Mo Mo Kushiage (已結業)

相約前同事一齊晚飯🥣吹吹水⋯⋯朋友間唔中都要聯誼下！噓寒問暖一番🥰飲下酒食下串燒！最啱就係居酒屋啦⋯⋯呢間餐廳係朋友極力推介！食物質素非常好👍⋯⋯服務質素超好！🍺🍺Mo Mo Kushiage🍡🍢燒鱈魚干烤得非常香脆，每一片都香脆可口！佐酒小吃配黑啤一流⋯⋯生蠔🦪來自日本🇯🇵北海道仙鳳趾蠔超級鮮甜！肉質肥厚，被譽為海中牛奶！質地滑口😋超大隻！好滿足😍蝦餅蝦餅非常有彈性，非常鮮甜！頂層仲鋪咗三文魚籽😋增加滋味！必食！👍雞肉棒雞肉棒附上生雞蛋和醬汁！雞肉棒加了點雞軟骨增加咬口，加上特製的醬汁！層次豐富！黑豚豬黑豚豬來自西班牙🇪🇸又稱黑豚豬第一刀！來自豬頸的第一刀！肉質相當柔嫩！近乎入口即溶⋯⋯味道鮮美⋯⋯師傅🙆‍♀️拿捏得好好中間仲帶點粉紅色！蘆筍口感爽脆清甜！用傳銷嘅形式原來都好好味😋我們居酒屋點少得啤酒呢！我點了三得利嘅生黑啤！飲完一杯又一杯！🥰🙆‍♀️串燒配啤酒超夾😉⋯⋯

好想好想好想食日本野，但唔想再悶悶的只係食壽司於是 就試下呢間 專門食關西名物-串揚的居酒屋 ！食串揚之前，我地都叫左啲好好好正既野！就係 北海道 仙鳳趾生蠔 一上枱 我地就忍唔住哇哇聲 每隻蠔都好肥美 閃閃發光配左微辣的蘿蔔蓉 入口味道層次豐富，而且很鮮甜 亦有海水味的AFTERTASTE買三送一是非常抵食熱氣的炸物之前 叫定啲野飲我就點左柚子梅酒 朋友就點左黑啤偷左少少朋友的黑啤試下我都幾鍾意 比平時生啤更醇厚的味道而梅酒 個人就會喜歡純梅酒多啲到最期待的串揚了！！！！多款串揚入面 我地最鍾意係串揚日本冬菇，串揚帶子三文魚籽睇圖都見到個皮係炸得好薄好脆想講的是，真正食落口 係更過之而無不及比日本當地食的 更出色！而且，冬菇係仲係好JUICY 好多汁 味道很香很濃帶子三文魚籽亦係好出色魚籽逐粒咬落係卜卜聲響，帶子亦都甜甜的味道湧出非常NICE最後，點了黑松露錫紙牛油焗雜菇用來下下熱氣的食落松露味不算太濃烈有點像走到了燒烤時，吃的烤菇，挻有風味

今日約了朋友吃飯，餐廳位於尖沙咀美食街—厚福街的一間樓上鋪。餐廳有不同的午市套餐，亦有不少其他單點之選。凍豆腐配了海膽醬，亦有薑蓉和香蔥，將味道提升。唐揚雞翼脆卜卜，十分香口。免治雞肉棒的粉漿夠薄，外脆内口感十足，配蛋黃醬汁，味道豐富。黑豚豬部位矜貴，亦是皮香脆，肉嫩口。串揚海鮮定食有幾款不同的串燒，帶子起絲，蟹捧香濃，鯡魚子昆布口感豐富。鰻魚定食亦沒有失色，十分肥美，肉質香滑。套餐亦配有前菜、湯和小食等。餐廳是近期吃過相當有特色的一間。

今天是我們的紀念日，老公特意安排我最喜愛的日式美食，還好今天不是假期，午飯時間並不多人，可以和老公慢慢享受。這裏有很多sake 選擇，但下午我們不想喝酒，所以我們叫了一杯比較清甜的柚子梅酒。先來一客刺身五點定食，這裏有我最喜愛吃的三文魚及老公最愛吃的長腳蟹腳，配上他們自家製的壽司豉油，吃上去十分新鮮。老公則點了鹽燒牛小排定食，五成熟剛剛好，煙韌有咬口。之前在日本曾吃到池魚，但很多日本餐廳都沒有這道菜，難得這裏有所以我們也點了一份試吃，結果味道真如日本吃的一樣。這款雞肉棒比較特別，塗上生雞蛋與特製豉油，香脆可口吃不到生蝦的我老公特地點了一份炸大虎蝦給我吃，炸得很均勻，炸完後也感受到蝦的鮮味。黑豚豬第一刀，我在網上看到很多人說必點的，侍應說這裏是豬的十分罕見部位，真的與侍應說的一樣柔軟鬆脆，豬味濃郁。最後是一道燒白鱔，也是炸得十分香脆，尤其是那塊魚皮炸得如脆片一樣。非常好的體驗，下次與朋友午飯會相約再過來

