Kyung Yang Katsu

營業中

休息中

⋰中環；kyung yang katsu⋰喺首爾擁有超過80間分店的 kyung yang katsu，由食材到駐場嘅師傅都嚟自韓國，務求令身在香港嘅大家都可以品嚐到原汁原味的韓式炸豬。每個set都配上鵪鶉蛋飯、泡菜冷麵以及沙律菜，三款都有得無限refill，5-7點happy hour仲有酒精飲品買一送一嘅優惠！𖦹 番薯芝士吉列豬扒 $198新菜式登場！豬扒香脆，番薯蓉香甜軟綿，加上拉絲力max既芝士，視覺效果滿分，層次豐富。𖦹 吉列豬扒&豬柳套餐 $188長型豬扒同圓形豬柳各4 塊，豬柳呈粉紅色，肉質較嫩，如果豬扒再肥啲 juicy 啲會更啱我口味！𖦹 fresh green grape high ball $98𖦹 original high ball $78兩款之中我鐘意提子多啲，甜甜地幾易入口。

首爾超人氣輕洋豬扒店Kyung Yang Katsu位於中環Soho區，主打韓式新派炸豬扒，食材皆是韓國直送，如選用來自韓國中部的高質豬肉、蝦醬、刀魚醬、黑松露鹽及泡菜。店鋪供應多款吉列豬扒定食套餐，主食的豬扒可選擇有芝士OR無芝士。至於裝潢方面，風格簡潔清新，採用木系家具，再配搭通花牆，猶如咖啡廳。韓式多蜜醬汁芝士吉列豬扒 $188一開始店員會為客人斟大麥茶，接著便端上整個套餐，這款多蜜醬汁芝士吉列豬扒有一整片的吉列豬扒，表面淋上會拉絲的芝士，還加入了車厘茄和粟米粒作為配菜，側邊還有韓式小菜、白飯、麵條和沙拉。豬扒因為芝士的加入入口濕潤，不會太乾。吉列豬扒&豬柳套餐 $188這款套餐是雙拼，同樣都有白飯、麵條和沙拉，三樣都可以續供。這款套餐多了不少的配料搭配豬扒和豬柳，例如蝦醬、wasabi等，豐富了食用體驗，特別的是豬扒吃起來比豬柳少了一點乾澀感。青提子梳打 $48芒果梳打 $48點了兩杯梳打，很貼心地在梳打表面添加了水果，份量也不少，青提子梳打喝起來清爽，而芒果梳打相對比較甜，水果吃起來都很清新。

🐖 芝士&吉列豬扒套餐 $198套餐包含了八塊豬扒（芝士&吉列豬扒各四塊）、三款主食、兩款漬物和六種調味料。主食分別為飯、麵和沙律，三款的份量剛剛好，而且可以無限refill。飯配有半隻鵪鶉蛋，頗特別。兩款炸豬扒的外層炸粉均透薄酥脆。吉列豬扒肥瘦均勻，肉質鬆軟，質地偏乾身。而芝士吉列豬扒則有很澎湃的芝士，帶有很強的拉絲效果，很適合配飯或麵。而六種調味料則分別為甜芥末、檸檬、炸豬排醬、Wasabi、松露鹽和蝦醬。個人最喜歡甜芥末和炸豬排醬的配搭。個人認為芝士吉列豬扒比吉列豬扒出色，但一次性食太多可能會有點膩，雙拼是不錯的選擇。味道：🐖 芝士&吉列豬扒套餐 8/10回頭率：8.5/10性價比：7/10服務：8.5/10✨推薦指數：8/10 人均：$200+總結：店內氣氛休閒，店員態度友善，味道在同類型店舖的平均水平之上，整體不錯，會回訪。

