GOCHISO (已結業)

又一新食肆開張, 當然火速去試試.  一行三人要了二人套餐, 有一款頭盤 + 一款沙律 + 二碗餐湯 + 一款主菜 + 一款Pizza + 二款甜品, 只$592還有9折, 超低食.頭盤 :  巴馬火腿配水牛芝士, 火腿鹹香味不錯. 水牛芝士就小家了少少, 五毫子大, 有數粒, 味道清淡不膩.沙律 :  凱撒沙律, 羅馬生菜鮮甜多汁, 煙肉脆卜卜, 肉味濃; 再伴以絲絲芝士, 好味.湯 :  雜菜湯, 材料豐富, 有西蘭花, 薯仔, 紅蘿蔔, 腰豆, 蕃茄, 茴香....湯底濃稠, 略為鹹了點.主菜 : 紅酒燴牛肉, 牛肉肉質腍入味, 沒有多餘肥膏.   另伴飯一碟, 飯粒粒分明, 用了咖喱粉炒底, 微香的咖喱味再加入燴汁, 停不了.Pizza :  海鮮pizza, 餅底薄但不夠脆口, 可能海鮮汁浸入了, 變得濕濕地.  海鮮類有奭脆蝦, 濃味帶子, 魷鱼.  還有蕃茄和菠蘿, 材料豐富.  如面層芝士多一些就更好味.甜品 : 日式班戟, 班戟底煎得香口, 入面塗了忌亷, 再配紅豆蓉和扶茶雪糕同吃, 絕配!芝士慕絲 : 那件慕絲完全沒有芝士味, 質感傑撻撻, 吃了一口巳放棄.整体質素

Gochiso的食物定價吸引，半份西班牙海鮮飯八十多元，七十多元有一瓶Sangria，份量足夠三個人各飲兩杯！偷食怪自然會多叫幾款菜試試，於是就聽話加碼吃日式蒜味帶子及炸魚薯條，再配日式pancake配綠茶雲妮拿雪糕。最香噴噴當然是海鮮飯，烤蝦大大隻仲有蜆仔同青口，兩個人食半份的份量就剛好，可留肚食其他菜，飯粒煮得較軟身，是為了遷就港人口味吧，加點檸檬汁同吃，令整體感覺更加良好，超喜歡廚師提供大大件檸檬。炸魚薯條不容錯過，脆漿很薄身，魚塊亦大件，用切角薯取代薯條顯出製作誠意，讚。相比下帶子較普通，但一試無妨。酒過兩杯，面紅如關公，如怕染紅可要求店員提供不含酒精的Sangria（店主真細心耶）。甜品方面，薄薄的餅皮內藏忌廉，外層鋪滿宇治綠茶粉，跟紅豆醬及雪糕確是絕配，糯米小丸子略嫌不夠軟熟喔。今餐食得愉快，食物味道好、坐得舒服及員工服務周到，會再來光顧的。

首次看見日本+地中海菜的fusion餐廳，特地與友人來試試~餐牌上有多款二人套餐，價錢$412-$5XX(接近$600)不等，另需加一服務費~ 我倆感覺有點昂貴，且擔心套餐份量太多吃不下，而a la carte看來又較多選擇，故決定散叫~ 牛小扒雜豆沙律用的是半熟牛肉，肉質軟嫩，配煮過的黑醋汁同吃可帶出鮮味和僻去牛羶味，沙律菜新鮮爽甜，汁醬酸甜特別，雜豆主要是鹽水灼熟的紅腰豆、三角豆和毛豆，熟度剛好，不會太硬或過腍~ 雜豆的概念應源自地中海菜吧~西班牙小食拼盤包括三文魚醬多士、巴馬火腿伴蜜瓜、半熟牛肉、刁草三文魚和煮雜菜~ 多士香脆惜不夠鬆，三文魚醬魚味濃郁；巴馬火腿伴蜜瓜沒有特別；半熟牛肉和牛小扒沙律用的一樣；三文魚新鮮，刁草香帶出魚鮮；煮雜菜意外地好吃，沒有留意餐牌上寫的是什麼方式煮雜菜，但感覺似是普羅旺斯煮雜菜~西班牙海鮮飯(半份)份量剛好足兩位女士分享，若一人來吃，什麼也不點，只點這個，女士的話就剛好飽肚，男士則難免要添配些什麼了~ 飯粒煙靭，略有海鮮甜味但不明顯，顏色雖黃，但不像番紅花香，想是用了黃薑粉代替? 海鮮有大蝦、青口、蜆、魷魚等，蝦不夠爽，青口和蜆尚算有鮮味，魷魚只