又要用和食以解思鄉之情，這裡以串炸作招牌，讓區區懷念一下關西風情。太座點了杯乳酸梳打，清爽醒胃。蕃薯燒酒喝下香甜柔滑。兩道小食各具特色。枝豆熱辣奉上，輕輕洒上鹽粒，咬下結實。炸雞翼皮脆肉嫩，加上甜醬油，上佳下酒菜。先來串炸午膳定食，雞肉串炸伴上不同醬汁，其中wasabi mayo和明太子風味都十分突出，雞肉保持軟嫩，加上功夫小菜南瓜沙律，大推。另追加的串炸，表面薄脆毫不油膩，蓮藕保持爽口，豬肉卷肉汁豐富，加上蔥段清香，不遜大阪當地專門店。非串炸食物同樣出色，豚肉生薑燒香甜入味。價錢合理，可bookmark。

今日來到一間位於尖沙咀嘅日式燒烤店環境裝修都好有日本嘅感覺～「前菜 $28」甘筍／沙角／青瓜條旁邊嘅係芝麻味噌醬同甜辣醬個人比較喜歡甜辣醬，甜甜辣辣好開胃「秘製海膽醬凍豆腐 $58」海膽醬沾上豆味濃郁且嫩滑嘅凍豆腐味道有啲似剛剛嘅甜辣醬添加咗海膽嘅味道食落幾有鮮味，一啲都唔腥「沖繩苦瓜刺身沙律 $88」沖繩苦瓜味不但止唔苦，而且甘甜仲有新鮮三文魚刺身同埋蕃茄仔加埋旁邊嘅酸汁撈埋一齊食清爽飽足又健康「北海道粒貝 $328」侍應同我哋推介依家食粒貝正係時候，即叫即開據說只有少數嘅高級日本餐廳先會以刺身方式處理一般都係用來燒烤果然無介紹錯，口感味道爽甜，鮮味無比唔添加豉油wasabi更能食出原有嘅鮮味【炸物】每款炸物咬落去都係熱辣辣，外皮香脆「日本蠔 $29／串」 裡頭係肥美飽滿嘅蠔，蠔味濃郁而唔腥「茄子 $14／串」茄子依然保持濕潤「蝦肉釀茄子 $19／串」「蝦肉釀青椒 $19／串」「年糕 $14／串」口感煙靭，好似食緊麻薯咁～「芝士三文魚親子串 $34／串」熟成嘅三文魚肉加上爆汁嘅三文魚籽，美味！「帶子三文魚籽 $49／串」個人認為呢個係必點！上面嘅係沙律醬，蛋，蘿蔔漬製成嘅沙律下面嘅帶

星期日同老婆行完The One就走到厚福街上了这间日式居酒屋吃午餐。先叫了三得利黑啤($68)和柚子梅酒($65)。黑啤几好饮，味道同三得利生啤唔同，不错。柚子梅洒梅味较出但仍然饮到轻轻的柚子味。佐洒的我们点了西班牙黑毛猪肋肉($188)：好香口，肉质嫩，好有黑毛猪的肉味，好正。另外叫了盐烧牛舌($68串)：牛舌是够厚，店员说是牛舌最中间的部分，怪不得够弹牙，又够牛味。好食。炸冲绳苦瓜酿虾肉($38串)：虾肉弹牙好味中和了苦瓜的苦涩味。主食要了两个定食，刺生五点定食($238)和串扬海鲜定食($148)。刺生定食惊喜的是有天使虾，虾肉鲜甜弹牙，回味非常。仲有松叶蟹脚，勾起在北海道旅游的时候，好正。串扬定食的松叶蟹脚是炸的，一次有两种口味。这定食仲有炸飞鱼子和凡立贝，食材高贵又好味。

