Gastrobox The Cameron (已結業)

富麗堂皇的裝修打著西餐之名，實際上連茶記都不如。其實用餐經驗已是好一段時間之前，表現實在過於參差，決定要寫下感受。在網上找到這餐廳，很多人都大讚環境優美舒服，就在尖沙嘴辦完事後抽個時間來食午餐。Set lunch有幾個選擇，不同價錢，計上加一服務費後在這個地段也算affordable。內進後發現餐廳比想像中、圖片中要細，沒有能夠容納到很多人；不過裝修都是不錯的，有英倫風格，樓底也很高。點餐後，店員送上餐湯和麵包。麵包是香草包，表面烤得香脆。是日餐湯為南瓜忌廉湯。顏色看似不錯，加了忌廉會淡色一點。南瓜味較淡，飲到少少甘筍味，加了很多忌廉很creamy，還加了一些在湯的表面作點綴就更creamy，差一點除了忌廉外食不到其他味道。想加一點黑胡椒在湯裡，卻發覺檯面沒有提供，要請店員拿來。西餐廳的檯面連基本的調味料都沒有，又不是沒有位，讓我感到很出奇。不過，接著的主菜才讓我大開眼界。從廚房端出來，至送上客人面前，去到轉身離開，店員都好像毫無意思要把出菜紙從食物中拿掉；是覺得拿掉太麻煩？還是認為出菜紙在食物送到客人跟前仍在碟中沒所謂？我簡直是無語。若這裡是茶餐廳，那我會明白，因為論地方、食物、價錢

有朋友生日想食西餐, 四行人為左方便大家收工後參加, 所以就決定係尖沙咀搵食。地點: 係金馬倫道賣衫Initial對面嘅商業大廈, 扶手電梯上一層轉左就到, 十分方便。環境: 比想像中細同窄, 不過裝修好靚, 樓底都高。 餐廳一邊係大玻璃望街景, 再配合深色木枱同吊燈，感覺係高檔嘅。食物: 佢有兩款四人餐, 我地四個人啱啱好。兩款都係一樣包一個沙律, 一個意粉, 一個飯, 甜品同飲品。唯一嘅分別就係主菜, 一款係1.2kg嘅重量級牛扒，另一款就燒烤拼盤。沙律大碟菜又新鮮，不過就係menu寫嘅香前煎三文魚而係煙燻，但整體沙律係好食龍蝦肉意大利飯龍蝦肉唔算多, 但個汁好濃好好食！比平時嘅意大利飯較為濕身, 基於個汁好食所以我地完全唔介意。香蒜乾茄蓉辣椒扁意粉初初見到有點失望，因為感覺好齋。但食落有驚喜！少少辣相當惹味，意粉口感煙韌，最重要係乾蕃茄係超級好味，成個意粉係越食越停唔到口燒烤拼盤有一隻燒春雞，一塊安格西冷牛扒同熟芝士豬肉蛇餅腸。 睇落靚靚仔仔又多野食，但味道就無之前嘅飯同意粉咁出色了。燒春雞比較嚡口，但香草醃料係不錯的。 西冷牛扒都係嚡口，不過應該係我地叫七成熟嘅問題，因為有朋友

這晚在尖沙咀想搵西餐食、當經過尖沙咀金馬倫道時不經意發現這一間西餐廳入到去環境唔錯、我們兩人點了羊扒、牛扒及加左特價半隻龍蝦、羊扒好味，而且服務態度好好嘅侍應Ken哥哥不時問食物質素怎樣好細心招呼，所以下次再嚟！整體餐廳環境氣氛招呼也很滿意！

Disapponting birthday dinner（服務態度）有個waitor既服務態度好差D野黎錯左 仲比面色人睇成日係我地未食完d野 就趕住收走晒d餐具叫佢幫人影相 就求其影一張最後都係自己影番算數（食物方面）焦糖燉蛋甜品寫字冇跟到足order黑松露蘑菇忌廉湯-唔錯都幾夠味羊脾-唔錯都幾juicy意粉-比較乾身龍蝦-嘛嘛地 冇乜味價錢都算合理 仲有折扣環境都算靜不過仲有好大既進步空間下次就未必會再來喇

Yesterday I visited a Italian restaurant and had a happy experience .Italy is famous for their pasta and risotto , don’t know if you know or not there are more than 600 types of pasta 🌝 it’s impossible for anyone to remember all 600 of them . Back to the meal, we ordered a risotto and a rib eye steak . The risotto was creamy and nice , it cooked perfectly .The steak was medium rare as I was requested , although it’s not the best quality of steak , it’s still quite satisfying .Will revisit.

