Kowloon East Kitchen (已結業)

又係觀塘…無錯 ! 又係觀塘, 難得有朋友和我一樣喜歡試工廈, 所以今晚去食左呢間 :地點都係近港鐵站. 預先訂位6點半, 準時去到有位坐店內不停播放音樂, 我和朋友坐高枱, 靠近窗外. 睇下餐牌款式選擇唔算太多, 因為放工前食左tea, 所以散點。我地點選以下 :雜菌白汁扁意粉芝士蕃茄長通粉炸魚薯條配沙律菜點菜完畢後, 待應好快奉上一籃麵包, 麵包沾上黑醋, 比起牛油更加喜愛。麵包暖烘烘, 好快比也ko左。先黎炸魚薯條配沙律菜炸魚及薯條肯定剛剛炸好, 因為一放入口時已燙咀 (下次真係要吹下先), 食得好熱氣時有少少沙律菜比你平衝一下又唔錯芝士蕃茄長通粉我覺得酸左一點, 可能太多蕃膏或蕃茄, 雖然開胃, 但係酸左dd雜菌白汁扁意粉呢個就真係真心讚, 愛好菌類及白汁的我, 一上枱時聞到香噴噴的白汁, 白汁夠多, 充份令到每一啖都好多汁, 雜菌應該先用牛油炒過, 所以食得到雜菌有牛油味道. 諗起都好想食多次今次因為太飽無去試飲品及甜品, 希望下次可以試到。

觀塘工廈一直都是我的午餐好地方，勝在地大又多選擇。午餐的選擇不算很多，但每款都很吸引，最後點了一份帶子意粉。先來的是餐包和青豆湯。麵包十分軟淋，點上油醋，酸酸的十分開胃。青豆湯意外地沒有渣，清香的青豆，清新了一下味蕾。帶子意粉。因為是炒意粉，所以沒太多的醬汁。意粉帶點點的蒜香，非常惹味，帶子小小的卻不怕煮老，依然保持著軟淋的質感。

今天是Green Monday, 約了好友Simon 談天說地，想到Kowloon East Kitchen， 於是我們便到那裏聚舊!環境感覺不錯，真的很舒服，我們叫了兩個set Lunch !我們各要了一個頭盤，我的甜椒蕃薯湯又濃又香! Simon 的青蘋果沙律很新鮮，配上芥茉油醋汁真的很爽口 !女友叫我減肥，我叫了巴馬火腿配沙律，加上新鮮百合和黑醋汁，又健康又有益，而且很美味!Simon 的燴羊肩肉很幼嫩，肉汁滿溢，加上雞心豆落和燒什菜，真有水準!我們的冰鮮奶咖啡和朱古力泡沫咖啡也用上即磨咖啡法，又香又濃!甜品是腰果朱古力餅配雲尼拿汁，我要了意大利奶凍，配上雪糕和什莓真的很特色也很香甜，真是很開心的一頓午餐!

Office搬咗去九龍灣所以夜晚都係附近搵食放咗工之後去觀塘行開睇到食評唔錯所以同朋友試吓八點幾鐘嚟到，人唔算多睇咗Menu之後決定叫咗一個沙律，一個豬扒同埋一個意粉首先叫咗個蝦牛油果沙律$98啲蝦好新鮮好彈牙個醬汁酸酸甜甜好開胃跟住叫咗個日本榖飼有骨豬扒$208喺呢度嘅店員誠意推介真係冇誇張都算係我係香港食過最好味嘅豬扒，平時食嘅豬扒一般會好乾身，但呢件豬扒煮得火侯啱啱好豬扒入面嘅肉都仲係粉嫩的肥瘦適中再加埋店鋪特製嘅醬汁甜甜地又有香草嘅香味好好味所以都值回票價！最後到個意粉$128可能係因為佢哋自家製嘅關係啲意粉比出面煙韌同埋彈牙唔會林啤啤冇質感而且加埋啲番茄醬同埋海鮮整個口感非常豐富食咗四百幾蚊食完都幾飽再加上埋食物嘅質素尤其是係塊豬扒滿足滿足

