Gastrobox The Cameron (已結業)

就嚟到端午節，隨便都要搵個藉口去食餐好嘅😁今次選擇咗喺尖沙咀嘅西式餐廳。入到門口就見到有酒杯同Bar枱, 餐廳環境闊落舒適👍🏻首先Starter有英式蘋果走炸魷魚圈🦑，魷魚圈分量十足，足夠兩個人Share，配埋蜜糖芥茉醬，味道很好👍🏻主菜有法式香草燒羊鞍和香煎珍寶虎蝦🦐配黑松露意大利飯。羊鞍選擇了五成熟，味道啱啱好不會過熟，保持了豐富嘅肉汁👍🏻虎蝦很新鮮，同意大利飯十分配合，黑松露味沒有蓋過了蝦味。值得推介👍🏻👍🏻甜品還有法式焦糖燉蛋，賣相和味道好， 不會過甜，很適合飯後甜品👍🏻👍🏻👍🏻最後埋單也不算貴，價錢合理👍🏻👍🏻

同朋友黎咗呢到慶祝生日餐廳裝潢好靚，打卡一流嗌咗個羊架，幾好食，幾稔，唔算難咬另外值得一提係啲伴菜，啲甜蕃薯仔幾好食帶子意大利粉，呢個好一般，正常水準三文魚凱撒沙律，三文魚份量唔錯，啲菜幾fresh炸蝦薯條，蝦幾大隻，都唔錯既鵝肝意大利飯，鵝肝幾大舊，好正意大利飯味道都幾好總結黎講，環境好，價錢都可以接受，又多一個慶生好去處喇

回歸大自然,係尖沙咀搵到一片鬧市中的綠州的確唔易,尤其是你想同情侶去街,但又唔知去邊到好,約會就已經係一門學問.有時可能你簡簡單單係屋企煮一餐,好唔好食你未必會至在,但可能個氣氛就無你想像中咁好,今次我介紹一間係情侶都岩去既地方,呢間餐廳擁有好高既樓底同埋可以睇哂成條金馬倫道既落地玻璃,空間感十足,餐廳既裝修係走英倫風,當中既吊燈,木傢俱,同埋仿制火爐的確有種感覺好似置身於歐洲咁,真係可以係一片安靜當中尋找樂趣!野食都唔差,識飲high-tea既一定要黎呢到!

今日去左尖沙咀金馬倫道呢間Gastrobox The Cameron食晚餐，餐廳位於大廈一樓，有扶手梯可以上去。餐廳面積唔算好大，但座位幾舒適，而且氣氛浪漫，幾岩情侶黎食飯慶祝。我地點左一個6-Course Set Dinner for 2 ($688/ for2)頭盤有香芒蟹肉田園沙律餐湯係黑松露野菌忌廉湯主菜有一份烤特級新西蘭肉眼配紅酒燒汁同埋香草大蝦忌廉汁扁意粉最後仲有甜品整體黎講，呢度服務超好，侍應細心、主動、有禮貌。食物價錢合理，質素不俗。值得下次再黎。

前兩日同朋友慶祝生日， 去左尖沙咀Gastrobox The Cameron食Dinner。主食就要左香煎珍寶虎🦐配黑松露菌義大利飯同法式香草燒嫩羊仔鞍。飯嘅價錢幾合理，份量都夠2個人share。🦐好大，飯撈左黑松露菌好香，幾好食。羊仔鞍都唔錯，肉幾新鮮，不過貴左d。原本最期待就係個甜品，因為可以加祝福語。以前可以畫公仔添，不過依家無左。不過見到個甜品之後有d失望，d字好潦草，基本上睇唔清寫咩。但味道還好，要求唔高嘅可以一試。飲品都ok，兩杯飲品都叫左少甜，感覺健康d。

今日同朋友慶祝生日，嚟到尖沙咀金馬倫道嘅一間樓上西餐廳，店入邊嘅裝修十分舒服，勁有有古典英國的味道，之前跟朋友嚟過一次，氣氛唔錯。所以今次再介紹朋友過嚟食飯。今日慶生嘅地點就揀咗喺呢一度。唔知以為去咗中環的高級西餐廳！晚餐主菜嘅選擇十分之多， 價錢豐儉由人，加60幾蚊嘅價錢仲可以送埋沙律、餐湯及飲品。田園沙律感覺清新，不過蔬菜如果再新鮮啲就好。今日嘅餐湯係周打魚湯，好足料呀，淡淡忌廉入口又好濃。法式燒羊仔鞍點了五成熟，所以上枱嘅時候紅得鮮嫩。熟的程度處理得十分之好，加上適量的配菜，而且配上兩大件分量十足的羊仔鞍，食落去唔蘇有肉味。香煎比目魚配芝士蟹肉大啡菇比目魚都係烹調料理入邊比較難處理嘅一行，因為柔軟的魚肉好容易煎膿或者散。而呢一碟處理得唔錯，加上芝士焗大啡菇，好啱一啲唔想食得太heavy嘅朋友 最後散叫咗一個甜品，蘋果金寶配雪糕。新鮮熱辣焗起，食落去淡淡蘋果和牛油香味，作為今次圓滿的一餐生日飯。