無論外內的佈置都一流，很高級，格調很好，但食物水準一般，不過以午餐價錢，不可要求太多，午餐的量不多，女生剛好，男生反而未必夠，服務反而很好，甜品和咖啡比主菜更好吃

星期五同同事食飯，同事提議呢間，話食過一個龍蝦汁意大利飯好正。可惜今日個菜單轉左，所以我就揀左個58蚊既lunch set,有湯有包有野飲。今次係紅湯，我覺得好足料同個味又夾我口味吾太酸，我覺得好飲。但個包係淋果種蒜蓉包，我個人都係鐘意返脆卜卜既蒜蓉包多的。主菜揀左牛柳絲彩色椒意粉，望落都驚吾夠飽，不過份量配埋包、湯同飲品，其實好飽下。個意粉既配搭同味道都幾中式下，但我鐘意。同事食左另一個意大利飯，一致認為龍蝦汁果個比較好食。另外叫左個魚拼薯塊既同事話份量ok，但我覺得薯塊太少了，應該得6,7塊。

從扶手電梯上一層左手邊就是今晚慶祝生日的餐廳，門面已經好華麗而充滿神秘感，餐廳暗暗的很浪漫，由餐廳入去雖然覺得沒有想像中大，但裡面的燈飾、佈置好似入左英式豪宅。未齊人的時候，有餐前餐包牛油頂頂肚。我地最後決定選擇4人餐，有沙律、餐湯，牛排、意粉、意大利飯、餐飲、甜品。餐湯、沙律先上，餐湯是龍蝦濃湯，味道很濃有點偏鹹，沙律裡面有煎三文魚粒，都好好食。飲完湯都等左頗長既時間，菜式最後一次過黎到。當餐送上的時候、我們都「嘩」一聲，好大份牛排牛排好香、肉質都唔錯！有驚喜意大利飯都好好味，口感唔係好硬個款，因為我本身唔鐘意食硬的。最後甜品都值得一讚，有4款唔同口味抵食

已經有一段時間冇黎幫襯，成個餐廳嘅裝修色調都轉咗做藍色，好有新鮮感。一睇個餐牌就嚇親啦，以為自己眼發花，價錢有5x至$9x不等，已經有湯同埋有餐飲，我仲記得初初第一次嚟幫襯，都好似要80幾蚊一個套餐，之後就好似轉過個價錢牌，60幾蚊唔包野飲。羅宋湯味圖片淡淡湯料好多。豬扒意粉個豬扒十分細件，又薄身，食落去唔係好淋。我個朋友叫咗天使麵，因為個賣相幾核突所以冇影到相，但原來個味道都唔錯。我不嬲都好欣賞呢度嘅咖啡，應該都係啲幾靚嘅咖啡豆。係呢個比x華茶餐廳仲平嘅價錢，唔會有乜嘢期望，只要中規中矩都值得再嚟食。

呢座大廈有好幾間餐廳，之前有間食開既已經結業😞，今日就特登去試呢一間。先睇餐牌，價錢都幾相宜，大概六十幾至八十幾蚊就有一個餐 ，另收加一，包餐湯同飲品 。另加三十八元就有三文魚凱撒沙律同甜品。一場嚟到，一於加埋個30蚊嘅三文魚沙律同甜品啦。首先係上南瓜湯。南瓜湯 有南瓜和紅蘿蔔味道，加上忌廉，好味 。配輕輕烘過嘅 香草包同牛油，滿足~三文魚凱撒沙律原來係煎過嘅三文魚粒放上沙律。三文魚嘅份量比我想像中偏少。 凱撒沙律嘅菜還算新鮮，調味正常。香煎比吉打魚香檳忌廉汁配千層薯$66比吉打魚就類似煎龍脷柳 ，應該係醮咗 少少蛋汁去煎，煎得好香口 。忌廉汁偏少。薯仔係好味嘅 ，如果配薯蓉做更加 夾喇。香煎雞胸菠菜汁天使麵$62味道偏淡，雞胸煎得香口。Tiramisu甜品係tiramisu 。這個就唔係太滿意， 質數只係一般，只係一批買返嚟嘅貨色。簡單嚟講，係好抵食呀，幾十元嘅價錢係尖沙咀有湯有嘢飲等， 尖沙咀嚟講算係平。至於加38元沙律同埋甜品， 我就覺得個質素對唔住38元，可以再好少少。順帶一提， 餐廳嘅侍應服務貼心有禮貌。

我和朋友訂了6:00pm枱，到達餐廳時，可能時間尚早，並沒有其他客人，餐廳職員也沒有提及在限制的用餐時間，於是我和朋友一邊傾計慢慢食。我們叫了套餐，包括了前菜，湯，主菜，甜品和餐飲。雖然食物味道不俗，但當我地食主菜大概7成時，侍應就已經問枱面上的食物還須要嗎？當時我表示等一等先。侍應並沒有理會，照樣把食物收起。接著就有另一位職員把收據給我們，要求我地埋單，但我地還未享用甜品，一般西餐廳不會這樣要求吧，除非有用餐時間限制還可以理解。當時我和朋友感到無奈，感覺似被趕走，其後才上甜品，很快便離開了。餐廳服務質素有待改善，我和朋友只想有一個舒服的地方吃飯聊天，但這次的經驗非常差，以西餐廳的服務來說十分的差。