星期一晚尖沙咀, 見這間比較新的餐廳, 內部裝修還不錯, 餐牌上的食物照片賣相ok, 價錢都合理, 又不用等位, 就決定一試.Salmon Salad: 盤沙律都幾大碟, 沙律菜爽脆, 個dressing都幾refreshing.焗豆湯: 熱騰騰的. 整個湯盅直接由焗爐出來吧!? 有很多很多豆, 較似一味餸, 好飽肚. 可惜略鹹.焗魚: 鮮味可口, 值得推介. 其實我很怕魚腥, 這焗魚不但沒有腥, 既有香草味, 又有鮮味.Golden Four Cheese Pizza: 芝士迷必試. 這裡的Pizza 不是一般的Pizza, 個皮好像印度的Naan! 好特別, 四款芝士配合得宜, 味道濃郁, 又香又脆, 配合蜜糖吃的, yummy yummy! Non-alcoholic Sangria: 提士汁(代替紅酒)加生果, 味道清新, 感覺健康. 配合其他較油膩的食物, 恰到好處. 整頓飯都感到很美好. 唯一美中不足之處就是上菜的次序比較亂. 雖然沒有什麼特色signature dish, 也感受不到什麼是地中海日本菜, 但我還會推介這間餐廳. 

朋友急call出黎食飯, 當然係無訂位啦很多餐廳好多時都會2輪時間晚飯, 草草把飯餸都倒進口中就算但難得見朋友,當然想坐得舒服, 不限時, 而且價錢合理 ($200 以下)係K11 尋找餐廳時, 突然見到個廣告 - 人氣日本 地中海FUSION餐廳我就被這個廣告吸引著我, 所以就選擇做晚飯既地方雖然大約19:30, 但等待時候也不太長, 一張枱既時間就可以進入等待時間可以望望放在門口既menu, 入座後就可以落order被安排坐在沙發既位置, 好舒服而且又寬敞現在冬天時份, 衣物外套都會比較厚身, 有足夠既位置放置手袋及衣物, 真係輕鬆唔少餐廳內裝修也算新, 而且好特別, 用酒樽當燈罩, 像外國休閒餐廳一樣餐牌有A la carte 也有套餐套餐既彈性也很大, 例如套餐有紅色橫線, 就可以從第二個course中選擇餸菜, 所以套餐概經濟實惠又容計多款選擇二話不說就點了Pasta Pizza Gochiso Course 加一個拼盤 (共4人份量)西班牙小食拼盤 (Spanish Tapas Platter)我是滿心歡喜期待著試這個拼盤, 但結果頗失望第一口便吃煙三文魚, 我可以說這是食

