Grubers (已結業)

戲院旁邊開左間漢堡飽店，買完又可以帶入戲院，幾好我自己揀了個single menu HKD88單層漢堡，加左toppings HKD10脆煙肉Sides就揀細薯條配芝士醬加HKD10揀salted caramel latte加HKD15共百幾蚊一餐先講杯咖啡，口感都幾滑薯條超脆勁好食，睇過開飯話唔脆，唔會丫，芝士醬另上，逐條點黎食，唔會令薯條變腍又有好香芝士味好味丫，不過個日好嬲囉，同公公去，明明叫佢睇住，我去一去洗手間，佢就叫人掉左佢，我而家都唔記得我擺左個咬左一啖既飽同半盒薯條外，仲有冇其他野，我行開得太匆忙最終發現佢將我包薯條食埋，但個飽我咬左一啖，好肉痛呀，百幾蚊架==‘飽要即食，唔係會變腍，個飽所以貴就係因為外國空運到港我揀素漢堡味道好濃，原來用8至9種蔬菜整，不過我覺得味道淡多少少更好，但可惜我食左兩口，味道食唔真，不過真係嬲，無啦啦掉左我個飽，侍應哥哥又係，見到成個飽包到咁好都照掉，太浪費......

同女朋友睇戲前, 見仲有around 30分鐘, 所以黎戲院入面間餐廳食下burger.我地一人叫左一set $88 combo , 有塊漢堡揀、TOPPING 本身有蕃茄、芝士、生菜, 仲有薯條/ 沙律揀, 同埋包一杯野飲. 其實真係幾抵食, 塊漢堡我同女友要左經典漱堡, 最SIGNATURE 果款一定冇死, 食落果然正, 好Juicy, 而且份量夠多.另外我地一人一個薯條同沙律, 薯條形狀好特別, 唔係平時m記幼著條/ 茶餐廳粗薯條, 聽侍應講d 薯條係意大利運過黎, 食落充滿薯味.而沙律就好fresh, 冇太大特別. overall   都幾好食, 下次睇戲前可以再食=]

呢排成日都同同事係度嘈Lunch已經冇咩地方好食行左落公司樓下一路行都未諗到去邊度食好行行下就去到德福  見到戲院個邊門口企左位侍應係度同途人介紹緊menu 好奇下望一望 原來係一間burger店快快手上網睇睇咩來頭  原來香港只得呢間分店  應該係新開一排既過江龍所以決定食呢間試試佢睇menu 係個種可以自由配搭burger配料既burger店Mix and match總有一款岩你心水我簡左松露漢堡 配 芝士 + 蘑菇估唔到松露同漢堡都可能拉上關係漢堡包既包皮都幾特別  上面個層比較薄 底層較厚侍應話係特登的  話咁樣做  個包唔會怕俾d醬料整到個成個包淋哂食落個包  松露同漢堡扒非常match 而汁既份量都岩岩好如果覺得唔夠多 都唔緊要   有自助既醬料Area俾我地朋友叫左個墨西哥辣椒漢堡配芝士 + 小黃瓜佢係個幾食得辣既人   話覺得幾好 唔會太辣 岩岩好成個包都可以用Juicy黎形容薯條都有別於傳統薯片既形狀仲配合埋BBQ醬  係match既！呢餐雖然比起我地平時食既lunch既價錢高少少不過食物都有一定質素  坐又坐得舒服  耐唔時食一次當獎勵下自助都係一個幾好既選擇呀！

九龍灣德福廣場一期平台有好多餐廳，之前試過泰菜同粵式小菜，今次一於來啲新款式，食下來自摩納哥的burger！餐牌設計簡潔易明，圖文並茂👍 個人幾鍾意呢種繪畫風格😆 一步一步咁點餐，有選擇困難症都唔怕😁先喺櫃檯點餐， 攞飲品同沙律埋位， 今次叫咗個大沙律同埋熱檸茶😜個大沙律嘅份量比想像中多， 仲送埋脆洋蔥粒同芝麻醬撈埋一齊食， 沙律菜上面鋪咗唔少車厘茄， 清甜新鮮。食住前菜，將感應器放喺枱邊，好快店員就將漢堡包送上啦！一打開， 見到漢堡包嘅包裝紙唔係普通麥當勞用嘅紙質， 裏面有一層錫紙， keep住個burger暖笠笠， 我諗即時外賣拎走burger 都唔怕裏面嘅餡料會凍曬， 餐廳喺呢方面做得幾細心喎。講番個burger，最大特色係醬汁同香料早已混入漢堡扒嘅穀飼牛肉裏面， 味道鎖住喺 入面， 咬落去好juicy。遇上圖所見，成個漢堡包畀足料， 主要係多菜， 兩層漢堡包嘅質地鬆軟，味道偏甜， 個人覺得鹹味嘅漢堡包會較為襯托餡料嘅味道😛 我點嘅漢堡包另加咗蘑菇同新鮮洋蔥， 蘑菇炒得唔油膩，同牛肉漢堡扒係絕配，如果份量多啲就好喇😝食完個味道咁豐富嘅漢堡包飲番啲清淡啲嘅english break