早兩日去中環做嘢經過發現呢間新間嘅韓式炸豬扒飯就入去試一試我哋就嗌咗兩個set蕃薯芝士吉列豬扒飯$198同埋吉列豬扒豬柳套餐$188講下蕃薯芝士吉列豬扒set先 估你唔到蕃薯同吉列豬扒係會夾開頭重怕太膩 點知完全唔會 😙然後係芝士吉列豬扒 超誇張！上枱已經覺得應該會好食唔只流心咁簡單 而係超級無敵好食🥹 因為佢調味吾會調到好咸 所以口感同味道都做得好好另外就係吉列豬扒豬柳套餐以為會平平無奇點知又係一個驚喜本來佢嘅肉質做得好好就算係炸都保留到佢嘅肉汁🤍想食原汁原味嘅可以試吓呢個同埋佢哋嘅set飯，麵同沙律係可以refill一定要試下佢個麵，堅好食 重有！佢哋嘅嘢飲 梳打類！完全用料十足 勁多水果😹😹

呢日黎到中環SOHO嘅呢間韓國過江龍吉列豬扒專門店，餐廳裝修簡約型格，環境舒適。主打各款韓式吉列豬扒、豬柳，仲有炸蝦，炸蠔等選擇。套餐由$178-$198不等，當中嘅飯、麵、沙律都可以free refills；仲有不同嘅side dish可以配搭。✨吉列豬扒&豬柳套餐 $188套餐賣相吸引！每個套餐都配上鵪鶉蛋白飯，韓式冷麵、沙律、前菜同各款調味料。調味料有Wasabi、松露鹽、鹽漬櫻花蝦，而且擺盤仲好有心思，整成一個笑臉🙂吉列豬扒比較有咬口，肉味香濃，吉列豬柳肉質比較軟腍，兩款吉列豬同樣香脆可口，炸皮唔油膩，而且火喉控制得好好，肉質保持juicy，配以不同調味料都各有風味。✨番薯芝士吉列豬扒 $198主菜炸豬扒，炸漿薄薄一層，非常香脆，而且唔油膩。芝士吉到豬扒一定要趁熱食，大量流心芝士，芝味香濃，仲可以拉絲嘅效果！其中3件炸豬扒面層有滿滿蕃薯蓉吱花，賣相精美，番薯蓉清甜，口感軟糯，估唔到同炸豬扒咁夾！✨青提子梳打 $48梳打大大杯，面頭仲有好多提子，好清甜好fresh。✨Original Highball $78朋友話佢嘅original highball配吉列豬扒一絕！清爽解膩🍻

第一眼望個裝修會覺得呢間係日本餐廳，但其實係一間韓國餐廳，專食吉列豬扒既🐷餐廳共有10款regular套餐同埋3款特別啲既套餐。價錢由$178-$198，每款套餐都會包一碗鵪鶉蛋飯、麵、沙律、2款配菜。仲正既係呢啲都係可以無限添加嘅👍🏻重點緊係係豬扒到，首先個份量十足，炸漿夠薄，食落係脆得黎唔油嘅，肉質好軟腍。而且有多款調味俾你揀，wasabi、甜芥末醬、檸檬汁、鹹蝦醬、松露鹽同埋食吉列豬扒必備嘅吉列醬。當晚試咗個特別啲嘅番薯芝士吉列豬扒，番薯蓉綿密得黎甜甜地，芝士就咸香，一半鹹食一半甜食呢個idea唔錯。推介👍🏻番薯芝士吉列豬扒 $198吉列豬扒&豬柳套餐 $188Happy Hour 5-7pm Buy one get one freeFresh Mango Highball $98Fresh Green Grape Highball $98(Free)買一送一好抵飲，2杯都有好多水果🥭🍇

今日朋友帶我去食吉列豬扒，就去到中環呢間名店🍠番薯芝士吉列豬扒 $198-上枱有種甜薯香味直擊鼻梁 表面微微炙燒過 入口先係食到番薯嘅甜味 然後暢滑口感 再嚟慢慢滲出芝士味 最後就係脆香豬扒 呢個組合非常出色 而普通芝士豬扒就可以突出到芝士嘅香味 軟心拉芝 同皮美味🐖吉列豬扒&豬柳套餐 $188-套餐嘅主食當然係豬柳+豬扒各半 炸衣薄得嚟相當脆 豬柳口感較為嫩口 豬香味強烈 配上店家嘅炸豬扒汁 絕對係人間美食 而豬扒就較為多汁 -套餐仲有飯+麵+沙律 食完仲可以無限refill 個人認為個麵最好食 湯底帶紫菜香🍓士多啤梨梳打 $48-梳打加入鮮士多啤梨果肉 而且加入嘅份量都唔少 基底唔算太甜🥭芒果梳打 $48總括嚟講，鍾意吉豬嘅你食呢間必定唔會失望，真係好好食👍🏻