因好友幫忙, 臨時買了兩張一月一號鄭秀文演唱會門票, 真開心2015年第一天, 相約好友 I小姐, 去 K11吃晚餐 - 試日本西餐廳 - GOCHISOI小姐話: 新年食豪一點, 便落單叫了 "MEDITERRANEAN COURSE"飲品: 十三款選二I小姐話: 幾好飲濃郁南瓜味, 不見粟米粒前菜: 六款選一帆立貝鮮甜, 又浸出蒜茸香味沙律: 二款選一I小姐話: 鮭魚夠新鮮, 好味的沙律薄餅 / 意粉: 九款選一好濃芝士香, 薄餅厚度適中, 配料小蕃茄, 菠蘿, 洋蔥, 魷魚, 帶子, 蝦! 注意: 蝦尾部有殼的主菜: 六款選一沒有羶味的羊架! 已經很飽, 其他配菜沒有食了...(可選牛油飯)甜品: 四款選二燒焦面令芝士味更凸出! 木瓜,蜜瓜,連雪糕交由I小姐負責!試了一啖腍腍的紅色! 看著I小姐吃得很開心!因飯後, 趕到紅磡看演唱會; 令我倆未能慢慢享受這頓美食! 找天要再來!GOCHISO 總結: 值得一試!

星期五晚上，見等候人數比剛開幕時少人，只需等十幾分鐘便進去了。Menu上有5至6個set dinner，但都係2人餐。我們有3個人，所以點了$480左右那個set再加個墨魚汁risotto。本來Expect呢度係比較西日fusion style, 但後來發現'日'的原素不太多。頭盤和沙律我們選了 avocado salmon and salmon salad，都有d驚喜，三文魚有d油脂幾好味。到蜆肉意粉都幾好，但主菜牛油魚就麻麻，好薄，個底好乾，而且朋友覺得太咸(我個人就ok)。另加的risotto，飯根本不像是意大利米，而且全熟，一點咬口也沒有，海鮮份量少，墨魚汁份量太多食到好污糟...餐飲無特別，甜品的話Creme brûlée 同 tiramisu 都中上，而且set dinner來講算大杯。總之，不知道是否剛好叫了不好吃的主菜，但已經不太想再去...

早前經過K11 的Gochiso, 看過menu後感到在這個地段來說定價不高, 於是終於找朋友一起試了. 餐廳裝潢開揚, 中央以玻璃樽排成的燈算是特別.至於食物質素....可謂十分參差....蟹肉半熟蛋沙律用了新鮮的蔬菜、半熟的蛋也合格吧、蟹肉更比想像中多, 令我對Gochisot其他菜式也充滿信心, 然而這感覺很快幻滅....四式芝士pizza賣相不美觀, 材料都向薄餅中心走, 要是均勻地把薄餅切開6份而每件要有一粒茄和一塊葉的話, 應該是充滿難度.  更意想不到的...餅底是很濕淋的!!! 出了甚麼岔子可做出質素這樣差的pizza??!!真的很難吃.... 難道定價低就暗示了食物質素不會高?? 還是...餐廳需要作出相當的檢討.

在K11做完CUPCAKE已是晚上九時多了，在尋找餐廳時，發現有家新的Gochiso在同樓層還未關門，而且還有人在等位，立刻拿個籌，等了大約十分鐘便可入座了。有套餐有散叫，為了迎合各人口味，最後散叫了幾款菜與西班牙特飲Sangria。Sangria有兩類，有酒精與無酒精，我們點了傳統有酒精的。紫紅色的紅酒份量較多，沒有浸出水果味道來，帶點苦澀，酒精成份相當高，最後只喝了一半而已。尼斯風松葉蟹肉沙律，這個認真不錯，超多蟹肉，還有一開四份的半熟蛋、黑橄欖、車厘茄、碎薯角，菜類不算多但新鮮，很開胃且健康抵食。白酒蒸蜆肉青口，青口在上蜆肉在下，多份量且大粒，重牛油味，而且很燙口，白酒味道不太濃，但還可以接受的﹗8"瑪格麗特薄餅(配以新鮮水牛芝士)，材料不多，以芝士為主，很濃郁的芝士鹹香，薄批有點像印度薄餅軟軟的質感，我覺得這樣與芝士很合拍，但同行朋友認為要薄脆才算好吃。西班牙風海鮮飯(半份)，半份的份量，飯粒真的很少，海鮮搭夠，但蝦有點霉、蜆肉有一隻還未開口.......這個個沒有西班牙風味的海鮮飯﹗羅勒醬海老牛油果意粉，看到意粉是綠色，以為是把牛油果造成的意粉......原來我錯了，只是配料

