Lava Java 咖啡西餐廳 (已結業)

星期六中午來到此店用膳，餐廳位於商業大廈內，感覺很安全整潔，來到餐廳可能還很早，現場只得幾枱客，地方很大，環境清靜，很舒服。點了凍綠茶鮮奶，鮮奶很滑，綠茶很濃煙三文魚蕃茄檸檬扁意粉，個人覺得汁太多，鹹了一點炸魚薯條，魚柳好大塊，亦都好滑，不會過熟，剛剛好，不會太油膩，好味，薯條都炸得好好味熱綠茶鮮奶，有三眼仔的樣子，好吸睛啊！好濃的綠茶味，好滑好味整體來說，餐廳環境不錯，服務亦都很好，食物都算好吃，下次會再來的

Lava Java食評普遍都幾正面 今日就尼試下係米真係值得一試🤔首先前菜我地叫左一口法式田螺酥盒同煙三文魚凱撒沙律之前係其他地方食過之後念念不忘 結果衣到既一口法式田螺酥盒都冇令我失望 有水準👍🏻沙律就正正常常 雖然冇乜特別但都唔會令你失望主菜我地叫左芝士漢堡配韓色烤肉汁，墨汁帆立貝扁意粉，軟殻蟹南瓜汁意大利飯，法式燒春雞衣個薯條真係冇得輸 炸到好香脆 有小小辣 配燒汁同茄汁 個人就比較中意點燒汁 辣味會出啲 如果唔食辣既朋友點茄汁就可以喇~漢堡包反而麻麻 而且漢堡切開都幾紅 介意既可能就要試其他另外最左手面係袖子沙律 酸酸地幾開胃👍🏻最後會有一小碟泡菜 味道偏辣墨汁意粉正常冇驚喜 但唔會有腥味 所以都可以一試呢個意大利飯係今餐我最中意既 因為有南瓜所以甜甜地 但唔會膩 軟殻蟹都炸得唔錯 非常之值得推介既一道菜！最後我叫左衣杯薄荷朱古力 超！可！愛！我開頭係睇樣叫既 但都好飲😋薄荷同朱古力的比例適中 唔會有一樣特別重味道 飲晒都冇好膩咁 推介👍🏻佢仲有三眼仔架！環境清幽 冇坐到靠入既area所以都好安靜 牆上都會有裝飾品 幾適合同三五知己or一家大細尼食總括而言 Lava Java名

又搵到一間幾好坐嘅cafe啦，今日放工去搵朋友吹水，朋友就話呢間坐得舒服又寬躺，又勁近地鐵站，個大廈入口係匯豐銀行旁邊，唔使搵來搵去一上到去5樓轉左就已經見到間cafe啦,一入到去個地方都幾大，座位亦都算多，睇個餐牌啲嘢食都唔係好貴，我就叫咗個煙三文魚炒滑蛋吐司，個蛋炒得好滑，吐司亦都整得好脆口，炒蛋份量足料，食完成份都幾飽下我仲叫咗杯薄荷龍貓朱古力，一見到幅圖就一定要叫杯來影相呃下like先真係好得意啊，其實呢杯係朱古力嚟嘅，簡直靚得來又好飲，佢仲有好多公仔揀架，例如三眼仔............下次要試埋其他野飲先

工廈愈黎愈多美食，周不時都喺唔同嘅社交平台見到呢間cafe嘅可愛拉花圖案，非常吸睛，呃like一流。週六同男朋友去到觀塘試左佢地嘅晚餐 ~ 晚上六點左右去到，時間尚早，所以客人唔多。餐廳環境比想像中大，位置都唔少，同我地去開觀塘工廈嘅餐廳格局唔同。Lava Java空間感足，座位間唔會逼逼狹狹，裝潢簡單，以木枱木凳為主，燈光稍暗，坐得舒服。雖然一心為靚靚拉花而來，但都要醫肚，每位最低消費一杯飲品/一份食品，6pm前埋單免加一。餐單以西餐為主，有沙律、湯、小食、漢堡、三文治、意粉、飯、扒類，定價接近一般西餐廳。飲品方面有咖啡、冰沙、朱古力、抹茶、梳打、茶類，定價 $24-$48。另外提供10款晚市套餐，定價 $148 - $268，同單點嘅分別就主要係相差一份頭盤，我地怕煩，所以都係點套餐算，一人點一set，唔洗計來計去。套餐可選一款頭盤：羅宋湯、野菌忌廉湯、是日餐湯、一口法式田螺酥盒、日式芝麻汁田園沙律、煙三文魚凱撒沙律。煙三文魚凱撒沙律賣相都唔錯，煙三文魚擺盤通常都係砌成玫瑰花形。生菜都夠新鮮，三文魚唔會太鹹，頭盤黎講ok啦。一口法式田螺酥盒田螺酥盒有兩件，做成一口size，方便進食