母親節將至，就代我地嘅BB提早慶祝母親節😬😬等下年大個仔再預埋你拉🤣🤣好浪漫🌹第一次嚟感覺好似去咗外國咁，老婆都好鍾意😍😍內裏裝修都好一致，感覺好傳統嘅西餐廳，真係有別於其他嘅西餐對於有選擇恐懼症嘅我，二人餐真係幫到手👍👍6個course 麵包同黑松露忌廉湯打開序幕⋯⋯香芒蟹肉田園沙律🥗足料，非常之配，好fresh 👍👍Main course 烤特級新西蘭肉眼配紅酒燒汁 side dish 係香煎芝士薯仔片同雜菜。外皮焦香，五成熟剛剛好，鎖住肉汁，好香又濃郁😋😋香草大蝦忌廉汁扁意粉 只🦐 真係好大隻 加上呢邊嘅裝飾真係賣相一流，令人食慾大增！👏再來甜品，檸檬香味，飽飽地食呢個甜品真係啱啱好，好味😁飲番杯咖啡☕老婆就揀咗朱古力，非常完滿嘅晚餐，下個母親節帶埋個仔嚟😬😬

今日收早接老公收工，近近地就喺佢公司附近搵食啦！中西日韓已經食到有啲厭😅難得兩個人浪漫下，Search一下，見呢間意大利菜評價唔錯，環境幾浪漫喎💑門口已經感覺到英倫風，好grand 樓底好高好似一座大宅咁😍就連餐枱擺設都一樣咁講究餐單熱辣辣，配埋牛油👍👍男人愛吃肉，烤特級新西蘭肉眼配紅酒燒汁 就最啱，牛味濃，粉紅粉紅的，配菜也很特別薯仔片雜菜菇番茄粒🥰我就鍾意食香煎三文魚扒啦！健康之選！煎得好嫩，配上忌廉source 好開胃😁紫蘇茄蓉天使麵配龍蝦🦞 $208抵食，天使麵吸晒龍蝦啲精華yummy 龍蝦肉彈牙鮮甜🦞Rhubarb & Apple Crumble 食埋甜品🍮好滿足😊😊鬧市中可以寧靜地浪漫一番真不錯👍

母親節正日要返工，咁就今日同媽咪預祝母親節啦。朋友介紹呢間餐廳，環境又好嘢食又好味，咁就一於book枱嚟試吓啦。一嚟到，呢度環境氣氛確實好好。大部份都係情侶，氣氛好浪漫。香芒蟹肉田園沙律🥗呢個沙律夠晒清新，食落好fresh好開胃。黑松露野菌忌廉湯🥣呢個湯黑松露味好香，雖然係忌廉湯，但係飲落唔會好滯，應該所有女仔都會鍾意飲。烤特級新西蘭肉眼配紅酒燒汁呢個牛扒我哋叫咗五成熟，起初媽咪怕會太生，不過最後佢都大讚好好味。烹調時間煮得啱啱好，唔會太生又唔會太熟，襯埋個紅酒燒汁牛味更加出。香草大蝦🍤忌廉汁扁意粉呢啲意粉外表已經夠晒靚，食落估唔到咁好味。忌廉汁同意粉好夾，好香好開胃。Daily dessert係藍莓芝士蛋糕，上碟亦都好靚。相信個個鍾意食甜品嘅人都鍾意食芝士蛋糕，我都唔例外。味道好香濃，連我媽咪唔鍾意食甜品都係咁搶住食啊。呢間餐廳氣氛又好，食物又好味，啱晒節日或者生日黎慶祝啦。

環境好靚！樓底高，好適合黎慶祝生日或紀念日！我地叫左幾個菜式share食。番茄水牛芝士煙三文魚蟹肉沙律 $128沙律好大份！好足料！有好多蟹肉！煙三文魚就有兩片，番茄同水牛芝士真係好夾！呢個沙律非常豐富👍🏻法式香草燒嫩羊仔鞍 $238有兩大舊羊仔鞍，五成熟，煎得香，肉質軟腍，又可以鎖住肉汁👍🏻羊鞍嘅味道都調得好，薯菜幾好味😋紫蘇茄蓉天使麵配龍蝦 $208好多天使麵，較淋身，味道幾好，不過龍蝦嘅份量好似唔夠🙈😭大黃蘋果金寶 $68即叫即焗，要等一陣。蘋果金寶好香脆！好味呀！🤤雪糕係薄荷朱古力味，岩我心水🤣