本來想去食Pizza Express的，但冇位，要留電話等通知，於是在K11行吓等，點知行行就發現呢間日式西餐，見佢環境都幾靚，就等下位。雖然人吾多，但佢就算二人都係俾四人枱你坐，所以都等得幾耐，不過坐得舒服D就冇所謂啦！😊餐牌好大張，個人覺得部份菜式有D似"和民"，不過當然冇魚生壽司啦！二人叫左Fish & chips: 炸魚同薯角普通，但個沙律醬幾好味水牛芝士pizza(8吋):是我地喜歡的脆底薄批，如果再多D芝士就仲正西班牙海鮮飯(半份): 青口同蜆都新鮮，但反而隻蝦就“梅梅地"加埋細支裝白酒一支(酒杯非常污糟)，埋單$300。總括來說，食物ok, 環境好，但侍應比較新手，欠缺經驗，但態度不錯，可惜欠缺笑容……會再來的。

經過幾次～睇過ＭＥＮＵ。。。次次都食左其他野～今次記得去食。。。點知就出事～早知就睇左OPENRICE COMMENT 先食ｌａ....個環境其實唔錯～ＭＥＮＵ好大～叫左一個ＰＩＺＺＡ，ＦＩＳＨ　＆　ＣＨＩＰ＆　ＰＡＳＴＡ！ＰＩＺＺＡ　到左，個ＷＡＩＴＲＥＳＳ　問分幾多件～我話我自己ＣＵＴ～佢就俾左ＣＵＴ　ＰＩＺＺＡ既碌碌刀我再加左隻ＳＰＯＯＮ。。玩野咩！之後我叫佢俾ＳＨＡＲＥ　ＰＬＡＴＥ　同刀叉，佢俾左１０幾把刀我。。。。Ｏ下做咩ＡＲ！我再叫第２個ＷＡＩＴＥＲ　先俾返Ｄ正常刀叉我！個ＰＩＺＺＡ可以話係最正常，都熱既～不過冇咩特別～個ＦＩＳＨ＆　ＣＨＩＰ。。。冇味又唔熱～ＤＦＩＳＨ有＂益＂味。。個PASTA 仲衰, 我個朋友一食就話未熟,我又食下LA,真係好硬...同個WAITER 講LA~之後佢拎左入廚房~大約15MINS 出返LEI..佢話係甘GA BOR~冇得再煮! 叫我換其他野~我話唔要,CANCEL 左佢,佢話唔得WOR~甘又叫左個RISOTTO lor~ 墨汁加蕃茄..好怪！仲有ｄ蜆唔知點解好地地要碎上，搞到好多碎殼。。。個ｍａｎｇｅｒ　好似係日本人～都好ｐｏｌｉｔｅ，不過

今年生日，也是首次與小寶到尖沙咀觀賞燈飾啊! 能與至親一同渡過，我感到萬分幸福***************是日星期五，立冬，是筆者新曆生日，適逢也是聖誔燈飾開幕翌日，按一向意願沒花巧慶祝，今年好想與妹妹和小寶簡單吃頓晚飯再觀賞燈飾兼逛逛星光大道。以往在飲食資訊網站搜尋尖沙咀區食店多次，本應沒有心水，已不寄厚望，唯今次卻獲得一家合口胃的餐廳GOCHISO，看簡介是有關地中海與日本fusion菜式，難得地點適中，在沒有訂座的情況下踫踫運氣吧!新開的GOCHISO座落在尖沙咀K11，主打日式地中海菜，似乎是頗有趣和新鮮的題目****************時近下午6時30分到達，此時店內人客不多，門舖的灰石柱身印著歐陸味道logo，加上以不同酒樽製成的燈飾都予以輕鬆感，店員很快就為我們安排入座，首次光顧印象最深要數員工親切笑容及對客禮貌周到。室內裝很具歐陸情懷，酒杯砌成燈飾、深木餐桌與黑色餐椅，輕鬆中顯時尚感這裡有各款紅白酒品供應餐廳中間部份的大型酒樽燈最搶眼這裡地方闊落、全店用上不同款式燈飾點綴，中間那盞大型酒樽掛燈華麗耀目，最搶眼球，室內光線柔和，深木餐桌與黑色椅子都拼湊出一份地中海風