今日約左個friend去睇戲 睇戲之前就緊係要食d野先啦 但因為仲有唔夠1個鐘就開場 所以就諗住求其食d野 見到隔離有間burger新開 $88有個set 我地每人叫左一個set 叫左個truffle burger同素burger 個truffle burger真係好有松露味 仲可以加toppings 一個要左bacon同蘑菇 另一個都係bacon加crispy onion 雖然個樣唔係話好靚仔但幾好味 食完唔會話好濟 薯條都唔錯聽聞係意大利運過黎 仲可以自己任加sauce配黎食 最後拎住杯milktea入去睇戲😊😊

遲到好平常，但看電影遲到則有點麻煩...我們唯有去附近吃點東西。$88 的漢堡套餐，談不上廉價，但定價亦不算是太高昂。我選了香脆雞肉漢堡，再加配蘑菇及洋蔥。脆雞肉十分香脆，不會油膩，而且雞肉不會太乾或太老。薯條形狀有別於平常的，是比較扁及寛的。薯條十分香脆，但因為薯條裡頭薯仔分量不多，所以薯條不是內軟外脆的。食薯條、漢堡包，配有汽飲品比較適合，所以我點了有汽血橙果汁。味道酸酸甜甜，汽比可樂少。我個人不是太偏好太多汽飲品，飲汽水是單純覺得有些時候飲汽水比較爽，所以我覺得這個果汁都可以。

得知有過江龍新店開，一直都想試試，由其是來自摩納哥，都幾特別望下meun, 由肉開始選擇，再到配料，我選擇了松露漢堡，配煙肉同芝士，之後可以選擇薯條或沙律，唔好太熱氣，都係沙律好，今日天氣仲係好冰凍，都係決定飲熱朱古力，暖一暖暖個人漢堡因為即整，所以需要等一等，等待期間，可以食住沙律，其實佢的麵包糠味道有少少特別，比普通的麵包糠更夾漢堡都好快到，一打開漢堡的牛味好出，仲有松露味，包裝紙都有用心，是類似錫紙之類，更保溫，包住更多味道，不得不提松露同芝士的味道真的很配，而煙肉是煎的香脆，除令漢堡的味道更豐富，還令口感更多

Thanks god it's Friday!收工去左九龍灣搵個朋友食晚餐本來諗住去睇戲 但又唔知睇咩好行到去戲院附近見到有間食burgers裝修又幾靚 就吸引左入去去到就去左落單一人叫左個single burger我要左松露漢堡朋友諗住試新野 揀左阿根廷漢堡Topping 有啲難選擇Staff推薦我地揀蘑菇 話好多人都揀兩個都叫左細薯條飲品加錢要左香港友啤酒同埋士多啤梨奶昔買完等左一陣就黎啦一放低就已經聞到薯條好香食落發現係剛剛炸好炸得好香脆仲可以配埋3款醬 - 芥末、蛋黃同茄醬 又有唔同既風味到主角啦我個漢堡包一打開就聞到好濃既松露味而且色彩好繽紛有菜有蕃茄有芝士有漢堡 好多顏色睇到都食慾大增食落去滿滿一口芝士、松露同埋漢堡既味道而且係每一啖都有咁多種味道唔會一啖有一啖冇好滿足既感覺朋友話佢個阿根廷漢堡都好有特色好驚喜下次再黎我都諗住試下配埋香港友呢杯啤酒真係無得輸一邊飲住酒一邊傾下計真係好chillHappy Friday !!

來到德福戲院，發覺之前的鈴x餐廳已經轉左做漢堡包店，感覺幾有外國feel，哈哈，試下佢先。自己去counter落單，之後就會有個牌等送餐，半自助形式不用加一的。放枱上指定位置，食物ready後就會著燈㗎啦。點了$88Single burger餐，朋友加了啤酒（+$30），自己要了有汽果汁（+$10）。啤酒是新品牌香港友啤酒，店員說是嘉士伯同香港手工啤廠的合作品牌來的，味道香甜帶少少苦澀味，很易入口，自己不常喝啤酒無乜意見，朋友話呢隻牌子好飲喎。果汁要了西柚味，是常見的品牌，喜歡它酸酸甜甜的味道。其中一份餐要了跟沙律，新鮮的沙律菜，配上一盒麻醬同一盒炸洋蔥，簡單又好味。接著漢堡同薯條都來了，薯條即炸的熱辣辣呀，切成曲曲片的形狀很特別呢，外脆內軟很好吃。朋友的漢堡要了墨西哥辣椒口味加蘑菇（+$8），漢堡肉是即煎的，塊肉熱辣辣呀～其他食材就室溫啦，拎上手都暖嘅，ok啦。雖然是辣椒口味，但只有一點點辣度，微微辣幾惹味喎，想再辣啲可以出去調味格都加辣椒仔，哈哈。自己個漢堡揀左阿根廷香料口味加配小黃瓜（+$8），漢堡肉散發著淡淡的香料味，不會太嗆肉味，味道做得很平均呢。自助調味格有茄汁，沙律醬，芥