今日收工約咗啲老死喺尖沙咀附近諗住聚一聚， 當然都想搵個地方有位坐之餘 可以順便食到好野， 吹下水 有埋氣氛就perfect。 尖東里邊 就不嬲出名多野食， 但邊間係真正有實力 又好食 就唔係個個都知。 諗住可以慢慢食就睇下有西餐可以一戰，路經見到有間西餐廳 係一樓， （其實不嬲好小留意唔係地鋪既餐廳。 竟然一樓上條電梯就已經見到 門口又企理 感覺幾好 就入左去坐低。氣氛十足， 樓底又夠高，坐既位又闊落。 同隔離枱有適當空間 方便同朋友吹水 都唔會影響到其他人肚餓既我地 當然都拿拿聲就叫定野食先， 兩個人 叫左個 英式蘋果酒炸魚先 薯條同炸魚 非常通透， 岩岩好夠晒炸之餘 熱辣辣， 仲有兩個醬比你點， 一邊for香脆炸魚，另一邊就厚切大薯條。當然點小得主菜烤西班牙黑豬扒，個擺盤有心意， 黑豬扒 火喉岩岩好 外脆內軟， 肉汁豐富， 推介大家有機會都叫里個食。另外仲叫左個忌廉惹菌芝士意大利飯， 好creamy， 香濃忌廉味 吞吞係口到 唔捨得吞。 最後就係肉醬意粉， 精緻得黎味道夠， 食得出廚師連肉醬意粉都有原則去烹調。 相當有誠意。總體黎講， 地點 氣氛 食物都係一流享受， 我朋友

尖沙咀係一個d餐廳食極都食唔完既地方餐廳店內比我想像中偏細，但裝修都算靚坐底就比左杯暖水，對於要養生既人係一種幸福，因為好多餐廳要問先有，通常一黎就係凍水唔想諗食咩既話就直接叫個2人餐吧，唔洗諗包左湯、沙律、2款主菜同甜品麵包好軟熟好香香草味，仲勁熱辣辣沙律幾特別，上面用既唔係普通沙律醬，有蟹肉係入面，仲有芒果，聽落係好怪但食落又好ok甘，不知不覺甘食哂唯一不足既係，醬唔夠多金荀本身唔太鐘意食，但當佢變成湯既時候甜甜地，可能c加左忌廉中和左甘甘地既味道，口感creamy似南瓜湯烤特級新西蘭肉眼配紅酒燒汁牛扒份量極大，叫咗七成熟，表層香烤鎖住肉汁。一切開，肉汁已經溢出。入口軟滑，唔會過乾。香草大蝦忌廉汁扁意粉個意粉份量唔多，但因為前面已經食左好多野，所以甘既份量係夠架意粉好CREAMY，口腔味道揮之不去。大蝦新鮮彈牙，有 畫龍點睛之效。Cheese Cake濃郁嘅chesse，加上不太厚嘅餅底，唔會太膩。

好耐冇同老公二人世界啦，難得今日可以嘆下，梗係要去食返個西餐啦!餐廳面積雖然唔係好大， 但裝修非常高貴華麗，帶點浪漫氣氛，感覺舒適優雅。牆上閃閃嘅魚都幾特別和可愛，感覺好有動感。麵包香口軟熟，送到上嚟還帶暖暖的。炸魚薯條我非常欣賞， 炸粉整得薄而脆，魚肉香而嫩滑， 細細件又唔需要再切， 啱曬我哋啲懶人。西班牙特級黑豬扒， 廚師非常細心， 已經把豬扒切成了好幾件， 只要用叉一吉就可以食啦。 豬扒唔會煎得太熟， 嫩之餘仲好有口感， 唔使落汁都已經好夠味。肉醬意粉味道唔會太濃， 份量啱晒我，如果肉醬再多多少少會更加好。散叫又有，套餐又有， 梗有一款啱你心水

行開尖沙咀，望上大廈見到呢間餐廳裝修好似幾靚，所以就特登同朋友入咗大廈上嚟呢度試吓佢嘅嘢食啦！今日我哋係lunch Time過嚟食嘅，以尖沙咀嘅地段去講，Lunch set嘅價錢絕對唔貴！今次叫咗個雞肉意粉，味道一般，主要原因係醬汁味道太淡，雞肉食落亦都唔覺得特別新鮮，欠缺鮮味。意粉就煮得啱啱好，唔會過淋亦都唔會過硬。不過，如果大家想搵一個坐得好啲嘅地方，又可以同朋友傾吓計聚下嘅話，呢度都係一個唔錯嘅選擇黎嘅！

Ordered a lamb rack and asked for medium. When it came, the outside looked like charcoal and the inside was red. At the moment I wasn’t surprised if the lamb started running. They even charge for a bread basket! Although service was creditable, the food was the main point and it was unpleasant. I’d go to better places if I were you.