有史以來最豪爽嘅一次，你望吓我啲相你就知幾咁闊佬。我覺得喺呢度食嘢，就好似廚師發板咁，侍應好細心咁介紹菜式俾我哋，食完之後唔夠又可以繼續問意見，雖然咁樣會食得好多，但係咁好食唔緊要啦。全部野我都係拍心口保證係好正嘅，等我一次過話你知我食左啲乜野。前菜秋刀魚刺身三點刺身拼盤秘製海膽醬凍豆腐淺澗梅酒黑白啤黑松露牛油錫紙焗雜菇炸白子蝦肉釀青椒芝士安格斯牛柳洋葱仔炸午餐肉西班牙黑毛豚肉豬肋條關東煮（五款）見到個清單你係咪都食指大動呢，全部野好新鮮，我特別鍾意嘅係刺身，果一隻藍天使蝦，係我食過咁多刺身以來，最值得食嘅。大家唔好錯過！

提起尖沙咀就一定諗起食街-厚福街，無論街舖或是樓上店都是食肆，睇到人眼花撩亂，今日就同老婆去了其中一間日式炸物店食午餐。枝豆：叫了個枝豆送酒，真係食唔停口。炸午餐肉：午餐肉就由細食到大，但吉列版就第一次試，外脆肉腍，點一點紅酒酸汁更惹味。日本蠔：蠔肉大隻鮮甜，而且完全不乾身，蠔味濃郁，滿口蠔鮮味。串揚海鮮定食：定食十分豐富，海鮮有帶子、蟹腳、鯡魚子昆布，全部炸至金黃色，表面吉列炸漿脆口，即使放了一陣都依然保持香脆。另外還有烏冬、前菜及麵豉湯。炸帶子：鮮嫩無渣，外脆內嫩，十分juicy。炸蟹腳：鮮甜有海水咸味。鯡魚子昆布：一咬入口滿口脆卜卜的魚子鮮，好似成千上萬的魚子湧入口般。食炸物點都要配返支Sake，非常易入口，帶點花香。

香港做串揚的居酒屋不多，其中一間就在尖沙咀厚福街。居酒屋全淺木色設計，簡約舒適。坐低後，發現附近有枱日本人在聊天進餐。啊，日本人也來吃耶！有保證！😂經店員熱情介紹，我和朋友點了兩個定食加配兩款小食，再加兩款串揚😋。來到居酒屋，還要吃串揚，當然要喝點酒啦😊。飲品有買一送一😍。‖ 京姬柚子梅 及 京姬柚子檸檬 ($65) ‖兩杯都清爽酸甜醇美，非常易入口。我更喜歡柚子梅，喜歡梅酒那股清清甜甜味道，配合柚子天衣無縫☺️。店員先送上午市套餐加配的兩款小食。‖ 芝士魚餅 ($28) ‖好好味😍。魚餅煎得很美，金黃色的外表，口感軟彈，有香濃魚味，和夾在其中的芝士很夾，芝士呈半溶狀態，芝味濃郁🤤。‖ 日式海膽醬凍豆腐 ($28) ‖凍豆腐十分幼滑，配著海膽醬和蔥花，清新味美😋。‖ 串揚海鮮定食 ($158) ‖定食包含泡菜、南瓜沙律和湯，白飯可改茶漬飯/烏冬/冷或熱喬麥麵。要特別說說南瓜沙律，好味😍。南瓜軟綿細滑香甜，夾有腰果、杏仁、青瓜、雞蛋，讓我們一啖一啖食個不停。串揚海鮮分別有蟹腳、帶子和鯡魚籽昆布。這裡的串揚做得很出色☺️。炸粉脆薄，層次分明地包覆裡面熱辣濕軟的海鮮。兩者緊貼但又不會黏著一團，外

厚福街有好多嘢食，今次去咗樓上鋪，果然抵食。串揚海鮮定食定食包括五件炸物、泡菜、南瓜沙律，麵豉湯。其中南瓜沙律又甜又配襯了許多口感的蔬菜，好好味😋炸物有帶子，一咬下去發現裏面是非常新鮮多汁的帶子，讚！黑松露牛油錫紙焗雜菇這個菜式經常吃，今次黑松露好有誠意，因為混合埋白松露，效果就更加好，香氣四溢，吃起來又出奇地入味。高水平！鹽燒牛舌串用牛舌中心部份，所以沒有根，好爽好滑，鹽燒得好惹味。蝦肉釀沖繩苦瓜我覺得呢個組合真係攞滿分，蝦肉彈牙爽滑，加上苦瓜可以中和他的油膩感，一咬下去苦瓜竟然多汁，而且爽脆。芝士安格斯牛柳安格斯牛柳愛包着芝士，牛柳卻笑得大約五成熟，所以內裏很亂畫。京姬柚子梅不太甜柚子味龍梅酒味重，抵飲。