睇咗instagram foodie嘅介紹尖沙咀新開呢間由日本黎嘅新餐廳, 都好似幾多人就黎試下啦 各款pizza 分8同11吋, 沙律同小食有好以多海鮮做嘅菜式, 選擇都好多自家製意大利風薄切鮭魚牛油果$48實物比Menu上嘅相片細三文魚都算新鮮, 牛油果夠熟, 幾好醬汁嘅味道幾好, 幾開胃, 不過冇乜特別(類似係!_EA賣嘅某隻汁)四式拼盤-炸雞翼,腸仔,雞翼,薯條$88四樣野入面得香腸可取, 個皮夠脆 炸魚應該冇醃過, 食落冇乜味, 要搭醬汁食, 肉質一般, 炸粉還好唔算厚炸雞翼嘅賣相一啲都唔吸引, 啲皮食落好乾, 啲肉質都算OKMenu上面仲要寫住recommend, 失望 南國風雜錦海鮮 8' $73餡料唔多, 當中得青口帶子得一隻, 醬汁唔夠(佢寫有千島醬), 食落成個味都幾淡, 餅皮都幾煙韌, 薄批黎講如果再脆啲就仲好*店員幾好禮貌, 態度都幾好, 但一啲好細微嘅位做得唔夠, 例如清水餐具同Menu都要問店員攞先有, 服務唔夠成熟

這間新開不久的餐廳，環境都不錯，午市時間仲要唔使等位都唔錯!看過餐牌，收費算中上，76-128左右，只有幾款選擇。我地選左:年糕薄餅: 個薄餅都幾大個，味道幾香口，加上年糕煙煙韌韌咁, 唔係脆個種。雞肉雜菇焗飯:個忌廉汁都幾好, 有濃濃的芝士味道，啲飯比較淋，唯一係覺得啲汁過多, 鹹左啲~跟餐有沙律同野飯~總體黎講算幾好食~就覺得差啲係侍應係新手同人手唔係好夠。

聽過呢到係和民集團既new line! 就黎試下新野啦~好彩朋友早到, 一早拎位, 過左7 點就開始多人, 要等位啦!食店樓底高, 空間感大, 但枱與枱之間都幾貼近下, 隔離枱大聲D都聽到晒。 如果坐卡位會比較好!不過樓面唔多人招呼, 我地連拎隻貼都等左好耐, 最後忍唔住要自己拎tim! 3 個女仔叫左半份西班牙海鮮飯, 一個鮭魚白汁意粉, 一個蟹肉沙律, 一個凍三文魚小食。半份西班牙海鮮飯, 個樣好唔吸引, 個飯好乾身, 仲要有飯焦, 西班牙海鮮飯唔係應該濕濕地嫁咩? 海鮮有青口, 魷魚, 蝦, 但全部野乾到好似裝飾品咁!鮭魚白汁意粉, 係用扁意粉, 個汁調得不錯, 仲有5大塊三文魚, 讚!蟹肉沙律, 我好鍾意呢個, 用左芝麻汁黎撈, 仲有一大堆蟹肉, 沙律菜, 蛋, 好match!冷盤-三文魚凍食, 不錯! 另外我地叫左2 杯鮮奶抹茶, 抹茶味唔濃同幾甜下!朋友既一杯芒果沙冰反而有驚喜。可惜個到冷氣太凍, D 野食好快被吹凍!講價錢佢唔算貴, 但食物就普通啦!不過呢到食完唔會趕你走,同朋友簡單gathering既話都係一個好選擇。