朋友相見，總免不了東拉西扯，談天說地一整晚，又來了朋友推薦位於觀塘工廈區的餐廳，享受優閒的一晚餐廳環境清淨，而且每枱之間距離較遠，是個適合談心的環境選擇來說，主要分為前菜、意大利麵湯及沙律、肉類及配菜、甜品。點餐後，先送上了餐包給我們品嘗。餐廳的食物均是自家製，餐包亦什具特色。包身質地偏軟身，藏有葡萄干及芝麻，吃進口較香軟，配上黑醋一起吃，還魚不錯。美中不足的是餐包不夠暖身。自家製意大利麵主要分為三大醬汁味道，忌廉汁、蕃茄醬及香蒜橄欖油。最後挑選了蕃茄什錦海鮮闊條麵。面頭散上了芝士粉，有新鮮的大蝦蜆肉，配上什菌及洋蔥。蕃茄醬質地很濃及酸，配上本身味道較淡得闊條麵剛剛好。但麵條質地偏軟身，欠缺咬感日本殼飼有骨豬扒，殼飼的肉扒，肉質會較鬆軟富彈性，鮮嫩美味。大力稱讚配搭的醬汁，簡單的柚子配芫荽，味道微甜，配上脂肪比例均衡的豬肉食真是不俗吃了大量肉量，為求健康，當然要吃菜。忌廉波菜，忌廉味很濃，而且只選了波菜幼嫩的葉部份來烹調，健康且美味

最近研究緊點樣先可以煮到好食的意粉，今日去完apm，諗唔到食乜好，不如就去食pasta 啦，睇下出面餐廳同自己煮個d 有咩分別😂🙊～係apm內巧明街出口行過黎只係需要2-3分鐘左右。 呢到的裝修比較有格調，用上木制的餐桌，帶點懷舊復古的感覺～ 餐廳主打係食意式的食物，雖然冇pizza 吃，但有多款唔同的pasta 呢😁。一坐下後，服務員便隨即遞上麵包和黑醋；有別於西餐的是，意大利人喜歡用黑醋蘸上麵包吃的。黑醋內已加進了橄欖油，吃起來帶點微甜。 服務員細心提醒我們除了menu 外，更有掛在牆上的daily special 呢～ 我們點了是日精選的啤酒牛油汁煮蜆作頭盤 $120，主菜點一個pasta；什錦海鮮寬條麵 $128 和Fish of the day 香煎三文魚麵鼓蛋黃醬 $168。一直都唔知原來三文魚都可以揀要幾成熟，點餐時服務員更建議我們三文魚可以用medium rare上會比較好吃。啤酒牛油汁煮蜆用白酒煮蜆就食得多，用啤酒煮其實比較少見～ 不過原來又幾好食。 蜆肉微微帶點酒香，煮得好嫩滑，仲食到有海水的味道！要煮到啱啱開口先會有甘的效果。除了蒜外，亦同時加了洋蔥和煙肉炒過

被呢度嘅開揚環境吸引住好鐘意呢一大排窗呀！［麵包籃］軟熟嘅意大利香草包，同balsamic vinegar & olive oil，墊到我個好餓嘅肚之餘亦開胃呢一日同朋友兩個人，叫咗一個starter兩個main，份量啱啱好［啤酒牛油汁煮蜆，$120］呢個係白酒煮蜆嘅變奏版啲蜆好大隻，粒粒蜆肉都好飽滿，好新鮮！食落除咗有蜆肉本身嘅鮮甜味，仲被牛油香同啤酒嘅麥香裹住仲有跟兩塊法包，烘得好脆，可以點個汁食［香煎三文魚，麵豉蛋黃醬，$168］三文魚扒煎得皮脆肉嫩，亦一啲都唔腥，點少少麵豉蛋黃醬令味道更加豐富，不過麵豉味稍為淡咗啲，唔係好食得出。侍應推介七成熟，所以我哋聽佢話囉，真係七成啱啱好［燻煙肉，蛋黃芝士汁意粉，$128］個醬汁做得好濃稠好creamy，亦落咗parsley碎令佢冇咁單調而煙肉方面，雖然話係燻煙肉，但咬落似豬油渣（如果你未食過豬油渣，佢係有啲脆卜卜、又好香醇嘅，好嘢嚟㗎！），令到碟意粉嘅口感更豐富

不起眼工廈內的小店卻擁有超乎預想的一餐，想搵個放放鬆聊天的好去處，絕對值得一試！木色+黑色調創造輕鬆用餐的空間，而且非常寬敞乾淨蟹肉吐司@鮮味蟹肉+沙律醬+爽口生菜放上熱烘烘的吐司上食落又脆又香+又凍又熱的感覺好無敵什菌忌廉汁闊麵@好簡單嘅材料，忌廉汁+大量mushroom忌廉汁唔會好似湯汁咁多，反而均勻黏住每一條麵！闊麵煙韌！有咬口！Mushroom亦炒得夠香KEK Lemonade@Lemonade味道偏酸但極為醒胃，亦帶了不少檸檬皮的苦澀感，即時令整杯飲品層次感提升，這個絕對好味道