今日和女朋友行尖沙咀，因晚上要去上堂，所以五點左右就去食晚餐。然後在Openrice找到間樓上日本餐廳Mo Mo Kushiage，相片和評價都很好，所以就去試一試。然後一來就點了份冷物，海膽醬凍豆腐和三文魚刺身。凍豆腐上面鋪左點蔥花，薑蓉和海膽醬，清清的滑豆腐配合自制醬汁，感覺很fresh，很夾。然後三文魚就很鮮，刺身一流。然後和女朋友各點了份定食，佢黠份海鮮炸物，而我則是雞肉串揚。份量很多，有南瓜蓉加果仁，開胃小點，味噌湯，蕎麥麵和雞肉串燒。菜式十分豐富，而且每款醬汁都不同，沒有復，餐廳真的很細心。女友食得很開心，於是再點多少少野食，三文魚子蝦餅和三文魚子炸帶子。未食野外貌已經很吸引，打卡一流。炸帶子外有苦瓜包住，不苦，反而配少少的青澀感，去炸物的油膩，突出海鮮的味道，反而好Match.最後試了份餐廳的新款菜式，鹽燒白鱔，白鱔一向就很香味道很濃郁，厚身外皮炸到香脆，有點似魚皮感覺，但鱔魚味道更突出，外皮焦糖皮更可口，很特別。最後，女友當然好滿足,亦沒有詐型不陪佢。睇下以後應該好大機會要破費再來吃一次其他菜式。不知是好是壞。但今餐真的很滿足，大飽口腹。

今日lunch同frd黎厚福街揾食，見呢間食比較少見既串揚，就入黎試下！叫左兩個set同小食串揚牛肉定食（$128）好精緻，跟麵豉湯、泡菜、白飯同南瓜沙律，配菜黎講都幾豐富，同埋我要讚讚個南瓜沙律，加左洋蔥，南瓜好香甜，一齊食好開胃美味！至於主角串揚牛肉都幾出色，外皮好脆但入面口感仲鬆軟同juicy🤩 咖哩豬扒吉列定食（$88）同樣有咁多配料，好鐘意個日式咖喱，好香甜，配飯超好味！個吉列豬扒炸粉都適中，食到啖啖肉仲叫左其他串揚同小食試下，個人好鐘意右邊既山藥串揚，知唔到做串揚都好好食，口感好爽脆，味道清新另外荷蘭豚肉卷都好惹味

疫情過左咁耐...真係好掛住日本，所以就搵左依間細細地，但幾有日本感覺既餐廳搵食，服務態度一流，真係好似係日本咁😍😍先係前菜，簡簡單單既蔬菜配上美味醬汁，真係有啲停唔到口，好想問店員添加多一份😂😂，醬汁有兩款，一款係芝麻醬，一款就好似北京填鴨既甜麵醬，配上新鮮蔬菜真係好開胃。食得日本野，一定要叫刺身食啦，三文魚腩、天使蝦、松葉蟹腳，今次真係要特別介紹返「天使蝦」真係太好食，肉質夠晒爽口彈牙，而且味道鮮甜，夠晒大隻，一放入口，真係讚不絕口，好想食多幾隻呀☺️今次仲食左個秋刀魚刺身，相信食過秋刀魚既你地都知，其實秋刀魚都幾腥，所以做刺身既話，真係唔容易呀，不過今次食秋刀魚刺身就唔係好腥(本身我都食到魚腥，唔鐘意魚腥既你就最好考慮清楚😉)，配埋餐廳自製既醬汁，更加帶出秋刀魚既鮮甜啦，比手指👍🏼餐廳各式各樣既串燒都好吸引，我就食左燒洋蔥串、燒午餐肉、仲有芝士燒牛肉，所有燒物配上自家製紅酒酸汁，香脆而不膩，正😋舒舒服服又開開心心咁享受完一餐日本料理，回味回味，推介👍🏼

這間位於尖沙的炸物店，午市時間有定食供應外，亦都有散叫炸物及刺身等。我們先點了支鏡山千秋龍脈純米大吟釀，入口帶點茉莉花香，味道淡雅清爽。日式海膽醬凍豆腐先點了個前菜，豆腐嫩滑，加上海膽醬的鮮甜濃郁，令平平無期的豆腐增添不少色彩。豚肉生薑燒午市定食都很豐富，有酸酸辣辣的泡菜；香甜的南瓜沙律；麵豉湯；豚肉用了洋葱爆炒，送飯一流。蝦肉釀青椒&天使蝦炸物外層炸漿很薄，炸至金黃香脆，蝦膠彈牙。天使蝦新鮮爽口，蝦頭鮮甜帶點蝦膏。配以紅酒酸汁可減輕油膩感。