呢間韓國過江龍吉列豬扒專門店開咗一排，終於有時間去試吓啦～ 位於中環soho區，餐廳環境舒適，主打吉列豬扒、豬柳同炸蝦，定價稍為貴～ 食物整體質素都唔錯嘅，吉列豬扒香脆唔油膩，可以一試！飲品有好多生果，有啲驚喜！擺盤都幾精緻，每份豬扒都跟咗沙律、麵同飯，仲有好多款醬汁搭配一齊食，可以提鮮同解膩👍🏻🔸番薯芝士吉列豬扒 $198新菜式有6件芝士吉到豬扒，其中3件加咗番薯蓉，面頭輕輕燒過～ 試咗芝士豬扒先，中間位全部都係芝士，仲可以拉絲！芝士味濃，配香脆豬扒都幾好食！加咗番薯蓉就多咗軟棉棉嘅口感，味道層次更豐富！一份有6件份量夠多，女仔可能會食唔晒～🔸吉列豬扒&豬扒套餐 $188吉列豬扒同豬柳各有4件，兩款都好香脆，吉列皮整得幾好，唔會太厚粉又唔會太油膩～ 個人比較鍾意豬柳，感覺juicy啲，中間帶少少粉紅色，肉質較為軟腍！豬扒就相對實少少～ 覺得配少少鹽/蝦醬一齊食，會更鮮味！🔸芒果梳打 $48🔸青提子梳打 $48兩杯都大大杯，幾好飲！而且有好多水果，佔1/4左右～ 芒果香甜唔酸，青提子爽口無核，very good👍🏻

呢間位於中環SOHO區嘅韓式炸豬扒店有啲驚喜喎！我地一共叫左2個定食，分別係芝士&吉列豬扒，同埋吉列豬柳🐷芝士熱上可以拉絲，建議可以先食芝士豬扒，否則凍咗沒有拉絲效果。吉列豬柳肉質比豬扒嫩，可以配搭Wasabi、鹽、鹽漬櫻花蝦、甜醬、kimchi等食。留意到佢地專登整到smiley face出黎，有心思！成個餐好豐富，不但有飯仲有麵同生菜，呢啲都可以免費添加嘅。其實唔添加份量都好足。值得留意嘅係中環炸豬扒餐廳都係偏貴，而呢間晚市加一後價位都係大概$200，唔係平，但可接受

本來對韓式炸豬排有保留態度，再加選了一條錯誤的路徑，爬完那個斜坡才發現就應該搭半山扶手電梯，心情完全是負50。好在食物的味道出乎預期，完全秒殺IFC和斜路上那家Porker，東西還便宜個20%，完全是性價比和味道上的輾壓。推薦：吉列豬柳，提子梳打，芒果梳打。

今日同家人去AIA嘉年華玩，當然會在中環午餐完先過去，早前在網上睇到評論幾好既韓國吉列套餐專門店，好想去試一試。但講真這餐廳地點真的十分吾就腳，位置較偏，如果搭地鐵的話要穿過大館後再上條長斜路先到，而且周圍沒有其它食店，找路过程有点迷惘啊！😅以下是我地order既套餐系列，真心觉得好好味的😋，而且肉質嫩滑，吉列大蝦夠爽口。套餐內附有份量少少的飯，有米粉，亦有沙律菜。最主要仲系無限次order添加的！👍餐廳門口