剛去完墨爾夲遊玩，真的超開心，馬上約小敏到觀塘的Kowloon East Kitchen 吃意大利菜!今天的意大利菜真多選擇，我們兩個大隻妹都選了香煎三文魚柳set Lunch,，因為三文魚很健康又好味!首先湯是薄荷青瓜湯，薄荷很香而且青瓜很濃，我很喜歡!香煎三文魚很厚，原來三文魚是Norway 每天新鮮運到，食材很新鮮，三文魚又香又威，口感一流，配上炸黃瓜條，真的脆卜卜，胃口大開!餐飲是凍朱古力又濃又香，喝了一口真的濃情化不開!還有自家制的紫薯icecream, 很香紫薯風味，很有北海道feel, 今天的午餐，我們都很滿意!

係觀塘食野一定係去工廈區我諗呢個係觀塘友都會知既，因為apm好食既都好貴同好難拎位。而之前就去左呢間叫Kowloon East Kitchen既餐廳同女朋友食晚飯，原因係之前同一大班friend黎過呢間食Ｄ野質素高環境氣氛又好，都想帶女朋友黎試下個晚book左位先去一去到就有位，服務員應該見我係情侶擋就安排左個窗邊位俾我。坐低後就介紹今日既推介晚餐俾我地聽，原來除左固定既餐單外仲有定時會轉既晚餐，都幾有心機。其實d starters都好有特色，真係樣樣都想試 不過俾女朋友禁住左因為次次出街食野都食唔晒，哈哈下次再同friend黎一定要食返。咁我最後就揀左份紐西蘭肉眼扒，女朋友就揀左份carbonara。上正餐前餐廳先送上一份麵包點油醋，好開胃，其實之前去食Ｄ正宗既西餐都試過估唔到又有得試返。食完呢個已經忍唔住想即刻食正餐因為真係好開胃，咁真係唔洗好耐份紐西蘭肉眼扒都上到，小店既服務真係做得好Ｄ賣相好吸引好有正宗肉眼扒feel，二話不說就cut開細細塊同女友share，食牛扒最緊要咩？不外乎係要肉身夠嫩，入口一咬即溶同夠肉汁，而呢塊肉眼扒基本上都做得到 唯一可以挑剔就係如果大食鬼可能唔夠

連續第二晚回到觀塘工廈覓食，再次驚覺以往在觀塘區工作時，總為去哪兒開餐而煩惱，原來一直錯過工廈很多隱形的美食店。環境算大，燈光昏暗，頗有情調。微熱的餐包質感軟熟，帶陣陣香草味。沙律菜沾匀柚子油醋汁，很fresh，柚味香濃而味帶甜酸，確是開胃。大蝦是新鮮的，而非冰鮮，所以味道鮮甜，加上兩邊煎過，吃落帶點焦香。Main dish 是日本穀飼有骨豬扒。店主建議medium well，因為熟度剛好，可以保留最juicy的狀態。但我倆起初都覺得擔心，始終認為牛肉就可以食5成、7成，但豬肉就盡量可免則免，還是well done最好。店主細心地介紹餐廳所採用的日本豬種，即使medium well，都毋需太過擔心，所以我們也覺得一試無妨。豬肉肉質軟腍又juicy，入口油脂甘香，簡單以海鹽調味就很不錯。第二種食法就是蘸上柚子醬。柚子醬加入莞茜，質地濃稠，與豬肉的味道很配襯！聽店主介紹，意粉及闊麵全部由餐廳自行製造，而非市面現成的包裝意粉。基本上他們每日或隔日就會造一次麵條，縱然浪費很多人力及時間，但他們的目標是希望盡量為食客提供最正宗的意式美食。這份堅持，值得欣賞。意粉比一般圓身的意粉粗少少，蒜味香濃，

係APM shopping 完又唔想食APM d 大集團, search 下發現附近有間好似唔錯既西餐廳, 見到d 野食都啱食, 就行過去試下由AMP 行過黎都唔算好遠, 只係行左5分鐘就到, 入口係工廠大廈, 好有探險o既感覺安排好坐位, 已經遞上麵包同水, 加上黑醋+橄欖油食住睇menu侍應見我地有選擇困難就主動介紹有乜好食, 同埋有乜daily special.原來牆上掛左塊黑版寫左是日精選最後主菜叫左個芥末汁燒豬腩另加配菜芝士焗薯粒侍應話呢度主打食pasta, 意粉&闊條麵都係hand-made, 仲推介左芥末忌廉汁蟹肉長通粉我本來都好想試下, 不過唔想又係芥末汁所以就要左香辣蕃茄醬海鮮闊麵呢到係無酒飲既, 可能未有酒牌, 留意到附人有人飲凍朱古力個様幾靚就叫左杯凍朱好快到, 基本上係睇住佢係open kitchen沖出黎, 見住佢加左勁多奶所以飲之前要攪勻最底的朱古力, 朱古力味濃得黎唔會太甜, 重要冇冰, 唔會愈飲愈淡, 飲到最後都仲好夠味等左一陣闊麵就到, 麵質幾好, 咬落好有口感蕃茄醬好濃郁, 帶有少少辣味幾開胃, 配料都好豐富, 主要係魷魚, 蝦同蜆闊麵食到一半燒豬腩