近排一間大型連鎖店推出高級漢堡後漢堡熱就席捲香港, 所以今次我去到LAVA JAVA都點了一個漢堡餐, 想試下到底同外面既快餐店有咩唔同今次點左既係芝士漢堡配韓式烤肉汁又係極邪惡既芝士組合成個餐係有漢堡, 薯條同沙律芝士漢堡配韓式烤肉汁份漢堡既SIZE係都幾大下, 有成隻手掌咁大, 入面舊肉係激厚SIZE, 加埋多到滴出黎既芝士, 每一啖都有芝士流到台面上咁濟, 食到好滿足, 我覺得個韓式炸肉汁真係畫龍點晴, 因為佢可以令到個包唔會太DRY同令到個牛肉好似食緊烤肉一樣咁既味道!!薯條一出黎就熱辣辣咁, 明顯係新鮮炸出黎, 可能係因為人流多, 所以廚房都係KEEP住出新鮮炸既薯條, 薯條既特式係佢D味粉同其他餐廳既好唔同, 就算唔洗點醬都好好味!!沙律都係新鮮同份量都比較多!!不過我就覺得D佢比D醬比較少, 所以都問左佢添, 店員都好好人咁拎比我, 服務一流!!

搵開朋友，順便係觀塘食埋個lunch，見到附近依間LavaJavaCafe，好似唔錯咁就緊係9沖啦！開頭見到門口以為細細間，原來入面環境都好大下，仲要大大塊玻璃採光，勁舒服！佢lunch有十幾個lunch set揀，每個餐都有跟雞粒忌廉湯，仲有個餐包，好似好多野食咁。就揀左香煎豬扒配雜菌燒汁配飯，嘩，勁大塊豬扒，煎到岩岩好，外面脆卜卜，入面就仲keep住肉質細嫩，仲要配埋個勁重蘑菇味既燒汁，撈飯同就咁食都好正。😋😋😋😋😋另一個set係菠蘿蜜汁焗火腿配薯菜，火腿係厚切個隻，2大塊，好似好大份咁，夠晒味啖啖肉就真係好鬼滿足，佢係有少少偏咸，配埋個菠蘿蜜汁甜甜地，中和番佢個咸味，配合得剛剛好，同埋個汁好清新，好特別，好開胃。😍😍😍😍跟餐可以十幾蚊配杯勁得意既野品，單點要四十幾呀，跟餐抵好多，望見個拉花心情即時括然開朗☺️☺️☺️☺️☺️☺️☺️☺️成個lunch set 有湯有包有主菜仲要有埋杯特野，正！

同朋友係觀塘食飯，平時都係APM食算，今日俾朋友帶到工業區個邊食野，估唔到又唔錯Wor。呢間Cafe環境係幾日系簡約，感覺都幾舒服。我地叫左兩個Dinner set, 跟餐前菜有羅宋湯同埋一口法式田螺酥盒，先講羅宋湯，我幾鍾意呢個羅宋湯幾清，唔會有層油係上面，至於一口法式田螺酥盒都幾有特色，酥皮好酥脆，入面既田螺都幾大粒配埋芝士好香。 法式燒春雞 $206呢個絕對係驚喜之作，燒春雞既皮好薄脆，唔會有層油脂係上面，而且好香，而雞肉亦比想像中嫩滑，配菜係烤雜菜，一樣出色，真係幾正。安格斯肉眼扒  $268呢個扒我地要左5成熟，不過其實佢都6成熟架喇，好彩牛扒肉質都唔會好鞋，同埋都有肉汁，整體黎講不過不失。 餐飲朋友加錢要左Matcha Latte, 有個好可愛既青蛙係入面，係幾有心思既，同埋抹茶味都真係幾濃。