On a Sunday early afternoon, we were able to get a table without wait. But as we were eating, more and more people had to wait. The restaurant had a cozy vibe. There are bar sitting and booth sitting available. All the katsu set came with unlimited rice, soba and cabbage salad. The dipping options are wasabi, salted shrimps, truffle salt, sweet mustard and tonkatsu sauce. Premium pork loin 3/5 - The pork loin was tender. It works well with wasabi and salted shrimp. Cheese katsu 4/5- This is goo

到我試啦！ 之前洗哂版既韓國芝士吉列豬扒餐廳 🐷 極邪惡組合 😈 吉列豬扒& 豬柳套餐 HKD188 (no.5) 🐽一上到菜畫面好豐富！ 長型豬扒同圓形豬柳各4 塊。 炸既表現符合預期～ 炸漿厚度適中 外面鬆脆 入面軟淋唔會乾。 當然豬扒多油脂會再Juicy 啲 🧡 整體份量都唔吝嗇！ 🦐 芝士&炸蝦套餐 HKD188 (no.8) 雖然豬扒係主打 但想讚下炸蝦有驚喜！ 蝦唔係普通天婦羅個種， 係大隻、 濃味， 肉實啲個種！ 一隻炸蝦都同豬扒一樣咁粗身～ 比普通天婦羅蝦仲keep 得耐脆既口感！🧀 好吸睛既芝士豬扒， 上到黎唔算好流心， 肉質黎講都係普通豬扒會juicy D , 但幸好芝士味唔係好重 唔會好漏～ 🧂 調味料方面有成5款咁多！除左普通既日式吉列醬， 仲有wasabi , 松露鹽 ， 芥末籽醬同蝦醬。 個人都係中意日式吉列醬 或者松露鹽！ 套餐跟埋2 款前菜， 飯、 麵、 沙律任添。椰菜絲沙律🥗加左柚子汁幾開胃， 我都有添多碗😆！ 飯都有落飯素同有隻煎鵪鶉蛋🍳麵呢如果湯底係蕎麥麵汁/ 濃少少， 或者換做麵豉湯會較好，因為本身食豬扒都飽肚。 整體黎講都表現平均，雖然未

黎之前睇ig同埋食評見到人地話呢間個肉唔算嫩，但係有芝士所以都唔會乾，所以期待值唔算太高，但係最後佢表現比我想像中好🥰芝士炸豬排豬排係薄薄一層，唔係特別食得出肉嘅香味同埋質地，中間嘅芝士一開頭熱嘅時候拉絲，熱剌剌好好食。食左兩舊啲炸豬排開始凍（不過好正常，食咩都會凍，尤其是炸物），之後嘅芝士就凝固左，但係芝士都係好食嘅。整體黎講幾好食，個人覺得個味balance得幾好，係套餐入面有幾多款醬或者沾料，可以自己點鍾意嘅醬料，全程食落唔會覺得悶。套餐全個餐牌都係套餐，小菜有跟辣韭菜同醃製嘅菜，有唔同主食選擇：芝士炸豬排、蝦、豬柳etc. 套餐嘅飯（同埋迷你蛋），麵（暖嘅素麵）同埋沙拉（好好食嘅椰菜絲配柚子醬）就係可以refill嘅，所以都唔使擔心唔夠飽。環境店鋪設計很有格調，好靚，睇落似cafe，整體環境好舒服😌作為炸豬排佢唔會係最好食個間，但係可以一試，問我會唔會回頭，就未必😉同埋一個小小提示🔔侍應斟嘅茶本身就係凍嘅，佢個杯嘅款有啲似熱茶，所以一開頭唔會左，有啲嚇親😅

上網見到好多人介紹依間餐廳 終於揾咗一晚嚟試吓我嗌咗芝士豬扒同豬柳套餐我個人好鍾意個芝士豬扒外皮香脆 又有芝士拉絲 唔使點醬都好夠味豬柳就普通 如果有下次 我會直接嗌芝士豬扒套餐佢個飯同麵可以添 飯上面有一隻好細嘅蛋 好得意😂我添多一碗麵 我覺得碗麵酸酸地 幾開胃我嗰日坐bar 枱 可以直接望到廚房佢哋都好乾淨 如果我有一日突然好想食炸豬扒 我都會諗起依間餐廳