上星期二是儍爸生日，趁著兩隻小魔怪返了學我們兩老就去了撐枱腳食了個晏因為要預時間返去接他們放學 ... 不可以去得太遠地點就揀了觀塘工廈樓上 cafe ... Kowloon East Kitchen由於是觀塘的舊式工廈，樓底比較高，座位又不是擺放得太迫，空間感十足一坐下，未點餐服務員已經放下麵包 ... 啱哂非常肚餓的我鬆軟的麵包點少少橄欖油黑醋一起食，酸酸甜甜的 ... 特別醒神開胃點了兩份午市套餐 ... 包頭盤 + 主菜 + 飲品 + 甜品頭盤可以揀青豆忌廉湯或青瓜沙律蜜糖芥末汁，我們就每款各一青豆忌廉湯夠 creamy，無青澀味，還加入惹味的煙肉粒增加口感和味道喜歡食肉的儍爸的紐西蘭肉眼扒配薯條 HK$158肉眼扒外層烤至焦脆，切開後呈鮮嫩粉紅色的肉質非常誘人食落去鬆軟又 juicy， 肉味又濃郁無添加任何醬汁，只在肉眼扒上面加了少少香草牛油，更能帶出肉的味道我的香煎爐魚燴什菜 HK$108大大塊的煎爐魚，魚皮煎至酥脆，魚肉柔滑鮮嫩，食落去啖啖肉我的 Flat White 和儍爸的凍咖啡甜品 ... 腰果朱古力餅配呍呢嗱汁和意大利奶凍很鍾意 brownie 裡面的大大粒的腰果

在觀塘工作了兩年多，見證著這區的變天，工廈餐廳如雨後春筍般愈開愈多，由最初大家鬥價錢平去爭取食客的垂青，但食客的選擇實在是太多了，若食物質素稍為不妥，食客就一定唔會再返轉頭了~“Kowloon east kitchen ”就能做到高質素的食材，環境又舒適，所以我經常午飯都會幫襯呢今天就同摯友坐於我最喜愛的窗邊的座位，因為可以俯覽窗邊的街景( 但記住要早一點打來book位)午市套餐由$88-$158不等，已包含餐湯、麵包、主菜、餐飲及甜品，還免收加一，價錢非常合理肉與脂肪的比例平均，肉質軟腍適中，中心部位有一塊明顯嘅油花，鮮嫩多汁不要看輕伴碟的薯條，比一般的長，熱騰騰的外脆内軟意粉的蒜味很夠而且份量頗多，珍珠帶子也鋪滿整隻碟子，男士叫這個也不怕不夠飽呢濃郁的泡沫高於杯邊， 這才像義大利泡沫咖啡呢是日雪糕每天不同，今天是紫薯雪糕，真的有一小顆顆的紫薯粒藏於雪糕內啊自家制的朱古力布朗尼果然特別，味濃、像餅乾的朱古力蛋糕，口感是紮實緊密的， 和朱古力蛋糕的口感並不同、香醇濃郁且濕潤的口感，而且不會過甜.喜歡朱古力的朋友可以試試看

工廈餐廳愈來愈多人喜歡，變成一種潮流。工廈餐廳各有特色，今日中午一人來到觀塘，工廈餐廳集中地，一人吃個工廈午餐。先來的餐包。香草麵包軟熟不乾身，陣陣香草味道頗是豐富，麵包軟熟陣陣香草香味，伴上油醋汁，酸甜開胃。青豆忌廉湯。比較稀身的餐湯，青豆粒粒可見，食材足料。忌廉味道不太濃郁，入口卻是幼滑豐富，香味十足。熱湯入口，味道清香滑溜，頗是誘人。香蒜欖油意粉、珍珠帶子、長蔥。單單看菜名已經知道菜式的材料。欖油香蒜意粉，蒜香味濃，入口頗是香口。欖油粉得乾不油膩，珍珠帶子份量頗是豐富，入口沒有雪藏味道，爽嫩彈牙。意粉彈牙掛滿香蒜，每一口都香口豐富。