今日黎到觀塘區一個寧靜的小角度, 估唔到係商業大廈都可以食到甘出眾既西餐。Café裡好寛敞舒適, 環境都好優雅, 而且7:00晚飯時間都唔多人, 唔洗同人迫!頭盤先黎個法式田螺焗酥, 好食~焗酥仲要係岩岩焗完出爐,保證新鮮!! 之後仲有個野菌忌廉湯~忌廉湯配料好濃郁 飲落去茹味好濃好正~同朋友一人一半慢慢細嘗, 再配埋個法式小面包, 輕輕既一個頭盤都令我地胃口大開…主食叫左黑松露蘑菇闊條麵同安格斯牛排呢個黑松露蘑菇闊條麵食落口好creamy好香黑松露味,同埋闊條麵硬度岩岩好 食得出佢地相當有質素…安格斯牛排我就叫左5成熟, 入口好juicy好多汁, 肉質鮮甜同埋唔會好硬 而且配菜都好好味, 食得出佢地有用心烹調過所以食物…最後唔小得既 緊係甜點.. 因為我地好喜歡食綠茶, 就一置決定叫左綠茶紅豆芭菲啦~~~不過甜品有點過甜.. 如果可以淡返小小就成餐都好perfer啦~~~ 甜點賣相都好靚..食完個人都相當舒暢~

安格斯肉扒問左staff，唔係鐵板上，驚會太生，所以叫左七成熟，點知黎到，覺得又好似太熟，早知叫五成算。另外，太扒真係細左d，得成人手掌心咁大。味道肉質都ok既。韓式芝士漢堡個burger入面塊牛都幾厚，不過無咩驚喜，同快餐店新出既牛肉漢堡差唔多味。另外，個人黎講幾鍾意佢另上既泡菜，唔會太辣，又夠哂入味，不過呢d配菜得好小，哈哈，唔夠我食。仲有，厚切薯條無咩特別。個沙律都唔錯，個sauce加左柚子，食落幾fresh~墨汁意大利粉味道似薩*亞個墨汁意粉，不過呢個就濃味d，整體都唔錯，份量黎講都ok，我個女性朋友食完好飽，不過食完成個嘴黑哂~

觀塘工業區隱藏住好多好好味既Cafe就一早知架喇，所以係觀塘番工既我都好中意發掘下有咩好食。今晚Blue Monday，我就同朋友揀左呢間以木為主得Cafe，貪佢夠坐位寬敞，環境簡約舒適又唔會太嘈。 呢到係有Set Dinner既而且款式都唔少，我地最後就揀左軟殻蟹南瓜汁意大利飯同埋法式燒春雞。先黎頭盤係野菌忌廉湯同埋煙三文魚凱撒沙律，野菌忌廉湯有好香濃既野菌同黑松露味，又唔會太滯，岩晒我。而煙三文魚凱撒沙律既沙律菜都算新鮮既，不過份量就比較少，而煙三文魚就不過不失。 先黎第一個main 法式燒春雞 $206, 呢個燒春雞真係令我好Suprise，佢既雞皮燒到好薄脆，而雞肉就保持嫩滑，而且就算唔沾醬都好夠味。另外Sidedish 有唔烤菜，同樣好好味。 第二個main就係軟殻蟹南瓜汁意大利飯 $168, 呢個意大利飯既南瓜汁都好特別，甜甜地仲有少少甜咖哩既味道，而且飯既淋度岩岩好，至於軟殻蟹都係香脆。 野飲加錢要左Matcha Latte同埋Tootoro Chococaramel，一杯係三眼仔，一杯係唔記得個名，兩杯都好得意同埋好好飲，係有樣有質素既代表。