平台上的漢堡@Grubers 九龍灣偉業街33號德福廣場一期平台P23號舖 我平常獨女一個人看戲都會在家附近，所以鑽石山及九龍灣我是常客，入戲院前先醫醫肚，見到$88漢堡餐先食飽再算。要了雞包,套餐中包有炸薯條/salad及飲料（留意部份飲品要加錢）salad 跟朝麻同脆炸蒜調味站可比錢加topping,要了$8mushroom, 組合好合理。漢堡本身己有生菜碎蕃茄芝士，疊得高高一大個，雞扒同溶掉的芝士份外合襯，雞肉扒炸完香口，擠上味道似千島醬的汁。食漢堡包張紙都講究，銀白內層有助保溫。天冷得7度，沒勇氣試冷飲，待下次先，還是乖乖要熱檸水。大胃口仲有甜品架，曲奇同蛋糕。地方幾大幾光猛，下完單堂食會有人幫助手端上食物的。而環境好有外國漢堡店，播住音樂，氣氛年青。堂食或打包都方便。

話說上次打完個食評，比同事話好mean，其實吾講出黎真係吾得，邊可以食漢堡包無雞蛋！今日同同事黎，試左食經墨西哥辣椒包加左10蚊要左個nuggets。個包吾算太辣，個waiter一早講左所以先試，佢話如果鐘意辣可以加多份辣椒。個nuggets 真係吾錯，比個good先Iced lemon tea 都keep到，good!今次打食評既原因係，好欣賞依度既服務，其實d waiter好後生，諗住佢地會玩玩下，但其實個個好認真同專業，尤其有1-2個高級小小既部長，會周圍問我地既意見。我同左佢講話無雞蛋吾得，佢話佢地都留意到客人既意見想有雞蛋，話openrice 有人提議過，佢地黎緊都會加入menu，仲話吾洗等好耐添。哈哈，佢地應該吾知果份openrice comment就係我打。好開心講左既意見被接受同重視既感覺！另外見到佢地d高檯都轉左位，多口問個部長，原來又係客既意見黎。所以開始like依家餐廳，吾知個老板係吾係後生仔？如果吾係邊有甘open mind, 加油！

開幕了一段時間 有mood 行過得覆商場食漢堡了 店鋪係戲院旁 當以為會好多人 要排長龍 好彩又唔洗 唔太多人 可能對面有其他野食啦 我點左牙根亭肉 嗯⋯ 其實肉係幾好味 雖然對我來說係重味左d 但還可以的 我想講 有樣野就扣曬分 就係個包唔翠 呢樣好重要呀 用紙包住令到林曬 呢點扣曬分😔😔

阿林：來自摩納哥、打著客製化旗號的漢堡快餐店。單層芝士漢堡餐$88，雙層$118，包含Sexy Fries及飲品。七款漢堡中，我選了松露漢堡。肉質正常，隱約帶松露香。我本期望松露會更突出，畢竟是以其命名，可惜就味道而言，它最多只是茄喱啡。肉有點薄，相比之下蔬菜量多，整個感覺就是適合「草食性」朋友。順帶一提，餐廳提供素漢堡。薯條脆口，帶淡淡粟米味，大概是用了粟米炸粉。加$10配了熱溶芝士，惟份量不多，不大划算。以這價錢來說實屬一般，或許只有趕赴旁邊戲院入場時才會想起它。

早前知道德福戲院內開左一間食漢堡的專門店。上次食的時候，就揀左最Regular個隻牛肉，覺得一般。不過見有Openrice師兄姐話黑松露牛好食，所以我決定黎Encore一次。食過後，松露肉的味道多左層次，係好食過Regular個款肉，而且牛味仍然重，但無比黑松露的味道蓋過。如果大家試的，建議揀黑松露味的肉。著條方面，可能用左粗著條，薯味比較重，不過食落入面都乾左少少。大家可以到店舖中間的調味枱拎醬汁。

早在剛開業時吃過，確是一間令人想回頭再吃的漢堡包店。食客可單點或選套餐(配薯條/沙律、飲料)。漢堡更可選單層或雙層，但雙層漢堡只能選同一款口味。漢堡份量剛好，配上芝士、生菜、蕃茄等配菜，醬汁是每款漢堡也不同的。左邊是松露漢堡，右邊是墨西哥辣椒漢堡。漢堡煎得恰到好處，不會很油，沒有半點焦黑。這種把配料融入漢堡的做法，豐富了漢堡的口感，更增加了肉汁。咬下去，每一口都不會太乾。松露漢堡，沒如平常在外吃松露時那強烈的香氣，吃下才能嚐出少許松露。墨西哥辣椒漢堡，辣椒味是充滿著整塊漢堡，對嚐辣之人來說是很過癮。最期待的薯條，卻有點失色Sexy fries 一點也不sexy，薯條是偏黃黑的，明顯是萬年油下的產物。也許恰巧是換油前的遺物，因隔離桌的薯條是金黃色的，香氣撲鼻。