話說上星期男朋友話要比個驚喜我，估唔到係帶我食西餐。有關注小編ge都知小編係牛魔王，小編最鍾意食遍所有日式韓式燒肉，甚少食西餐。（其實係荷包問題😝有人請緊係食啦）白菌焗田螺係呢到推介ge前菜，所以點左黎試下。小編唔係成日食田螺，但呢個白菌焗田螺食落真係好開胃，小編初頭仲擔心食薯蓉會唔會好滯，事實證明小編太杞人憂天。小編見到干邑龍蝦湯就想試下，飲完小編好滿意，濃郁ge龍蝦湯入面滲透住微微ge酒香。唯一美中不足係龍蝦湯偏咸，小編建議有興趣點干邑龍蝦湯但又唔係咁重口味ge朋友可以預先通知廚房。小編怕男朋友荷包大出血，所以Pasta淨係叫左卡邦尼忌廉扁意大利粉。賣相唔錯，份量適中，價錢合理，唔想食咁貴ge朋友可以點佢。終於到主角烤特級安格斯肉眼牛扒出場，真係極邪惡！小編最近已經重左，仲要咁樣引誘人地！男朋友仔食左一啖肥膏，係咁讚好，小編都忍唔住要食，點知一食返唔到轉頭，太好味啦。成塊扒都係肉汁豐富，肥膏更加係有陣油香，令人欲罷不能！黎呢到食一定要叫返塊扒先得！食到最後有少少意猶未盡，於是叫左法式焦糖燉蛋做甜品。固態ge焦糖放係燉蛋表面，需要少少力打碎先可以食到下面ge燉蛋。香滑燉蛋配上甜蜜蜜g

老友相約吃午膳，又有新野試，梗係好啦！今次位置在金馬倫道一座商厦的一樓。店名字叫 Gastrobox ，聽到個名都有所期待，老友說這店在西貢也有分店，今次過來尖沙咀試試如何。餐廳內，樓底很高，感覺舒服，還有幾盞水晶燈，相信晚上到來，感覺另一番浪漫的氣氛。午餐由$58-$98 不等，包括麵包、餐湯、主菜及飲品，另加$38 的話，可享有煎三文魚凱撒沙律及是日甜品。青豆蓉忌廉湯~先來一籃熱騰騰的香草麵包，大家見到熱騰騰已很開心。是日餐湯是青豆蓉忌廉湯，忌廉和豆蓉比例做得平衡，沒有任何草青味，配上香草餐包，相當夾檔，值得一讚。煎三文魚凱撒沙律~餐另加$38 可配這個沙律及甜品，由於其中一位老友話要減肥，又有一位說要減壓，故此我們加了兩份$38 大家 Share 一下，平衡又減壓。香草魷魚圈芝士忌廉天使麵$62~筆者一向都對天使麵不會太大雀躍，因為怕煮得太腍，但反正大家 share 吃，冇乜所謂啦！又估唔到，出奇地討好，質感剛剛好。豬柳茄蓉意大利飯$68~牛油香草煎雞扒菠菜忌廉汁配千層薯$66~菠菜忌廉很多時是配魚，今次㕑師配撘在雞扒上，大家反而覺得別有一番風味，一讚。烤新西蘭西冷牛扒燒汁配千層

食靚扒最緊要坐得舒服，再加埋地方靚同服務好，絕對係perfect。今晚原本諗住試下個二人餐，不過又想食羊架，十五十六最後都係決定散叫。我地叫左4樣野，2款主菜2款前菜。法式香草燒嫩羊仔鞍，5成熟。羊肉燒到粉紅色，剛剛好，真係好嫩好好食。紫蘇茄蓉天使麵配龍蝦，龍蝦肉好鮮甜，又多膏，好味。唯茄蓉略咸，我覺得如果個茄蓉天使麵淡啲味龍蝦味可以再出啲。英式蘋果酒炸蝦，呢個前菜好香口，配埋他他醬食到停唔到口。法式磨菇焗田螺，田螺同薯蓉都好好味。最後，特別想讚下個香草多士，外脆內軟，新鮮好食。總括嚟講啲食物好好食，服務又好好，值得再去。

上星期一個老友喺澳洲 回港渡假，梗係要盡地主之誼帶佢食一餐好嘢，呢間餐廳喺朋友圈都好有名氣，經侍應細心介紹幾款 合我倆心水菜式。第一款白菌焗田螺，滿滿一碟白雪雪，香氣撲鼻， 一只只大大隻田螺肉，鮮甜爽口。一份香煎鵝肝沙律，金黃亮麗，微微焦香襲人，鵝肝甘香軟綿綿。主菜係法式香草燒嫩羊仔鞍，一上枱賣上已經吸引，肉質酥酥軟軟的，迷人口感，蜜味濃甜，非凡 手藝，一絕。飲品調教得不俗。最後佢嘅甜品真係值得一讚，當你輕輕切開蛋糕時候，香甜流心，緩緩慢慢地飄出來，令你一面欣賞一面品嚐，非常享受，還伴有一個雪糕球，女孩子一定愛定了。這個晚上跟老友共度一個美好的時光，日後 我倆又多一個懷念日子了。輕鬆提示：酒精類飲品也不錯，可以試一試。