好耐無寫過食評白天上班夜晚上課實在累人啊！星期五仍要小OT，被帶到這間隱身的cafe據說很好食呢，有點期待地點都幾近地鐵站鱷魚恤大廈出口，直行見到匯豐就到啦門口比較細，容易錯過！一入去環境舒適，每張枱之間都留有空位cafe最緊要就唔好太逼如果唔係好容易變成旺角嘈吵cafe燈光、音樂的聲浪亦適中職員樣子親和、不催趕不過唯一可改善是幫客人倒水而且枱上支水太細一晚換4,5支，不是太方便自己倒亦變得不好意思倒太多我們點牛扒餐、和單點牛乾菌雞肉意大利飯套餐包括前菜和飲品前菜都有好幾款選擇決定要磨菇忌廉湯湯濃且足料、夠熱但不燙口，附送芝麻餐包有加熱如果枱面提供的是黑椒而不是普通白胡椒粉會更加好！另外份量兩個人share都可以上菜時間掌握得好好前菜收盤無耐就送上主菜店員細心問是否需要額外餐具分享加分！牛排生熟程度準確，無雪味有肉汁配自家製微暖黑椒汁更香加配薯條屬粗款香脆無油溢味好味不過最好食是意大利飯牛乾菌用得好好！！每一口都充滿菌香，不會被忌廉味搶走而覺得有少少膩，一讚！可惜，雞肉有點柴最後來杯咖啡，試試男朋友力薦招牌甜品 --布朗尼蛋糕有少小失望據說今晚的甜品水凖下降。整體環境舒適，食物味道好而

早晨起來吃個美好的早餐絶對能叫人醒晨百倍，但在週末的日子要早起也真不易，有見及此，把早餐的提供時間延後絶對是正的做法。單單只是賣相已叫人賞心悅目，鮮艷的顏色立時能叫人從睡夢中清醒過來，更讓人急不及待要嚐嚐食物的味道。頂層的黃醬咸咸的，配合蛋味很相溶。而最特別的是下面的波菜，有東方特色之餘又與這西方食品很配合。最底層的包也軟硬適中，不會太韌，可以容易地切開，然後與其他食物一起放入口中，一次享受不同食物的味道和質感。好的早餐能為新的一天作個好開始。

東西真心一般，甚至難吃！我第一次的評價也給了這間餐廳，而且有個優惠卷令人有誤導成份！！！$50off會給消費者誤會成50百分比優惠，加上要$180人平均一個人，十分五抵！吃安格斯牛扒好垃圾，還有焦味，三人吃了580元，但實在很不滿意，很厄人的餐廳！第二次來吃都十分很不滿意！黑松露闊條麵好難食，像忌廉汁混合在一起難以吞嚥，有反胃感，不知道好評點樣來，是打手嘛？市面上大把餐廳比他好，很中肯的評論，不要上當。

We saw the advertisement in camel building lobby and we decided to give it a try. The resturant is located in a modernly decorated office building while there are window seats. We are so happy to be in this comfy environment.The set include soup and hot drinks while latte/ cappuccino will be half priced ($15). The soup is average. I ate burger with french fries. The burger is not juicy and I can make one better than theirs. The french fries are not crispy, actually it is a bit cold. My fri

平時每日返工都好大壓力， 一放工就想約朋友揾到舒適既地方relax下， 好朋友話帶我去個新地方食下飯，傾下計互吐苦水餐廳位置好近地鐵站，交通十分方便，而餐廳不是在舊的工廠大廈內，感覺良好一進入餐廳感覺十分舒趟，有放蛋糕的雪櫃，閒時來喝杯咖啡也很不錯周打魚忌廉湯雖是忌廉湯但不算太creamy, 本身也不太喜歡太杰的湯，味道尚算不錯牛肝菌意大利飯配燒雞 $138雞塊十分脆口，而仍然可以keep得肉質十分嫩滑，意大利飯一向比較硬，飯十分濃味，果然選擇沒錯火山熔岩蛋糕 $52暖暖的心太軟，一切開就朱古力醬湧出黎，味道剛好，不會過甜龍貓朱古力 $36最愛呢款熱飲， 靚到唔捨得攪勻，味道十分可口的朱古力味