了！再叫了一份蘿蔔蟹肉煎蛋$118, 都幾好食. 總括來說, 我覺得可以, 試一次可以啦.
繼續閱讀
2024.12.31 Lunch 🤩真係有驚喜嘅新加坡菜！3樣主菜(海南雞飯，喇沙， 炒貴刁)係勁高水準！👍超好食，唔係講笑！每樣都出色都爆！🍦就連椰子雪糕都好好味😋又想再食啦！💛海南雞，好滑，香雞味。黃飯雖然睇落好淺色，但無敵咁香！唔夠食tim😆💛雞肉喇沙麵，原來係極少湯㗎喎！一上枱果下都呆咗。雖然同平時有湯嘅喇沙相比，幾乎係無湯咁。但個喇沙真係調得好香好夠味，帶點點香辣。雞肉原來係海南雞的肉，又係好滑好食。😎連個魚蛋片都好滑又彈牙！好好食。💛 炒貴刁 。乾濕適中，係令人一試愛上嘅濕度。而且炒得非常香，海鮮料足。💛豬肉串燒還可以，只係主菜太出色，比下去。🍦椰子雪糕船，有3大球雪糕，加菠蘿，同爆珠。好正。#好耐無打咁長食評真係好忙#證明真係好高質
繼續閱讀